7. ஸத்தமவக்³கோ³

(63) 1. ஸங்க³ஹிதகதா²

471. நத்தி² கேசி த⁴ம்மா கேஹிசி த⁴ம்மேஹி ஸங்க³ஹிதாதி [ஸங்க³ஹீதாதி (பீ.)]? ஆமந்தா. நனு அத்தி² கேசி த⁴ம்மா கேஹிசி த⁴ம்மேஹி க³ணனம் க³ச்ச²ந்தி உத்³தே³ஸம் க³ச்ச²ந்தி பரியாபன்னாதி? ஆமந்தா. ஹஞ்சி அத்தி² கேசி த⁴ம்மா கேஹிசி த⁴ம்மேஹி க³ணனம் க³ச்ச²ந்தி உத்³தே³ஸம் க³ச்ச²ந்தி பரியாபன்னா, நோ ச வத ரே வத்தப்³பே³ – ‘‘நத்தி² கேசி த⁴ம்மா கேஹிசி த⁴ம்மேஹி ஸங்க³ஹிதா’’தி.

சக்கா²யதனம் கதமக்க²ந்த⁴க³ணனம் [கதமம் க²ந்த⁴க³ணனம் (ஸீ. பீ. க.)] க³ச்ச²தீதி? ரூபக்க²ந்த⁴க³ணனம் க³ச்ச²தீதி. ஹஞ்சி சக்கா²யதனம் ரூபக்க²ந்த⁴க³ணனம் க³ச்ச²தி, தேன வத ரே வத்தப்³பே³ – ‘‘சக்கா²யதனம் ரூபக்க²ந்தே⁴ன ஸங்க³ஹித’’ந்தி. ஸோதாயதனம்…பே… கா⁴னாயதனம்…பே… ஜிவ்ஹாயதனம்…பே… காயாயதனம் கதமக்க²ந்த⁴க³ணனம் க³ச்ச²தீதி? ரூபக்க²ந்த⁴க³ணனம் க³ச்ச²தீதி. ஹஞ்சி காயாயதனம் ரூபக்க²ந்த⁴க³ணனம் க³ச்ச²தி, தேன வத ரே வத்தப்³பே³ – ‘‘காயாயதனம் ரூபக்க²ந்தே⁴ன ஸங்க³ஹித’’ந்தி.

ரூபாயதனம்…பே… ஸத்³தா³யதனம்…பே… க³ந்தா⁴யதனம்…பே… ரஸாயதனம்…பே… போ²ட்ட²ப்³பா³யதனம் கதமக்க²ந்த⁴க³ணனம் க³ச்ச²தீதி? ரூபக்க²ந்த⁴க³ணனம் க³ச்ச²தீதி. ஹஞ்சி போ²ட்ட²ப்³பா³யதனம் ரூபக்க²ந்த⁴க³ணனம் க³ச்ச²தி, தேன வத ரே வத்தப்³பே³ – ‘‘போ²ட்ட²ப்³பா³யதனம் ரூபக்க²ந்தே⁴ன ஸங்க³ஹித’’ந்தி.

ஸுகா² வேத³னா கதமக்க²ந்த⁴க³ணனம் க³ச்ச²தீதி? வேத³னாக்க²ந்த⁴க³ணனம் க³ச்ச²தீதி. ஹஞ்சி ஸுகா² வேத³னா வேத³னாக்க²ந்த⁴க³ணனம் க³ச்ச²தி, தேன வத ரே வத்தப்³பே³ – ‘‘ஸுகா² வேத³னா வேத³னாக்க²ந்தே⁴ன ஸங்க³ஹிதா’’தி. து³க்கா² வேத³னா…பே… அது³க்க²மஸுகா² வேத³னா கதமக்க²ந்த⁴க³ணனம் க³ச்ச²தீதி? வேத³னாக்க²ந்த⁴க³ணனம் க³ச்ச²தீதி. ஹஞ்சி அது³க்க²மஸுகா² வேத³னா வேத³னாக்க²ந்த⁴க³ணனம் க³ச்ச²தி, தேன வத ரே வத்தப்³பே³ – ‘‘அது³க்க²மஸுகா² வேத³னா வேத³னாக்க²ந்தே⁴ன ஸங்க³ஹிதா’’தி.

சக்கு²ஸம்ப²ஸ்ஸஜா ஸஞ்ஞா கதமக்க²ந்த⁴க³ணனம் க³ச்ச²தீதி? ஸஞ்ஞாக்க²ந்த⁴க³ணனம் க³ச்ச²தீதி. ஹஞ்சி சக்கு²ஸம்ப²ஸ்ஸஜா ஸஞ்ஞா ஸஞ்ஞாக்க²ந்த⁴க³ணனம் க³ச்ச²தி, தேன வத ரே வத்தப்³பே³ – ‘‘சக்கு²ஸம்ப²ஸ்ஸஜா ஸஞ்ஞா ஸஞ்ஞாக்க²ந்தே⁴ன ஸங்க³ஹிதா’’தி. ஸோதஸம்ப²ஸ்ஸஜா ஸஞ்ஞா…பே… மனோஸம்ப²ஸ்ஸஜா ஸஞ்ஞா கதமக்க²ந்த⁴க³ணனம் க³ச்ச²தீதி? ஸஞ்ஞாக்க²ந்த⁴க³ணனம் க³ச்ச²தீதி. ஹஞ்சி மனோஸம்ப²ஸ்ஸஜா ஸஞ்ஞா ஸஞ்ஞாக்க²ந்த⁴க³ணனம் க³ச்ச²தி, தேன வத ரே வத்தப்³பே³ – ‘‘மனோஸம்ப²ஸ்ஸஜா ஸஞ்ஞா ஸஞ்ஞாக்க²ந்தே⁴ன ஸங்க³ஹிதா’’தி.

சக்கு²ஸம்ப²ஸ்ஸஜா சேதனா…பே… மனோஸம்ப²ஸ்ஸஜா சேதனா கதமக்க²ந்த⁴க³ணனம் க³ச்ச²தீதி? ஸங்கா²ரக்க²ந்த⁴க³ணனம் க³ச்ச²தீதி. ஹஞ்சி மனோஸம்ப²ஸ்ஸஜா சேதனா ஸங்கா²ரக்க²ந்த⁴க³ணனம் க³ச்ச²தி, தேன வத ரே வத்தப்³பே³ – ‘‘மனோஸம்ப²ஸ்ஸஜா சேதனா ஸங்கா²ரக்க²ந்தே⁴ன ஸங்க³ஹிதா’’தி.

சக்கு²விஞ்ஞாணம் …பே… மனோவிஞ்ஞாணம் கதமக்க²ந்த⁴க³ணனம் க³ச்ச²தீதி? விஞ்ஞாணக்க²ந்த⁴க³ணனம் க³ச்ச²தீதி. ஹஞ்சி மனோவிஞ்ஞாணம் விஞ்ஞாணக்க²ந்த⁴க³ணனம் க³ச்ச²தி, தேன வத ரே வத்தப்³பே³ – ‘‘மனோவிஞ்ஞாணம் விஞ்ஞாணக்க²ந்தே⁴ன ஸங்க³ஹித’’ந்தி.

472. யதா² தா³மேன வா யோத்தேன வா த்³வே ப³லிப³த்³தா³ ஸங்க³ஹிதா, ஸிக்காய பிண்ட³பாதோ ஸங்க³ஹிதோ, ஸா க³த்³து³லேன ஸங்க³ஹிதோ; ஏவமேவ தே த⁴ம்மா தேஹி த⁴ம்மேஹி ஸங்க³ஹிதாதி [ஸகவாதி³வசனம் (அட்ட²கதா² பஸ்ஸிதப்³பா³)]? ஹஞ்சி தா³மேன வா யோத்தேன வா த்³வே ப³லீப³த்³தா³ ஸங்க³ஹிதா, ஸிக்காய பிண்ட³பாதோ ஸங்க³ஹிதோ, ஸா க³த்³து³லேன ஸங்க³ஹிதோ, தேன வத ரே வத்தப்³பே³ – ‘‘அத்தி² கேசி த⁴ம்மா கேஹிசி த⁴ம்மேஹி ஸங்க³ஹிதா’’தி [ஸகவாதி³வசனம் (அட்ட²கதா² பஸ்ஸிதப்³பா³)].

