9. ஹேவத்தி²கதா²

304. அதீதம் அத்தீ²தி? ஹேவத்தி², ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ², நத்த²ட்டோ² அத்த²ட்டோ², அத்தி²பா⁴வோ நத்தி²பா⁴வோ, நத்தி²பா⁴வோ அத்தி²பா⁴வோ, அத்தீ²தி வா நத்தீ²தி வா, நத்தீ²தி வா அத்தீ²தி வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

அனாக³தம் அத்தீ²தி? ஹேவத்தி², ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ², நத்த²ட்டோ² அத்த²ட்டோ², அத்தி²பா⁴வோ நத்தி²பா⁴வோ, நத்தி²பா⁴வோ அத்தி²பா⁴வோ, அத்தீ²தி வா நத்தீ²தி வா, நத்தீ²தி வா அத்தீ²தி வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

பச்சுப்பன்னம் அத்தீ²தி? ஹேவத்தி², ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ²…பே… ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

305. அதீதம் ஹேவத்தி², ஹேவ நத்தீ²தி? ஆமந்தா. கிந்தத்தி², கிந்தி நத்தீ²தி? அதீதம் அதீதந்தி ஹேவத்தி², அதீதம் அனாக³தந்தி ஹேவ நத்தி², அதீதம் பச்சுப்பன்னந்தி ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ², நத்த²ட்டோ² அத்த²ட்டோ², அத்தி²பா⁴வோ நத்தி²பா⁴வோ, நத்தி²பா⁴வோ அத்தி²பா⁴வோ, அத்தீ²தி வா நத்தீ²தி வா, நத்தீ²தி வா அத்தீ²தி வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

அனாக³தம் ஹேவத்தி², ஹேவ நத்தீ²தி? ஆமந்தா. கிந்தத்தி², கிந்தி நத்தீ²தி? அனாக³தம் அனாக³தந்தி ஹேவத்தி², அனாக³தம் அதீதந்தி ஹேவ நத்தி², அனாக³தம் பச்சுப்பன்னந்தி ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ², நத்த²ட்டோ² அத்த²ட்டோ²…பே… ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

பச்சுப்பன்னம் ஹேவத்தி², ஹேவ நத்தீ²தி? ஆமந்தா. கிந்தத்தி², கிந்தி நத்தீ²தி? பச்சுப்பன்னம் பச்சுப்பன்னந்தி ஹேவத்தி², பச்சுப்பன்னம் அதீதந்தி ஹேவ நத்தி², பச்சுப்பன்னம் அனாக³தந்தி ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ²…பே… ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

ந வத்தப்³ப³ம் – ‘‘அதீதம் ஹேவத்தி², ஹேவ நத்தி²; அனாக³தம் ஹேவத்தி², ஹேவ நத்தி²; பச்சுப்பன்னம் ஹேவத்தி², ஹேவ நத்தீ²’’தி? ஆமந்தா. அதீதம் அனாக³தந்தி ஹேவத்தி², அதீதம் பச்சுப்பன்னந்தி ஹேவத்தி², அனாக³தம் அதீதந்தி ஹேவத்தி², அனாக³தம் பச்சுப்பன்னந்தி ஹேவத்தி², பச்சுப்பன்னம் அதீதந்தி ஹேவத்தி², பச்சுப்பன்னம் அனாக³தந்தி ஹேவத்தீ²தி? ந ஹேவம் வத்தப்³பே³.…பே…. தேன ஹி அதீதம் ஹேவத்தி² ஹேவ நத்தி², அனாக³தம் ஹேவத்தி² ஹேவ நத்தி², பச்சுப்பன்னம் ஹேவத்தி², ஹேவ நத்தீ²தி.

