1. விப⁴ங்க³வாரோ

ஹேதுபச்சயோ

119. சேதஸிகோ த⁴ம்மோ சேதஸிகஸ்ஸ த⁴ம்மஸ்ஸ ஹேதுபச்சயேன பச்சயோ – சேதஸிகா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

சேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ ஹேதுபச்சயேன பச்சயோ – சேதஸிகா ஹேதூ சித்தஸ்ஸ சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (2)

சேதஸிகோ த⁴ம்மோ சேதஸிகஸ்ஸ ச அசேதஸிகஸ்ஸ ச த⁴ம்மஸ்ஸ ஹேதுபச்சயேன பச்சயோ – சேதஸிகா ஹேதூ ஸம்பயுத்தகானம் க²ந்தா⁴னம் சித்தஸ்ஸ ச சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (3)

ஆரம்மணபச்சயோ

120. சேதஸிகோ த⁴ம்மோ சேதஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – சேதஸிகே க²ந்தே⁴ ஆரப்³ப⁴ சேதஸிகா க²ந்தா⁴ உப்பஜந்தி. (மூலம் புச்சி²தப்³ப³ம்) சேதஸிகே க²ந்தே⁴ ஆரப்³ப⁴ சித்தம் உப்பஜ்ஜதி. (மூலம் புச்சி²தப்³ப³ம்) சேதஸிகே க²ந்தே⁴ ஆரப்³ப⁴ சேதஸிகா க²ந்தா⁴ ச சித்தஞ்ச உப்பஜ்ஜந்தி. (3)

121. அசேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா மக்³கா³ வுட்ட²ஹித்வா…பே… ப²லம் பச்சவேக்க²ந்தி, நிப்³பா³னம் பச்சவேக்க²ந்தி. நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; சக்கு²ம்…பே… வத்து²ம் அசேதஸிகே க²ந்தே⁴ அனிச்சதோ…பே… விபஸ்ஸதி அஸ்ஸாதே³தி அபி⁴னந்த³தி, தம் ஆரப்³ப⁴ சித்தம் உப்பஜ்ஜதி. தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. சேதோபரியஞாணேன அசேதஸிகசித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனம்…பே… ஆகிஞ்சஞ்ஞாயதனம்…பே… ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… அசேதஸிகா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

அசேதஸிகோ த⁴ம்மோ சேதஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா மக்³கா³ வுட்ட²ஹித்வா…பே… நிப்³பா³னம் பச்சவேக்க²ந்தி (பட²மக³மனஸதி³ஸம்); சக்கு²ம்…பே… வத்து²ம் அசேதஸிகே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. சேதோபரியஞாணேன அசேதஸிகசித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனம்…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ…பே… ரூபாயதனம் சக்கு²விஞ்ஞாணஸஹக³தானம் க²ந்தா⁴னம்…பே… போ²ட்ட²ப்³பா³யதனம் காயவிஞ்ஞாணஸஹக³தானம் க²ந்தா⁴னம்…பே… அசேதஸிகா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

அசேதஸிகோ த⁴ம்மோ சேதஸிகஸ்ஸ ச அசேதஸிகஸ்ஸ ச த⁴ம்மஸ்ஸ ஆரம்மணபச்சயேன பச்சயோ – அரியா மக்³கா³ வுட்ட²ஹித்வா…பே… நிப்³பா³னம் பச்சவேக்க²ந்தி (பட²மக³மனஸதி³ஸம்); சக்கு²ம்…பே… வத்து²ம் அசேதஸிகே க²ந்தே⁴ அனிச்சதோ…பே… விபஸ்ஸதி அஸ்ஸாதே³தி அபி⁴னந்த³தி, தம் ஆரப்³ப⁴ சித்தஞ்ச ஸம்பயுத்தகா ச க²ந்தா⁴ உப்பஜ்ஜந்தி. தி³ப்³பே³ன சக்கு²னா ரூபம் பஸ்ஸதி…பே… ரூபாயதனம் சக்கு²விஞ்ஞாணஸ்ஸ ஸம்பயுத்தகானஞ்ச க²ந்தா⁴னம் ஆரம்மணபச்சயேன பச்சயோ…பே… போ²ட்ட²ப்³பா³யதனம் காயவிஞ்ஞாணஸ்ஸ ஸம்பயுத்தகானஞ்ச க²ந்தா⁴னம்…பே… அசேதஸிகா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (3)