ஸங்க³ஹிதகதா² நிட்டி²தா.

7. ஸத்தமவக்³கோ³

(64) 2. ஸம்பயுத்தகதா²

473. நத்தி² கேசி த⁴ம்மா கேஹிசி த⁴ம்மேஹி ஸம்பயுத்தாதி? ஆமந்தா. நனு அத்தி² கேசி த⁴ம்மா கேஹிசி த⁴ம்மேஹி ஸஹக³தா ஸஹஜாதா ஸம்ஸட்டா² ஏகுப்பாதா³ ஏகனிரோதா⁴ ஏகவத்து²கா ஏகாரம்மணாதி? ஆமந்தா. ஹஞ்சி அத்தி² கேசி த⁴ம்மா கேஹிசி த⁴ம்மேஹி ஸஹக³தா ஸஹஜாதா ஸம்ஸட்டா² ஏகுப்பாதா³ ஏகனிரோதா⁴ ஏகவத்து²கா ஏகாரம்மணா, நோ ச வத ரே வத்தப்³பே³ – ‘‘நத்தி² கேசி த⁴ம்மா கேஹிசி த⁴ம்மேஹி ஸம்பயுத்தா’’தி.

வேத³னாக்க²ந்தோ⁴ ஸஞ்ஞாக்க²ந்தே⁴ன ஸஹஜாதோதி? ஆமந்தா. ஹஞ்சி வேத³னாக்க²ந்தோ⁴ ஸஞ்ஞாக்க²ந்தே⁴ன ஸஹஜாதோ, தேன வத ரே வத்தப்³பே³ – ‘‘வேத³னாக்க²ந்தோ⁴ ஸஞ்ஞாக்க²ந்தே⁴ன ஸம்பயுத்தோ’’தி.

வேத³னாக்க²ந்தோ⁴ ஸங்கா²ரக்க²ந்தே⁴ன… விஞ்ஞாணக்க²ந்தே⁴ன ஸஹஜாதோதி? ஆமந்தா. ஹஞ்சி வேத³னாக்க²ந்தோ⁴ விஞ்ஞாணக்க²ந்தே⁴ன ஸஹஜாதோ, தேன வத ரே வத்தப்³பே³ – ‘‘வேத³னாக்க²ந்தோ⁴ விஞ்ஞாணக்க²ந்தே⁴ன ஸம்பயுத்தோ’’தி.

ஸஞ்ஞாக்க²ந்தோ⁴ … ஸங்கா²ரக்க²ந்தோ⁴… விஞ்ஞாணக்க²ந்தோ⁴ வேத³னாக²ந்தே⁴ன… ஸஞ்ஞாக்க²ந்தே⁴ன… ஸங்கா²ரக்க²ந்தே⁴ன ஸஹஜாதோதி? ஆமந்தா. ஹஞ்சி விஞ்ஞாணக்க²ந்தோ⁴ ஸங்கா²ரக்க²ந்தே⁴ன ஸஹஜாதோ, தேன வத ரே வத்தப்³பே³ – ‘‘விஞ்ஞாணக்க²ந்தோ⁴ ஸங்கா²ரக்க²ந்தே⁴ன ஸம்பயுத்தோ’’தி.

474. யதா² திலம்ஹி தேலம் அனுக³தம் அனுபவிட்ட²ம், உச்சு²ம்ஹி ரஸோ அனுக³தோ அனுபவிட்டோ²; ஏவமேவ தே த⁴ம்மா தேஹி த⁴ம்மேஹி அனுக³தா அனுபவிட்டா²தி? ந ஹேவம் வத்தப்³பே³…பே….

ஸம்பயுத்தகதா² நிட்டி²தா.

7. ஸத்தமவக்³கோ³

(65) 3. சேதஸிககதா²

475. நத்தி² சேதஸிகோ த⁴ம்மோதி? ஆமந்தா. நனு அத்தி² கேசி த⁴ம்மா சித்தேன ஸஹக³தா ஸஹஜாதா ஸம்ஸட்டா² ஸம்பயுத்தா ஏகுப்பாதா³ ஏகனிரோதா⁴ ஏகவத்து²கா ஏகாரம்மணாதி? ஆமந்தா. ஹஞ்சி அத்தி² கேசி த⁴ம்மா சித்தேன ஸஹக³தா ஸஹஜாதா ஸம்ஸட்டா² ஸம்பயுத்தா ஏகுப்பாதா³ ஏகனிரோதா⁴ ஏகவத்து²கா ஏகாரம்மணா, நோ ச வத ரே வத்தப்³பே³ – ‘‘நத்தி² சேதஸிகோ த⁴ம்மோ’’தி.

ப²ஸ்ஸோ சித்தேன ஸஹஜாதோதி? ஆமந்தா. ஹஞ்சி ப²ஸ்ஸோ சித்தேன ஸஹஜாதோ, தேன வத ரே வத்தப்³பே³ – ‘‘ப²ஸ்ஸோ சேதஸிகோ’’தி. வேத³னா…பே… ஸஞ்ஞா… சேதனா… ஸத்³தா⁴… வீரியம்… ஸதி… ஸமாதி⁴… பஞ்ஞா… ராகோ³… தோ³ஸோ… மோஹோ…பே… அனோத்தப்பம் சித்தேன ஸஹஜாதந்தி? ஆமந்தா. ஹஞ்சி அனோத்தப்பம் சித்தேன ஸஹஜாதம், தேன வத ரே வத்தப்³பே³ – ‘‘அனோத்தப்பம் சேதஸிக’’ந்தி.

476. சித்தேன ஸஹஜாதாதி கத்வா சேதஸிகாதி? ஆமந்தா. ப²ஸ்ஸேன ஸஹஜாதாதி கத்வா ப²ஸ்ஸஸிகாதி [ப²ஸ்ஸிகாதி (பீ. அட்ட².)]? ஆமந்தா. சித்தேன ஸஹஜாதாதி கத்வா சேதஸிகாதி? ஆமந்தா. வேத³னாய… ஸஞ்ஞாய… சேதனாய… ஸத்³தா⁴ய… வீரியேன… ஸதியா… ஸமாதி⁴னா… பஞ்ஞாய… ராகே³ன… தோ³ஸேன… மோஹேன…பே… அனோத்தப்பேன ஸஹஜாதாதி கத்வா அனோத்தப்பாஸிகாதி [அனோத்தப்பிகாதி (?)]? ஆமந்தா.

477. நத்தி² சேதஸிகோ த⁴ம்மோதி? ஆமந்தா. நனு வுத்தம் ப⁴க³வதா –

‘‘சித்தஞ்ஹித³ம் சேதஸிகா ச த⁴ம்மா,

அனத்ததோ ஸம்விதி³தஸ்ஸ ஹோந்தி;

ஹீனப்பணீதம் தது³ப⁴யே விதி³த்வா,

ஸம்மத்³த³ஸோ வேதி³ பலோகத⁴ம்ம’’ந்தி.

அத்தே²வ ஸுத்தந்தோதி? ஆமந்தா. தேன ஹி அத்தி² சேதஸிகோ த⁴ம்மோதி.

நத்தி² சேதஸிகோ த⁴ம்மோதி? ஆமந்தா. நனு வுத்தம் ப⁴க³வதா – ‘‘இத⁴, கேவட்ட, பி⁴க்கு² பரஸத்தானம் பரபுக்³க³லானம் சித்தம்பி ஆதி³ஸதி சேதஸிகம்பி ஆதி³ஸதி விதக்கிதம்பி ஆதி³ஸதி விசாரிதம்பி ஆதி³ஸதி – ‘ஏவம்பி தே மனோ, இத்த²ம்பி தே மனோ, இதிபி தே சித்த’’’ந்தி [தீ³. நி. 1.485]. அத்தே²வ ஸுத்தந்தோதி? ஆமந்தா. தேன ஹி அத்தி² சேதஸிகோ த⁴ம்மோதி.

