1. விப⁴ங்க³வாரோ

ஹேதுபச்சயோ

70. நோசித்தோ த⁴ம்மோ நோசித்தஸ்ஸ த⁴ம்மஸ்ஸ ஹேதுபச்சயேன பச்சயோ – நோசித்தா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

நோசித்தோ த⁴ம்மோ சித்தஸ்ஸ த⁴ம்மஸ்ஸ ஹேதுபச்சயேன பச்சயோ – நோசித்தா ஹேதூ சித்தஸ்ஸ ஹேதுபச்சயேன பச்சயோ; படிஸந்தி⁴க்க²ணே…பே…. (2)

நோசித்தோ த⁴ம்மோ சித்தஸ்ஸ ச நோசித்தஸ்ஸ ச த⁴ம்மஸ்ஸ ஹேதுபச்சயேன பச்சயோ – நோசித்தா ஹேதூ ஸம்பயுத்தகானம் க²ந்தா⁴னம் சித்தஸ்ஸ ச சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (3)

ஆரம்மணபச்சயோ

71. சித்தோ த⁴ம்மோ சித்தஸ்ஸ த⁴ம்மஸ்ஸ ஆரம்மணபச்சயேன பச்சயோ – சித்தம் ஆரப்³ப⁴ சித்தம் உப்பஜ்ஜதி. (மூலம் காதப்³ப³ம்) சித்தம் ஆரப்³ப⁴ நோசித்தா க²ந்தா⁴ உப்பஜ்ஜந்தி. (மூலம் காதப்³ப³ம்) சித்தம் ஆரப்³ப⁴ சித்தஞ்ச ஸம்பயுத்தகா ச க²ந்தா⁴ உப்பஜ்ஜந்தி. (3)

72. நோசித்தோ த⁴ம்மோ நோசித்தஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம்…பே… உபோஸத²கம்மம் கத்வா தம் பச்சவேக்க²தி அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி, புப்³பே³ ஸுசிண்ணானி…பே… ஜா²னா வுட்ட²ஹித்வா ஜா²னம்…பே… அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம் பச்சவேக்க²ந்தி, நிப்³பா³னம் பச்சவேக்க²ந்தி. நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; அரியா நோசித்தே பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி, சக்கு²ம்…பே… வத்து²ம் நோசித்தே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. சேதோபரியஞாணேன நோசித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனம்…பே… ஆகிஞ்சஞ்ஞாயதனம்…பே… ரூபாயதனம் சக்கு²விஞ்ஞாணஸஹக³தானம் க²ந்தா⁴னம்…பே… போ²ட்ட²ப்³பா³யதனம் காயவிஞ்ஞாணஸஹக³தானம் க²ந்தா⁴னம்…பே… நோசித்தா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

நோசித்தோ த⁴ம்மோ சித்தஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா…பே… (பட²மக³மனஸதி³ஸம் நின்னானாகரணம், இமம் நானம்) ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… நோசித்தா க²ந்தா⁴ இத்³தி⁴வித⁴ஞாணஸ்ஸ…பே… ஆவஜ்ஜனாய ஆரம்மணபச்சயேன பச்சயோ. (2)

நோசித்தோ த⁴ம்மோ சித்தஸ்ஸ ச நோசித்தஸ்ஸ ச த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா…பே… (பட²மக³மனஸதி³ஸம் நின்னானாகரணம், இமம் நானம்), ரூபாயதனம் சக்கு²விஞ்ஞாணஸ்ஸ ஸம்பயுத்தகானஞ்ச க²ந்தா⁴னம்…பே… போ²ட்ட²ப்³பா³யதனம் காயவிஞ்ஞாணஸ்ஸ ஸம்பயுத்தகானஞ்ச க²ந்தா⁴னம்…பே… நோசித்தா க²ந்தா⁴ இத்³தி⁴வித⁴ஞாணஸ்ஸ…பே… ஆவஜ்ஜனாய ஆரம்மணபச்சயேன பச்சயோ. (3)

சித்தோ ச நோசித்தோ ச த⁴ம்மா சித்தஸ்ஸ த⁴ம்மஸ்ஸ ஆரம்மணபச்சயேன பச்சயோ – சித்தஞ்ச ஸம்பயுத்தகே ச க²ந்தே⁴ ஆரப்³ப⁴ சித்தம் உப்பஜ்ஜதி… தீணி.