122. சேதஸிகோ ச அசேதஸிகோ ச த⁴ம்மா சேதஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – சேதஸிகே க²ந்தே⁴ ச சித்தஞ்ச ஆரப்³ப⁴ சேதஸிகா க²ந்தா⁴ உப்பஜ்ஜந்தி. (மூலம் புச்சி²தப்³ப³ம்) சேதஸிகே க²ந்தே⁴ ச சித்தஞ்ச ஆரப்³ப⁴ சித்தம் உப்பஜ்ஜதி. (மூலம் புச்சி²தப்³ப³ம்) சேதஸிகே க²ந்தே⁴ ச சித்தஞ்ச ஆரப்³ப⁴ சேதஸிகா க²ந்தா⁴ ச சித்தஞ்ச உப்பஜ்ஜந்தி. (3)

அதி⁴பதிபச்சயோ

123. சேதஸிகோ த⁴ம்மோ சேதஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – சேதஸிகே க²ந்தே⁴ க³ரும் கத்வா சேதஸிகா க²ந்தா⁴ உப்பஜ்ஜந்தி. ஸஹஜாதாதி⁴பதி – சேதஸிகாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (மூலம் புச்சி²தப்³ப³ம்) ஆரம்மணாதி⁴பதி – சேதஸிகே க²ந்தே⁴ க³ரும் கத்வா சித்தம் உப்பஜ்ஜதி. ஸஹஜாதாதி⁴பதி – சேதஸிகாதி⁴பதி சித்தஸ்ஸ சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (மூலம் புச்சி²தப்³ப³ம் ) ஆரம்மணாதி⁴பதி – சேதஸிகே க²ந்தே⁴ க³ரும் கத்வா சேதஸிகா க²ந்தா⁴ ச சித்தஞ்ச உப்பஜ்ஜந்தி. ஸஹஜாதாதி⁴பதி – சேதஸிகாதி⁴பதி ஸம்பயுத்தகானம் க²ந்தா⁴னம் சித்தஸ்ஸ ச சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

124. அசேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரியா மக்³கா³ வுட்ட²ஹித்வா…பே… நிப்³பா³னம் க³ரும் கத்வா பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ. மக்³க³ஸ்ஸ, ப²லஸ்ஸ அதி⁴பதிபச்சயேன பச்சயோ; சக்கு²ம் …பே… வத்து²ம் அசேதஸிகே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா சித்தம் உப்பஜ்ஜதி. ஸஹஜாதாதி⁴பதி – அசேதஸிகாதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (1)

அசேதஸிகோ த⁴ம்மோ சேதஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரியா மக்³கா³ வுட்ட²ஹித்வா…பே… நிப்³பா³னம் க³ரும் கத்வா…பே… (பட²மக³மனஸதி³ஸம்); சக்கு²ம்…பே… வத்து²ம் அசேதஸிகே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – அசேதஸிகாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (2)

அசேதஸிகோ த⁴ம்மோ சேதஸிகஸ்ஸ ச அசேதஸிகஸ்ஸ ச த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரியா மக்³கா³ வுட்ட²ஹித்வா…பே… நிப்³பா³னம்…பே… (பட²மக³மனம்) அசேதஸிகே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா சேதஸிகா க²ந்தா⁴ ச சித்தஞ்ச உப்பஜ்ஜந்தி. ஸஹஜாதாதி⁴பதி – அசேதஸிகாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

சேதஸிகோ ச அசேதஸிகோ ச த⁴ம்மா சேதஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி… தீணி (ஆரம்மணாதி⁴பதியேவ).

