17. உப்பன்னத்திகம்

7. பஞ்ஹாவாரோ

1. பச்சயானுலோமம்

1. விப⁴ங்க³வாரோ

ஹேதுபச்சயோ

1. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ ஹேதுபச்சயேன பச்சயோ – உப்பன்னா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. படிஸந்தி⁴க்க²ணே உப்பன்னா ஹேதூ ஸம்பயுத்தகானம் க²ந்தா⁴னம் கடத்தா ச ரூபானம் ஹேதுபச்சயேன பச்சயோ. (1)

ஆரம்மணபச்சயோ

2. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ – உப்பன்னம் சக்கு²ம் அனிச்சதோ து³க்க²தோ அனத்ததோ விபஸ்ஸதி, அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி, தி³ட்டி² உப்பஜ்ஜதி, விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி. உப்பன்னம் ஸோதம்… கா⁴னம்… ஜிவ்ஹம்… காயம்… ரூபே… ஸத்³தே³… க³ந்தே⁴… ரஸே… போ²ட்ட²ப்³பே³… வத்து²ம்… உப்பன்னே க²ந்தே⁴ அனிச்சதோ து³க்க²தோ அனத்ததோ விபஸ்ஸதி…பே… தோ³மனஸ்ஸம் உப்பஜ்ஜதி. தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ …பே… போ²ட்ட²ப்³பா³யதனம் காயவிஞ்ஞாணஸ்ஸ…பே… உப்பன்னா க²ந்தா⁴ இத்³தி⁴வித⁴ஞாணஸ்ஸ ஆவஜ்ஜனாய ஆரம்மணபச்சயேன பச்சயோ. (1)

3. அனுப்பன்னோ த⁴ம்மோ உப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ – அனுப்பன்னே ரூபே… ஸத்³தே³… க³ந்தே⁴… ரஸே… போ²ட்ட²ப்³பே³… அனுப்பன்னே க²ந்தே⁴ அனிச்சதோ து³க்க²தோ அனத்ததோ விபஸ்ஸதி…பே… தோ³மனஸ்ஸம் உப்பஜ்ஜதி. அனுப்பன்னா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

4. உப்பாதீ³ த⁴ம்மோ உப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ – உப்பாதி³ம் சக்கு²ம்…பே… காயம்… ரூபே… க³ந்தே⁴… ரஸே… போ²ட்ட²ப்³பே³… வத்து²ம்… உப்பாதீ³ க²ந்தே⁴ அனிச்சதோ து³க்க²தோ அனத்ததோ…பே… தோ³மனஸ்ஸம் உப்பஜ்ஜதி. உப்பாதீ³ க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

அதி⁴பதிபச்சயோ

5. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – உப்பன்னம் சக்கு²ம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. உப்பன்னம் ஸோதம்… கா⁴னம்… ஜிவ்ஹம்… காயம்… ரூபே… ஸத்³தே³… க³ந்தே⁴… ரஸே… போ²ட்ட²ப்³பே³… வத்து²ம்… உப்பன்னே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி…பே…. ஸஹஜாதாதி⁴பதி – உப்பன்னா அதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

அனுப்பன்னோ த⁴ம்மோ உப்பன்னஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – அனுப்பன்னே ரூபே… ஸத்³தே³… க³ந்தே⁴… ரஸே… போ²ட்ட²ப்³பே³… அனுப்பன்னே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (1)

உப்பாதீ³ த⁴ம்மோ உப்பன்னஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – உப்பாதி³ம் சக்கு²ம்…பே… காயம்… ரூபே…பே… போ²ட்ட²ப்³பே³… வத்து²ம்… உப்பாதீ³ க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (1)

