18. அதீதத்திகம்

7. பஞ்ஹாவாரோ

1. பச்சயானுலோமம்

1. விப⁴ங்க³வாரோ

ஹேதுபச்சயோ

1. பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ ஹேதுபச்சயேன பச்சயோ – பச்சுப்பன்னா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. படிஸந்தி⁴க்க²ணே…பே…. (1)

ஆரம்மணபச்சயோ

2. அதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம் ஸமாதி³யித்வா உபோஸத²கம்மம்…பே… பச்சவேக்க²தி, புப்³பே³ ஸுசிண்ணானி பச்சவேக்க²தி, ஜா²னா வுட்ட²ஹித்வா ஜா²னம் பச்சவேக்க²தி. அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம் பச்சவேக்க²ந்தி, பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி. அதீதம் சக்கு²ம் அனிச்சதோ து³க்க²தோ அனத்ததோ விபஸ்ஸதி…பே… தோ³மனஸ்ஸம் உப்பஜ்ஜதி. அதீதம் ஸோதம்…பே… கா⁴னம்… ஜிவ்ஹம்… காயம்… ரூபே… ஸத்³தே³… க³ந்தே⁴… ரஸே… போ²ட்ட²ப்³பே³… வத்து²ம்… அதீதே க²ந்தே⁴ அனிச்சதோ து³க்க²தோ அனத்ததோ விபஸ்ஸதி, அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி, தி³ட்டி² உப்பஜ்ஜதி, விசிகிச்சா²… உத்³த⁴ச்சம்… தோ³மனஸ்ஸம் உப்பஜ்ஜதி, ஆகாஸானஞ்சாயதனம் விஞ்ஞாணஞ்சாயதனஸ்ஸ ஆரம்மணபச்சயேன பச்சயோ. ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ ஆரம்மணபச்சயேன பச்சயோ. அதீதா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

3. அனாக³தோ த⁴ம்மோ பச்சுப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ – அனாக³தம் சக்கு²ம்…பே… வத்து²ம்… அனாக³தே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி. அனாக³தா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ – பச்சுப்பன்னம் சக்கு²ம்…பே… காயம்… ரூபே… ஸத்³தே³… க³ந்தே⁴… ரஸே… போ²ட்ட²ப்³பே³… வத்து²ம்… பச்சுப்பன்னே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… பச்சுப்பன்னா க²ந்தா⁴ இத்³தி⁴வித⁴ஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

அதி⁴பதிபச்சயோ

4. அதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – தா³னம் த³த்வா ஸீலம் ஸமாதி³யித்வா…பே… புப்³பே³ ஸுசிண்ணானி க³ரும் கத்வா பச்சவேக்க²தி, ஜா²னா வுட்ட²ஹித்வா ஜா²னம் க³ரும் கத்வா பச்சவேக்க²தி. அரியா மக்³கா³ வுட்ட²ஹித்வா மக்³க³ம் க³ரும் கத்வா பச்சவேக்க²ந்தி, ப²லம் க³ரும் கத்வா பச்சவேக்க²ந்தி. அதீதம் சக்கு²ம்…பே… காயம்… ரூபே… ஸத்³தே³… க³ந்தே⁴… ரஸே… போ²ட்ட²ப்³பே³… வத்து²ம்… அதீதே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (1) அனாக³தோ த⁴ம்மோ பச்சுப்பன்னஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – அனாக³தம் சக்கு²ம்…பே… வத்து²ம்… அனாக³தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (1)

பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – பச்சுப்பன்னம் சக்கு²ம்…பே… வத்து²ம்… பச்சுப்பன்னே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – பச்சுப்பன்னாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

அனந்தரபச்சயோ

5. அதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அதீதா க²ந்தா⁴ பச்சி²மானம் பச்சி²மானம் பச்சுப்பன்னானம் க²ந்தா⁴னம் அனந்தரபச்சயேன பச்சயோ. அனுலோமம் கோ³த்ரபு⁴ஸ்ஸ… அனுலோமம் வோதா³னஸ்ஸ… கோ³த்ரபு⁴ மக்³க³ஸ்ஸ… வோதா³னம் மக்³க³ஸ்ஸ… மக்³கோ³ ப²லஸ்ஸ… ப²லம் ப²லஸ்ஸ… அனுலோமம் ப²லஸமாபத்தியா… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனம் ப²லஸமாபத்தியா அனந்தரபச்சயேன பச்சயோ. (1)

ஸமனந்தரபச்சயோ

6. அதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ ஸமனந்தரபச்சயேன பச்சயோ (அனந்தரஸதி³ஸம்). (1)

ஸஹஜாதபச்சயாதி³

7. பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ… நிஸ்ஸயபச்சயேன பச்சயோ (ஸம்கி²த்தம்). (1)

