10. மஹந்தரது³கம்
55. ஸாரம்மணது³கம்
1. படிச்சவாரோ
1. பச்சயானுலோமம்
1. விப⁴ங்க³வாரோ
ஹேதுபச்சயோ
1. ஸாரம்மணம் த⁴ம்மம் படிச்ச ஸாரம்மணோ த⁴ம்மோ உப்பஜ்ஜதி ஹேதுபச்சயா – ஸாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே… படிஸந்தி⁴க்க²ணே…பே…. (1)
ஸாரம்மணம் த⁴ம்மம் படிச்ச அனாரம்மணோ த⁴ம்மோ உப்பஜ்ஜதி ஹேதுபச்சயா – ஸாரம்மணே க²ந்தே⁴ படிச்ச சித்தஸமுட்டா²னம் ரூபம்; படிஸந்தி⁴க்க²ணே…பே…. (2)
ஸாரம்மணம் த⁴ம்மம் படிச்ச ஸாரம்மணோ ச அனாரம்மணோ ச த⁴ம்மா உப்பஜ்ஜந்தி ஹேதுபச்சயா – ஸாரம்மணம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம்…பே… த்³வே க²ந்தே⁴…பே… படிஸந்தி⁴க்க²ணே…பே…. (3)
2. அனாரம்மணம் த⁴ம்மம் படிச்ச அனாரம்மணோ த⁴ம்மோ உப்பஜ்ஜதி ஹேதுபச்சயா – ஏகம் மஹாபூ⁴தம்…பே… மஹாபூ⁴தே படிச்ச சித்தஸமுட்டா²னம் ரூபம் கடத்தாரூபம் உபாதா³ரூபம். (1)
அனாரம்மணம் த⁴ம்மம் படிச்ச ஸாரம்மணோ த⁴ம்மோ உப்பஜ்ஜதி ஹேதுபச்சயா – படிஸந்தி⁴க்க²ணே வத்து²ம் படிச்ச ஸாரம்மணா க²ந்தா⁴. (2)
அனாரம்மணம் த⁴ம்மம் படிச்ச ஸாரம்மணோ ச அனாரம்மணோ ச த⁴ம்மோ உப்பஜ்ஜந்தி ஹேதுபச்சயா – படிஸந்தி⁴க்க²ணே வத்து²ம் படிச்ச ஸாரம்மணா க²ந்தா⁴, மஹாபூ⁴தே படிச்ச கடத்தாரூபம். (3)
3. ஸாரம்மணஞ்ச அனாரம்மணஞ்ச த⁴ம்மம் படிச்ச ஸாரம்மணோ த⁴ம்மோ உப்பஜ்ஜதி ஹேதுபச்சயா – படிஸந்தி⁴க்க²ணே ஸாரம்மணம் ஏகம் க²ந்த⁴ஞ்ச வத்து²ஞ்ச படிச்ச தயோ க²ந்தா⁴…பே… த்³வே க²ந்தே⁴ ச…பே…. (1)
ஸாரம்மணஞ்ச அனாரம்மணஞ்ச த⁴ம்மம் படிச்ச அனாரம்மணோ த⁴ம்மோ உப்பஜ்ஜதி ஹேதுபச்சயா – ஸாரம்மணே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூபம்; படிஸந்தி⁴க்க²ணே…பே…. (2)
ஸாரம்மணஞ்ச அனாரம்மணஞ்ச த⁴ம்மம் படிச்ச ஸாரம்மணோ ச அனாரம்மணோ ச த⁴ம்மா உப்பஜ்ஜந்தி ஹேதுபச்சயா – படிஸந்தி⁴க்க²ணே ஸாரம்மணம் ஏகம் க²ந்த⁴ஞ்ச வத்து²ஞ்ச படிச்ச தயோ க²ந்தா⁴…பே… த்³வே க²ந்தே⁴ ச…பே… ஸாரம்மணே க²ந்தே⁴ ச மஹாபூ⁴தே ச படிச்ச கடத்தாரூபம். (3)
ஆரம்மணபச்சயோ
4. ஸாரம்மணம் த⁴ம்மம் படிச்ச ஸாரம்மணோ த⁴ம்மோ உப்பஜ்ஜதி ஆரம்மணபச்சயா – ஸாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே… படிஸந்தி⁴க்க²ணே…பே….
அனாரம்மணம் த⁴ம்மம் படிச்ச ஸாரம்மணோ த⁴ம்மோ உப்பஜ்ஜதி ஆரம்மணபச்சயா – படிஸந்தி⁴க்க²ணே வத்து²ம் படிச்ச ஸாரம்மணா க²ந்தா⁴.