அனந்தரபச்சயாதி³

125. சேதஸிகோ த⁴ம்மோ சேதஸிகஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா சேதஸிகா க²ந்தா⁴ பச்சி²மானம் பச்சி²மானம் சேதஸிகானம் க²ந்தா⁴னம் அனந்தரபச்சயேன பச்சயோ. (மூலம் புச்சி²தப்³ப³ம்) புரிமா புரிமா சேதஸிகா க²ந்தா⁴ பச்சி²மஸ்ஸ பச்சி²மஸ்ஸ சித்தஸ்ஸ அனந்தரபச்சயேன பச்சயோ. (மூலம் புச்சி²தப்³ப³ம்) புரிமா புரிமா சேதஸிகா க²ந்தா⁴ பச்சி²மானம் பச்சி²மானம் சேதஸிகானம் க²ந்தா⁴னம் சித்தஸ்ஸ ச அனந்தரபச்சயேன பச்சயோ. (3)

126. அசேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ அனந்தரபச்சயேன பச்சயோ – புரிமம் புரிமம் சித்தம் பச்சி²மஸ்ஸ பச்சி²மஸ்ஸ சித்தஸ்ஸ அனந்தரபச்சயேன பச்சயோ; அனுலோமம் கோ³த்ரபு⁴ஸ்ஸ…பே… ப²லஸமாபத்தியா அனந்தரபச்சயேன பச்சயோ. (1)

அசேதஸிகோ த⁴ம்மோ சேதஸிகஸ்ஸ த⁴ம்மஸ்ஸ அனந்தரபச்சயேன பச்சயோ (ஏவம் தீணி காதப்³பா³னி, பட²மக³மனஸதி³ஸம். பூரித்வா காதப்³ப³ம், நின்னானாகரணம்).

சேதஸிகோ ச அசேதஸிகோ ச த⁴ம்மா சேதஸிகஸ்ஸ த⁴ம்மஸ்ஸ அனந்தரபச்சயேன பச்சயோ… தீணி (ஆவஜ்ஜனாபி வுட்டா²னம்பி நத்தி²).

ஸமனந்தரபச்சயேன பச்சயோ… நவ, ஸஹஜாதபச்சயேன பச்சயோ… நவ (படிச்சவாரஸதி³ஸம்), அஞ்ஞமஞ்ஞபச்சயேன பச்சயோ… நவ (படிச்சவாரஸதி³ஸம்), நிஸ்ஸயபச்சயேன பச்சயோ… நவ (பச்சயவாரஸதி³ஸம்).

உபனிஸ்ஸயபச்சயோ

127. சேதஸிகோ த⁴ம்மோ சேதஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – சேதஸிகா க²ந்தா⁴ சேதஸிகானம் க²ந்தா⁴னம் உபனிஸ்ஸயபச்சயேன பச்சயோ. (மூலம் புச்சி²தப்³ப³ம், தீணி உபனிஸ்ஸயா) சேதஸிகா க²ந்தா⁴ சித்தஸ்ஸ உபனிஸ்ஸயபச்சயேன பச்சயோ. (மூலம் புச்சி²தப்³ப³ம், தீணி உபனிஸ்ஸயா) சேதஸிகா க²ந்தா⁴ சேதஸிகானம் க²ந்தா⁴னம் சித்தஸ்ஸ ச உபனிஸ்ஸயபச்சயேன பச்சயோ. (3)

128. அசேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – உதும்… போ⁴ஜனம்… ஸேனாஸனம் சித்தம் உபனிஸ்ஸாய தா³னம் தே³தி…பே… ஸங்க⁴ம் பி⁴ந்த³தி; உதும்… போ⁴ஜனம்… ஸேனாஸனம் சித்தம் ஸத்³தா⁴ய…பே… பஞ்ஞாய… ராக³ஸ்ஸ…பே… பத்த²னாய காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ, மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)

அசேதஸிகோ த⁴ம்மோ சேதஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ பகதூபனிஸ்ஸயோ…பே…. பகதூபனிஸ்ஸயோ – உதும்… போ⁴ஜனம்… ஸேனாஸனம் சித்தம் உபனிஸ்ஸாய தா³னம் தே³தி…பே… (தீணி, பட²மக³மனஸதி³ஸம் நின்னானாகரணம்).