ஸஹஜாதபச்சயோ

6. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ ஸஹஜாதபச்சயேன பச்சயோ – உப்பன்னோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் ஸஹஜாதபச்சயேன பச்சயோ…பே… த்³வே க²ந்தா⁴ த்³வின்னம் க²ந்தா⁴னம் சித்தஸமுட்டா²னானஞ்ச ரூபானம் ஸஹஜாதபச்சயேன பச்சயோ. படிஸந்தி⁴க்க²ணே உப்பன்னோ ஏகோ க²ந்தோ⁴ திண்ணன்னம் க²ந்தா⁴னம் கடத்தா ச ரூபானம் ஸஹஜாதபச்சயேன பச்சயோ…பே… த்³வே க²ந்தா⁴ த்³வின்னம் க²ந்தா⁴னம் கடத்தா ச ரூபானம் ஸஹஜாதபச்சயேன பச்சயோ. க²ந்தா⁴ வத்து²ஸ்ஸ ஸஹஜாதபச்சயேன பச்சயோ. வத்து² க²ந்தா⁴னம் ஸஹஜாதபச்சயேன பச்சயோ. ஏகம் மஹாபூ⁴தம் திண்ணன்னம் மஹாபூ⁴தானம் ஸஹஜாதபச்சயேன பச்சயோ…பே… த்³வே மஹாபூ⁴தா…பே… மஹாபூ⁴தா சித்தஸமுட்டா²னானம் ரூபானம் கடத்தாரூபானம் உபாதா³ரூபானம் ஸஹஜாதபச்சயேன பச்சயோ. பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் ஏகம் மஹாபூ⁴தம்…பே… த்³வே மஹாபூ⁴தா…பே… மஹாபூ⁴தா கடத்தாரூபானம் உபாதா³ரூபானம் ஸஹஜாதபச்சயேன பச்சயோ. (1)

அஞ்ஞமஞ்ஞபச்சயோ

7. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ அஞ்ஞமஞ்ஞபச்சயேன பச்சயோ – உப்பன்னோ ஏகோ க²ந்தோ⁴ திண்ணன்னம் க²ந்தா⁴னம் அஞ்ஞமஞ்ஞபச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே உப்பன்னோ ஏகோ க²ந்தோ⁴ திண்ணன்னம் க²ந்தா⁴னம் வத்து²ஸ்ஸ ச அஞ்ஞமஞ்ஞபச்சயேன பச்சயோ. த்³வே க²ந்தா⁴…பே… க²ந்தா⁴ வத்து²ஸ்ஸ அஞ்ஞமஞ்ஞபச்சயேன பச்சயோ. வத்து² க²ந்தா⁴னம் அஞ்ஞமஞ்ஞபச்சயேன பச்சயோ. ஏகம் மஹாபூ⁴தம்…பே… பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் ஏகம் மஹாபூ⁴தம் திண்ணன்னம் மஹாபூ⁴தானம் அஞ்ஞமஞ்ஞபச்சயேன பச்சயோ…பே… த்³வே மஹாபூ⁴தா…பே…. (1)

நிஸ்ஸயபச்சயோ

8. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ நிஸ்ஸயபச்சயேன பச்சயோ – உப்பன்னோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் நிஸ்ஸயபச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே…பே… க²ந்தா⁴ வத்து²ஸ்ஸ…பே… வத்து² க²ந்தா⁴னம்…பே… ஏகம் மஹாபூ⁴தம்…பே… பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் ஏகம் மஹாபூ⁴தம்…பே… மஹாபூ⁴தா சித்தஸமுட்டா²னானம் ரூபானம் கடத்தாரூபானம் உபாதா³ரூபானம் சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² உப்பன்னானம் க²ந்தா⁴னம் நிஸ்ஸயபச்சயேன பச்சயோ. (1)

உபனிஸ்ஸயபச்சயோ

9. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே… பகதூபனிஸ்ஸயோ – உப்பன்னம் உதும் உபனிஸ்ஸாய ஜா²னம் உப்பாதே³தி, விபஸ்ஸனம்…பே… மக்³க³ம்…பே… அபி⁴ஞ்ஞம்…பே… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி. உப்பன்னம் போ⁴ஜனம்…பே… ஸேனாஸனம் உபனிஸ்ஸாய ஜா²னம் உப்பாதே³தி விபஸ்ஸனம்…பே… மக்³க³ம்…பே… அபி⁴ஞ்ஞம்…பே… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி. உப்பன்னம் உது… போ⁴ஜனம்… ஸேனாஸனம் உப்பன்னாய ஸத்³தா⁴ய…பே… பஞ்ஞாய, காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ, மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)

