7. அபி⁴ஞ்ஞேய்யாதி³வாரோ

1030. பஞ்சன்னம் க²ந்தா⁴னம் கதி அபி⁴ஞ்ஞேய்யா, கதி பரிஞ்ஞேய்யா, கதி பஹாதப்³பா³, கதி பா⁴வேதப்³பா³, கதி ஸச்சி²காதப்³பா³, கதி ந பஹாதப்³பா³, ந பா⁴வேதப்³பா³, ந ஸச்சி²காதப்³பா³…பே… ஸத்தன்னம் சித்தானம் கதி அபி⁴ஞ்ஞேய்யா, கதி பரிஞ்ஞேய்யா, கதி பஹாதப்³பா³, கதி பா⁴வேதப்³பா³, கதி ஸச்சி²காதப்³பா³, கதி ந பஹாதப்³பா³ ந பா⁴வேதப்³பா³ ந ஸச்சி²காதப்³பா³?

1031. ரூபக்க²ந்தோ⁴ அபி⁴ஞ்ஞேய்யோ பரிஞ்ஞேய்யோ ந பஹாதப்³போ³ ந பா⁴வேதப்³போ³ ந ஸச்சி²காதப்³போ³. சத்தாரோ க²ந்தா⁴ அபி⁴ஞ்ஞேய்யா பரிஞ்ஞேய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

த³ஸாயதனா அபி⁴ஞ்ஞேய்யா பரிஞ்ஞேய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. த்³வே ஆயதனா அபி⁴ஞ்ஞேய்யா பரிஞ்ஞேய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

ஸோளஸ தா⁴துயோ அபி⁴ஞ்ஞேய்யா பரிஞ்ஞேய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. த்³வே தா⁴துயோ அபி⁴ஞ்ஞேய்யா பரிஞ்ஞேய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

ஸமுத³யஸச்சம் அபி⁴ஞ்ஞேய்யம் பரிஞ்ஞேய்யம் பஹாதப்³ப³ம் ந பா⁴வேதப்³ப³ம் ந ஸச்சி²காதப்³ப³ம். மக்³க³ஸச்சம் அபி⁴ஞ்ஞேய்யம் பரிஞ்ஞேய்யம் ந பஹாதப்³ப³ம் பா⁴வேதப்³ப³ம் ந ஸச்சி²காதப்³ப³ம். நிரோத⁴ஸச்சம் அபி⁴ஞ்ஞேய்யம் பரிஞ்ஞேய்யம் ந பஹாதப்³ப³ம் ந பா⁴வேதப்³ப³ம் ஸச்சி²காதப்³ப³ம். து³க்க²ஸச்சம் அபி⁴ஞ்ஞேய்யம் பரிஞ்ஞேய்யம், ஸியா பஹாதப்³ப³ம், ந பா⁴வேதப்³ப³ம், ந ஸச்சி²காதப்³ப³ம், ஸியா ந பஹாதப்³ப³ம்.

நவிந்த்³ரியா அபி⁴ஞ்ஞேய்யா பரிஞ்ஞேய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. தோ³மனஸ்ஸிந்த்³ரியம் அபி⁴ஞ்ஞேய்யம் பரிஞ்ஞேய்யம் பஹாதப்³ப³ம் ந பா⁴வேதப்³ப³ம் ந ஸச்சி²காதப்³ப³ம். அனஞ்ஞாதஞ்ஞஸ்ஸாமீதிந்த்³ரியம் அபி⁴ஞ்ஞேய்யம் பரிஞ்ஞேய்யம் ந பஹாதப்³ப³ம் பா⁴வேதப்³ப³ம் ந ஸச்சி²காதப்³ப³ம். அஞ்ஞிந்த்³ரியம் அபி⁴ஞ்ஞேய்யம் பரிஞ்ஞேய்யம் ந பஹாதப்³ப³ம், ஸியா பா⁴வேதப்³ப³ம், ஸியா ஸச்சி²காதப்³ப³ம். அஞ்ஞாதாவிந்த்³ரியம் அபி⁴ஞ்ஞேய்யம் பரிஞ்ஞேய்யம் ந பஹாதப்³ப³ம் ந பா⁴வேதப்³ப³ம் ஸச்சி²காதப்³ப³ம். தீணிந்த்³ரியா அபி⁴ஞ்ஞேய்யா பரிஞ்ஞேய்யா ந பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பா⁴வேதப்³பா³, ஸச்சி²காதப்³பா³. ச² இந்த்³ரியா அபி⁴ஞ்ஞேய்யா பரிஞ்ஞேய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

தயோ அகுஸலஹேதூ அபி⁴ஞ்ஞேய்யா பரிஞ்ஞேய்யா பஹாதப்³பா³ ந பா⁴வேதப்³பா³ ந ஸச்சி²காதப்³பா³. தயோ குஸலஹேதூ அபி⁴ஞ்ஞேய்யா பரிஞ்ஞேய்யா ந பஹாதப்³பா³, ஸியா பா⁴வேதப்³பா³, ந ஸச்சி²காதப்³பா³, ஸியா ந பா⁴வேதப்³பா³. தயோ அப்³யாகதஹேதூ அபி⁴ஞ்ஞேய்யா பரிஞ்ஞேய்யா ந பஹாதப்³பா³ ந பா⁴வேதப்³பா³, ஸியா ஸச்சி²காதப்³பா³, ஸியா ந ஸச்சி²காதப்³பா³.

கப³ளீகாரோ ஆஹாரோ அபி⁴ஞ்ஞேய்யோ பரிஞ்ஞேய்யோ ந பஹாதப்³போ³ ந பா⁴வேதப்³போ³ ந ஸச்சி²காதப்³போ³. தயோ ஆஹாரா அபி⁴ஞ்ஞேய்யா பரிஞ்ஞேய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.

ச² ப²ஸ்ஸா அபி⁴ஞ்ஞேய்யா பரிஞ்ஞேய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. மனோவிஞ்ஞாணதா⁴துஸம்ப²ஸ்ஸோ அபி⁴ஞ்ஞேய்யோ பரிஞ்ஞேய்யோ, ஸியா பஹாதப்³போ³, ஸியா பா⁴வேதப்³போ³, ஸியா ஸச்சி²காதப்³போ³, ஸியா ந பஹாதப்³போ³ ந பா⁴வேதப்³போ³ ந ஸச்சி²காதப்³போ³.

ச² வேத³னா…பே… ச² ஸஞ்ஞா… ச² சேதனா… ச² சித்தா அபி⁴ஞ்ஞேய்யா பரிஞ்ஞேய்யா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³. மனோவிஞ்ஞாணதா⁴து அபி⁴ஞ்ஞேய்யா பரிஞ்ஞேய்யா, ஸியா பஹாதப்³பா³, ஸியா பா⁴வேதப்³பா³, ஸியா ஸச்சி²காதப்³பா³, ஸியா ந பஹாதப்³பா³ ந பா⁴வேதப்³பா³ ந ஸச்சி²காதப்³பா³.