22. பா³வீஸதிமவக்³கோ³

(211) 4. த⁴ம்மாபி⁴ஸமயகதா²

897. அத்தி² க³ப்³ப⁴ஸேய்யாய த⁴ம்மாபி⁴ஸமயோதி? ஆமந்தா. அத்தி² க³ப்³ப⁴ஸேய்யாய த⁴ம்மதே³ஸனா, த⁴ம்மஸ்ஸவனம், த⁴ம்மஸாகச்சா², பரிபுச்சா², ஸீலஸமாதா³னம், இந்த்³ரியேஸு கு³த்தத்³வாரதா, போ⁴ஜனே மத்தஞ்ஞுதா, புப்³ப³ரத்தாபரரத்தம் ஜாக³ரியானுயோகோ³தி? ந ஹேவம் வத்தப்³பே³…பே… நத்தி² க³ப்³ப⁴ஸேய்யாய த⁴ம்மதே³ஸனா, த⁴ம்மஸ்ஸவனம்…பே… புப்³ப³ரத்தாபரரத்தம் ஜாக³ரியானுயோகோ³தி? ஆமந்தா. ஹஞ்சி நத்தி² க³ப்³ப⁴ஸேய்யாய த⁴ம்மதே³ஸனா, த⁴ம்மஸ்ஸவனம்…பே… புப்³ப³ரத்தாபரரத்தம் ஜாக³ரியானுயோகோ³, நோ ச வத ரே வத்தப்³பே³ – ‘‘அத்தி² க³ப்³ப⁴ஸேய்யாய த⁴ம்மாபி⁴ஸமயோ’’தி.

அத்தி² க³ப்³ப⁴ஸேய்யாய த⁴ம்மாபி⁴ஸமயோதி? ஆமந்தா. நனு த்³வே பச்சயா ஸம்மாதி³ட்டி²யா உப்பாதா³ய – பரதோ ச கோ⁴ஸோ, யோனிஸோ ச மனஸிகாரோதி? ஆமந்தா. ஹஞ்சி த்³வே பச்சயா ஸம்மாதி³ட்டி²யா உப்பாதா³ய – பரதோ ச கோ⁴ஸோ, யோனிஸோ ச மனஸிகாரோ, நோ ச வத ரே வத்தப்³பே³ – ‘‘அத்தி² க³ப்³ப⁴ஸேய்யாய த⁴ம்மாபி⁴ஸமயோ’’தி.

அத்தி² க³ப்³ப⁴ஸேய்யாய த⁴ம்மாபி⁴ஸமயோதி? ஆமந்தா. ஸுத்தஸ்ஸ பமத்தஸ்ஸ முட்ட²ஸ்ஸதிஸ்ஸ அஸம்பஜானஸ்ஸ த⁴ம்மாபி⁴ஸமயோதி? ந ஹேவம் வத்தப்³பே³…பே….

த⁴ம்மாபி⁴ஸமயகதா² நிட்டி²தா.