19. அதீதாரம்மணத்திகம்

1. படிச்சவாரோ

1. பச்சயானுலோமம்

1. விப⁴ங்க³வாரோ

ஹேதுபச்சயோ

1. அதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி ஹேதுபச்சயா – அதீதாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴ படிச்ச த்³வே க²ந்தா⁴. படிஸந்தி⁴க்க²ணே அதீதாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴ படிச்ச த்³வே க²ந்தா⁴. (1)

2. அனாக³தாரம்மணம் த⁴ம்மம் படிச்ச அனாக³தாரம்மணோ த⁴ம்மோ உப்பஜ்ஜதி ஹேதுபச்சயா – அனாக³தாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தா⁴. (1)

3. பச்சுப்பன்னாரம்மணம் த⁴ம்மம் படிச்ச பச்சுப்பன்னாரம்மணோ த⁴ம்மோ உப்பஜ்ஜதி ஹேதுபச்சயா – பச்சுப்பன்னாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தா⁴. படிஸந்தி⁴க்க²ணே பச்சுப்பன்னாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தா⁴. (1)

ஆரம்மணபச்சயாதி³

4. அதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி ஆரம்மணபச்சயா… அதி⁴பதிபச்சயா (அதி⁴பதியா படிஸந்தி⁴ நத்தி²)… அனந்தரபச்சயா… ஸமனந்தரபச்சயா… ஸஹஜாதபச்சயா… அஞ்ஞமஞ்ஞபச்சயா… நிஸ்ஸயபச்சயா… உபனிஸ்ஸயபச்சயா… புரேஜாதபச்சயா… ஆஸேவனபச்சயா (புரேஜாதேபி ஆஸேவனேபி படிஸந்தி⁴ நத்தி²)… கம்மபச்சயா… விபாகபச்சயா (விபாகம் அதீதாரம்மணம் ஏகம் க²ந்த⁴ம், திஸ்ஸோபி பஞ்ஹா பரிபுண்ணா. பவத்திபடிஸந்தி⁴ காதப்³பா³)… ஆஹாரபச்சயா… இந்த்³ரியபச்சயா… ஜா²னபச்சயா… மக்³க³பச்சயா… ஸம்பயுத்தபச்சயா… விப்பயுத்தபச்சயா… அத்தி²பச்சயா… நத்தி²பச்சயா… விக³தபச்சயா… அவிக³தபச்சயா.

1. பச்சயானுலோமம்

2. ஸங்க்²யாவாரோ

5. ஹேதுயா தீணி, ஆரம்மணே தீணி, அதி⁴பதியா தீணி…பே… (ஸப்³ப³த்த² தீணி), விக³தே தீணி, அவிக³தே தீணி (ஏவம் க³ணேதப்³ப³ம்).

அனுலோமம்.

2. பச்சயபச்சனீயம்

1. விப⁴ங்க³வாரோ

நஹேதுபச்சயோ

6. அதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகம் அதீதாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே… அஹேதுகபடிஸந்தி⁴க்க²ணே …பே… விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)

7. அனாக³தாரம்மணம் த⁴ம்மம் படிச்ச அனாக³தாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகம் அனாக³தாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே… விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)

8. பச்சுப்பன்னாரம்மணம் த⁴ம்மம் படிச்ச பச்சுப்பன்னாரம்மணோ த⁴ம்மோ உப்பஜ்ஜதி நஹேதுபச்சயா – அஹேதுகம் பச்சுப்பன்னாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே… அஹேதுகபடிஸந்தி⁴க்க²ணே…பே… விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)

நஅதி⁴பதிபச்சயோ

9. அதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி நஅதி⁴பதிபச்சயா (அனுலோமஸஹஜாதஸதி³ஸம்).

