1. விப⁴ங்க³வாரோ

நஹேதுபச்சயோ

243. சித்தஸஹபு⁴ம் த⁴ம்மம் படிச்ச சித்தஸஹபூ⁴ த⁴ம்மோ உப்பஜ்ஜதி நஹேதுபச்சயா – அஹேதுகம் சித்தஸஹபு⁴ம் ஏகம் க²ந்த⁴ம் படிச்ச த்³வே க²ந்தா⁴ சித்தஸஹபு⁴ சித்தஸமுட்டா²னஞ்ச ரூபம், த்³வே க²ந்தே⁴…பே… அஹேதுகபடிஸந்தி⁴க்க²ணே…பே… விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. (ஏவம் நவபி பஞ்ஹா காதப்³பா³. ‘‘அஹேதுக’’ந்தி நியாமேதப்³ப³ம். யதா² அனுலோமே லப்³ப⁴தி ஏவம் காதப்³ப³ம். தீணி மோஹோ யதா² சித்தஸமுட்டா²னது³கே ஏவமேவ காதப்³பா³.)

நகம்மபச்சயோ

244. சித்தஸஹபு⁴ம் த⁴ம்மம் படிச்ச சித்தஸஹபூ⁴ த⁴ம்மோ உப்பஜ்ஜதி நகம்மபச்சயா – சித்தஸஹபூ⁴ க²ந்தே⁴ படிச்ச சித்தஸஹபூ⁴ சேதனா.

நோசித்தஸஹபு⁴ம் த⁴ம்மம் படிச்ச நோசித்தஸஹபூ⁴ த⁴ம்மோ உப்பஜ்ஜதி நகம்மபச்சயா – பா³ஹிரம்… ஆஹாரஸமுட்டா²னம்… உதுஸமுட்டா²னம்…பே….

நோசித்தஸஹபு⁴ம் த⁴ம்மம் படிச்ச சித்தஸஹபூ⁴ த⁴ம்மோ உப்பஜ்ஜதி நகம்மபச்சயா – சித்தம் படிச்ச ஸம்பயுத்தகா சேதனா.

சித்தஸஹபு⁴ஞ்ச நோசித்தஸஹபு⁴ஞ்ச த⁴ம்மம் படிச்ச சித்தஸஹபூ⁴ த⁴ம்மோ உப்பஜ்ஜதி நகம்மபச்சயா – சித்தஸஹபூ⁴ க²ந்தே⁴ ச சித்தஞ்ச படிச்ச ஸம்பயுத்தகா சேதனா.

நஜா²னபச்சயோ

245. சித்தஸஹபு⁴ம் த⁴ம்மம் படிச்ச சித்தஸஹபூ⁴ த⁴ம்மோ உப்பஜ்ஜதி நஜா²னபச்சயா – பஞ்சவிஞ்ஞாணஸஹக³தம்…பே….