306. ரூபம் அத்தீ²தி? ஹேவத்தி², ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ², நத்த²ட்டோ² அத்த²ட்டோ², அத்தி²பா⁴வோ நத்தி²பா⁴வோ, நத்தி²பா⁴வோ அத்தி²பா⁴வோ, அத்தீ²தி வா நத்தீ²தி வா, நத்தீ²தி வா அத்தீ²தி வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

வேத³னா… ஸஞ்ஞா… ஸங்கா²ரா… விஞ்ஞாணம் அத்தீ²தி? ஹேவத்தி², ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ²…பே… ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

ரூபம் ஹேவத்தி², ஹேவ நத்தீ²தி? ஆமந்தா. கிந்தத்தி², கிந்தி நத்தீ²தி? ரூபம் ரூபந்தி ஹேவத்தி², ரூபம் வேத³னாதி ஹேவம் நத்தி²…பே… ரூபம் ஸஞ்ஞாதி ஹேவ நத்தி²…பே… ரூபம் ஸங்கா²ராதி ஹேவ நத்தி²…பே… ரூபம் விஞ்ஞாணந்தி ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ²…பே… ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

வேத³னா… ஸஞ்ஞா… ஸங்கா²ரா… விஞ்ஞாணம் ஹேவத்தி², ஹேவ நத்தீ²தி? ஆமந்தா. கிந்தத்தி², கிந்தி நத்தீ²தி? விஞ்ஞாணம் விஞ்ஞாணந்தி ஹேவத்தி². விஞ்ஞாணம் ரூபந்தி ஹேவ நத்தி²…பே… விஞ்ஞாணம் வேத³னாதி ஹேவ நத்தி²…பே… விஞ்ஞாணம் ஸஞ்ஞாதி ஹேவ நத்தி²…பே… விஞ்ஞாணம் ஸங்கா²ராதி ஹேவ நத்தீ²தி. ஸேவத்தி², ஸேவ நத்தீ²தி? ந ஹேவம் வத்தப்³பே³…பே… ஸேவத்தி², ஸேவ நத்தீ²தி? ஆமந்தா. அத்த²ட்டோ² நத்த²ட்டோ²…பே… ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

ந வத்தப்³ப³ம் – ‘‘ரூபம் ஹேவத்தி², ஹேவ நத்தீ²தி; வேத³னா… ஸஞ்ஞா… ஸங்கா²ரா… விஞ்ஞாணம் ஹேவத்தி², ஹேவ நத்தீ²தி? ஆமந்தா. ரூபம் வேத³னாதி ஹேவத்தி²…பே… ரூபம் ஸஞ்ஞாதி ஹேவத்தி²…பே… ரூபம் ஸங்கா²ராதி ஹேவத்தி²…பே… ரூபம் விஞ்ஞாணந்தி ஹேவத்தி²… வேத³னா… ஸஞ்ஞா … ஸங்கா²ரா… விஞ்ஞாணம் ரூபந்தி ஹேவத்தி²… விஞ்ஞாணம் வேத³னாதி ஹேவத்தி²… விஞ்ஞாணம் ஸஞ்ஞாதி ஹேவத்தி²… விஞ்ஞாணம் ஸங்கா²ராதி ஹேவத்தீ²தி? ந ஹேவம் வத்தப்³பே³…பே… தேன ஹி ரூபம் ஹேவத்தி², ஹேவ நத்தி²; வேத³னா… ஸஞ்ஞா… ஸங்கா²ரா… விஞ்ஞாணம் ஹேவத்தி², ஹேவ நத்தீ²தி.

ஹேவத்தி²கதா² நிட்டி²தா.

தஸ்ஸுத்³தா³னம் –

உபலப்³போ⁴ பரிஹானி, ப்³ரஹ்மசரியவாஸோ ஓதி⁴ஸோ;

பரிஞ்ஞா காமராக³ப்பஹானம், ஸப்³ப³த்தி²வாதோ³ ஆயதனம்;

அதீதானாக³தோ ஸுப⁴ங்கோ³ [அதீதானாக³தேஸு பா⁴கோ³ (ஸ்யா.)], ஸப்³பே³ த⁴ம்மா ஸதிபட்டா²னா.

ஹேவத்தி² ஹேவ நத்தீ²தி.

பட²மவக்³கோ³

மஹாவக்³கோ³.