நபுரேஜாதபச்சயோ

10. அதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி நபுரேஜாதபச்சயா – அரூபே அதீதாரம்மணம் ஏகம் க²ந்த⁴ம் படிச்ச…பே… த்³வே க²ந்தே⁴…பே… படிஸந்தி⁴க்க²ணே…பே…. (1)

அனாக³தாரம்மணம் த⁴ம்மம் படிச்ச அனாக³தாரம்மணோ த⁴ம்மோ உப்பஜ்ஜதி நபுரேஜாதபச்சயா – அரூபே அனாக³தாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே…. (1)

பச்சுப்பன்னாரம்மணம் த⁴ம்மம் படிச்ச பச்சுப்பன்னாரம்மணோ த⁴ம்மோ உப்பஜ்ஜதி நபுரேஜாதபச்சயா – படிஸந்தி⁴க்க²ணே பச்சுப்பன்னாரம்மணம் ஏகம் க²ந்த⁴ம் படிச்ச…பே… த்³வே க²ந்தே⁴…பே…. (1)

நபச்சா²ஜாதபச்சயாதி³

11. அதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி நபச்சா²ஜாதபச்சயா… நஆஸேவனபச்சயா (நஅதி⁴பதிஸதி³ஸா)… நகம்மபச்சயா – அதீதாரம்மணே க²ந்தே⁴ படிச்ச அதீதாரம்மணா சேதனா. (1)

அனாக³தாரம்மணம் த⁴ம்மம் படிச்ச அனாக³தாரம்மணோ த⁴ம்மோ உப்பஜ்ஜதி நகம்மபச்சயா – அனாக³தாரம்மணே க²ந்தே⁴ படிச்ச அனாக³தாரம்மணா சேதனா. (1)

பச்சுப்பன்னாரம்மணம் த⁴ம்மம் படிச்ச பச்சுப்பன்னாரம்மணோ த⁴ம்மோ உப்பஜ்ஜதி நகம்மபச்சயா – பச்சுப்பன்னாரம்மணே க²ந்தே⁴ படிச்ச பச்சுப்பன்னாரம்மணா சேதனா. (1)

நவிபாகபச்சயோ

12. அதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி நவிபாகபச்சயா…பே… (நவிபாகே படிஸந்தி⁴ நத்தி²).

நஜா²னபச்சயோ

13. பச்சுப்பன்னாரம்மணம் த⁴ம்மம் படிச்ச பச்சுப்பன்னாரம்மணோ த⁴ம்மோ உப்பஜ்ஜதி நஜா²னபச்சயா – பஞ்சவிஞ்ஞாணஸஹக³தம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே…. (1)

நமக்³க³பச்சயோ

14. அதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி நமக்³க³பச்சயா – அஹேதுகம் அதீதாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… (நஹேதுஸதி³ஸா திஸ்ஸோ பஞ்ஹா, மோஹோ நத்தி² ).

நவிப்பயுத்தபச்சயோ

15. அதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி நவிப்பயுத்தபச்சயா – அரூபே அதீதாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே…. (1)

அனாக³தாரம்மணம் த⁴ம்மம் படிச்ச அனாக³தாரம்மணோ த⁴ம்மோ உப்பஜ்ஜதி நவிப்பயுத்தபச்சயா – அரூபே அனாக³தாரம்மணம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே…. (1)

2. பச்சயபச்சனீயம்

2. ஸங்க்²யாவாரோ

16. நஹேதுயா தீணி, நஅதி⁴பதியா நபுரேஜாதே நபச்சா²ஜாதே நஆஸேவனே நகம்மே நவிபாகே தீணி, நஜா²னே ஏகம், நமக்³கே³ தீணி, நவிப்பயுத்தே த்³வே (ஏவம் க³ணேதப்³ப³ம்).

பச்சனீயம்.

3. பச்சயானுலோமபச்சனீயம்

ஹேதுது³கம்

17. ஹேதுபச்சயா நஅதி⁴பதியா தீணி, நபுரேஜாதே நபச்சா²ஜாதே நஆஸேவனே நகம்மே நவிபாகே தீணி, நவிப்பயுத்தே த்³வே (ஏவம் க³ணேதப்³ப³ம்).

அனுலோமபச்சனீயம்.

4. பச்சயபச்சனீயானுலோமம்

18. நஹேதுபச்சயா ஆரம்மணே தீணி…பே… (ஸப்³ப³த்த² தீணி) அவிக³தே தீணி (ஏவம் க³ணேதப்³ப³ம்).

பச்சனீயானுலோமம்.

படிச்சவாரோ.

2-6. ஸஹஜாத-பச்சய-நிஸ்ஸய-ஸம்ஸட்ட²-ஸம்பயுத்தவாரோ

(ஸஹஜாதவாரோபி பச்சயவாரோபி நிஸ்ஸயவாரோபி ஸம்ஸட்ட²வாரோபி ஸம்பயுத்தவாரோபி படிச்சவாரஸதி³ஸா.)