ஸாரம்மணஞ்ச அனாரம்மணஞ்ச த⁴ம்மம் படிச்ச ஸாரம்மணோ த⁴ம்மோ உப்பஜ்ஜதி ஆரம்மணபச்சயா – படிஸந்தி⁴க்க²ணே ஸாரம்மணம் ஏகம் க²ந்த⁴ஞ்ச வத்து²ஞ்ச படிச்ச தயோ க²ந்தா⁴…பே… த்³வே க²ந்தே⁴ ச…பே… (ஸம்கி²த்தம்).
1. பச்சயானுலோமம்
2. ஸங்க்²யாவாரோ
ஸுத்³த⁴ம்
5. ஹேதுயா நவ, ஆரம்மணே தீணி, அதி⁴பதியா பஞ்ச, அனந்தரே தீணி, ஸமனந்தரே தீணி, ஸஹஜாதே நவ, அஞ்ஞமஞ்ஞே ச², நிஸ்ஸயே நவ, உபனிஸ்ஸயே தீணி, புரேஜாதே ஏகம், ஆஸேவனே ஏகம், கம்மே நவ, விபாகே நவ, ஆஹாரே நவ, இந்த்³ரியே நவ, ஜா²னே நவ, மக்³கே³ நவ, ஸம்பயுத்தே தீணி, விப்பயுத்தே நவ, அத்தி²யா நவ, நத்தி²யா தீணி, விக³தே தீணி, அவிக³தே நவ.
2. பச்சயபச்சனீயம்
1. விப⁴ங்க³வாரோ
நஹேதுபச்சயோ
6. ஸாரம்மணம் த⁴ம்மம் படிச்ச ஸாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகம் ஸாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே… அஹேதுகபடிஸந்தி⁴க்க²ணே…பே… விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)
ஸாரம்மணம் த⁴ம்மம் படிச்ச அனாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகே ஸாரம்மணே க²ந்தே⁴ படிச்ச சித்தஸமுட்டா²னம் ரூபம்; அஹேதுகபடிஸந்தி⁴க்க²ணே…பே…. (2)
ஸாரம்மணம் த⁴ம்மம் படிச்ச ஸாரம்மணோ ச அனாரம்மணோ ச த⁴ம்மா உப்பஜ்ஜந்தி நஹேதுபச்சயா – அஹேதுகம் ஸாரம்மணம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம்…பே… த்³வே க²ந்தே⁴…பே… அஹேதுகபடிஸந்தி⁴க்க²ணே…பே…. (3)
7. அனாரம்மணம் த⁴ம்மம் படிச்ச அனாரம்மணோ த⁴ம்மோ உப்பஜ்ஜதி நஹேதுபச்சயா – ஏகம் மஹாபூ⁴தம்…பே… அஸஞ்ஞஸத்தானம் ஏகம் மஹாபூ⁴தம்…பே…. (1)
அனாரம்மணம் த⁴ம்மம் படிச்ச ஸாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகபடிஸந்தி⁴க்க²ணே வத்து²ம் படிச்ச ஸாரம்மணா க²ந்தா⁴. (2)
அனாரம்மணம் த⁴ம்மம் படிச்ச ஸாரம்மணோ ச அனாரம்மணோ ச த⁴ம்மா உப்பஜ்ஜந்தி நஹேதுபச்சயா – அஹேதுகபடிஸந்தி⁴க்க²ணே வத்து²ம் படிச்ச ஸாரம்மணா க²ந்தா⁴, மஹாபூ⁴தே படிச்ச கடத்தாரூபம். (3)
8. ஸாரம்மணஞ்ச அனாரம்மணஞ்ச த⁴ம்மம் படிச்ச ஸாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகபடிஸந்தி⁴க்க²ணே ஸாரம்மணம் ஏகம் க²ந்த⁴ஞ்ச வத்து²ஞ்ச படிச்ச தயோ க²ந்தா⁴…பே… த்³வே க²ந்தே⁴ ச…பே…. (1)