சேதஸிககதா² நிட்டி²தா.

7. ஸத்தமவக்³கோ³

(66) 4. தா³னகதா²

478. சேதஸிகோ த⁴ம்மோ தா³னந்தி? ஆமந்தா. லப்³பா⁴ சேதஸிகோ த⁴ம்மோ பரேஸம் தா³துந்தி? ந ஹேவம் வத்தப்³பே³ …பே… லப்³பா⁴ சேதஸிகோ த⁴ம்மோ பரேஸம் தா³துந்தி? ஆமந்தா. லப்³பா⁴ ப²ஸ்ஸோ பரேஸம் தா³துந்தி? ந ஹேவம் வத்தப்³பே³ …பே… லப்³பா⁴ வேத³னா…பே… ஸஞ்ஞா… சேதனா… ஸத்³தா⁴… வீரியம்… ஸதி… ஸமாதி⁴… பஞ்ஞா பரேஸம் தா³துந்தி? ந ஹேவம் வத்தப்³பே³…பே….

479. ந வத்தப்³ப³ம் – சேதஸிகோ த⁴ம்மோ தா³னந்தி? ஆமந்தா. தா³னம் அனிட்ட²ப²லம் அகந்தப²லம் அமனுஞ்ஞப²லம் ஸேசனகப²லம் து³க்கு²த்³ரயம் து³க்க²விபாகந்தி? ந ஹேவம் வத்தப்³பே³…பே… நனு தா³னம் இட்ட²ப²லம் கந்தப²லம் மனுஞ்ஞப²லம் அஸேசனகப²லம் ஸுகு²த்³ரயம் ஸுக²விபாகந்தி? ஆமந்தா. ஹஞ்சி தா³னம் இட்ட²ப²லம் கந்தப²லம் மனுஞ்ஞப²லம் அஸேசனகப²லம் ஸுகு²த்³ரயம் ஸுக²விபாகம், தேன வத ரே வத்தப்³பே³ – ‘‘சேதஸிகோ த⁴ம்மோ தா³ன’’ந்தி.

தா³னம் இட்ட²ப²லம் வுத்தம் ப⁴க³வதா, சீவரம் தா³னந்தி [உபரி வுச்சமானாய பரவாதீ³புச்சா²ய ஸதி³ஸா, அட்ட²கதா² ஓலோகேதப்³பா³]? ஆமந்தா. சீவரம் இட்ட²ப²லம் கந்தப²லம் மனுஞ்ஞப²லம் அஸேசனகப²லம் ஸுகு²த்³ரயம் ஸுக²விபாகந்தி? ந ஹேவம் வத்தப்³பே³…பே… தா³னம் இட்ட²ப²லம் வுத்தம் ப⁴க³வதா, பிண்ட³பாதோ ஸேனாஸனம் கி³லானபச்சயபே⁴ஸஜ்ஜபரிக்கா²ரோ தா³னந்தி? ஆமந்தா. கி³லானபச்சயபே⁴ஸஜ்ஜபரிக்கா²ரோ இட்ட²ப²லோ கந்தப²லோ மனுஞ்ஞப²லோ அஸேசனகப²லோ ஸுகு²த்³ரயோ ஸுக²விபாகோதி? ந ஹேவம் வத்தப்³பே³…பே….

480. ந வத்தப்³ப³ம் – ‘‘சேதஸிகோ த⁴ம்மோ தா³ன’’ந்தி? ஆமந்தா. நனு வுத்தம் ப⁴க³வதா –

‘‘ஸத்³தா⁴ ஹிரியம் குஸலஞ்ச தா³னம்,

த⁴ம்மா ஏதே ஸப்புரிஸானுயாதா;

ஏதஞ்ஹி மக்³க³ம் தி³வியம் வத³ந்தி,

ஏதேன ஹி க³ச்ச²தி தே³வலோக’’ந்தி [அ. நி. 8.32].

அத்தே²வ ஸுத்தந்தோதி? ஆமந்தா. தேன ஹி சேதஸிகோ த⁴ம்மோ தா³னந்தி.

ந வத்தப்³ப³ம் – ‘‘சேதஸிகோ த⁴ம்மோ தா³ன’’ந்தி? ஆமந்தா. நனு வுத்தம் ப⁴க³வதா – ‘‘பஞ்சிமானி, பி⁴க்க²வே, தா³னானி மஹாதா³னானி அக்³க³ஞ்ஞானி ரத்தஞ்ஞானி வம்ஸஞ்ஞானி போராணானி அஸங்கிண்ணானி அஸங்கிண்ணபுப்³பா³னி, ந ஸங்கியந்தி ந ஸங்கியிஸ்ஸந்தி, அப்படிகுட்டா²னி ஸமணேஹி ப்³ராஹ்மணேஹி விஞ்ஞூஹி! கதமானி பஞ்ச? இத⁴, பி⁴க்க²வே, அரியஸாவகோ பாணாதிபாதம் பஹாய பாணாதிபாதா படிவிரதோ ஹோதி. பாணாதிபாதா படிவிரதோ, பி⁴க்க²வே, அரியஸாவகோ அபரிமாணானம் ஸத்தானம் அப⁴யம் தே³தி அவேரம் தே³தி அப்³யாப³ஜ்ஜ²ம் [அப்³யாபஜ்ஜ²ம் (ஸ்யா. க.)] தே³தி. அபரிமாணானம் ஸத்தானம் அப⁴யம் த³த்வா அவேரம் த³த்வா அப்³யாப³ஜ்ஜ²ம் த³த்வா அபரிமாணஸ்ஸ அப⁴யஸ்ஸ அவேரஸ்ஸ அப்³யாப³ஜ்ஜ²ஸ்ஸ பா⁴கீ³ ஹோதி. இத³ம், பி⁴க்க²வே, பட²மம் தா³னம் மஹாதா³னம் அக்³க³ஞ்ஞம் ரத்தஞ்ஞம் வம்ஸஞ்ஞம் போராணம் அஸங்கிண்ணம் அஸங்கிண்ணபுப்³ப³ம், ந ஸங்கியதி ந ஸங்கியிஸ்ஸதி, அப்படிகுட்ட²ம் ஸமணேஹி ப்³ராஹ்மணேஹி விஞ்ஞூஹி. புன சபரம், பி⁴க்க²வே, அரியஸாவகோ அதி³ன்னாதா³னம் பஹாய…பே… காமேஸுமிச்சா²சாரம் பஹாய…பே… முஸாவாத³ம் பஹாய…பே… ஸுராமேரயமஜ்ஜபமாத³ட்டா²னம் பஹாய ஸுராமேரயமஜ்ஜபமாத³ட்டா²னா படிவிரதோ ஹோதி. ஸுராமேரயமஜ்ஜபமாத³ட்டா²னா படிவிரதோ, பி⁴க்க²வே, அரியஸாவகோ அபரிமாணானம் ஸத்தானம் அப⁴யம் தே³தி அவேரம் தே³தி அப்³யாப³ஜ்ஜ²ம் தே³தி. அபரிமாணானம் ஸத்தானம் அப⁴யம் த³த்வா அவேரம் த³த்வா அப்³யாப³ஜ்ஜ²ம் த³த்வா அபரிமாணஸ்ஸ அப⁴யஸ்ஸ அவேரஸ்ஸ அப்³யாப³ஜ்ஜ²ஸ்ஸ பா⁴கீ³ ஹோதி. இத³ம், பி⁴க்க²வே, பஞ்சமம் தா³னம் மஹாதா³னம் அக்³க³ஞ்ஞம் ரத்தஞ்ஞம் வம்ஸஞ்ஞம் போராணம் அஸங்கிண்ணம் அஸங்கிண்ணபுப்³ப³ம், ந ஸங்கியதி ந ஸங்கியிஸ்ஸதி, அப்படிகுட்ட²ம் ஸமணேஹி ப்³ராஹ்மணேஹி விஞ்ஞூஹி. இமானி கோ², பி⁴க்க²வே, பஞ்ச தா³னானி மஹாதா³னானி அக்³க³ஞ்ஞானி ரத்தஞ்ஞானி வம்ஸஞ்ஞானி போராணானி அஸங்கிண்ணானி அஸங்கிண்ணபுப்³பா³னி, ந ஸங்கியந்தி ந ஸங்கியிஸ்ஸந்தி, அப்படிகுட்டா²னி ஸமணேஹி ப்³ராஹ்மணேஹி விஞ்ஞூஹீ’’தி [அ. நி. 8.39]. அத்தே²வ ஸுத்தந்தோதி? ஆமந்தா. தேன ஹி சேதஸிகோ த⁴ம்மோ தா³னந்தி.