7. பஞ்ஹாவாரோ

1. பச்சயானுலோமம்

1. விப⁴ங்க³வாரோ

ஹேதுபச்சயோ

19. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஹேதுபச்சயேன பச்சயோ – அதீதாரம்மணா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. படிஸந்தி⁴க்க²ணே அதீதாரம்மணா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (1)

அனாக³தாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ ஹேதுபச்சயேன பச்சயோ – அனாக³தாரம்மணா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (1)

பச்சுப்பன்னாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ ஹேதுபச்சயேன பச்சயோ – பச்சுப்பன்னாரம்மணா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. படிஸந்தி⁴க்க²ணே பச்சுப்பன்னாரம்மணா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (1)

ஆரம்மணபச்சயோ

20. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – அதீதம் விஞ்ஞாணஞ்சாயதனம் பச்சவேக்க²தி, நேவஸஞ்ஞானாஸஞ்ஞாயதனம் பச்சவேக்க²தி. அதீதாரம்மணம் அதீதம் இத்³தி⁴வித⁴ஞாணம் பச்சவேக்க²தி, சேதோபரியஞாணம்… புப்³பே³னிவாஸானுஸ்ஸதிஞாணம்… யதா²கம்மூபக³ஞாணம் பச்சவேக்க²தி. அரியா அதீதாரம்மணே பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி. அதீதாரம்மணே அதீதே க²ந்தே⁴ அனிச்சதோ து³க்க²தோ அனத்ததோ விபஸ்ஸதி, அஸ்ஸாதே³தி அபி⁴னந்த³தி; தம் ஆரப்³ப⁴ அதீதாரம்மணோ ராகோ³ உப்பஜ்ஜதி, தி³ட்டி²…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி. அதீதாரம்மணா அதீதா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

அதீதாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – அனாக³தம் விஞ்ஞாணஞ்சாயதனம் பச்சவேக்க²தி, நேவஸஞ்ஞானாஸஞ்ஞாயதனம் பச்சவேக்க²தி. அதீதாரம்மணம் அனாக³தம் இத்³தி⁴வித⁴ஞாணம் பச்சவேக்க²தி, சேதோபரியஞாணம்…பே… புப்³பே³னிவாஸானுஸ்ஸதிஞாணம்…பே… யதா²கம்மூபக³ஞாணம் பச்சவேக்க²தி. அதீதாரம்மணே அனாக³தே க²ந்தே⁴ அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி; தம் ஆரப்³ப⁴ அனாக³தாரம்மணோ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. அதீதாரம்மணா அனாக³தா க²ந்தா⁴ சேதோபரியஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

அதீதாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – சேதோபரியஞாணேன அதீதாரம்மணபச்சுப்பன்னசித்தஸமங்கி³ஸ்ஸ சித்தம் ஜானாதி. அதீதாரம்மணா பச்சுப்பன்னா க²ந்தா⁴ சேதோபரியஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (3)

21. அனாக³தாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – அனாக³தாரம்மணம் அனாக³தம் இத்³தி⁴வித⁴ஞாணம் பச்சவேக்க²தி, சேதோபரியஞாணம்…பே… அனாக³தம்ஸஞாணம்…பே… அனாக³தாரம்மணே அனாக³தே க²ந்தே⁴ அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி; தம் ஆரப்³ப⁴ அனாக³தாரம்மணோ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. அனாக³தாரம்மணா அனாக³தா க²ந்தா⁴ சேதோபரியஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

அனாக³தாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – அனாக³தாரம்மணம் அதீதம் இத்³தி⁴வித⁴ஞாணம் பச்சவேக்க²தி, சேதோபரியஞாணம்… அனாக³தம்ஸஞாணம்…பே… அரியா அனாக³தாரம்மணே பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே பச்சவேக்க²ந்தி. புப்³பே³ ஸமுதா³சிண்ணே கிலேஸே ஜானந்தி. அனாக³தாரம்மணே அதீதே க²ந்தே⁴ அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி; தம் ஆரப்³ப⁴ அதீதாரம்மணோ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. அனாக³தாரம்மணா அதீதா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

அனாக³தாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – சேதோபரியஞாணேன அனாக³தாரம்மணபச்சுப்பன்னசித்தஸமங்கி³ஸ்ஸ சித்தம் ஜானாதி. அனாக³தாரம்மணா பச்சுப்பன்னா க²ந்தா⁴ சேதோபரியஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (3)