அனுப்பன்னோ த⁴ம்மோ உப்பன்னஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அனுப்பன்னம் வண்ணஸம்பத³ம் பத்த²யமானோ தா³னம் தே³தி, ஸீலம் ஸமாதி³யதி, உபோஸத²கம்மம் கரோதி. அனுப்பன்னம் ஸத்³த³ஸம்பத³ம்… க³ந்த⁴ஸம்பத³ம்… ரஸஸம்பத³ம்… போ²ட்ட²ப்³ப³ஸம்பத³ம்… அனுப்பன்னே க²ந்தே⁴ பத்த²யமானோ தா³னம் தே³தி, ஸீலம் ஸமாதி³யதி, உபோஸத²கம்மம் கரோதி. அனுப்பன்னா வண்ணஸம்பதா³…பே… அனுப்பன்னா க²ந்தா⁴ உப்பன்னாய ஸத்³தா⁴ய…பே… பஞ்ஞாய, காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ, மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)

உப்பாதீ³ த⁴ம்மோ உப்பன்னஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – உப்பாதி³ம் சக்கு²ஸம்பத³ம் பத்த²யமானோ தா³னம் தே³தி, ஸீலம் ஸமாதி³யதி, உபோஸத²கம்மம் கரோதி. உப்பாதி³ம் ஸோதஸம்பத³ம்…பே… காயஸம்பத³ம்…பே… வண்ணஸம்பத³ம் … க³ந்த⁴ஸம்பத³ம்… ரஸஸம்பத³ம்… போ²ட்ட²ப்³ப³ஸம்பத³ம்… உப்பாதீ³ க²ந்தே⁴ பத்த²யமானோ தா³னம் தே³தி, ஸீலம் ஸமாதி³யதி, உபோஸத²கம்மம் கரோதி. உப்பாதீ³ சக்கு²ஸம்பதா³…பே… காயஸம்பதா³… வண்ணஸம்பதா³…பே… போ²ட்ட²ப்³ப³ஸம்பதா³… உப்பாதீ³ க²ந்தா⁴ உப்பன்னாய ஸத்³தா⁴ய…பே… பஞ்ஞாய, காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ, மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)

புரேஜாதபச்சயோ

10. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ து³க்க²தோ அனத்ததோ விபஸ்ஸதி, அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ புரேஜாதபச்சயேன பச்சயோ. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… வத்து² உப்பன்னானம் க²ந்தா⁴னம் புரேஜாதபச்சயேன பச்சயோ. (1)

பச்சா²ஜாதபச்சயோ

11. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா உப்பன்னா க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

கம்மபச்சயோ

12. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ கம்மபச்சயேன பச்சயோ – உப்பன்னா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. படிஸந்தி⁴க்க²ணே உப்பன்னா சேதனா ஸம்பயுத்தகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

விபாகபச்சயோ

13. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ விபாகபச்சயேன பச்சயோ – விபாகோ உப்பன்னோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் விபாகபச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே உப்பன்னோ ஏகோ க²ந்தோ⁴ திண்ணன்னம் க²ந்தா⁴னம் கடத்தா ச ரூபானம்…பே… த்³வே க²ந்தா⁴…பே… க²ந்தா⁴ வத்து²ஸ்ஸ விபாகபச்சயேன பச்சயோ. (1)

ஆஹாரபச்சயோ

14. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ ஆஹாரபச்சயேன பச்சயோ – உப்பன்னா ஆஹாரா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஆஹாரபச்சயேன பச்சயோ. படிஸந்தி⁴க்க²ணே…பே… கப³ளீகாரோ ஆஹாரோ இமஸ்ஸ காயஸ்ஸ ஆஹாரபச்சயேன பச்சயோ. (1)

இந்த்³ரியபச்சயோ

15. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ இந்த்³ரியபச்சயேன பச்சயோ – உப்பன்னா இந்த்³ரியா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் இந்த்³ரியபச்சயேன பச்சயோ. படிஸந்தி⁴க்க²ணே…பே… சக்கு²ந்த்³ரியம் சக்கு²விஞ்ஞாணஸ்ஸ…பே… காயிந்த்³ரியம் காயவிஞ்ஞாணஸ்ஸ…பே… ரூபஜீவிதிந்த்³ரியம் கடத்தாரூபானம் இந்த்³ரியபச்சயேன பச்சயோ. (1)