சேதஸிகோ ச அசேதஸிகோ ச த⁴ம்மா சேதஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ… தீணி.

புரேஜாதபச்சயோ

129. அசேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… விபஸ்ஸதி அஸ்ஸாதே³தி அபி⁴னந்த³தி, தம் ஆரப்³ப⁴ சித்தம் உப்பஜ்ஜதி. தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² சித்தஸ்ஸ புரேஜாதபச்சயேன பச்சயோ. (1)

அசேதஸிகோ த⁴ம்மோ சேதஸிகஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸஹக³தானம் க²ந்தா⁴னம்…பே… போ²ட்ட²ப்³பா³யதனம் காயவிஞ்ஞாணஸஹக³தானம் க²ந்தா⁴னம்…பே…. வத்து²புரேஜாதம் – சக்கா²யதனம் சக்கு²விஞ்ஞாணஸஹக³தானம் க²ந்தா⁴னம்…பே… காயாயதனம்…பே… வத்து² சேதஸிகானம் க²ந்தா⁴னம் புரேஜாதபச்சயேன பச்சயோ. (2)

அசேதஸிகோ த⁴ம்மோ சேதஸிகஸ்ஸ ச அசேதஸிகஸ்ஸ ச த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… விபஸ்ஸதி அஸ்ஸாதே³தி அபி⁴னந்த³தி, தம் ஆரப்³ப⁴ சித்தஞ்ச ஸம்பயுத்தகா ச க²ந்தா⁴ உப்பஜ்ஜந்தி. தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ ஸம்பயுத்தகானஞ்ச க²ந்தா⁴னம்…பே… போ²ட்ட²ப்³பா³யதனம்…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ ஸம்பயுத்தகானஞ்ச க²ந்தா⁴னம்…பே… காயாயதனம்…பே… வத்து² சித்தஸ்ஸ ஸம்பயுத்தகானஞ்ச க²ந்தா⁴னம் புரேஜாதபச்சயேன பச்சயோ. (3)

பச்சா²ஜாதாஸேவனபச்சயா

130. சேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்).

அசேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்).

சேதஸிகோ ச அசேதஸிகோ ச த⁴ம்மா அசேதஸிகஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்).

சேதஸிகோ த⁴ம்மோ சேதஸிகஸ்ஸ த⁴ம்மஸ்ஸ ஆஸேவனபச்சயேன பச்சயோ (ஸம்கி²த்தம்).

கம்மபச்சயோ

131. சேதஸிகோ த⁴ம்மோ சேதஸிகஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – சேதஸிகா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – சேதஸிகா சேதனா விபாகானம் க²ந்தா⁴னம் கம்மபச்சயேன பச்சயோ. (1)

சேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – சேதஸிகா சேதனா சித்தஸ்ஸ சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – சேதஸிகா சேதனா விபாகஸ்ஸ சித்தஸ்ஸ கடத்தா ச ரூபானம் கம்மபச்சயேன பச்சயோ. (2)

சேதஸிகோ த⁴ம்மோ சேதஸிகஸ்ஸ ச அசேதஸிகஸ்ஸ ச த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – சேதஸிகா சேதனா ஸம்பயுத்தகானம் க²ந்தா⁴னம் சித்தஸ்ஸ ச சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – சேதஸிகா சேதனா விபாகானம் க²ந்தா⁴னம் சித்தஸ்ஸ கடத்தா ச ரூபானம் கம்மபச்சயேன பச்சயோ. (3)

விபாகபச்சயாதி³

132. சேதஸிகோ த⁴ம்மோ சேதஸிகஸ்ஸ த⁴ம்மஸ்ஸ விபாகபச்சயேன பச்சயோ… நவ… ஆஹாரபச்சயேன பச்சயோ… நவ… இந்த்³ரியபச்சயேன பச்சயோ… நவ… ஜா²னபச்சயேன பச்சயோ… தீணி… மக்³க³பச்சயேன பச்சயோ… தீணி… ஸம்பயுத்தபச்சயேன பச்சயோ… பஞ்ச.