22. பச்சுப்பன்னாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – சேதோபரியஞாணேன பச்சுப்பன்னாரம்மணபச்சுப்பன்னசித்தஸமங்கி³ஸ்ஸ சித்தம் ஜானாதி. பச்சுப்பன்னாரம்மணா பச்சுப்பன்னா க²ந்தா⁴ சேதோபரியஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

பச்சுப்பன்னாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – அதீதம் தி³ப்³ப³ம் சக்கு²ம் பச்சவேக்க²தி, தி³ப்³ப³ம் ஸோததா⁴தும் பச்சவேக்க²தி, பச்சுப்பன்னாரம்மணம் அதீதம் இத்³தி⁴வித⁴ஞாணம் பச்சவேக்க²தி, சேதோபரியஞாணம் பச்சவேக்க²தி. அரியா பச்சுப்பன்னாரம்மணே பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி. பச்சுப்பன்னாரம்மணே அதீதே க²ந்தே⁴ அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி; தம் ஆரப்³ப⁴ அதீதாரம்மணோ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. பச்சுப்பன்னாரம்மணா அதீதா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

பச்சுப்பன்னாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ – அனாக³தம் தி³ப்³ப³ம் சக்கு²ம் பச்சவேக்க²தி, தி³ப்³ப³ம் ஸோததா⁴தும் பச்சவேக்க²தி, பச்சுப்பன்னாரம்மணம் அனாக³தம் இத்³தி⁴வித⁴ஞாணம் பச்சவேக்க²தி, சேதோபரியஞாணம்…பே… பச்சுப்பன்னாரம்மணே அனாக³தே க²ந்தே⁴ அனிச்சதோ…பே… விபஸ்ஸதி…பே… தம் ஆரப்³ப⁴ அனாக³தாரம்மணோ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. பச்சுப்பன்னாரம்மணா அனாக³தா க²ந்தா⁴ சேதோபரியஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (3)

அதி⁴பதிபச்சயோ

23. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அதீதம் விஞ்ஞாணஞ்சாயதனம் க³ரும் கத்வா பச்சவேக்க²தி, நேவஸஞ்ஞானாஸஞ்ஞாயதனம் க³ரும் கத்வா பச்சவேக்க²தி. அதீதாரம்மணம் அதீதம் இத்³தி⁴வித⁴ஞாணம் க³ரும் கத்வா பச்சவேக்க²தி, சேதோபரியஞாணம்…பே… புப்³பே³னிவாஸானுஸ்ஸதிஞாணம்…பே… யதா²கம்மூபக³ஞாணம் க³ரும் கத்வா பச்சவேக்க²தி. அதீதாரம்மணே அதீதே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா அதீதாரம்மணோ ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – அதீதாரம்மணாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

அதீதாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – அனாக³தம் விஞ்ஞாணஞ்சாயதனம் க³ரும் கத்வா…பே… நேவஸஞ்ஞானாஸஞ்ஞாயதனம் …பே… அதீதாரம்மணம் அனாக³தம் இத்³தி⁴வித⁴ஞாணம் க³ரும் கத்வா…பே… சேதோபரியஞாணம்…பே… புப்³பே³னிவாஸானுஸ்ஸதிஞாணம்…பே… யதா²கம்மூபக³ஞாணம்…பே… அதீதாரம்மணே அனாக³தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி; தம் க³ரும் கத்வா அனாக³தாரம்மணோ ராகோ³ உப்பஜ்ஜதி, தி³ட்டி² உப்பஜ்ஜதி. (2)

24. அனாக³தாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அனாக³தாரம்மணம் அனாக³தம் இத்³தி⁴வித⁴ஞாணம் க³ரும் கத்வா…பே… சேதோபரியஞாணம்…பே… அனாக³தம்ஸஞாணம் க³ரும் கத்வா பச்சவேக்க²தி. அனாக³தாரம்மணே அனாக³தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி; தம் க³ரும் கத்வா அனாக³தாரம்மணோ ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – அனாக³தாரம்மணாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

அனாக³தாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – அனாக³தாரம்மணம் அதீதம் இத்³தி⁴வித⁴ஞாணம் க³ரும் கத்வா…பே… சேதோபரியஞாணம்…பே… அனாக³தம்ஸஞாணம் க³ரும் கத்வா…பே… அனாக³தாரம்மணே அதீதே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி; தம் க³ரும் கத்வா அதீதாரம்மணோ ராகோ³ உப்பஜ்ஜதி, தி³ட்டி² உப்பஜ்ஜதி. (2)