ஸாரம்மணஞ்ச அனாரம்மணஞ்ச த⁴ம்மம் படிச்ச அனாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகே ஸாரம்மணே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூபம்; அஹேதுகபடிஸந்தி⁴க்க²ணே…பே…. (2)
ஸாரம்மணஞ்ச அனாரம்மணஞ்ச த⁴ம்மம் படிச்ச ஸாரம்மணோ ச அனாரம்மணோ ச த⁴ம்மா உப்பஜ்ஜந்தி நஹேதுபச்சயா – அஹேதுகபடிஸந்தி⁴க்க²ணே ஸாரம்மணம் ஏகம் க²ந்த⁴ஞ்ச வத்து²ஞ்ச படிச்ச தயோ க²ந்தா⁴…பே… த்³வே க²ந்தே⁴ ச…பே… ஸாரம்மணே க²ந்தே⁴ ச மஹாபூ⁴தே ச படிச்ச கடத்தாரூபம். (3)
நஆரம்மணபச்சயோ
9. ஸாரம்மணம் த⁴ம்மம் படிச்ச அனாரம்மணோ த⁴ம்மோ உப்பஜ்ஜதி நஆரம்மணபச்சயா – ஸாரம்மணே க²ந்தே⁴ படிச்ச சித்தஸமுட்டா²னம் ரூபம்; படிஸந்தி⁴க்க²ணே…பே…. (1)
அனாரம்மணம் த⁴ம்மம் படிச்ச அனாரம்மணோ த⁴ம்மோ உப்பஜ்ஜதி நஆரம்மணபச்சயா (யாவ அஸஞ்ஞஸத்தா). (1)
ஸாரம்மணஞ்ச அனாரம்மணஞ்ச த⁴ம்மம் படிச்ச அனாரம்மணோ த⁴ம்மோ உப்பஜ்ஜதி நஆரம்மணபச்சயா – ஸாரம்மணே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூபம்; படிஸந்தி⁴க்க²ணே…பே… (ஸம்கி²த்தம்). (1)
2. பச்சயபச்சனீயம்
2. ஸங்க்²யாவாரோ
ஸுத்³த⁴ம்
10. நஹேதுயா நவ, நஆரம்மணே தீணி, நஅதி⁴பதியா நவ, நஅனந்தரே தீணி, நஸமனந்தரே தீணி, நஅஞ்ஞமஞ்ஞே தீணி, நஉபனிஸ்ஸயே தீணி, நபுரேஜாதே நவ, நபச்சா²ஜாதே நவ, நஆஸேவனே நவ, நகம்மே த்³வே, நவிபாகே பஞ்ச, நஆஹாரே ஏகம், நஇந்த்³ரியே ஏகம், நஜா²னே த்³வே, நமக்³கே³ நவ, நஸம்பயுத்தே தீணி, நவிப்பயுத்தே த்³வே, நோனத்தி²யா தீணி, நோவிக³தே தீணி.
3. பச்சயானுலோமபச்சனீயம்
11. ஹேதுபச்சயா நஆரம்மணே தீணி, நஅதி⁴பதியா நவ…பே… நகம்மே ஏகம்…பே… நவிப்பயுத்தே ஏகம் (ஸம்கி²த்தம்).
4. பச்சயபச்சனீயானுலோமம்
12. நஹேதுபச்சயா ஆரம்மணே தீணி…பே… ஸஹஜாதே நவ…பே… மக்³கே³ ஏகம்…பே… அவிக³தே நவ.
2. ஸஹஜாதவாரோ
(ஸஹஜாதவாரோபி படிச்சவாரஸதி³ஸோ.)
3. பச்சயவாரோ
1. பச்சயானுலோமம்
1. விப⁴ங்க³வாரோ
ஹேதுபச்சயோ
13. ஸாரம்மணம் த⁴ம்மம் பச்சயா ஸாரம்மணோ த⁴ம்மோ உப்பஜ்ஜதி ஹேதுபச்சயா… தீணி (படிச்சஸதி³ஸா).
