1. குஸலத்திகம்

1038. பஞ்சன்னம் க²ந்தா⁴னம் கதி குஸலா, கதி அகுஸலா, கதி அப்³யாகதா…பே… ஸத்தன்னம் சித்தானம் கதி குஸலா, கதி அகுஸலா, கதி அப்³யாகதா?

ரூபக்க²ந்தோ⁴ அப்³யாகதோ. சத்தாரோ க²ந்தா⁴ ஸியா குஸலா, ஸியா அகுஸலா, ஸியா அப்³யாகதா. த³ஸாயதனா அப்³யாகதா. த்³வாயதனா ஸியா குஸலா, ஸியா அகுஸலா, ஸியா அப்³யாகதா. ஸோளஸ தா⁴துயோ அப்³யாகதா. த்³வே தா⁴துயோ ஸியா குஸலா, ஸியா அகுஸலா, ஸியா அப்³யாகதா. ஸமுத³யஸச்சம் அகுஸலம். மக்³க³ஸச்சம் குஸலம். நிரோத⁴ஸச்சம் அப்³யாகதம். து³க்க²ஸச்சம் ஸியா குஸலம், ஸியா அகுஸலம், ஸியா அப்³யாகதம்.

த³ஸிந்த்³ரியா அப்³யாகதா. தோ³மனஸ்ஸிந்த்³ரியம் அகுஸலம். அனஞ்ஞாதஞ்ஞஸ்ஸாமீதிந்த்³ரியம் குஸலம். சத்தாரிந்த்³ரியா ஸியா குஸலா, ஸியா அப்³யாகதா. ச² இந்த்³ரியா ஸியா குஸலா, ஸியா அகுஸலா, ஸியா அப்³யாகதா.

தயோ குஸலஹேதூ குஸலா. தயோ அகுஸலஹேதூ அகுஸலா. தயோ அப்³யாகதஹேதூ அப்³யாகதா. கப³ளீகாரோ ஆஹாரோ அப்³யாகதோ. தயோ ஆஹாரா ஸியா குஸலா, ஸியா அகுஸலா, ஸியா அப்³யாகதா. ச² ப²ஸ்ஸா அப்³யாகதா. மனோவிஞ்ஞாணதா⁴துஸம்ப²ஸ்ஸோ ஸியா குஸலோ, ஸியா அகுஸலோ, ஸியா அப்³யாகதோ. ச² வேத³னா… ச² ஸஞ்ஞா… ச² சேதனா… ச² சித்தா அப்³யாகதா. மனோவிஞ்ஞாணதா⁴து ஸியா குஸலா, ஸியா அகுஸலா, ஸியா அப்³யாகதா.