25. பச்சுப்பன்னாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – பச்சுப்பன்னாரம்மணாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

பச்சுப்பன்னாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – அதீதம் தி³ப்³ப³ம் சக்கு²ம் க³ரும் கத்வா பச்சவேக்க²தி, தி³ப்³ப³ம் ஸோததா⁴தும் க³ரும் கத்வா பச்சவேக்க²தி, பச்சுப்பன்னாரம்மணம் அதீதம் இத்³தி⁴வித⁴ஞாணம் க³ரும் கத்வா…பே… சேதோபரியஞாணம் க³ரும் கத்வா…பே… பச்சுப்பன்னாரம்மணே அதீதே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி; தம் க³ரும் கத்வா அதீதாரம்மணோ ராகோ³ உப்பஜ்ஜதி, தி³ட்டி² உப்பஜ்ஜதி. (2)

பச்சுப்பன்னாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – அனாக³தம் தி³ப்³ப³ம் சக்கு²ம் க³ரும் கத்வா பச்சவேக்க²தி, தி³ப்³ப³ம் ஸோததா⁴தும் க³ரும் கத்வா …பே… பச்சுப்பன்னாரம்மணம் அனாக³தம் இத்³தி⁴வித⁴ஞாணம் க³ரும் கத்வா…பே… சேதோபரியஞாணம் க³ரும் கத்வா…பே… பச்சுப்பன்னாரம்மணே அனாக³தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி; தம் க³ரும் கத்வா அனாக³தாரம்மணோ ராகோ³ உப்பஜ்ஜதி, தி³ட்டி² உப்பஜ்ஜதி. (3)

அனந்தரபச்சயோ

26. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அதீதாரம்மணா க²ந்தா⁴ பச்சி²மானம் பச்சி²மானம் அதீதாரம்மணானம் க²ந்தா⁴னம் அனந்தரபச்சயேன பச்சயோ. (1)

அதீதாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ அனந்தரபச்சயேன பச்சயோ – அதீதாரம்மணம் ப⁴வங்க³ம் அனாக³தாரம்மணாய ஆவஜ்ஜனாய அனந்தரபச்சயேன பச்சயோ. (2)

அதீதாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ அனந்தரபச்சயேன பச்சயோ – அதீதாரம்மணம் சுதிசித்தம் பச்சுப்பன்னாரம்மணஸ்ஸ படிஸந்தி⁴சித்தஸ்ஸ அனந்தரபச்சயேன பச்சயோ. அதீதாரம்மணம் ப⁴வங்க³ம் பச்சுப்பன்னாரம்மணாய ஆவஜ்ஜனாய அனந்தரபச்சயேன பச்சயோ. (3)

27. அனாக³தாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அனாக³தாரம்மணா க²ந்தா⁴ பச்சி²மானம் பச்சி²மானம் அனாக³தாரம்மணானம் க²ந்தா⁴னம் அனந்தரபச்சயேன பச்சயோ. (1)

அனாக³தாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ அனந்தரபச்சயேன பச்சயோ – அனாக³தாரம்மணம் இத்³தி⁴வித⁴ஞாணம் அதீதாரம்மணஸ்ஸ வுட்டா²னஸ்ஸ…பே… சேதோபரியஞாணம் அதீதாரம்மணஸ்ஸ வுட்டா²னஸ்ஸ…பே… அனாக³தம்ஸஞாணம் அதீதாரம்மணஸ்ஸ வுட்டா²னஸ்ஸ…பே… அனாக³தாரம்மணா க²ந்தா⁴ அதீதாரம்மணஸ்ஸ வுட்டா²னஸ்ஸ அனந்தரபச்சயேன பச்சயோ. (2)

28. பச்சுப்பன்னாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா பச்சுப்பன்னாரம்மணா க²ந்தா⁴ பச்சி²மானம் பச்சி²மானம் பச்சுப்பன்னாரம்மணானம் க²ந்தா⁴னம் அனந்தரபச்சயேன பச்சயோ. பச்சுப்பன்னாரம்மணம் படிஸந்தி⁴சித்தம் பச்சுப்பன்னாரம்மணஸ்ஸ ப⁴வங்க³ஸ்ஸ…பே… பச்சுப்பன்னாரம்மணம் ப⁴வங்க³ம் பச்சுப்பன்னாரம்மணஸ்ஸ ப⁴வங்க³ஸ்ஸ அனந்தரபச்சயேன பச்சயோ. (1)