14. அனாரம்மணம் த⁴ம்மம் பச்சயா அனாரம்மணோ த⁴ம்மோ உப்பஜ்ஜதி ஹேதுபச்சயா – ஏகம் மஹாபூ⁴தம்…பே… மஹாபூ⁴தே பச்சயா சித்தஸமுட்டா²னம் ரூபம் கடத்தாரூபம் உபாதா³ரூபம். (1)
அனாரம்மணம் த⁴ம்மம் பச்சயா ஸாரம்மணோ த⁴ம்மோ உப்பஜ்ஜதி ஹேதுபச்சயா – வத்து²ம் பச்சயா ஸாரம்மணா க²ந்தா⁴; படிஸந்தி⁴க்க²ணே வத்து²ம் பச்சயா ஸாரம்மணா க²ந்தா⁴. (2)
அனாரம்மணம் த⁴ம்மம் பச்சயா ஸாரம்மணோ ச அனாரம்மணோ ச த⁴ம்மா உப்பஜ்ஜந்தி ஹேதுபச்சயா – வத்து²ம் பச்சயா ஸாரம்மணா க²ந்தா⁴, மஹாபூ⁴தே பச்சயா சித்தஸமுட்டா²னம் ரூபம்; படிஸந்தி⁴க்க²ணே …பே…. (3)
15. ஸாரம்மணஞ்ச அனாரம்மணஞ்ச த⁴ம்மம் பச்சயா ஸாரம்மணோ த⁴ம்மோ உப்பஜ்ஜதி ஹேதுபச்சயா – ஸாரம்மணம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… படிஸந்தி⁴க்க²ணே…பே…. (1)
ஸாரம்மணஞ்ச அனாரம்மணஞ்ச த⁴ம்மம் பச்சயா அனாரம்மணோ த⁴ம்மோ உப்பஜ்ஜதி ஹேதுபச்சயா – ஸாரம்மணே க²ந்தே⁴ ச மஹாபூ⁴தே ச பச்சயா சித்தஸமுட்டா²னம் ரூபம்; படிஸந்தி⁴க்க²ணே…பே…. (2)
ஸாரம்மணஞ்ச அனாரம்மணஞ்ச த⁴ம்மம் பச்சயா ஸாரம்மணோ ச அனாரம்மணோ ச த⁴ம்மா உப்பஜ்ஜந்தி ஹேதுபச்சயா – ஸாரம்மணம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… ஸாரம்மணே க²ந்தே⁴ ச மஹாபூ⁴தே ச பச்சயா சித்தஸமுட்டா²னம் ரூபம்; படிஸந்தி⁴க்க²ணே…பே…. (3)
ஆரம்மணபச்சயோ
16. ஸாரம்மணம் த⁴ம்மம் பச்சயா ஸாரம்மணோ த⁴ம்மோ உப்பஜ்ஜதி ஆரம்மணபச்சயா – ஸாரம்மணம் ஏகம் க²ந்த⁴ம் பச்சயா தயோ க²ந்தா⁴…பே… த்³வே க²ந்தே⁴…பே… படிஸந்தி⁴க்க²ணே…பே…. (1)
அனாரம்மணம் த⁴ம்மம் பச்சயா ஸாரம்மணோ த⁴ம்மோ உப்பஜ்ஜதி ஆரம்மணபச்சயா – சக்கா²யதனம் பச்சயா சக்கு²விஞ்ஞாணம்…பே… காயாயதனம் பச்சயா காயவிஞ்ஞாணம், வத்து²ம் பச்சயா ஸாரம்மணா க²ந்தா⁴; படிஸந்தி⁴க்க²ணே…பே…. (1)
ஸாரம்மணஞ்ச அனாரம்மணஞ்ச த⁴ம்மம் பச்சயா ஸாரம்மணோ த⁴ம்மோ உப்பஜ்ஜதி ஆரம்மணபச்சயா – சக்கு²விஞ்ஞாணஸஹக³தம் ஏகம் க²ந்த⁴ஞ்ச சக்கா²யதனஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… காயவிஞ்ஞாணஸஹக³தம்…பே… ஸாரம்மணம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… படிஸந்தி⁴க்க²ணே…பே… (ஸம்கி²த்தம்). (1)
1. பச்சயானுலோமம்
2. ஸங்க்²யாவாரோ
ஸுத்³த⁴ம்
17. ஹேதுயா நவ, ஆரம்மணே தீணி, அதி⁴பதியா நவ, அனந்தரே தீணி, ஸமனந்தரே தீணி, ஸஹஜாதே நவ, அஞ்ஞமஞ்ஞே ச², நிஸ்ஸயே நவ, உபனிஸ்ஸயே தீணி, புரேஜாதே தீணி, ஆஸேவனே தீணி, கம்மே நவ, விபாகே நவ, ஆஹாரே நவ, இந்த்³ரியே நவ, ஜா²னே நவ, மக்³கே³ நவ, ஸம்பயுத்தே தீணி, விப்பயுத்தே நவ, அத்தி²யா நவ, நத்தி²யா தீணி, விக³தே தீணி, அவிக³தே நவ.
2. பச்சயபச்சனீயம்
1. விப⁴ங்க³வாரோ
நஹேதுபச்சயோ
18. ஸாரம்மணம் த⁴ம்மம் பச்சயா ஸாரம்மணோ த⁴ம்மோ உப்பஜ்ஜதி நஹேதுபச்சயா… தீணி (படிச்சவாரஸதி³ஸம்).