அதி⁴பதிபச்சயோ

73. சித்தோ த⁴ம்மோ சித்தஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – சித்தம் க³ரும் கத்வா சித்தம் உப்பஜ்ஜதி. (1)

சித்தோ த⁴ம்மோ நோசித்தஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – சித்தம் க³ரும் கத்வா நோசித்தா க²ந்தா⁴ உப்பஜ்ஜந்தி. ஸஹஜாதாதி⁴பதி – சித்தாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (2)

சித்தோ த⁴ம்மோ சித்தஸ்ஸ ச நோசித்தஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – சித்தம் க³ரும் கத்வா சித்தஞ்ச ஸம்பயுத்தகா ச க²ந்தா⁴ உப்பஜ்ஜந்தி. (3)

74. நோசித்தோ த⁴ம்மோ நோசித்தஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம் கத்வா தம் க³ரும் கத்வா பச்சவேக்க²தி அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி, புப்³பே³…பே… ஜா²னா…பே… அரியா மக்³கா³ வுட்ட²ஹித்வா மக்³க³ம் க³ரும் கத்வா பச்சவேக்க²ந்தி. ப²லம் க³ரும் கத்வா பச்சவேக்க²ந்தி, நிப்³பா³னம் க³ரும் கத்வா பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, அதி⁴பதிபச்சயேன பச்சயோ; சக்கு²ம்…பே… வத்து²ம் நோசித்தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – நோசித்தாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

நோசித்தோ த⁴ம்மோ சித்தஸ்ஸ த⁴ம்மஸ்ஸ அதி⁴பதிபச்சயேன பச்சயோ (த்³வேபி க³மனா பட²மக³மனஸதி³ஸம் நின்னானாகரணம். ஆரம்மணாதி⁴பதி ஸஹஜாதாதி⁴பதி காதப்³பா³). (2)

சித்தோ ச நோசித்தோ ச த⁴ம்மா சித்தஸ்ஸ த⁴ம்மஸ்ஸ அதி⁴பதிபச்சயேன பச்சயோ… ஆரம்மணாதி⁴பதி (தீணிபி க³ருகாரம்மணா காதப்³பா³, ஆரம்மணாதி⁴பதியேவ).

அனந்தரபச்சயாதி³

75. சித்தோ த⁴ம்மோ சித்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமம் புரிமம் சித்தம் பச்சி²மஸ்ஸ பச்சி²மஸ்ஸ சித்தஸ்ஸ அனந்தரபச்சயேன பச்சயோ. (1)

சித்தோ த⁴ம்மோ நோசித்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமம் புரிமம் சித்தம் பச்சி²மானம் பச்சி²மானம் நோசித்தானம் க²ந்தா⁴னம் அனந்தரபச்சயேன பச்சயோ; சித்தம் வுட்டா²னஸ்ஸ அனந்தரபச்சயேன பச்சயோ. (2)

சித்தோ த⁴ம்மோ சித்தஸ்ஸ ச நோசித்தஸ்ஸ ச த⁴ம்மஸ்ஸ அனந்தரபச்சயேன பச்சயோ – புரிமம் புரிமம் சித்தம் பச்சி²மஸ்ஸ பச்சி²மஸ்ஸ சித்தஸ்ஸ ஸம்பயுத்தகானஞ்ச க²ந்தா⁴னம் அனந்தரபச்சயேன பச்சயோ. (3)

76. நோசித்தோ த⁴ம்மோ நோசித்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா நோசித்தா க²ந்தா⁴…பே… ப²லஸமாபத்தியா அனந்தரபச்சயேன பச்சயோ (இமே த்³வே பூரேதுகாமேன காதப்³பா³, புரிமக³மனஸதி³ஸம்).

சித்தோ ச நோசித்தோ ச த⁴ம்மா சித்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமம் புரிமம் சித்தஞ்ச ஸம்பயுத்தகா ச க²ந்தா⁴ பச்சி²மஸ்ஸ பச்சி²மஸ்ஸ சித்தஸ்ஸ அனந்தரபச்சயேன பச்சயோ. (மூலம் புச்சி²தப்³ப³ம்) புரிமம் புரிமம் சித்தஞ்ச ஸம்பயுத்தகா ச க²ந்தா⁴ பச்சி²மானம் பச்சி²மானம் நோசித்தானம் க²ந்தா⁴னம் அனந்தரபச்சயேன பச்சயோ – சித்தஞ்ச ஸம்பயுத்தகா ச க²ந்தா⁴ வுட்டா²னஸ்ஸ அனந்தரபச்சயேன பச்சயோ. (மூலம் புச்சி²தப்³ப³ம்) புரிமம் புரிமம் சித்தஞ்ச ஸம்பயுத்தகா ச க²ந்தா⁴ பச்சி²மஸ்ஸ பச்சி²மஸ்ஸ சித்தஸ்ஸ ஸம்பயுத்தகானஞ்ச க²ந்தா⁴னம் அனந்தரபச்சயேன பச்சயோ. (3)

ஸமனந்தரபச்சயேன பச்சயோ… ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ (படிச்சவாரஸதி³ஸா)… நிஸ்ஸயபச்சயேன பச்சயோ… பஞ்ச (பச்சயவாரஸதி³ஸா).