பச்சுப்பன்னாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ அனந்தரபச்சயேன பச்சயோ – பச்சுப்பன்னாரம்மணம் படிஸந்தி⁴சித்தம் அதீதாரம்மணஸ்ஸ ப⁴வங்க³ஸ்ஸ…பே… பச்சுப்பன்னாரம்மணம் ப⁴வங்க³ம் அதீதாரம்மணஸ்ஸ ப⁴வங்க³ஸ்ஸ…பே… பச்சுப்பன்னாரம்மணா க²ந்தா⁴ அதீதாரம்மணஸ்ஸ வுட்டா²னஸ்ஸ அனந்தரபச்சயேன பச்சயோ. (2)

ஸமனந்தரபச்சயோ

29. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஸமனந்தரபச்சயேன பச்சயோ (அனந்தரஸதி³ஸம்).

ஸஹஜாதபச்சயாதி³

30. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ… நிஸ்ஸயபச்சயேன பச்சயோ…(தயோபி பச்சயா படிச்சவாரஸதி³ஸா).

உபனிஸ்ஸயபச்சயோ

31. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அதீதாரம்மணா அனிச்சானுபஸ்ஸனா, து³க்கா²னுபஸ்ஸனா, அனத்தானுபஸ்ஸனா அதீதாரம்மணாய அனிச்சானுபஸ்ஸனாய, து³க்கா²னுபஸ்ஸனாய, அனத்தானுபஸ்ஸனாய உபனிஸ்ஸயபச்சயேன பச்சயோ. (1)

அதீதாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அதீதாரம்மணா அனிச்சானுபஸ்ஸனா, து³க்கா²னுபஸ்ஸனா, அனத்தானுபஸ்ஸனா அனாக³தாரம்மணாய அனிச்சானுபஸ்ஸனாய, து³க்கா²னுபஸ்ஸனாய, அனத்தானுபஸ்ஸனாய உபனிஸ்ஸயபச்சயேன பச்சயோ. (2)

அதீதாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அதீதாரம்மணா அனிச்சானுபஸ்ஸனா, து³க்கா²னுபஸ்ஸனா, அனத்தானுபஸ்ஸனா பச்சுப்பன்னாரம்மணாய அனிச்சானுபஸ்ஸனாய, து³க்கா²னுபஸ்ஸனாய, அனத்தானுபஸ்ஸனாய உபனிஸ்ஸயபச்சயேன பச்சயோ. (3)

32. அனாக³தாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அனாக³தாரம்மணா அனிச்சானுபஸ்ஸனா, து³க்கா²னுபஸ்ஸனா, அனத்தானுபஸ்ஸனா அனாக³தாரம்மணாய அனிச்சானுபஸ்ஸனாய, து³க்கா²னுபஸ்ஸனாய, அனத்தானுபஸ்ஸனாய உபனிஸ்ஸயபச்சயேன பச்சயோ. (1)

அனாக³தாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அனாக³தாரம்மணா அனிச்சானுபஸ்ஸனா, து³க்கா²னுபஸ்ஸனா, அனத்தானுபஸ்ஸனா அதீதாரம்மணாய அனிச்சானுபஸ்ஸனாய, து³க்கா²னுபஸ்ஸனாய, அனத்தானுபஸ்ஸனாய உபனிஸ்ஸயபச்சயேன பச்சயோ. (2)

அனாக³தாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ. பகதூபனிஸ்ஸயோ – அனாக³தாரம்மணா அனிச்சானுபஸ்ஸனா, து³க்கா²னுபஸ்ஸனா, அனத்தானுபஸ்ஸனா பச்சுப்பன்னாரம்மணாய அனிச்சானுபஸ்ஸனாய, து³க்கா²னுபஸ்ஸனாய, அனத்தானுபஸ்ஸனாய உபனிஸ்ஸயபச்சயேன பச்சயோ. (3)

33. பச்சுப்பன்னாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பச்சுப்பன்னாரம்மணா அனிச்சானுபஸ்ஸனா, து³க்கா²னுபஸ்ஸனா, அனத்தானுபஸ்ஸனா பச்சுப்பன்னாரம்மணாய அனிச்சானுபஸ்ஸனாய, து³க்கா²னுபஸ்ஸனாய, அனத்தானுபஸ்ஸனாய உபனிஸ்ஸயபச்சயேன பச்சயோ. (1)