அனாரம்மணம் த⁴ம்மம் பச்சயா அனாரம்மணோ த⁴ம்மோ உப்பஜ்ஜதி நஹேதுபச்சயா – ஏகம் மஹாபூ⁴தம்…பே… அஸஞ்ஞஸத்தானம் ஏகம் மஹாபூ⁴தம்…பே…. (1)
அனாரம்மணம் த⁴ம்மம் பச்சயா ஸாரம்மணோ த⁴ம்மோ உப்பஜ்ஜதி நஹேதுபச்சயா – சக்கா²யதனம் பச்சயா சக்கு²விஞ்ஞாணம்…பே… காயாயதனம் பச்சயா காயவிஞ்ஞாணம், வத்து²ம் பச்சயா அஹேதுகா ஸாரம்மணா க²ந்தா⁴; படிஸந்தி⁴க்க²ணே…பே… வத்து²ம் பச்சயா விசிகிச்சா²ஸஹக³தோ உத்³த⁴ச்சஸஹக³தோ மோஹோ. (2)
அனாரம்மணம் த⁴ம்மம் பச்சயா ஸாரம்மணோ ச அனாரம்மணோ ச த⁴ம்மா உப்பஜ்ஜந்தி நஹேதுபச்சயா – வத்து²ம் பச்சயா அஹேதுகா ஸாரம்மணா க²ந்தா⁴, மஹாபூ⁴தே பச்சயா சித்தஸமுட்டா²னம் ரூபம்; படிஸந்தி⁴க்க²ணே…பே…. (3)
19. ஸாரம்மணஞ்ச அனாரம்மணஞ்ச த⁴ம்மம் பச்சயா ஸாரம்மணோ த⁴ம்மோ உப்பஜ்ஜதி நஹேதுபச்சயா – சக்கு²விஞ்ஞாணஸஹக³தம் ஏகம் க²ந்த⁴ஞ்ச சக்கா²யதனஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… காயவிஞ்ஞாணஸஹக³தம்…பே… அஹேதுகம் ஸாரம்மணம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… அஹேதுகபடிஸந்தி⁴க்க²ணே…பே… விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ ச வத்து²ஞ்ச பச்சயா விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)
ஸாரம்மணஞ்ச அனாரம்மணஞ்ச த⁴ம்மம் பச்சயா அனாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகே ஸாரம்மணே க²ந்தே⁴ ச மஹாபூ⁴தே ச பச்சயா சித்தஸமுட்டா²னம் ரூபம்; படிஸந்தி⁴க்க²ணே…பே…. (2)
ஸாரம்மணஞ்ச அனாரம்மணஞ்ச த⁴ம்மம் பச்சயா ஸாரம்மணோ ச அனாரம்மணோ ச த⁴ம்மா உப்பஜ்ஜந்தி நஹேதுபச்சயா – அஹேதுகம் ஸாரம்மணம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… அஹேதுகே ஸாரம்மணே க²ந்தே⁴ ச மஹாபூ⁴தே ச பச்சயா சித்தஸமுட்டா²னம் ரூபம்; அஹேதுகபடிஸந்தி⁴க்க²ணே அஹேதுகம் ஸாரம்மணம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… அஹேதுகே ஸாரம்மணே க²ந்தே⁴ ச மஹாபூ⁴தே ச பச்சயா கடத்தாரூபம்…பே… (ஸம்கி²த்தம்). (3)
2. பச்சயபச்சனீயம்
2. ஸங்க்²யாவாரோ
ஸுத்³த⁴ம்
20. நஹேதுயா நவ, நஆரம்மணே தீணி, நஅதி⁴பதியா நவ, நஅனந்தரே தீணி, நஸமனந்தரே தீணி, நஅஞ்ஞமஞ்ஞே தீணி, நஉபனிஸ்ஸயே தீணி, நபுரேஜாதே நவ, நபச்சா²ஜாதே நவ, நஆஸேவனே நவ, நகம்மே சத்தாரி, நவிபாகே நவ, நஆஹாரே ஏகம், நஇந்த்³ரியே ஏகம், நஜா²னே சத்தாரி, நமக்³கே³ நவ, நஸம்பயுத்தே தீணி, நவிப்பயுத்தே த்³வே, நோனத்தி²யா தீணி, நோவிக³தே தீணி.