உபனிஸ்ஸயபச்சயோ

8. அதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அதீதம் ஸத்³த⁴ம் உபனிஸ்ஸாய தா³னம் தே³தி, ஸீலம் ஸமாதி³யதி, உபோஸத²கம்மம் கரோதி, ஜா²னம் உப்பாதே³தி, விபஸ்ஸனம்… மக்³க³ம்… அபி⁴ஞ்ஞம்… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி. அதீதம் ஸீலம்…பே… பஞ்ஞம்… ராக³ம்…பே… பத்த²னம்… காயிகம் ஸுக²ம்… காயிகம் து³க்க²ம் உபனிஸ்ஸாய தா³னம் தே³தி ஸீலம் ஸமாதி³யதி, உபோஸத²கம்மம்…பே… ஸமாபத்திம் உப்பாதே³தி, பாணம் ஹனதி…பே… ஸங்க⁴ம் பி⁴ந்த³தி. அதீதா ஸத்³தா⁴…பே… பஞ்ஞா, ராகோ³…பே… பத்த²னா, காயிகம் ஸுக²ம்… காயிகம் து³க்க²ம்… பச்சுப்பன்னாய ஸத்³தா⁴ய…பே… பஞ்ஞாய, ராக³ஸ்ஸ…பே… பத்த²னாய…பே… ப²லஸமாபத்தியா உபனிஸ்ஸயபச்சயேன பச்சயோ. (1)

அனாக³தோ த⁴ம்மோ பச்சுப்பன்னஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அனாக³தம் சக்கு²ஸம்பத³ம் பத்த²யமானோ…பே… ஸோதஸம்பத³ம்… கா⁴னஸம்பத³ம் ஜிவ்ஹாஸம்பத³ம்… காயஸம்பத³ம்… வண்ணஸம்பத³ம்… ஸத்³த³ஸம்பத³ம்… க³ந்த⁴ஸம்பத³ம்… ரஸஸம்பத³ம்… போ²ட்ட²ப்³ப³ஸம்பத³ம்…பத்த²யமானோ…பே… அனாக³தே க²ந்தே⁴ பத்த²யமானோ தா³னம் தே³தி, ஸீலம் ஸமாதி³யதி, உபோஸத²கம்மம்… அனாக³தா சக்கு²ஸம்பதா³…பே… வண்ணஸம்பதா³…பே… போ²ட்ட²ப்³ப³ஸம்பதா³… அனாக³தா க²ந்தா⁴ பச்சுப்பன்னாய ஸத்³தா⁴ய…பே… பஞ்ஞாய, காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ, மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)

பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பச்சுப்பன்னம் உதும் உபனிஸ்ஸாய ஜா²னம் உப்பாதே³தி, விபஸ்ஸனம்…பே… பச்சுப்பன்னம் போ⁴ஜனம் ஸேனாஸனம் உபனிஸ்ஸாய ஜா²னம் உப்பாதே³தி…பே… ஸமாபத்திம் உப்பாதே³தி. பச்சுப்பன்னம் உது… போ⁴ஜனம்… ஸேனாஸனம் பச்சுப்பன்னாய ஸத்³தா⁴ய…பே… பஞ்ஞாய காயிகஸ்ஸ…பே… ப²லஸமாபத்தியா உபனிஸ்ஸயபச்சயேன பச்சயோ. (1)

புரேஜாதபச்சயோ

9. பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ புரேஜாதபச்சயேன பச்சயோ. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ… வத்து² பச்சுப்பன்னானம் க²ந்தா⁴னம் புரேஜாதபச்சயேன பச்சயோ. (1)

பச்சா²ஜாதபச்சயோ

10. பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா பச்சுப்பன்னா க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

ஆஸேவனபச்சயோ

11. அதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா அதீதா க²ந்தா⁴ பச்சி²மானம் பச்சி²மானம் பச்சுப்பன்னானம் க²ந்தா⁴னம் ஆஸேவனபச்சயேன பச்சயோ. அனுலோமம் கோ³த்ரபு⁴ஸ்ஸ… அனுலோமம் வோதா³னஸ்ஸ… கோ³த்ரபு⁴ மக்³க³ஸ்ஸ… வோதா³னம் மக்³க³ஸ்ஸ ஆஸேவனபச்சயேன பச்சயோ. (1)

கம்மபச்சயோ

12. அதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ கம்மபச்சயேன பச்சயோ. நானாக்க²ணிகா – அதீதா சேதனா பச்சுப்பன்னானம் விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ கம்மபச்சயேன பச்சயோ – பச்சுப்பன்னா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. படிஸந்தி⁴க்க²ணே பச்சுப்பன்னா சேதனா ஸம்பயுத்தகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