ஜா²னபச்சயாதி³

16. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ ஜா²னபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ… விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம். ஸஹஜாதா – உப்பன்னா க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ. படிஸந்தி⁴க்க²ணே உப்பன்னா க²ந்தா⁴ கடத்தாரூபானம் விப்பயுத்தபச்சயேன பச்சயோ. க²ந்தா⁴ வத்து²ஸ்ஸ, வத்து² க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ …பே… காயாயதனம் காயவிஞ்ஞாணஸ்ஸ… வத்து² உப்பன்னானம் க²ந்தா⁴னம் விப்பயுத்தபச்சயேன பச்சயோ. பச்சா²ஜாதா – உப்பன்னா க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

அத்தி²பச்சயோ

17. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம். ஸஹஜாதோ – உப்பன்னோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே…பே… ஏகம் மஹாபூ⁴தம்…பே… பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம்…பே…. புரேஜாதம் – சக்கு²ம் அனிச்சதோ…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோதுதா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ அத்தி²பச்சயேன பச்சயோ. சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² உப்பன்னானம் க²ந்தா⁴னம் அத்தி²பச்சயேன பச்சயோ. பச்சா²ஜாதா – உப்பன்னா க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. கப³ளீகாரோ ஆஹாரோ இமஸ்ஸ காயஸ்ஸ அத்தி²பச்சயேன பச்சயோ. ரூபஜீவிதிந்த்³ரியம் கடத்தாரூபானம் அத்தி²பச்சயேன பச்சயோ. (1)

அவிக³தபச்சயோ

18. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ அவிக³தபச்சயேன பச்சயோ…பே….

1. பச்சயானுலோமம்

2. ஸங்க்²யாவாரோ

19. ஹேதுயா ஏகம், ஆரம்மணே தீணி, அதி⁴பதியா தீணி, ஸஹஜாதே ஏகம், அஞ்ஞமஞ்ஞே ஏகம், நிஸ்ஸயே ஏகம், உபனிஸ்ஸயே தீணி, புரேஜாதே ஏகம், பச்சா²ஜாதே கம்மே விபாகே ஆஹாரே இந்த்³ரியே ஜா²னே மக்³கே³ ஸம்பயுத்தே விப்பயுத்தே அத்தி²யா அவிக³தே ஏகம் (ஏவம் க³ணேதப்³ப³ம்).

அனுலோமம்.

பச்சனீயுத்³தா⁴ரோ

20. உப்பன்னோ த⁴ம்மோ உப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… புரேஜாதபச்சயேன பச்சயோ… பச்சா²ஜாதபச்சயேன பச்சயோ… ஆஹாரபச்சயேன பச்சயோ… இந்த்³ரியபச்சயேன பச்சயோ. (1)

அனுப்பன்னோ த⁴ம்மோ உப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ, உபனிஸ்ஸயபச்சயேன பச்சயோ. (1)

உப்பாதீ³ த⁴ம்மோ உப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ. (1)

2. பச்சயபச்சனீயம்

2. ஸங்க்²யாவாரோ

21. நஹேதுயா தீணி, நஆரம்மணே தீணி, நஅதி⁴பதியா தீணி…பே… நவிப்பயுத்தே தீணி, நோஅத்தி²யா த்³வே, நோனத்தி²யா தீணி, நோவிக³தே தீணி, நோஅவிக³தே த்³வே (ஏவம் க³ணேதப்³ப³ம்).

பச்சனீயம்.

3. பச்சயானுலோமபச்சனீயம்

22. ஹேதுபச்சயா நஆரம்மணே ஏகம்…பே… நோனத்தி²யா நோவிக³தே ஏகம்.

அனுலோமபச்சனீயம்.

4. பச்சனீயானுலோமம்

23. நஹேதுபச்சயா ஆரம்மணே தீணி, அதி⁴பதியா தீணி, ஸஹஜாதே ஏகம், அஞ்ஞமஞ்ஞே ஏகம், நிஸ்ஸயே ஏகம், உபனிஸ்ஸயே தீணி, புரேஜாதே ஏகம், பச்சா²ஜாதே ஏகம், கம்மே விபாகே ஆஹாரே இந்த்³ரியே ஜா²னே மக்³கே³ ஸம்பயுத்தே விப்பயுத்தே அத்தி²யா அவிக³தே ஏகம்.

பச்சனீயானுலோமம்.

உப்பன்னத்திகம் நிட்டி²தம்.