15. பன்னரஸமவக்³கோ³

(153) 9. ததியஸஞ்ஞாவேத³யிதகதா²

732. ஸஞ்ஞாவேத³யிதனிரோத⁴ம் ஸமாபன்னோ காலம் கரேய்யாதி? ஆமந்தா. அத்தி² ஸஞ்ஞாவேத³யிதனிரோத⁴ம் ஸமாபன்னஸ்ஸ மாரணந்தியோ ப²ஸ்ஸோ, மாரணந்தியா வேத³னா, மாரணந்தியா ஸஞ்ஞா, மாரணந்தியா சேதனா, மாரணந்தியம் சித்தந்தி? ந ஹேவம் வத்தப்³பே³…பே… நத்தி² ஸஞ்ஞாவேத³யிதனிரோத⁴ம் ஸமாபன்னஸ்ஸ மாரணந்தியோ ப²ஸ்ஸோ, மாரணந்தியா வேத³னா, மாரணந்தியா ஸஞ்ஞா, மாரணந்தியா சேதனா, மாரணந்தியம் சித்தந்தி? ஆமந்தா. ஹஞ்சி நத்தி² ஸஞ்ஞாவேத³யிதனிரோத⁴ம் ஸமாபன்னஸ்ஸ மாரணந்தியோ ப²ஸ்ஸோ, மாரணந்தியா வேத³னா, மாரணந்தியா ஸஞ்ஞா, மாரணந்தியா சேதனா, மாரணந்தியம் சித்தம், நோ ச வத ரே வத்தப்³பே³ – ‘‘ஸஞ்ஞாவேத³யிதனிரோத⁴ம் ஸமாபன்னோ காலம் கரேய்யா’’தி.

ஸஞ்ஞாவேத³யிதனிரோத⁴ம் ஸமாபன்னோ காலம் கரேய்யாதி? ஆமந்தா. அத்தி² ஸஞ்ஞாவேத³யிதனிரோத⁴ம் ஸமாபன்னஸ்ஸ ப²ஸ்ஸோ வேத³னா ஸஞ்ஞா சேதனா சித்தந்தி? ந ஹேவம் வத்தப்³பே³…பே… நத்தி² ஸஞ்ஞாவேத³யிதனிரோத⁴ம் ஸமாபன்னஸ்ஸ ப²ஸ்ஸோ வேத³னா ஸஞ்ஞா சேதனா சித்தந்தி? ஆமந்தா. அப²ஸ்ஸகஸ்ஸ காலம் கிரியா, அவேத³னகஸ்ஸ காலம் கிரியா…பே… அசித்தகஸ்ஸ காலம் கிரியாதி? ந ஹேவம் வத்தப்³பே³…பே… நனு ஸப²ஸ்ஸகஸ்ஸ காலம் கிரியா…பே… ஸசித்தகஸ்ஸ காலம் கிரியாதி? ஆமந்தா. ஹஞ்சி ஸப²ஸ்ஸகஸ்ஸ காலம் கிரியா…பே… ஸசித்தகஸ்ஸ காலம் கிரியா, நோ ச வத ரே வத்தப்³பே³ – ‘‘ஸஞ்ஞாவேத³யிதனிரோத⁴ம் ஸமாபன்னோ காலம் கரேய்யா’’தி.

ஸஞ்ஞாவேத³யிதனிரோத⁴ம் ஸமாபன்னோ காலம் கரேய்யாதி? ஆமந்தா. ஸஞ்ஞாவேத³யிதனிரோத⁴ம் ஸமாபன்னஸ்ஸ காயே விஸம் கமேய்ய, ஸத்த²ம் கமேய்ய, அக்³கி³ கமேய்யாதி? ந ஹேவம் வத்தப்³பே³…பே… ஸஞ்ஞாவேத³யிதனிரோத⁴ம் ஸமாபன்னஸ்ஸ காயே விஸம் ந கமேய்ய, ஸத்த²ம் ந கமேய்ய, அக்³கி³ ந கமேய்யாதி? ஆமந்தா. ஹஞ்சி ஸஞ்ஞாவேத³யிதனிரோத⁴ம் ஸமாபன்னஸ்ஸ காயே விஸம் ந கமேய்ய, ஸத்த²ம் ந கமேய்ய, அக்³கி³ ந கமேய்ய, நோ ச வத ரே வத்தப்³பே³ – ‘‘ஸஞ்ஞாவேத³யிதனிரோத⁴ம் ஸமாபன்னோ காலம் கரேய்யா’’தி.

ஸஞ்ஞாவேத³யிதனிரோத⁴ம் ஸமாபன்னோ காலம் கரேய்யாதி? ஆமந்தா. ஸஞ்ஞாவேத³யிதனிரோத⁴ம் ஸமாபன்னஸ்ஸ காயே விஸம் கமேய்ய, ஸத்த²ம் கமேய்ய, அக்³கி³ கமேய்யாதி? ஆமந்தா. ந நிரோத⁴ம் ஸமாபன்னோதி? ந ஹேவம் வத்தப்³பே³…பே….

733. ஸஞ்ஞாவேத³யிதனிரோத⁴ம் ஸமாபன்னோ ந காலம் கரேய்யாதி? ஆமந்தா. அத்தி² ஸோ நியாமோ யேன நியாமேன நியதோ ஸஞ்ஞாவேத³யிதனிரோத⁴ம் ஸமாபன்னோ ந காலம் கரேய்யாதி? நத்தி². ஹஞ்சி நத்தி² ஸோ நியாமோ யேன நியாமேன நியதோ ஸஞ்ஞாவேத³யிதனிரோத⁴ம் ஸமாபன்னோ ந காலம் கரேய்ய, நோ ச வத ரே வத்தப்³பே³ – ‘‘ஸஞ்ஞாவேத³யிதனிரோத⁴ம் ஸமாபன்னோ ந காலம் கரேய்யாதி.

734. சக்கு²விஞ்ஞாணஸமங்கீ³ ந காலம் கரேய்யாதி? ஆமந்தா. அத்தி² ஸோ நியாமோ யேன நியாமேன நியதோ சக்கு²விஞ்ஞாணஸமங்கீ³ ந காலம் கரேய்யாதி? நத்தி². ஹஞ்சி நத்தி² ஸோ நியாமோ யேன நியாமேன நியதோ சக்கு²விஞ்ஞாணஸமங்கீ³ ந காலம் கரேய்ய, நோ ச வத ரே வத்தப்³பே³ – ‘‘சக்கு²விஞ்ஞாணஸமங்கீ³ ந காலம் கரேய்யா’’தி.

ததியஸஞ்ஞாவேத³யிதகதா² நிட்டி²தா.