3. பச்சயானுலோமபச்சனீயம்
21. ஹேதுபச்சயா நஆரம்மணே தீணி, நஅதி⁴பதியா நவ…பே… நகம்மே ஏகம்…பே… நவிப்பயுத்தே ஏகம் (ஸம்கி²த்தம்).
4. பச்சயபச்சனீயானுலோமம்
22. நஹேதுபச்சயா ஆரம்மணே தீணி, அனந்தரே தீணி, ஸமனந்தரே தீணி, ஸஹஜாதே நவ…பே… மக்³கே³ தீணி…பே… அவிக³தே நவ.
4. நிஸ்ஸயவாரோ
(நிஸ்ஸயவாரோ பச்சயவாரஸதி³ஸோ.)
5. ஸம்ஸட்ட²வாரோ
1-4. பச்சயானுலோமாதி³
23. ஸாரம்மணம் த⁴ம்மம் ஸம்ஸட்டோ² ஸாரம்மணோ த⁴ம்மோ உப்பஜ்ஜதி ஹேதுபச்சயா – ஸாரம்மணம் ஏகம் க²ந்த⁴ம் ஸம்ஸட்டா² தயோ க²ந்தா⁴…பே… த்³வே க²ந்தே⁴ ஸம்ஸட்டா² த்³வே க²ந்தா⁴; படிஸந்தி⁴க்க²ணே…பே….
24. ஹேதுயா ஏகம், ஆரம்மணே ஏகம், அதி⁴பதியா ஏகம் (ஸப்³ப³த்த² ஏகம்), அவிக³தே ஏகம்.
அனுலோமம்.
25. ஸாரம்மணம் த⁴ம்மம் ஸம்ஸட்டோ² ஸாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகம் ஸாரம்மணம் ஏகம் க²ந்த⁴ம் ஸம்ஸட்டா² தயோ க²ந்தா⁴…பே… த்³வே க²ந்தே⁴…பே… விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ ஸம்ஸட்டோ² விசிகிச்சா²ஸஹக³தோ உத்³த⁴ச்சஸஹக³தோ மோஹோ (ஸம்கி²த்தம்).
26. நஹேதுயா ஏகம், நஅதி⁴பதியா ஏகம், நபுரேஜாதே ஏகம், நபச்சா²ஜாதே ஏகம், நஆஸேவனே ஏகம், நகம்மே ஏகம், நவிபாகே ஏகம், நஜா²னே ஏகம், நமக்³கே³ ஏகம், நவிப்பயுத்தே ஏகம்.
பச்சனீயம்.
6. ஸம்பயுத்தவாரோ
(ஏவம் இதரே த்³வே க³ணனாபி ஸம்பயுத்தவாராபி காதப்³பா³.)
7. பஞ்ஹாவாரோ
1. பச்சயானுலோமம்
1. விப⁴ங்க³வாரோ
ஹேதுபச்சயோ
27. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ ஹேதுபச்சயேன பச்சயோ – ஸாரம்மணா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ; படிஸந்தி⁴க்க²ணே…பே…. (1)
ஸாரம்மணோ த⁴ம்மோ அனாரம்மணஸ்ஸ த⁴ம்மஸ்ஸ ஹேதுபச்சயேன பச்சயோ – ஸாரம்மணா ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (2)
ஸாரம்மணோ த⁴ம்மோ ஸாரம்மணஸ்ஸ ச அனாரம்மணஸ்ஸ ச த⁴ம்மஸ்ஸ ஹேதுபச்சயேன பச்சயோ – ஸாரம்மணா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (3)
ஆரம்மணபச்சயோ
28. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம் கத்வா தம் பச்சவேக்க²தி அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி; புப்³பே³ ஸுசிண்ணானி…பே… ஜா²னா…பே… அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம் பச்சவேக்க²ந்தி, பஹீனே கிலேஸே…பே… விக்க²ம்பி⁴தே கிலேஸே…பே… புப்³பே³ ஸமுதா³சிண்ணே கிலேஸே ஜானந்தி, ஸாரம்மணே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி; சேதோபரியஞாணேன ஸாரம்மணசித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனம் விஞ்ஞாணஞ்சாயதனஸ்ஸ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ…பே… ஸாரம்மணா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)
29. அனாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா நிப்³பா³னம் பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… அனாரம்மணா க²ந்தா⁴ இத்³தி⁴வித⁴ஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)
அதி⁴பதிபச்சயோ
30. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம் கத்வா தம் க³ரும் கத்வா பச்சவேக்க²தி அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி, புப்³பே³ ஸுசிண்ணானி…பே… ஜா²னா வுட்ட²ஹித்வா ஜா²னம்…பே… அரியா மக்³கா³ வுட்ட²ஹித்வா மக்³க³ம் க³ரும்…பே… ப²லம் க³ரும்…பே… ஸாரம்மணே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – ஸாரம்மணாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)