விபாகபச்சயோ

13. பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ விபாகபச்சயேன பச்சயோ – விபாகோ பச்சுப்பனோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் விபாகபச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே…பே… க²ந்தா⁴ வத்து²ஸ்ஸ விபாகபச்சயேன பச்சயோ. (1)

ஆஹாரபச்சயாதி³

14. பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ ஆஹாரபச்சயேன பச்சயோ… இந்த்³ரியபச்சயேன பச்சயோ… ஜா²னபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ… விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம். ஸஹஜாதா – பச்சுப்பன்னா க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ. படிஸந்தி⁴க்க²ணே பச்சுப்பன்னா க²ந்தா⁴ கடத்தாரூபானம் விப்பயுத்தபச்சயேன பச்சயோ, க²ந்தா⁴ வத்து²ஸ்ஸ விப்பயுத்தபச்சயேன பச்சயோ, வத்து² க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ… வத்து² பச்சுப்பன்னானம் க²ந்தா⁴னம் விப்பயுத்தபச்சயேன பச்சயோ. பச்சா²ஜாதா – பச்சுப்பன்னா க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

அத்தி²பச்சயோ

15. பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ அத்தி²பச்சயேன பச்சயோ (உப்பன்னத்திகே அத்தி²ஸதி³ஸம்). (1)

நத்தி²விக³தாவிக³தபச்சயா

16. அதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ நத்தி²பச்சயேன பச்சயோ… விக³தபச்சயேன பச்சயோ.

பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ அவிக³தபச்சயேன பச்சயோ…பே….

1. பச்சயானுலோமம்

2. ஸங்க்²யாவாரோ

17. ஹேதுயா ஏகம், ஆரம்மணே தீணி, அதி⁴பதியா தீணி, அனந்தரே ஏகம், ஸமனந்தரே ஏகம், ஸஹஜாதே அஞ்ஞமஞ்ஞே நிஸ்ஸயே ஏகம், உபனிஸ்ஸயே தீணி, புரேஜாதே பச்சா²ஜாதே ஆஸேவனே ஏகம், கம்மே த்³வே, விபாகே ஆஹாரே ஏகம்…பே… அவிக³தே ஏகம் (ஏவம் க³ணேதப்³ப³ம்).

அனுலோமம்.

பச்சனீயுத்³தா⁴ரோ

18. அதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (1)

அனாக³தோ த⁴ம்மோ பச்சுப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ. (1)

பச்சுப்பன்னோ த⁴ம்மோ பச்சுப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… புரேஜாதபச்சயேன பச்சயோ… பச்சா²ஜாதபச்சயேன பச்சயோ… ஆஹாரபச்சயேன பச்சயோ… இந்த்³ரியபச்சயேன பச்சயோ. (1)

2. பச்சயபச்சனீயம்

2. ஸங்க்²யாவாரோ

19. நஹேதுயா தீணி, நஆரம்மணே தீணி, நஅதி⁴பதியா தீணி, நஅனந்தரே தீணி …பே… நஸம்பயுத்தே தீணி, நவிப்பயுத்தே தீணி, நோஅத்தி²யா த்³வே, நோனத்தி²யா தீணி, நோவிக³தே தீணி, நோஅவிக³தே த்³வே (ஏவம் க³ணேதப்³ப³ம்).

பச்சனீயம்.

3. பச்சயானுலோமபச்சனீயம்

20. ஹேதுபச்சயா நஆரம்மணே ஏகம், நஅதி⁴பதியா நஅனந்தரே நஸமனந்தரே நஅஞ்ஞமஞ்ஞே நஉபனிஸ்ஸயே…பே… நஸம்பயுத்தே நவிப்பயுத்தே நோனத்தி²யா நோவிக³தே ஏகம் (ஏவம் க³ணேதப்³ப³ம்).

அனுலோமபச்சனீயம்.

4. பச்சயபச்சனீயானுலோமம்

21. நஹேதுபச்சயா ஆரம்மணே தீணி, அதி⁴பதியா தீணி, அனந்தரே ஸமனந்தரே ஸஹஜாதே அஞ்ஞமஞ்ஞே நிஸ்ஸயே ஏகம், உபனிஸ்ஸயே தீணி, புரேஜாதே ஏகம், பச்சா²ஜாதே ஆஸேவனே ஏகம்…பே… கம்மே த்³வே, விபாகே ஏகம் (இமேஸு பதே³ஸு ஏகம்யேவ), அவிக³தே ஏகம் (ஏவம் க³ணேதப்³ப³ம்).

பச்சனீயானுலோமம்.

பஞ்ஹாவாரோ.

அதீதத்திகம் நிட்டி²தம்.