481. ந வத்தப்³ப³ம் – ‘‘தே³ய்யத⁴ம்மோ தா³ன’’ந்தி? ஆமந்தா. நனு வுத்தம் ப⁴க³வதா – ‘‘இதே⁴கச்சோ அன்னம் தே³தி, பானம் தே³தி, வத்த²ம் தே³தி, யானம் தே³தி, மாலம் தே³தி, க³ந்த⁴ம் தே³தி, விலேபனம் தே³தி, ஸேய்யம் தே³தி, ஆவஸத²ம் தே³தி, பதீ³பேய்யம் தே³தீ’’தி [ஸம். நி. 3.362-391 தோ²கம் விஸதி³ஸம்]! அத்தே²வ ஸுத்தந்தோதி? ஆமந்தா. தேன ஹி தே³ய்யத⁴ம்மோ தா³னந்தி.

482. தே³ய்யத⁴ம்மோ தா³னந்தி? ஆமந்தா. தே³ய்யத⁴ம்மோ இட்ட²ப²லோ கந்தப²லோ மனுஞ்ஞப²லோ அஸேசனகப²லோ ஸுகு²த்³ரயோ ஸுக²விபாகோதி? ந ஹேவம் வத்தப்³பே³…பே… தா³னம் இட்ட²ப²லம் வுத்தம் ப⁴க³வதா, சீவரம் தா³னந்தி? ஆமந்தா. சீவரம் இட்ட²ப²லம் கந்தப²லம் மனுஞ்ஞப²லம் அஸேசனகப²லம் ஸுகு²த்³ரயம் ஸுக²விபாகந்தி? ந ஹேவம் வத்தப்³பே³…பே… தா³னம் இட்ட²ப²லம் வுத்தம் ப⁴க³வதா, பிண்ட³பாதோ தா³னம்… ஸேனாஸனம் தா³னம்… கி³லானபச்சயபே⁴ஸஜ்ஜபரிக்கா²ரோ தா³னந்தி? ஆமந்தா. கி³லானபச்சயபே⁴ஸஜ்ஜபரிக்கா²ரோ இட்ட²ப²லோ கந்தப²லோ மனுஞ்ஞப²லோ அஸேசனகப²லோ ஸுகு²த்³ரயோ ஸுக²விபாகோதி? ந ஹேவம் வத்தப்³பே³…பே… தேன ஹி ந வத்தப்³ப³ம் – ‘‘தே³ய்யத⁴ம்மோ தா³ன’’ந்தி.

தா³னகதா² நிட்டி²தா.

7. ஸத்தமவக்³கோ³

(67) 5. பரிபோ⁴க³மயபுஞ்ஞகதா²

483. பரிபோ⁴க³மயம் புஞ்ஞம் வட்³ட⁴தீதி? ஆமந்தா. பரிபோ⁴க³மயோ ப²ஸ்ஸோ வட்³ட⁴தி, வேத³னா வட்³ட⁴தி, ஸஞ்ஞா வட்³ட⁴தி, சேதனா வட்³ட⁴தி, சித்தம் வட்³ட⁴தி, ஸத்³தா⁴ வட்³ட⁴தி, வீரியம் வட்³ட⁴தி, ஸதி வட்³ட⁴தி, ஸமாதி⁴ வட்³ட⁴தி, பஞ்ஞா வட்³ட⁴தீதி? ந ஹேவம் வத்தப்³பே³…பே….

பரிபோ⁴க³மயம் புஞ்ஞம் வட்³ட⁴தீதி? ஆமந்தா. லதா விய வட்³ட⁴தி, மாலுவா விய வட்³ட⁴தி, ருக்கோ² விய வட்³ட⁴தி, திணம் விய வட்³ட⁴தி, முஞ்ஜபுஞ்ஜோ விய வட்³ட⁴தீதி? ந ஹேவம் வத்தப்³பே³…பே….

484. பரிபோ⁴க³மயம் புஞ்ஞம் வட்³ட⁴தீதி? ஆமந்தா. தா³யகோ தா³னம் த³த்வா ந ஸமன்னாஹரதி, ஹோதி புஞ்ஞந்தி? ஆமந்தா. அனாவட்டேந்தஸ்ஸ [அனாவட்டந்தஸ்ஸ (ஸீ. பீ. க.), அனாவஜ்ஜ²ந்தஸ்ஸ (ஸ்யா.)] ஹோதி… அனாபோ⁴க³ஸ்ஸ ஹோதி… அஸமன்னாஹரந்தஸ்ஸ ஹோதி… அமனஸிகரோந்தஸ்ஸ ஹோதி… அசேதயந்தஸ்ஸ ஹோதி… அபத்த²யந்தஸ்ஸ ஹோதி… அப்பணித³ஹந்தஸ்ஸ ஹோதீதி? ந ஹேவம் வத்தப்³பே³…பே… நனு ஆவட்டேந்தஸ்ஸ ஹோதி… ஆபோ⁴க³ஸ்ஸ ஹோதி… ஸமன்னாஹரந்தஸ்ஸ ஹோதி… மனஸிகரோந்தஸ்ஸ ஹோதி… சேதயந்தஸ்ஸ ஹோதி… பத்த²யந்தஸ்ஸ ஹோதி… பணித³ஹந்தஸ்ஸ ஹோதீதி? ஆமந்தா. ஹஞ்சி ஆவட்டேந்தஸ்ஸ ஹோதி… ஆபோ⁴க³ஸ்ஸ ஹோதி… ஸமன்னாஹரந்தஸ்ஸ ஹோதி… மனஸிகரோந்தஸ்ஸ ஹோதி… சேதயந்தஸ்ஸ ஹோதி… பத்த²யந்தஸ்ஸ ஹோதி… பணித³ஹந்தஸ்ஸ ஹோதி, நோ ச வத ரே வத்தப்³பே³ – ‘‘பரிபோ⁴க³மயம் புஞ்ஞம் வட்³ட⁴தீ’’தி.

485. பரிபோ⁴க³மயம் புஞ்ஞம் வட்³ட⁴தீதி? ஆமந்தா. தா³யகோ தா³னம் த³த்வா காமவிதக்கம் விதக்கேதி, ப்³யாபாத³விதக்கம் விதக்கேதி, விஹிம்ஸாவிதக்கம் விதக்கேதி, ஹோதி புஞ்ஞந்தி? ஆமந்தா. த்³வின்னம் ப²ஸ்ஸானம்…பே… த்³வின்னம் சித்தானம் ஸமோதா⁴னம் ஹோதீதி? ந ஹேவம் வத்தப்³பே³…பே… த்³வின்னம் ப²ஸ்ஸானம்…பே… த்³வின்னம் சித்தானம் ஸமோதா⁴னம் ஹோதீதி? ஆமந்தா. குஸலாகுஸலா ஸாவஜ்ஜானவஜ்ஜா ஹீனபணீதா கண்ஹஸுக்கஸப்படிபா⁴கா³ த⁴ம்மா ஸம்முகீ²பா⁴வம் ஆக³ச்ச²ந்தீதி? ந ஹேவம் வத்தப்³பே³…பே… குஸலாகுஸலா ஸாவஜ்ஜானவஜ்ஜா ஹீனபணீதா கண்ஹஸுக்கஸப்படிபா⁴கா³ த⁴ம்மா ஸம்முகீ²பா⁴வம் ஆக³ச்ச²ந்தீதி? ஆமந்தா. நனு வுத்தம் ப⁴க³வதா – ‘‘சத்தாரிமானி, பி⁴க்க²வே, ஸுவிதூ³ரவிதூ³ரானி! கதமானி சத்தாரி? நப⁴ஞ்ச, பி⁴க்க²வே, பத²வீ ச – இத³ம் பட²மம் ஸுவிதூ³ரவிதூ³ரம். ஓரிமஞ்ச, பி⁴க்க²வே, தீரம் ஸமுத்³த³ஸ்ஸ பாரிமஞ்ச தீரம் – இத³ம் து³தியம் ஸுவிதூ³ரவிதூ³ரம். யதோ ச, பி⁴க்க²வே, வேரோசனோ அப்³பு⁴தே³தி யத்த² ச அத்த²மேதி – இத³ம் ததியம் ஸுவிதூ³ரவிதூ³ரம். ஸதஞ்ச, பி⁴க்க²வே, த⁴ம்மோ அஸதஞ்ச த⁴ம்மோ – இத³ம் சதுத்த²ம் ஸுவிதூ³ரவிதூ³ரம். இமானி கோ², பி⁴க்க²வே, சத்தாரி ஸுவிதூ³ரவிதூ³ரானீதி.