விப்பயுத்தபச்சயோ

133. சேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

அசேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம். ஸஹஜாதம் – சித்தம் சித்தஸமுட்டா²னானம் ரூபானம் விப்பயுத்தபச்சயேன பச்சயோ; படிஸந்தி⁴க்க²ணே சித்தம் கடத்தாரூபானம் விப்பயுத்தபச்சயேன பச்சயோ; சித்தம் வத்து²ஸ்ஸ விப்பயுத்தபச்சயேன பச்சயோ; வத்து² சித்தஸ்ஸ விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ விப்பயுத்தபச்சயேன பச்சயோ…பே… காயாயதனம் காயவிஞ்ஞாணஸ்ஸ…பே… வத்து² சித்தஸ்ஸ விப்பயுத்தபச்சயேன பச்சயோ. பச்சா²ஜாதம் – சித்தம் புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

அசேதஸிகோ த⁴ம்மோ சேதஸிகஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² சேதஸிகானம் க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸஹக³தானம் க²ந்தா⁴னம்…பே… காயாயதனம் காயவிஞ்ஞாணஸஹக³தானம் க²ந்தா⁴னம்…பே… வத்து² சேதஸிகானம் க²ந்தா⁴னம் விப்பயுத்தபச்சயேன பச்சயோ. (2)

அசேதஸிகோ த⁴ம்மோ சேதஸிகஸ்ஸ ச அசேதஸிகஸ்ஸ ச த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² சேதஸிகானம் க²ந்தா⁴னம் சித்தஸ்ஸ ச விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ ஸம்பயுத்தகானஞ்ச க²ந்தா⁴னம்…பே… காயாயதனம் காயவிஞ்ஞாணஸ்ஸ ஸம்பயுத்தகானஞ்ச க²ந்தா⁴னம்…பே… வத்து² சித்தஸ்ஸ ஸம்பயுத்தகானஞ்ச க²ந்தா⁴னம் விப்பயுத்தபச்சயேன பச்சயோ. (3)

சேதஸிகோ ச அசேதஸிகோ ச த⁴ம்மா அசேதஸிகஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்).

அத்தி²பச்சயோ

134. சேதஸிகோ த⁴ம்மோ சேதஸிகஸ்ஸ த⁴ம்மஸ்ஸ அத்தி²பச்சயேன பச்சயோ… ஏகம் (படிச்சவாரஸதி³ஸம்).

சேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (2)

சேதஸிகோ த⁴ம்மோ சேதஸிகஸ்ஸ ச அசேதஸிகஸ்ஸ ச த⁴ம்மஸ்ஸ அத்தி²பச்சயேன பச்சயோ… ஏகம் (படிச்சவாரஸதி³ஸம்). (3)

135. அசேதஸிகோ த⁴ம்மோ அசேதஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம்). (1)

அசேதஸிகோ த⁴ம்மோ சேதஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதம் – சித்தம் சேதஸிகானம் க²ந்தா⁴னம் அத்தி²பச்சயேன பச்சயோ; படிஸந்தி⁴க்க²ணே சித்தம்…பே… படிஸந்தி⁴க்க²ணே வத்து² சேதஸிகானம் க²ந்தா⁴னம் அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம் அனிச்சதோ…பே… (புரேஜாதஸதி³ஸம் நின்னானாகரணம்). (2)