பச்சுப்பன்னாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பச்சுப்பன்னாரம்மணா அனிச்சானுபஸ்ஸனா, து³க்கா²னுபஸ்ஸனா, அனத்தானுபஸ்ஸனா அதீதாரம்மணாய அனிச்சானுபஸ்ஸனாய, து³க்கா²னுபஸ்ஸனாய, அனத்தானுபஸ்ஸனாய உபனிஸ்ஸயபச்சயேன பச்சயோ. (2)

பச்சுப்பன்னாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பச்சுப்பன்னாரம்மணா அனிச்சானுபஸ்ஸனா, து³க்கா²னுபஸ்ஸனா, அனத்தானுபஸ்ஸனா அனாக³தாரம்மணாய அனிச்சானுபஸ்ஸனாய, து³க்கா²னுபஸ்ஸனாய, அனத்தானுபஸ்ஸனாய உபனிஸ்ஸயபச்சயேன பச்சயோ. (3)

ஆஸேவனபச்சயோ

34. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா அதீதாரம்மணா க²ந்தா⁴ பச்சி²மானம் பச்சி²மானம் அதீதாரம்மணானம் க²ந்தா⁴னம் ஆஸேவனபச்சயேன பச்சயோ. (1)

அனாக³தாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா அனாக³தாரம்மணா க²ந்தா⁴ பச்சி²மானம் பச்சி²மானம் அனாக³தாரம்மணானம் க²ந்தா⁴னம் ஆஸேவனபச்சயேன பச்சயோ. (1)

பச்சுப்பன்னாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா பச்சுப்பன்னாரம்மணா க²ந்தா⁴ பச்சி²மானம் பச்சி²மானம் பச்சுப்பன்னாரம்மணானம் க²ந்தா⁴னம் ஆஸேவனபச்சயேன பச்சயோ. (1)

கம்மபச்சயோ

35. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – அதீதாரம்மணா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. படிஸந்தி⁴க்க²ணே…பே…. நானாக்க²ணிகா – அதீதாரம்மணா சேதனா விபாகானம் அதீதாரம்மணானம் க²ந்தா⁴னம் கம்மபச்சயேன பச்சயோ. (1)

அதீதாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ கம்மபச்சயேன பச்சயோ. நானாக்க²ணிகா – அதீதாரம்மணா சேதனா விபாகானம் அனாக³தாரம்மணானம் க²ந்தா⁴னம் கம்மபச்சயேன பச்சயோ. (2)

அதீதாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ கம்மபச்சயேன பச்சயோ. நானாக்க²ணிகா – அதீதாரம்மணா சேதனா விபாகானம் பச்சுப்பன்னாரம்மணானம் க²ந்தா⁴னம் கம்மபச்சயேன பச்சயோ. (3)

36. அனாக³தாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – அனாக³தாரம்மணா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. நானாக்க²ணிகா – அனாக³தாரம்மணா சேதனா விபாகானம் அனாக³தாரம்மணானம் க²ந்தா⁴னம் கம்மபச்சயேன பச்சயோ. (1)

அனாக³தாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ கம்மபச்சயேன பச்சயோ. நானாக்க²ணிகா – அனாக³தாரம்மணா சேதனா விபாகானம் அதீதாரம்மணானம் க²ந்தா⁴னம் கம்மபச்சயேன பச்சயோ. (2)

அனாக³தாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ கம்மபச்சயேன பச்சயோ. நானாக்க²ணிகா – அனாக³தாரம்மணா சேதனா விபாகானம் பச்சுப்பன்னாரம்மணானம் க²ந்தா⁴னம் கம்மபச்சயேன பச்சயோ. (3)

37. பச்சுப்பன்னாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – பச்சுப்பன்னாரம்மணா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. படிஸந்தி⁴க்க²ணே…பே… நானாக்க²ணிகா – பச்சுப்பன்னாரம்மணா சேதனா விபாகானம் பச்சுப்பன்னாரம்மணானம் க²ந்தா⁴னம் கம்மபச்சயேன பச்சயோ. (1)

பச்சுப்பன்னாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ கம்மபச்சயேன பச்சயோ. நானாக்க²ணிகா – பச்சுப்பன்னாரம்மணா சேதனா விபாகானம் அதீதாரம்மணானம் க²ந்தா⁴னம் கம்மபச்சயேன பச்சயோ. (2)