‘‘நப⁴ஞ்ச தூ³ரே பத²வீ ச தூ³ரே,

பாரம் ஸமுத்³த³ஸ்ஸ ததா³ஹு தூ³ரே;

யதோ ச வேரோசனோ அப்³பு⁴தே³தி,

பப⁴ங்கரோ யத்த² ச அத்த²மேதி.

‘‘ததோ ஹவே தூ³ரதரம் வத³ந்தி,

ஸதஞ்ச த⁴ம்மம் அஸதஞ்ச த⁴ம்மம்;

அப்³யாயிகோ ஹோதி ஸதம் ஸமாக³மோ,

யாவம்பி திட்டே²ய்ய ததே²வ ஹோதி.

‘‘கி²ப்பஞ்ஹி வேதி [கி²ப்பம்ஹவேதி (ப³ஹூஸு)] அஸதம் ஸமாக³மோ;

தஸ்மா ஸதம் த⁴ம்மோ அஸப்³பி⁴ ஆரகா’’தி [அ. நி. 4.47].

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘குஸலாகுஸலா ஸாவஜ்ஜானவஜ்ஜா ஹீனபணீதா கண்ஹஸுக்கஸப்படிபா⁴கா³ த⁴ம்மா ஸம்முகீ²பா⁴வம் ஆக³ச்ச²ந்தீ’’தி.

486. ந வத்தப்³ப³ம் – ‘‘பரிபோ⁴க³மயம் புஞ்ஞம் வட்³ட⁴தீ’’தி? ஆமந்தா. நனு வுத்தம் ப⁴க³வதா –

‘‘ஆராமரோபா வனரோபா, யே ஜனா ஸேதுகாரகா;

பபஞ்ச உத³பானஞ்ச, யே த³த³ந்தி உபஸ்ஸயம்.

‘‘தேஸம் தி³வா ச ரத்தோ ச, ஸதா³ புஞ்ஞம் பவட்³ட⁴தி;

த⁴ம்மட்டா² ஸீலஸம்பன்னா, தே ஜனா ஸக்³க³கா³மினோ’’தி [ஸம். நி. 1.47].

அத்தே²வ ஸுத்தந்தோதி? ஆமந்தா. தேன ஹி பரிபோ⁴க³மயம் புஞ்ஞம் வட்³ட⁴தீதி.

ந வத்தப்³ப³ம் – ‘‘பரிபோ⁴க³மயம் புஞ்ஞம் வட்³ட⁴தீ’’தி? ஆமந்தா. நனு வுத்தம் ப⁴க³வதா – ‘‘சத்தாரோமே, பி⁴க்க²வே, புஞ்ஞாபி⁴ஸந்தா³ குஸலாபி⁴ஸந்தா³ ஸுக²ஸ்ஸாஹாரா ஸோவக்³கி³கா ஸுக²விபாகா ஸக்³க³ஸம்வத்தனிகா இட்டா²ய கந்தாய மனாபாய ஹிதாய ஸுகா²ய ஸம்வத்தந்தி! கதமே சத்தாரோ? யஸ்ஸ, பி⁴க்க²வே, பி⁴க்கு² சீவரம் பரிபு⁴ஞ்ஜமானோ அப்பமாணம் சேதோஸமாதி⁴ம் உபஸம்பஜ்ஜ விஹரதி, அப்பமாணோ தஸ்ஸ புஞ்ஞாபி⁴ஸந்தோ³ குஸலாபி⁴ஸந்தோ³ ஸுக²ஸ்ஸாஹாரோ ஸோவக்³கி³கோ ஸுக²விபாகோ ஸக்³க³ஸம்வத்தனிகோ இட்டா²ய கந்தாய மனாபாய ஹிதாய ஸுகா²ய ஸம்வத்ததி. யஸ்ஸ, பி⁴க்க²வே, பி⁴க்கு² பிண்ட³பாதம் பரிபு⁴ஞ்ஜமானோ…பே… ஸேனாஸனம் பரிபு⁴ஞ்ஜமானோ…பே… கி³லானபச்சயபே⁴ஸஜ்ஜபரிக்கா²ரம் பரிபு⁴ஞ்ஜமானோ அப்பமாணம் சேதோஸமாதி⁴ம் உபஸம்பஜ்ஜ விஹரதி, அப்பமாணோ தஸ்ஸ புஞ்ஞாபி⁴ஸந்தோ³ குஸலாபி⁴ஸந்தோ³ ஸுக²ஸ்ஸாஹாரோ ஸோவக்³கி³கோ ஸுக²விபாகோ ஸக்³க³ஸம்வத்தனிகோ இட்டா²ய கந்தாய மனாபாய ஹிதாய ஸுகா²ய ஸம்வத்ததி. இமே கோ², பி⁴க்க²வே, சத்தாரோ புஞ்ஞாபி⁴ஸந்தா³ குஸலாபி⁴ஸந்தா³ ஸுக²ஸ்ஸாஹாரா ஸோவக்³கி³கா ஸுக²விபாகா ஸக்³க³ஸம்வத்தனிகா இட்டா²ய கந்தாய மனாபாய ஹிதாய ஸுகா²ய ஸம்வத்தந்தீ’’தி [அ. நி. 4.51]. அத்தே²வ ஸுத்தந்தோதி? ஆமந்தா. தேன ஹி பரிபோ⁴க³மயம் புஞ்ஞம் வட்³ட⁴தீதி.

487. பரிபோ⁴க³மயம் புஞ்ஞம் வட்³ட⁴தீதி? ஆமந்தா. தா³யகோ தா³னம் தே³தி, படிக்³கா³ஹகோ படிக்³க³ஹேத்வா ந பரிபு⁴ஞ்ஜதி ச²ட்³டே³தி விஸ்ஸஜ்ஜேதி, ஹோதி புஞ்ஞந்தி? ஆமந்தா. ஹஞ்சி தா³யகோ தா³னம் தே³தி, படிக்³கா³ஹகோ படிக்³க³ஹேத்வா ந பரிபு⁴ஞ்ஜதி ச²ட்³டே³தி விஸ்ஸஜ்ஜேதி, ஹோதி புஞ்ஞம்; நோ ச வத ரே வத்தப்³பே³ – ‘‘பரிபோ⁴க³மயம் புஞ்ஞம் வட்³ட⁴தீ’’தி.

பரிபோ⁴க³மயம் புஞ்ஞம் வட்³ட⁴தீதி? ஆமந்தா. தா³யகோ தா³னம் தே³தி, படிக்³கா³ஹகே படிக்³க³ஹிதே ராஜானோ வா ஹரந்தி, சோரா வா ஹரந்தி, அக்³கி³ வா த³ஹதி, உத³கம் வா வஹதி, அப்பியா வா தா³யாதா³ ஹரந்தி, ஹோதி புஞ்ஞந்தி? ஆமந்தா. ஹஞ்சி தா³யகோ தா³னம் தே³தி, படிக்³கா³ஹகே படிக்³க³ஹிதே ராஜானோ வா ஹரந்தி, சோரா வா ஹரந்தி, அக்³கி³ வா த³ஹதி, உத³கம் வா வஹதி, அப்பியா வா தா³யாதா³ ஹரந்தி, ஹோதி புஞ்ஞம்; நோ ச வத ரே வத்தப்³பே³ – ‘‘பரிபோ⁴க³மயம் புஞ்ஞம் வட்³ட⁴தீ’’தி.