ஸாரம்மணோ த⁴ம்மோ அனாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸாரம்மணாதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)
ஸாரம்மணோ த⁴ம்மோ ஸாரம்மணஸ்ஸ ச அனாரம்மணஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸாரம்மணாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)
31. அனாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – அரியா நிப்³பா³னம் க³ரும் கத்வா பச்சவேக்க²ந்தி; நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, அதி⁴பதிபச்சயேன பச்சயோ; சக்கு²ம்…பே… வத்து²ம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (1)
அனந்தரபச்சயாதி³
32. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஸாரம்மணா…பே… ப²லஸமாபத்தியா அனந்தரபச்சயேன பச்சயோ… ஸமனந்தரபச்சயேன பச்சயோ… ஏகம்… ஸஹஜாதபச்சயேன பச்சயோ… ஸத்த (படிச்சவாரே ஸஹஜாதஸதி³ஸா)… அஞ்ஞமஞ்ஞபச்சயேன பச்சயோ… ச² (படிச்சவாரே அஞ்ஞமஞ்ஞஸதி³ஸம்)… நிஸ்ஸயபச்சயேன பச்சயோ… ஸத்த (பச்சயவாரே நிஸ்ஸயஸதி³ஸோ).
உபனிஸ்ஸயபச்சயோ
33. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தா³னம் தே³தி…பே… மானம் ஜப்பேதி, தி³ட்டி²ம் க³ண்ஹாதி. ஸீலம்…பே… பஞ்ஞம், ராக³ம்…பே… பத்த²னம், காயிகம் ஸுக²ம்… காயிகம் து³க்க²ம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி, பாணம் ஹனதி…பே… ஸங்க⁴ம் பி⁴ந்த³தி. ஸத்³தா⁴…பே… பஞ்ஞா, ராகோ³…பே… பத்த²னா, காயிகம் ஸுக²ம்… காயிகம் து³க்க²ம் ஸத்³தா⁴ய…பே… பஞ்ஞாய, ராக³ஸ்ஸ…பே… பத்த²னாய, காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ, மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)
அனாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – உதும், போ⁴ஜனம், ஸேனாஸனம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி, பாணம் ஹனதி…பே… ஸங்க⁴ம் பி⁴ந்த³தி. உது… போ⁴ஜனம்… ஸேனாஸனம் ஸத்³தா⁴ய…பே… பத்த²னாய, காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ, மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)
புரேஜாதபச்சயோ
34. அனாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² ஸாரம்மணானம் க²ந்தா⁴னம் புரேஜாதபச்சயேன பச்சயோ. (1)
பச்சா²ஜாதாஸேவனபச்சயா
35. ஸாரம்மணோ த⁴ம்மோ அனாரம்மணஸ்ஸ த⁴ம்மஸ்ஸ பச்சா²ஜாதபச்சயேன பச்சயோ… ஏகம்.
ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ ஆஸேவனபச்சயேன பச்சயோ… ஏகம்.
கம்மபச்சயோ
36. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ஸாரம்மணா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – ஸாரம்மணா சேதனா விபாகானம் க²ந்தா⁴னம் கம்மபச்சயேன பச்சயோ. (1)
ஸாரம்மணோ த⁴ம்மோ அனாரம்மணஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ஸாரம்மணா சேதனா சித்தஸமுட்டா²னானம் ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – ஸாரம்மணா சேதனா கடத்தாரூபானம் கம்மபச்சயேன பச்சயோ. (2)
ஸாரம்மணோ த⁴ம்மோ ஸாரம்மணஸ்ஸ ச அனாரம்மணஸ்ஸ ச த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ஸாரம்மணா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – ஸாரம்மணா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (3)
விபாக-ஆஹாரபச்சயா
37. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ விபாகபச்சயேன பச்சயோ… தீணி.
ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ ஆஹாரபச்சயேன பச்சயோ… தீணி.