பச்சுப்பன்னாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ கம்மபச்சயேன பச்சயோ. நானாக்க²ணிகா – பச்சுப்பன்னாரம்மணா சேதனா விபாகானம் அனாக³தாரம்மணானம் க²ந்தா⁴னம் கம்மபச்சயேன பச்சயோ. (3)

விபாகபச்சயாதி³

38. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ விபாகபச்சயேன பச்சயோ… ஆஹாரபச்சயேன பச்சயோ… இந்த்³ரியபச்சயேன பச்சயோ… ஜா²னபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ… அத்தி²பச்சயேன பச்சயோ… நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ.

1. பச்சயானுலோமம்

2. ஸங்க்²யாவாரோ

ஸுத்³த⁴ம்

39. ஹேதுயா தீணி, ஆரம்மணே நவ, அதி⁴பதியா ஸத்த, அனந்தரே ஸத்த, ஸமனந்தரே ஸத்த, ஸஹஜாதே அஞ்ஞமஞ்ஞே நிஸ்ஸயே தீணி, உபனிஸ்ஸயே நவ, ஆஸேவனே தீணி, கம்மே நவ, விபாகே தீணி, ஆஹாரே தீணி, இந்த்³ரியே ஜா²னே மக்³கே³ ஸம்பயுத்தே தீணி, அத்தி²யா தீணி, நத்தி²யா ஸத்த, விக³தே ஸத்த, அவிக³தே தீணி (ஏவம் க³ணேதப்³ப³ம்).

அனுலோமம்.

பச்சனீயுத்³தா⁴ரோ

40. அதீதாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (1)

அதீதாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (2)

அதீதாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (3)

41. அனாக³தாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (1)

அனாக³தாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (2)

அனாக³தாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (3)

42. பச்சுப்பன்னாரம்மணோ த⁴ம்மோ பச்சுப்பன்னாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (1)

பச்சுப்பன்னாரம்மணோ த⁴ம்மோ அதீதாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (2)

பச்சுப்பன்னாரம்மணோ த⁴ம்மோ அனாக³தாரம்மணஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… கம்மபச்சயேன பச்சயோ. (3)

2. பச்சயபச்சனீயம்

2. ஸங்க்²யாவாரோ

43. நஹேதுயா நவ, நஆரம்மணே நவ, நஅதி⁴பதியா நவ, நஅனந்தரே நவ, நஸமனந்தரே நவ (ஸம்கி²த்தம், ஸப்³ப³த்த² நவ), நோவிக³தே நவ, நோஅவிக³தே நவ (ஏவம் க³ணேதப்³ப³ம்).

பச்சனீயம்.

3. பச்சயானுலோமபச்சனீயம்

ஹேதுது³கம்

44. ஹேதுபச்சயா நஆரம்மணே தீணி, நஅதி⁴பதியா நஅனந்தரே நஸமனந்தரே நஉபனிஸ்ஸயே நபுரேஜாதே நபச்சா²ஜாதே நஆஸேவனே நகம்மே நவிபாகே தீணி (ஸப்³ப³த்த² தீணி, ஸம்கி²த்தம்), நோனத்தி²யா நோவிக³தே தீணி (ஏவம் க³ணேதப்³ப³ம்).

அனுலோமபச்சனீயம்.

4. பச்சயபச்சனீயானுலோமம்

நஹேதுது³கம்

45. நஹேதுபச்சயா ஆரம்மணே நவ, அதி⁴பதியா ஸத்த, அனந்தரே ஸத்த, ஸமனந்தரே ஸத்த, ஸஹஜாதே தீணி, அஞ்ஞமஞ்ஞே தீணி, நிஸ்ஸயே தீணி, உபனிஸ்ஸயே நவ, ஆஸேவனே தீணி, கம்மே நவ, விபாகே தீணி, ஆஹாரே இந்த்³ரியே ஜா²னே மக்³கே³ ஸம்பயுத்தே அத்தி²யா தீணி, நத்தி²யா ஸத்த, விக³தே ஸத்த, அவிக³தே தீணி (ஏவம் க³ணேதப்³ப³ம்).

பச்சனீயானுலோமம்.

பஞ்ஹாவாரோ.

அதீதாரம்மணத்திகம் நிட்டி²தம்.