4. உபாதி³ன்னத்திகம்

1041. பஞ்சன்னம் க²ந்தா⁴னம் கதி உபாதி³ன்னுபாதா³னியா, கதி அனுபாதி³ன்னுபாதா³னியா, கதி அனுபாதி³ன்னஅனுபாதா³னியா…பே… ஸத்தன்னம் சித்தானம் கதி உபாதி³ன்னுபாதா³னியா, கதி அனுபாதி³ன்னுபாதா³னியா, கதி அனுபாதி³ன்னஅனுபாதா³னியா?

ரூபக்க²ந்தோ⁴ ஸியா உபாதி³ன்னுபாதா³னியோ, ஸியா அனுபாதி³ன்னுபாதா³னியோ 4. சத்தாரோ க²ந்தா⁴ ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

பஞ்சாயதனா உபாதி³ன்னுபாதா³னியா. ஸத்³தா³யதனம் அனுபாதி³ன்னுபாதா³னியம். சத்தாரோ ஆயதனா ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா. த்³வாயதனா ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

த³ஸ தா⁴துயோ உபாதி³ன்னுபாதா³னியா. ஸத்³த³தா⁴து அனுபாதி³ன்னுபாதா³னியா. பஞ்ச தா⁴துயோ ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா. த்³வே தா⁴துயோ ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

ஸமுத³யஸச்சம் அனுபாதி³ன்னுபாதா³னியம். த்³வே ஸச்சா அனுபாதி³ன்னஅனுபாதா³னியா. து³க்க²ஸச்சம் ஸியா உபாதி³ன்னுபாதா³னியம், ஸியா அனுபாதி³ன்னுபாதா³னியம்.

நவிந்த்³ரியா உபாதி³ன்னுபாதா³னியா. தோ³மனஸ்ஸிந்த்³ரியம் அனுபாதி³ன்னுபாதா³னியம். தீணிந்த்³ரியா அனுபாதி³ன்னஅனுபாதா³னியா. நவிந்த்³ரியா ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா. தயோ அகுஸலஹேதூ அனுபாதி³ன்னுபாதா³னியா. தயோ குஸலஹேதூ ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா. தயோ அப்³யாகதஹேதூ ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

கப³ளீகாரோ ஆஹாரோ ஸியா உபாதி³ன்னுபாதா³னியோ, ஸியா அனுபாதி³ன்னுபாதா³னியோ. தயோ ஆஹாரா ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.

பஞ்ச ப²ஸ்ஸா உபாதி³ன்னுபாதா³னியா. மனோதா⁴துஸம்ப²ஸ்ஸோ ஸியா உபாதி³ன்னுபாதா³னியோ, ஸியா அனுபாதி³ன்னுபாதா³னியோ. மனோவிஞ்ஞாணதா⁴துஸம்ப²ஸ்ஸோ ஸியா உபாதி³ன்னுபாதா³னியோ, ஸியா அனுபாதி³ன்னுபாதா³னியோ, ஸியா அனுபாதி³ன்னஅனுபாதா³னியோ. பஞ்ச வேத³னா… பஞ்ச ஸஞ்ஞா… பஞ்ச சேதனா… பஞ்ச சித்தா உபாதி³ன்னுபாதா³னியா. மனோதா⁴து ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா. மனோவிஞ்ஞாணதா⁴து ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா, ஸியா அனுபாதி³ன்னஅனுபாதா³னியா.