உபனிஸ்ஸயபச்சயோ

77. சித்தோ த⁴ம்மோ சித்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – சித்தம் சித்தஸ்ஸ உபனிஸ்ஸயபச்சயேன பச்சயோ… தீணி.

நோசித்தோ த⁴ம்மோ நோசித்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தா³னம் தே³தி…பே… மானம் ஜப்பேதி, தி³ட்டி²ம் க³ண்ஹாதி; ஸீலம்…பே… ஸேனாஸனம் உபனிஸ்ஸாய தா³னம் தே³தி …பே… ஸங்க⁴ம் பி⁴ந்த³தி; ஸத்³தா⁴…பே… ஸேனாஸனம் ஸத்³தா⁴ய…பே… மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)

நோசித்தோ த⁴ம்மோ சித்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ (இமே த்³வேபி பூரேதுகாமேன ஸப்³ப³த்த² காதப்³பா³, பட²மக³மனஸதி³ஸம் நின்னானாகரணம்).

சித்தோ ச நோசித்தோ ச த⁴ம்மா சித்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – சித்தஞ்ச ஸம்பயுத்தகா ச க²ந்தா⁴ சித்தஸ்ஸ உபனிஸ்ஸயபச்சயேன பச்சயோ… தீணி.

புரேஜாதபச்சயோ

78. நோசித்தோ த⁴ம்மோ நோசித்தஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸஹக³தானம் க²ந்தா⁴னம்…பே… போ²ட்ட²ப்³பா³யதனம் காயவிஞ்ஞாணஸஹக³தானம் க²ந்தா⁴னம் புரேஜாதபச்சயேன பச்சயோ. வத்து²புரேஜாதம் – சக்கா²யதனம் சக்கு²விஞ்ஞாணஸஹக³தானம் க²ந்தா⁴னம்…பே… காயாயதனம்…பே… வத்து² நோசித்தானம் க²ந்தா⁴னம் புரேஜாதபச்சயேன பச்சயோ. (1)

நோசித்தோ த⁴ம்மோ சித்தஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ …பே… காயாயதனம் காயவிஞ்ஞாணஸ்ஸ…பே… வத்து² சித்தஸ்ஸ புரேஜாதபச்சயேன பச்சயோ. (2)

நோசித்தோ த⁴ம்மோ சித்தஸ்ஸ ச நோசித்தஸ்ஸ ச த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ ச ஸம்பயுத்தகானஞ்ச க²ந்தா⁴னம்…பே… போ²ட்ட²ப்³பா³யதனம்…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ ஸம்பயுத்தகானஞ்ச க²ந்தா⁴னம் புரேஜாதபச்சயேன பச்சயோ…பே… காயாயதனம் காயவிஞ்ஞாணஸ்ஸ ஸம்பயுத்தகானஞ்ச க²ந்தா⁴னம்…பே… வத்து² சித்தஸ்ஸ ச ஸம்பயுத்தகானஞ்ச க²ந்தா⁴னம் புரேஜாதபச்சயேன பச்சயோ. (3)

பச்சா²ஜாதாஸேவனபச்சயா

79. சித்தோ த⁴ம்மோ நோசித்தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்). (1)

நோசித்தோ த⁴ம்மோ நோசித்தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்). (1)

சித்தோ ச நோசித்தோ ச த⁴ம்மா நோசித்தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்). (1)

சித்தோ த⁴ம்மோ சித்தஸ்ஸ த⁴ம்மஸ்ஸ ஆஸேவனபச்சயேன பச்சயோ… நவ.

கம்மபச்சயோ

80. நோசித்தோ த⁴ம்மோ நோசித்தஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நோசித்தா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – நோசித்தா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

நோசித்தோ த⁴ம்மோ சித்தஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நோசித்தா சேதனா சித்தஸ்ஸ கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – நோசித்தா சேதனா விபாகஸ்ஸ சித்தஸ்ஸ கம்மபச்சயேன பச்சயோ. (2)

நோசித்தோ த⁴ம்மோ சித்தஸ்ஸ ச நோசித்தஸ்ஸ ச த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நோசித்தா சேதனா ஸம்பயுத்தகானம் க²ந்தா⁴னம் சித்தஸ்ஸ ச சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – நோசித்தா சேதனா விபாகானம் க²ந்தா⁴னம் சித்தஸ்ஸ ச கடத்தா ச ரூபானம் கம்மபச்சயேன பச்சயோ. (3)

விபாகபச்சயாதி³

81. சித்தோ த⁴ம்மோ நோசித்தஸ்ஸ த⁴ம்மஸ்ஸ விபாகபச்சயேன பச்சயோ… பஞ்ச… ஆஹாரபச்சயேன பச்சயோ… பஞ்ச… இந்த்³ரியபச்சயேன பச்சயோ… பஞ்ச. நோசித்தோ த⁴ம்மோ நோசித்தஸ்ஸ த⁴ம்மஸ்ஸ ஜா²னபச்சயேன பச்சயோ… தீணி… மக்³க³பச்சயேன பச்சயோ… தீணி… ஸம்பயுத்தபச்சயேன பச்சயோ… பஞ்ச.