பரிபோ⁴க³மயபுஞ்ஞகதா² நிட்டி²தா.

7. ஸத்தமவக்³கோ³

(68) 6. இதோதி³ன்னகதா²

488. இதோ தி³ன்னேன தத்த² யாபேந்தீதி? ஆமந்தா. இதோ சீவரம் தே³ந்தி தம் சீவரம் தத்த² பரிபு⁴ஞ்ஜந்தீதி? ந ஹேவம் வத்தப்³பே³…பே… இதோ பிண்ட³பாதம் தே³ந்தி, இதோ ஸேனாஸனம் தே³ந்தி, இதோ கி³லானபச்சயபே⁴ஸஜ்ஜபரிக்கா²ரம் தே³ந்தி, இதோ கா²த³னீயம் தே³ந்தி, இதோ போ⁴ஜனீயம் தே³ந்தி, இதோ பானீயம் தே³ந்தி; தம் பானீயம் தத்த² பரிபு⁴ஞ்ஜந்தீதி? ந ஹேவம் வத்தப்³பே³…பே….

இதோ தி³ன்னேன தத்த² யாபேந்தீதி? ஆமந்தா. அஞ்ஞோ அஞ்ஞஸ்ஸ காரகோ பரகதம் ஸுக²து³க்க²ம் அஞ்ஞோ கரோதி, அஞ்ஞோ படிஸம்வேதே³தீதி? ந ஹேவம் வத்தப்³பே³…பே….

489. ந வத்தப்³ப³ம் – ‘‘இதோ தி³ன்னேன தத்த² யாபேந்தீ’’தி? ஆமந்தா. நனு பேதா அத்தனோ அத்தா²ய தா³னம் தே³ந்தம் அனுமோதே³ந்தி, சித்தம் பஸாதே³ந்தி, பீதிம் உப்பாதே³ந்தி, ஸோமனஸ்ஸம் படிலப⁴ந்தீதி? ஆமந்தா. ஹஞ்சி பேதா அத்தனோ அத்தா²ய தா³னம் தே³ந்தம் அனுமோதே³ந்தி, சித்தம் பஸாதே³ந்தி, பீதிம் உப்பாதே³ந்தி, ஸோமனஸ்ஸம் படிலப⁴ந்தி; தேன வத ரே வத்தப்³பே³ – ‘‘இதோ தி³ன்னேன தத்த² யாபேந்தீ’’தி.

490. ந வத்தப்³ப³ம் – ‘‘இதோ தி³ன்னேன தத்த² யாபேந்தீ’’தி? ஆமந்தா. நனு வுத்தம் ப⁴க³வதா –

‘‘உன்னமே உத³கம் வுட்ட²ம், யதா²னின்னம் பவத்ததி;

ஏவமேவ இதோ தி³ன்னம், பேதானம் உபகப்பதி.

‘‘யதா² வாரிவஹா பூரா, பரிபூரேந்தி ஸாக³ரம்;

ஏவமேவ இதோ தி³ன்னம், பேதானம் உபகப்பதி.

‘‘ந ஹி தத்த² கஸீ அத்தி², கோ³ரக்கே²த்த² ந விஜ்ஜதி;

வணிஜ்ஜா தாதி³ஸீ நத்தி², ஹிரஞ்ஞேன கயாகயம் [கயக்கயம் (ஸீ. பீ.)];

இதோ தி³ன்னேன யாபேந்தி, பேதா காலங்கதா தஹி’’ந்தி [கு². பா. 7.6; பே. வ. 19].

அத்தே²வ ஸுத்தந்தோதி? ஆமந்தா. தேன ஹி இதோ தி³ன்னேன தத்த² யாபேந்தீதி.

491. ந வத்தப்³ப³ம் – ‘‘இதோ தி³ன்னேன தத்த² யாபேந்தீ’’தி? ஆமந்தா. நனு வுத்தம் ப⁴க³வதா – ‘‘பஞ்சிமானி, பி⁴க்க²வே, டா²னானி ஸம்பஸ்ஸந்தா மாதாபிதரோ புத்தம் இச்ச²ந்தி குலே ஜாயமானம்! கதமானி பஞ்ச? ப⁴டோ வா நோ ப⁴ரிஸ்ஸதி, கிச்சம் வா நோ கரிஸ்ஸதி, குலவம்ஸோ சிரம் ட²ஸ்ஸதி, தா³யஜ்ஜம் படிபஜ்ஜிஸ்ஸதி, அத² வா பன பேதானம் காலங்கதானம் த³க்கி²ணம் அனுப்பத³ஸ்ஸதி – இமானி கோ², பி⁴க்க²வே, பஞ்ச டா²னானி ஸம்பஸ்ஸந்தா மாதாபிதரோ புத்தம் இச்ச²ந்தி குலே ஜாயமான’’ந்தி.

‘‘பஞ்ச டா²னானி ஸம்பஸ்ஸம், புத்தம் இச்ச²ந்தி பண்டி³தா;

ப⁴டோ வா நோ ப⁴ரிஸ்ஸதி, கிச்சம் வா நோ கரிஸ்ஸதி.

‘‘குலவம்ஸோ சிரம் திட்டே², தா³யஜ்ஜம் படிபஜ்ஜதி;

அத² வா பன பேதானம், த³க்கி²ணம் அனுப்பத³ஸ்ஸதி.

‘‘டா²னானேதானி ஸம்பஸ்ஸம், புத்தம் இச்ச²ந்தி பண்டி³தா;

தஸ்மா ஸந்தோ ஸப்புரிஸா, கதஞ்ஞூ கதவேதி³னோ.

‘‘ப⁴ரந்தி மாதாபிதரோ, புப்³பே³ கதமனுஸ்ஸரம்;

கரோந்தி தேஸம் கிச்சானி, யதா² தம் புப்³ப³காரினம்.

‘‘ஓவாத³காரீ ப⁴டபோஸீ, குலவம்ஸம் அஹாபயம்;

ஸத்³தோ⁴ ஸீலேன ஸம்பன்னோ, புத்தோ ஹோதி பஸம்ஸியோ’’தி [அ. நி. 5.31].

அத்தே²வ ஸுத்தந்தோதி? ஆமந்தா. தேன ஹி இதோ தி³ன்னேன தத்த² யாபேந்தீதி.

இதோ தி³ன்னகதா² நிட்டி²தா.

7. ஸத்தமவக்³கோ³

(69) 7. பத²வீ கம்மவிபாகோதிகதா²

492. பத²வீ கம்மவிபாகோதி? ஆமந்தா. ஸுக²வேத³னியா து³க்க²வேத³னியா அது³க்க²மஸுக²வேத³னியா, ஸுகா²ய வேத³னாய ஸம்பயுத்தா, து³க்கா²ய வேத³னாய ஸம்பயுத்தா, அது³க்க²மஸுகா²ய வேத³னாய ஸம்பயுத்தா, ப²ஸ்ஸேன ஸம்பயுத்தா, வேத³னாய ஸம்பயுத்தா, ஸஞ்ஞாய ஸம்பயுத்தா, சேதனாய ஸம்பயுத்தா, சித்தேன ஸம்பயுத்தா, ஸாரம்மணா; அத்தி² தாய ஆவட்டனா [ஆவஜ்ஜனா (ஸ்யா. கம்.)] ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ந ஹேவம் வத்தப்³பே³…பே… நனு ந ஸுக²வேத³னியா ந து³க்க²வேத³னியா ந அது³க்க²மஸுக²வேத³னியா, ந ஸுகா²ய வேத³னாய ஸம்பயுத்தா, ந து³க்கா²ய வேத³னாய ஸம்பயுத்தா, ந அது³க்க²மஸுகா²ய வேத³னாய ஸம்பயுத்தா, ந ப²ஸ்ஸேன ஸம்பயுத்தா, ந வேத³னாய ஸம்பயுத்தா, ந ஸஞ்ஞாய ஸம்பயுத்தா, ந சேதனாய ஸம்பயுத்தா, ந சித்தேன ஸம்பயுத்தா, அனாரம்மணா; நத்தி² தாய ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ஆமந்தா. ஹஞ்சி ந ஸுக²வேத³னியா ந து³க்க²வேத³னியா…பே… அனாரம்மணா; நத்தி² தாய ஆவட்டனா…பே… பணிதி⁴, நோ ச வத ரே வத்தப்³பே³ – ‘‘பத²வீ கம்மவிபாகோ’’தி.