அனாரம்மணோ த⁴ம்மோ அனாரம்மணஸ்ஸ த⁴ம்மஸ்ஸ ஆஹாரபச்சயேன பச்சயோ – கப³ளீகாரோ ஆஹாரோ இமஸ்ஸ காயஸ்ஸ ஆஹாரபச்சயேன பச்சயோ. (1)
இந்த்³ரியபச்சயோ
38. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ இந்த்³ரியபச்சயேன பச்சயோ… தீணி.
அனாரம்மணோ த⁴ம்மோ அனாரம்மணஸ்ஸ த⁴ம்மஸ்ஸ இந்த்³ரியபச்சயேன பச்சயோ – ரூபஜீவிதிந்த்³ரியம் கடத்தாரூபானம் இந்த்³ரியபச்சயேன பச்சயோ. (1)
அனாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ இந்த்³ரியபச்சயேன பச்சயோ – சக்கு²ந்த்³ரியம் சக்கு²விஞ்ஞாணஸ்ஸ…பே… காயிந்த்³ரியம் காயவிஞ்ஞாணஸ்ஸ இந்த்³ரியபச்சயேன பச்சயோ. (1)
ஸாரம்மணோ ச அனாரம்மணோ ச த⁴ம்மா ஸாரம்மணஸ்ஸ த⁴ம்மஸ்ஸ இந்த்³ரியபச்சயேன பச்சயோ – சக்கு²ந்த்³ரியஞ்ச சக்கு²விஞ்ஞாணஞ்ச சக்கு²விஞ்ஞாணஸஹக³தானம் க²ந்தா⁴னம் இந்த்³ரியபச்சயேன பச்சயோ…பே… காயிந்த்³ரியஞ்ச காயவிஞ்ஞாணஞ்ச காயவிஞ்ஞாணஸஹக³தானம் க²ந்தா⁴னம் இந்த்³ரியபச்சயேன பச்சயோ. (1)
ஜா²னபச்சயாதி³
39. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ ஜா²னபச்சயேன பச்சயோ… தீணி, மக்³க³பச்சயேன பச்சயோ… தீணி, ஸம்பயுத்தபச்சயேன பச்சயோ… ஏகம்.
விப்பயுத்தபச்சயோ
40. ஸாரம்மணோ த⁴ம்மோ அனாரம்மணஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)
அனாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² ஸாரம்மணானம் க²ந்தா⁴னம் விப்பயுத்தபச்சயேன பச்சயோ. புரேஜாதம் சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ விப்பயுத்தபச்சயேன பச்சயோ; வத்து² ஸாரம்மணானம் க²ந்தா⁴னம் விப்பயுத்தபச்சயேன பச்சயோ. (1)
அத்தி²பச்சயோ
41. ஸாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ அத்தி²பச்சயேன பச்சயோ – ஸாரம்மணோ ஏகோ க²ந்தோ⁴ திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே…பே…. (1)
ஸாரம்மணோ த⁴ம்மோ அனாரம்மணஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (2)
ஸாரம்மணோ த⁴ம்மோ ஸாரம்மணஸ்ஸ ச அனாரம்மணஸ்ஸ ச த⁴ம்மஸ்ஸ அத்தி²பச்சயேன பச்சயோ (படிச்சஸதி³ஸம்). (3)
42. அனாரம்மணோ த⁴ம்மோ அனாரம்மணஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், ஆஹாரம், இந்த்³ரியம். ஸஹஜாதம் – ஏகம் மஹாபூ⁴தம்…பே… (யாவ அஸஞ்ஞஸத்தா). (1)
அனாரம்மணோ த⁴ம்மோ ஸாரம்மணஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² ஸாரம்மணானம் க²ந்தா⁴னம் அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² ஸாரம்மணானம் க²ந்தா⁴னம் அத்தி²பச்சயேன பச்சயோ. (2)
43. ஸாரம்மணோ ச அனாரம்மணோ ச த⁴ம்மா ஸாரம்மணஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – சக்கு²விஞ்ஞாணஸஹக³தோ ஏகோ க²ந்தோ⁴ ச சக்கா²யதனஞ்ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே… காயவிஞ்ஞாணஸஹக³தோ ஏகோ க²ந்தோ⁴ ச காயாயதனஞ்ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே… ஸாரம்மணோ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே… படிஸந்தி⁴க்க²ணே…பே…. (1)
ஸாரம்மணோ ச அனாரம்மணோ ச த⁴ம்மா அனாரம்மணஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – ஸாரம்மணா க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ; படிஸந்தி⁴க்க²ணே…பே…. பச்சா²ஜாதா – ஸாரம்மணா க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – ஸாரம்மணா க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)