அசேதஸிகோ த⁴ம்மோ சேதஸிகஸ்ஸ ச அசேதஸிகஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதம் – சித்தம் ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ; படிஸந்தி⁴க்க²ணே சித்தம்…பே… படிஸந்தி⁴க்க²ணே வத்து² சேதஸிகானம் க²ந்தா⁴னம் சித்தஸ்ஸ ச அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம் அனிச்சதோ…பே… (புரேஜாதஸதி³ஸம் நின்னானம்). (3)

136. சேதஸிகோ ச அசேதஸிகோ ச த⁴ம்மா சேதஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – சக்கு²விஞ்ஞாணஸஹக³தோ ஏகோ க²ந்தோ⁴ ச சக்கா²யதனஞ்ச த்³வின்னம் க²ந்தா⁴னம்…பே… காயவிஞ்ஞாணஸஹக³தோ…பே… சேதஸிகோ ஏகோ க²ந்தோ⁴ ச வத்து² ச த்³வின்னம் க²ந்தா⁴னம் அத்தி²பச்சயேன பச்சயோ; த்³வே க²ந்தா⁴ ச…பே…. ஸஹஜாதோ – சேதஸிகோ ஏகோ க²ந்தோ⁴ ச சித்தஞ்ச த்³வின்னம் க²ந்தா⁴னம் அத்தி²பச்சயேன பச்சயோ; த்³வே க²ந்தா⁴ ச…பே… (படிஸந்தி⁴க்க²ணே) த்³வேபி காதப்³பா³. (1)

சேதஸிகோ ச அசேதஸிகோ ச த⁴ம்மா அசேதஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – சக்கு²விஞ்ஞாணஸஹக³தா க²ந்தா⁴ ச சக்கா²யதனஞ்ச சக்கு²விஞ்ஞாணஸ்ஸ…பே… காயவிஞ்ஞாணஸ்ஸ…பே… சேதஸிகா க²ந்தா⁴ ச சித்தஞ்ச சித்தஸமுட்டா²னானம் ரூபானம் அத்தி²பச்சயேன பச்சயோ; சேதஸிகா க²ந்தா⁴ ச சித்தஞ்ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ. ஸஹஜாதா – சேதஸிகா க²ந்தா⁴ ச வத்து² ச சித்தஸ்ஸ அத்தி²பச்சயேன பச்சயோ (படிஸந்தி⁴க்க²ணே தீணிபி காதப்³பா³). பச்சா²ஜாதா – சேதஸிகா க²ந்தா⁴ ச சித்தஞ்ச புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – சேதஸிகா க²ந்தா⁴ ச சித்தஞ்ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – சேதஸிகா க²ந்தா⁴ ச சித்தஞ்ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)

சேதஸிகோ ச அசேதஸிகோ ச த⁴ம்மா சேதஸிகஸ்ஸ ச அசேதஸிகஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – சக்கு²விஞ்ஞாணஸஹக³தோ ஏகோ க²ந்தோ⁴ ச சக்கா²யதனஞ்ச த்³வின்னம் க²ந்தா⁴னம் சக்கு²விஞ்ஞாணஸ்ஸ ச அத்தி²பச்சயேன பச்சயோ…பே… காயவிஞ்ஞாணஸஹக³தோ ஏகோ க²ந்தோ⁴ ச காயாயதனஞ்ச த்³வின்னம் க²ந்தா⁴னம் காயவிஞ்ஞாணஸ்ஸ ச அத்தி²பச்சயேன பச்சயோ; த்³வே க²ந்தா⁴ ச…பே…. ஸஹஜாதோ – சேதஸிகோ ஏகோ க²ந்தோ⁴ ச வத்து² ச த்³வின்னம் க²ந்தா⁴னம் சித்தஸ்ஸ ச அத்தி²பச்சயேன பச்சயோ; த்³வே க²ந்தா⁴ ச…பே… (படிஸந்தி⁴யா த்³வே காதப்³பா³). (3)