ப²ஸ்ஸோ கம்மவிபாகோ, ப²ஸ்ஸோ ஸுக²வேத³னியோ து³க்க²வேத³னியோ அது³க்க²மஸுக²வேத³னியோ ஸுகா²ய வேத³னாய ஸம்பயுத்தோ து³க்கா²ய…பே… அது³க்க²மஸுகா²ய வேத³னாய ஸம்பயுத்தோ ப²ஸ்ஸேன ஸம்பயுத்தோ வேத³னாய ஸம்பயுத்தோ ஸஞ்ஞாய ஸம்பயுத்தோ சேதனாய ஸம்பயுத்தோ சித்தேன ஸம்பயுத்தோ ஸாரம்மணோ; அத்தி² தஸ்ஸ ஆவட்டனா…பே… பணிதீ⁴தி? ஆமந்தா. பத²வீ கம்மவிபாகோ, பத²வீ ஸுக²வேத³னியா து³க்க²வேத³னியா அது³க்க²மஸுக²வேத³னியா ஸுகா²ய வேத³னாய ஸம்பயுத்தா து³க்கா²ய…பே… அது³க்க²மஸுகா²ய வேத³னாய ஸம்பயுத்தா ப²ஸ்ஸேன ஸம்பயுத்தா வேத³னாய ஸம்பயுத்தா ஸஞ்ஞாய ஸம்பயுத்தா சேதனாய ஸம்பயுத்தா சித்தேன ஸம்பயுத்தா ஸாரம்மணா; அத்தி² தாய ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ந ஹேவம் வத்தப்³பே³ …பே… பத²வீ கம்மவிபாகோ, பத²வீ ந ஸுக²வேத³னியா ந து³க்க²வேத³னியா…பே… அனாரம்மணா; நத்தி² தாய ஆவட்டனா…பே… பணிதீ⁴தி? ஆமந்தா. ப²ஸ்ஸோ கம்மவிபாகோ, ப²ஸ்ஸோ ந ஸுக²வேத³னியோ ந து³க்க²வேத³னியோ …பே… அனாரம்மணோ; நத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே….

பத²வீ கம்மவிபாகோதி? ஆமந்தா. பத²வீ பக்³க³ஹனிக்³க³ஹுபகா³ சே²த³னபே⁴த³னுபகா³தி? ஆமந்தா. கம்மவிபாகோ பக்³க³ஹனிக்³க³ஹுபகோ³ சே²த³னபே⁴த³னுபகோ³தி? ந ஹேவம் வத்தப்³பே³…பே….

லப்³பா⁴ பத²வீ கேதும் விக்கேதும் ஆட²பேதும் ஓசினிதும் விசினிதுந்தி? ஆமந்தா. லப்³பா⁴ கம்மவிபாகோ கேதும் விக்கேதும் ஆட²பேதும் ஓசினிதும் விசினிதுந்தி? ந ஹேவம் வத்தப்³பே³…பே….

493. பத²வீ பரேஸம் ஸாதா⁴ரணாதி? ஆமந்தா. கம்மவிபாகோ பரேஸம் ஸாதா⁴ரணோதி? ந ஹேவம் வத்தப்³பே³…பே….

கம்மவிபாகோ பரேஸம் ஸாதா⁴ரணோதி? ஆமந்தா. நனு வுத்தம் ப⁴க³வதா –

‘‘அஸாதா⁴ரணமஞ்ஞேஸம், அசோரஹரணோ நிதி⁴;

கயிராத² மச்சோ புஞ்ஞானி, ஸசே ஸுசரிதம் சரே’’தி [கு². பா. 8.9 கு²த்³த³கபாடே², தோ²கம் விஸதி³ஸம்].

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘கம்மவிபாகோ பரேஸம் ஸாதா⁴ரணோ’’தி.

பத²வீ கம்மவிபாகோதி? ஆமந்தா. பட²மம் பத²வீ ஸண்டா²தி, பச்சா² ஸத்தா உப்பஜ்ஜந்தீதி? ஆமந்தா. பட²மம் விபாகோ உப்பஜ்ஜதி, பச்சா² விபாகபடிலாபா⁴ய கம்மம் கரோந்தீதி? ந ஹேவம் வத்தப்³பே³…பே….

பத²வீ ஸப்³ப³ஸத்தானம் கம்மவிபாகோதி? ஆமந்தா. ஸப்³பே³ ஸத்தா பத²விம் பரிபு⁴ஞ்ஜந்தீதி? ந ஹேவம் வத்தப்³பே³…பே… ஸப்³பே³ ஸத்தா பத²விம் பரிபு⁴ஞ்ஜந்தீதி? ஆமந்தா. அத்தி² கேசி பத²விம் அபரிபு⁴ஞ்ஜித்வா பரினிப்³பா³யந்தீதி? ஆமந்தா. அத்தி² கேசி கம்மவிபாகம் அகே²பேத்வா பரினிப்³பா³யந்தீதி? ந ஹேவம் வத்தப்³பே³…பே….

பத²வீ சக்கவத்திஸத்தஸ்ஸ கம்மவிபாகோதி? ஆமந்தா. அஞ்ஞே ஸத்தா பத²விம் பரிபு⁴ஞ்ஜந்தீதி? ஆமந்தா. சக்கவத்திஸத்தஸ்ஸ கம்மவிபாகம் அஞ்ஞே ஸத்தா பரிபு⁴ஞ்ஜந்தீதி? ந ஹேவம் வத்தப்³பே³…பே… சக்கவத்திஸத்தஸ்ஸ கம்மவிபாகம் அஞ்ஞே ஸத்தா பரிபு⁴ஞ்ஜந்தீதி? ஆமந்தா. சக்கவத்திஸத்தஸ்ஸ ப²ஸ்ஸம் வேத³னம் ஸஞ்ஞம் சேதனம் சித்தம் ஸத்³த⁴ம் வீரியம் ஸதிம் ஸமாதி⁴ம் பஞ்ஞம் அஞ்ஞே ஸத்தா பரிபு⁴ஞ்ஜந்தீதி? ந ஹேவம் வத்தப்³பே³…பே….

494. ந வத்தப்³ப³ம் – ‘‘பத²வீ கம்மவிபாகோ’’தி? ஆமந்தா. நனு அத்தி² இஸ்ஸரியஸம்வத்தனியம் கம்மம் அதி⁴பச்சஸம்வத்தனியம் கம்மந்தி? ஆமந்தா. ஹஞ்சி அத்தி² இஸ்ஸரியஸம்வத்தனியம் கம்மம் அதி⁴பச்சஸம்வத்தனியம் கம்மம், தேன வத ரே வத்தப்³பே³ – ‘‘பத²வீ கம்மவிபாகோ’’தி.

பத²வீ கம்மவிபாகோதிகதா² நிட்டி²தா.

