2. அனாக³தாதி³ஏகச்சகதா²

300. அனாக³தம் அத்தீ²தி? ஏகச்சம் அத்தி², ஏகச்சம் நத்தீ²தி. ஏகச்சம் ஜாதம், ஏகச்சம் அஜாதம்; ஏகச்சம் ஸஞ்ஜாதம், ஏகச்சம் அஸஞ்ஜாதம்; ஏகச்சம் நிப்³ப³த்தம், ஏகச்சம் அனிப்³ப³த்தம்; ஏகச்சம் பாதுபூ⁴தம், ஏகச்சம் அபாதுபூ⁴தந்தி? ந ஹேவம் வத்தப்³பே³…பே….

அனாக³தம் ஏகச்சம் அத்தி², ஏகச்சம் நத்தீ²தி? ஆமந்தா. அனாக³தா உப்பாதி³னோ த⁴ம்மா ஏகச்சே அத்தி², ஏகச்சே நத்தீ²தி? ந ஹேவம் வத்தப்³பே³…பே… அனாக³தம் ஏகச்சம் அத்தி², ஏகச்சம் நத்தீ²தி? ஆமந்தா. அனாக³தா அனுப்பாதி³னோ த⁴ம்மா ஏகச்சே அத்தி², ஏகச்சே நத்தீ²தி? ந ஹேவம் வத்தப்³பே³…பே….

அனாக³தம் ஏகச்சம் அத்தி², ஏகச்சம் நத்தீ²தி? ஆமந்தா. கிம் அத்தி², கிம் நத்தீ²தி? அனாக³தா உப்பாதி³னோ த⁴ம்மா – தே அத்தி²; அனாக³தா அனுப்பாதி³னோ த⁴ம்மா – தே நத்தீ²தி. அனாக³தா உப்பாதி³னோ த⁴ம்மா – தே அத்தீ²தி? ஆமந்தா. அனாக³தா அனுப்பாதி³னோ த⁴ம்மா – தே அத்தீ²தி? ந ஹேவம் வத்தப்³பே³…பே… அனாக³தா அனுப்பாதி³னோ த⁴ம்மா – தே நத்தீ²தி? ஆமந்தா. அனாக³தா உப்பாதி³னோ த⁴ம்மா – தே நத்தீ²தி? ந ஹேவம் வத்தப்³பே³…பே….

அனாக³தா உப்பாதி³னோ த⁴ம்மா – தே அத்தீ²தி? ஆமந்தா. நனு அனாக³தா உப்பாதி³னோ த⁴ம்மா அஜாதாதி? ஆமந்தா. ஹஞ்சி அனாக³தா உப்பாதி³னோ த⁴ம்மா அஜாதா, நோ ச வத ரே வத்தப்³பே³ – ‘‘அனாக³தா உப்பாதி³னோ த⁴ம்மா – தே அத்தீ²’’தி.

அனாக³தா உப்பாதி³னோ த⁴ம்மா அஜாதா – தே அத்தீ²தி? ஆமந்தா. அனாக³தா அனுப்பாதி³னோ த⁴ம்மா அஜாதா – தே அத்தீ²தி? ந ஹேவம் வத்தப்³பே³…பே… அனாக³தா அனுப்பாதி³னோ த⁴ம்மா அஜாதா – தே நத்தீ²தி? ஆமந்தா. அனாக³தா உப்பாதி³னோ த⁴ம்மா அஜாதா – தே நத்தீ²தி? ந ஹேவம் வத்தப்³பே³…பே….

ந வத்தப்³ப³ம் – ‘‘அனாக³தா உப்பாதி³னோ த⁴ம்மா – தே அத்தீ²’’தி? ஆமந்தா. நனு அனாக³தா உப்பாதி³னோ த⁴ம்மா உப்பஜ்ஜிஸ்ஸந்தீதி? ஆமந்தா. ஹஞ்சி அனாக³தா உப்பாதி³னோ த⁴ம்மா உப்பஜ்ஜிஸ்ஸந்தி, தேன வத ரே வத்தப்³பே³ – ‘‘அனாக³தா உப்பாதி³னோ த⁴ம்மா – தே அத்தீ²’’தி.

அனாக³தா உப்பாதி³னோ த⁴ம்மா உப்பஜ்ஜிஸ்ஸந்தீதி கத்வா தே அத்தீ²தி? ஆமந்தா. உப்பஜ்ஜிஸ்ஸந்தீதி கத்வா பச்சுப்பன்னாதி? ந ஹேவம் வத்தப்³பே³…பே… உப்பஜ்ஜிஸ்ஸந்தீதி கத்வா பச்சுப்பன்னாதி? ஆமந்தா. பச்சுப்பன்னா த⁴ம்மா நிருஜ்ஜி²ஸ்ஸந்தீதி கத்வா தே நத்தீ²தி? ந ஹேவம் வத்தப்³பே³…பே….

ஏகச்சம் அத்தீ²திகதா² நிட்டி²தா.