1. அதீதாதி³ஏகச்சகதா²

299. அதீதம் அத்தீ²தி? ஏகச்சம் அத்தி², ஏகச்சம் நத்தீ²தி. ஏகச்சம் நிருத்³த⁴ம், ஏகச்சம் ந நிருத்³த⁴ம்; ஏகச்சம் விக³தம், ஏகச்சம் அவிக³தம்; ஏகச்சம் அத்த²ங்க³தம், ஏகச்சம் ந அத்த²ங்க³தம்; ஏகச்சம் அப்³ப⁴த்த²ங்க³தம், ஏகச்சம் ந அப்³ப⁴த்த²ங்க³தந்தி? ந ஹேவம் வத்தப்³பே³…பே….

அதீதம் ஏகச்சம் அத்தி², ஏகச்சம் நத்தீ²தி? ஆமந்தா. அதீதா அவிபக்கவிபாகா த⁴ம்மா ஏகச்சே அத்தி², ஏகச்சே நத்தீ²தி? ந ஹேவம் வத்தப்³பே³…பே… அதீதம் ஏகச்சம் அத்தி², ஏகச்சம் நத்தீ²தி? ஆமந்தா. அதீதா விபக்கவிபாகா த⁴ம்மா ஏகச்சே அத்தி², ஏகச்சே நத்தீ²தி? ந ஹேவம் வத்தப்³பே³…பே… அதீதம் ஏகச்சம் அத்தி², ஏகச்சம் நத்தீ²தி? ஆமந்தா. அதீதா அவிபாகா த⁴ம்மா ஏகச்சே அத்தி² ஏகச்சே நத்தீ²தி? ந ஹேவம் வத்தப்³பே³…பே….

அதீதம் ஏகச்சம் அத்தி² ஏகச்சம் நத்தீ²தி? ஆமந்தா. கிம் அத்தி² கிம் நத்தீ²தி? அதீதா அவிபக்கவிபாகா த⁴ம்மா – தே அத்தி²; அதீதா விபக்கவிபாகா த⁴ம்மா – தே நத்தீ²தி. அதீதா அவிபக்கவிபாகா த⁴ம்மா – தே அத்தீ²தி? ஆமந்தா. அதீதா விபக்கவிபாகா த⁴ம்மா – தே அத்தீ²தி? ந ஹேவம் வத்தப்³பே³…பே… அதீதா அவிபக்கவிபாகா த⁴ம்மா – தே அத்தீ²தி? ஆமந்தா. அதீதா அவிபாகா த⁴ம்மா – தே அத்தீ²தி [அதீதா அவிபக்கவிபாகா த⁴ம்மா தே நத்தீ²தி (க.)]? ந ஹேவம் வத்தப்³பே³…பே….

அதீதா விபக்கவிபாகா த⁴ம்மா – தே நத்தீ²தி? ஆமந்தா. அதீதா அவிபக்கவிபாகா த⁴ம்மா – தே நத்தீ²தி? ந ஹேவம் வத்தப்³பே³ …பே….

அதீதா அவிபாகா [விபக்கவிபாகா (ஸ்யா.), அவிபக்கவிபாகா (க.)] த⁴ம்மா – தே நத்தீ²தி? ஆமந்தா. அதீதா அவிபக்கவிபாகா [அவிபாகா (ஸ்யா.)] த⁴ம்மா – தே நத்தீ²தி? ந ஹேவம் வத்தப்³பே³…பே….

அதீதா அவிபக்கவிபாகா த⁴ம்மா – தே அத்தீ²தி? ஆமந்தா. நனு அதீதா அவிபக்கவிபாகா த⁴ம்மா நிருத்³தா⁴தி? ஆமந்தா. ஹஞ்சி அதீதா அவிபக்கவிபாகா த⁴ம்மா நிருத்³தா⁴, நோ ச வத ரே வத்தப்³பே³ – ‘‘அதீதா அவிபக்கவிபாகா த⁴ம்மா – தே [த⁴ம்மா நிருத்³தா⁴ தே (ஸ்யா. க.)] அத்தீ²’’தி.

அதீதா அவிபக்கவிபாகா த⁴ம்மா நிருத்³தா⁴ – தே அத்தீ²தி? ஆமந்தா. அதீதா விபக்கவிபாகா த⁴ம்மா நிருத்³தா⁴ – தே அத்தீ²தி? ந ஹேவம் வத்தப்³பே³…பே… அதீதா அவிபக்கவிபாகா த⁴ம்மா நிருத்³தா⁴ – தே அத்தீ²தி? ஆமந்தா. அதீதா அவிபாகா [அவிபக்கவிபாகா (ஸீ. க.)] த⁴ம்மா நிருத்³தா⁴ – தே அத்தீ²தி? ந ஹேவம் வத்தப்³பே³…பே….

அதீதா விபக்கவிபாகா த⁴ம்மா நிருத்³தா⁴ – தே நத்தீ²தி? ஆமந்தா. அதீதா அவிபக்கவிபாகா த⁴ம்மா நிருத்³தா⁴ – தே நத்தீ²தி? ந ஹேவம் வத்தப்³பே³…பே….

அதீதா அவிபாகா [விபக்கவிபாகா (ஸ்யா.), அவிபக்கவிபாகா (க.)] த⁴ம்மா நிருத்³தா⁴ – தே நத்தீ²தி? ஆமந்தா. அதீதா அவிபக்கவிபாகா [அவிபாகா (ஸ்யா.)] த⁴ம்மா நிருத்³தா⁴ – தே நத்தீ²தி? ந ஹேவம் வத்தப்³பே³…பே….

அதீதா அவிபக்கவிபாகா த⁴ம்மா நிருத்³தா⁴ – தே அத்தீ²தி? ஆமந்தா. அதீதா விபக்கவிபாகா த⁴ம்மா நிருத்³தா⁴ – தே நத்தீ²தி? ஆமந்தா. அதீதா ஏகதே³ஸம் விபக்கவிபாகா த⁴ம்மா ஏகதே³ஸம் அவிபக்கவிபாகா த⁴ம்மா நிருத்³தா⁴ – தே ஏகச்சே அத்தி² ஏகச்சே நத்தீ²தி? ந ஹேவம் வத்தப்³பே³…பே….

ந வத்தப்³ப³ம் – ‘‘அதீதா அவிபக்கவிபாகா த⁴ம்மா – தே அத்தீ²’’தி? ஆமந்தா. நனு அதீதா அவிபக்கவிபாகா த⁴ம்மா விபச்சிஸ்ஸந்தீதி? ஆமந்தா. ஹஞ்சி அதீதா அவிபக்கவிபாகா த⁴ம்மா விபச்சிஸ்ஸந்தி, தேன வத ரே வத்தப்³பே³ – ‘‘அதீதா அவிபக்கவிபாகா த⁴ம்மா – தே அத்தீ²’’தி.

அதீதா அவிபக்கவிபாகா த⁴ம்மா விபச்சிஸ்ஸந்தீதி கத்வா தே அத்தீ²தி? ஆமந்தா. விபச்சிஸ்ஸந்தீதி கத்வா பச்சுப்பன்னாதி? ந ஹேவம் வத்தப்³பே³…பே… விபச்சிஸ்ஸந்தீதி கத்வா பச்சுப்பன்னாதி? ஆமந்தா. பச்சுப்பன்னா த⁴ம்மா நிருஜ்ஜி²ஸ்ஸந்தீதி கத்வா தே நத்தீ²தி? ந ஹேவம் வத்தப்³பே³…பே….