விப்பயுத்தபச்சயோ

82. சித்தோ த⁴ம்மோ நோசித்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

நோசித்தோ த⁴ம்மோ நோசித்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம். ஸஹஜாதா – நோசித்தா க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ; படிஸந்தி⁴க்க²ணே நோசித்தா க²ந்தா⁴ கடத்தாரூபானம்…பே… நோசித்தா க²ந்தா⁴ வத்து²ஸ்ஸ விப்பயுத்தபச்சயேன பச்சயோ; வத்து² க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸஹக³தானம் க²ந்தா⁴னம்…பே… காயாயதனம் காயவிஞ்ஞாணஸஹக³தானம் க²ந்தா⁴னம்…பே… வத்து² நோசித்தானம் க²ந்தா⁴னம் விப்பயுத்தபச்சயேன பச்சயோ. பச்சா²ஜாதா – நோசித்தா க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

நோசித்தோ த⁴ம்மோ சித்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² சித்தஸ்ஸ விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² சித்தஸ்ஸ விப்பயுத்தபச்சயேன பச்சயோ. (2)

நோசித்தோ த⁴ம்மோ சித்தஸ்ஸ ச நோசித்தஸ்ஸ ச த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² சித்தஸ்ஸ ஸம்பயுத்தகானஞ்ச க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ ஸம்பயுத்தகானஞ்ச க²ந்தா⁴னம் விப்பயுத்தபச்சயேன பச்சயோ…பே… காயாயதனம் காயவிஞ்ஞாணஸ்ஸ ஸம்பயுத்தகானஞ்ச க²ந்தா⁴னம்…பே… வத்து² சித்தஸ்ஸ ச ஸம்பயுத்தகானஞ்ச க²ந்தா⁴னம் விப்பயுத்தபச்சயேன பச்சயோ. (3)

சித்தோ ச நோசித்தோ ச த⁴ம்மா நோசித்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

அத்தி²பச்சயோ

83. சித்தோ த⁴ம்மோ நோசித்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

நோசித்தோ த⁴ம்மோ நோசித்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம்). (1)

நோசித்தோ த⁴ம்மோ சித்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதா – நோசித்தா க²ந்தா⁴ சித்தஸ்ஸ அத்தி²பச்சயேன பச்சயோ; படிஸந்தி⁴க்க²ணே…பே… படிஸந்தி⁴க்க²ணே வத்து² சித்தஸ்ஸ அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம் அனிச்சதோ…பே… (புரேஜாதஸதி³ஸம், ஸம்கி²த்தம்). (2)

நோசித்தோ த⁴ம்மோ சித்தஸ்ஸ ச நோசித்தஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – நோசித்தோ ஏகோ க²ந்தோ⁴ த்³வின்னம் க²ந்தா⁴னம் சித்தஸ்ஸ ச சித்தஸமுட்டா²னானஞ்ச ரூபானம் அத்தி²பச்சயேன பச்சயோ; படிஸந்தி⁴க்க²ணே நோசித்தோ ஏகோ க²ந்தோ⁴…பே… படிஸந்தி⁴க்க²ணே வத்து² சித்தஸ்ஸ ஸம்பயுத்தகானஞ்ச க²ந்தா⁴னம் அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம்…பே… (புரேஜாதஸதி³ஸம், ஸம்கி²த்தம்). (3)

84. சித்தோ ச நோசித்தோ ச த⁴ம்மா நோசித்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம். ஸஹஜாதோ – நோசித்தோ ஏகோ க²ந்தோ⁴ ச சித்தஞ்ச த்³வின்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ; த்³வே க²ந்தா⁴ ச…பே…. ஸஹஜாதம் – சித்தஞ்ச வத்து²ஞ்ச நோசித்தானம் க²ந்தா⁴னம் அத்தி²பச்சயேன பச்சயோ (படிஸந்தி⁴க்க²ணேபி த்³வே). ஸஹஜாதம் – சித்தஞ்ச ஸம்பயுத்தகா ச க²ந்தா⁴ சித்தஸமுட்டா²னானம் ரூபானம் அத்தி²பச்சயேன பச்சயோ. ஸஹஜாதம் – சித்தஞ்ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ (படிஸந்தி⁴க்க²ணேபி த்³வே). பச்சா²ஜாதம் – சித்தஞ்ச ஸம்பயுத்தகா ச க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதம் – சித்தஞ்ச ஸம்பயுத்தகா ச க²ந்தா⁴ கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதம் – சித்தஞ்ச ஸம்பயுத்தகா ச க²ந்தா⁴ ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (1)