7. ஸத்தமவக்³கோ³

(70) 8. ஜராமரணம் விபாகோதிகதா²

495. ஜராமரணம் விபாகோதி? ஆமந்தா. ஸுக²வேத³னியம் து³க்க²வேத³னியம் அது³க்க²மஸுக²வேத³னியம், ஸுகா²ய வேத³னாய ஸம்பயுத்தம், து³க்கா²ய வேத³னாய ஸம்பயுத்தம், அது³க்க²மஸுகா²ய வேத³னாய ஸம்பயுத்தம், ப²ஸ்ஸேன ஸம்பயுத்தம், வேத³னாய ஸம்பயுத்தம், ஸஞ்ஞாய ஸம்பயுத்தம், சேதனாய ஸம்பயுத்தம், சித்தேன ஸம்பயுத்தம், ஸாரம்மணம்; அத்தி² தஸ்ஸ ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ந ஹேவம் வத்தப்³பே³…பே… நனு ந ஸுக²வேத³னியம் ந து³க்க²வேத³னியம்…பே… அனாரம்மணம்; நத்தி² தஸ்ஸ ஆவட்டனா…பே… பணிதீ⁴தி? ஆமந்தா. ஹஞ்சி ந ஸுக²வேத³னியம் ந து³க்க²வேத³னியம்…பே… அனாரம்மணம்; நத்தி² தஸ்ஸ ஆவட்டனா …பே… பணிதி⁴, நோ ச வத ரே வத்தப்³பே³ – ‘‘ஜராமரணம் விபாகோ’’தி.

ப²ஸ்ஸோ விபாகோ, ப²ஸ்ஸோ ஸுக²வேத³னியோ து³க்க²வேத³னியோ…பே… ஸாரம்மணோ; அத்தி² தஸ்ஸ ஆவட்டனா…பே… பணிதீ⁴தி? ஆமந்தா. ஜராமரணம் விபாகோ, ஜராமரணம் ஸுக²வேத³னியம் து³க்க²வேத³னியம்…பே… ஸாரம்மணம்; அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே….

ஜராமரணம் விபாகோ, ஜராமரணம் ந ஸுக²வேத³னியம் ந து³க்க²வேத³னியம்…பே… அனாரம்மணம்; நத்தி² தஸ்ஸ ஆவட்டனா…பே… பணிதீ⁴தி? ஆமந்தா. ப²ஸ்ஸோ விபாகோ, ப²ஸ்ஸோ ந ஸுக²வேத³னியோ ந து³க்க²வேத³னியோ…பே… அனாரம்மணோ; நத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே….

496. அகுஸலானம் த⁴ம்மானம் ஜராமரணம், அகுஸலானம் த⁴ம்மானம் விபாகோதி? ஆமந்தா. குஸலானம் த⁴ம்மானம் ஜராமரணம், குஸலானம் த⁴ம்மானம் விபாகோதி? ந ஹேவம் வத்தப்³பே³…பே….

குஸலானம் த⁴ம்மானம் ஜராமரணம், ந வத்தப்³ப³ம் – ‘‘குஸலானம் த⁴ம்மானம் விபாகோ’’தி? ஆமந்தா. அகுஸலானம் த⁴ம்மானம் ஜராமரணம், ந வத்தப்³ப³ம் – ‘‘அகுஸலானம் த⁴ம்மானம் விபாகோ’’தி? ந ஹேவம் வத்தப்³பே³…பே….

குஸலானம் த⁴ம்மானம் ஜராமரணம், அகுஸலானம் த⁴ம்மானம் விபாகோதி? ஆமந்தா. அகுஸலானம் த⁴ம்மானம் ஜராமரணம், குஸலானம் த⁴ம்மானம் விபாகோதி? ந ஹேவம் வத்தப்³பே³…பே….

அகுஸலானம் த⁴ம்மானம் ஜராமரணம், ந வத்தப்³ப³ம் – ‘‘குஸலானம் த⁴ம்மானம் விபாகோ’’தி? ஆமந்தா. குஸலானம் த⁴ம்மானம் ஜராமரணம், ந வத்தப்³ப³ம் – ‘‘அகுஸலானம் த⁴ம்மானம் விபாகோ’’தி? ந ஹேவம் வத்தப்³பே³…பே….

குஸலானஞ்ச அகுஸலானஞ்ச த⁴ம்மானம் ஜராமரணம், அகுஸலானம் த⁴ம்மானம் விபாகோதி? ஆமந்தா. குஸலானஞ்ச அகுஸலானஞ்ச த⁴ம்மானம் ஜராமரணம், குஸலானம் த⁴ம்மானம் விபாகோதி? ந ஹேவம் வத்தப்³பே³…பே….

குஸலானஞ்ச அகுஸலானஞ்ச த⁴ம்மானம் ஜராமரணம், ந வத்தப்³ப³ம் – ‘‘குஸலானம் த⁴ம்மானம் விபாகோ’’தி? ஆமந்தா. குஸலானஞ்ச அகுஸலானஞ்ச த⁴ம்மானம் ஜராமரணம், ந வத்தப்³ப³ம் – ‘‘அகுஸலானம் த⁴ம்மானம் விபாகோ’’தி? ந ஹேவம் வத்தப்³பே³…பே….

497. ந வத்தப்³ப³ம் – ‘‘ஜராமரணம் விபாகோ’’தி? ஆமந்தா. நனு அத்தி² து³ப்³ப³ண்ணஸம்வத்தனியம் கம்மம் அப்பாயுகஸம்வத்தனியம் கம்மந்தி? ஆமந்தா. ஹஞ்சி அத்தி² து³ப்³ப³ண்ணஸம்வத்தனியம் கம்மம் அப்பாயுகஸம்வத்தனியம் கம்மம், தேன வத ரே வத்தப்³பே³ – ‘‘ஜராமரணம் விபாகோ’’தி.

ஜராமரணம் விபாகோதிகதா² நிட்டி²தா.

7. ஸத்தமவக்³கோ³

(71) 9. அரியத⁴ம்மவிபாககதா²

498. நத்தி² அரியத⁴ம்மவிபாகோதி? ஆமந்தா. நனு மஹப்ப²லம் ஸாமஞ்ஞம் மஹப்ப²லம் ப்³ரஹ்மஞ்ஞந்தி? ஆமந்தா. ஹஞ்சி மஹப்ப²லம் ஸாமஞ்ஞம் மஹப்ப²லம் ப்³ரஹ்மஞ்ஞம், நோ ச வத ரே வத்தப்³பே³ – ‘‘நத்தி² அரியத⁴ம்மவிபாகோ’’தி.

நத்தி² அரியத⁴ம்மவிபாகோதி? ஆமந்தா. நனு அத்தி² ஸோதாபத்திப²லந்தி? ஆமந்தா. ஹஞ்சி அத்தி² ஸோதாபத்திப²லம், நோ ச வத ரே வத்தப்³பே³ – ‘‘நத்தி² அரியத⁴ம்மவிபாகோ’’தி. நனு அத்தி² ஸகதா³கா³மிப²லம்…பே… அனாகா³மிப²லம்…பே… அரஹத்தப²லந்தி? ஆமந்தா. ஹஞ்சி அத்தி² அரஹத்தப²லம், நோ ச வத ரே வத்தப்³பே³ – ‘‘நத்தி² அரியத⁴ம்மவிபாகோ’’தி.

ஸோதாபத்திப²லம் ந விபாகோதி? ஆமந்தா. தா³னப²லம் ந விபாகோதி? ந ஹேவம் வத்தப்³பே³…பே… ஸோதாபத்திப²லம் ந விபாகோதி? ஆமந்தா. ஸீலப²லம்…பே… பா⁴வனாப²லம் ந விபாகோதி? ந ஹேவம் வத்தப்³பே³…பே….

ஸகதா³கா³மிப²லம்…பே… அனாகா³மிப²லம்…பே… அரஹத்தப²லம் ந விபாகோதி? ஆமந்தா. தா³னப²லம் ந விபாகோதி? ந ஹேவம் வத்தப்³பே³…பே… அரஹத்தப²லம் ந விபாகோதி? ஆமந்தா. ஸீலப²லம்…பே… பா⁴வனாப²லம் ந விபாகோதி? ந ஹேவம் வத்தப்³பே³…பே… தா³னப²லம் விபாகோதி? ஆமந்தா. ஸோதாபத்திப²லம் விபாகோதி? ந ஹேவம் வத்தப்³பே³…பே….

தா³னப²லம் விபாகோதி? ஆமந்தா. ஸகதா³கா³மிப²லம்…பே… அனாகா³மிப²லம்…பே… அரஹத்தப²லம் விபாகோதி? ந ஹேவம் வத்தப்³பே³…பே… ஸீலப²லம்…பே… பா⁴வனாப²லம் விபாகோதி? ஆமந்தா. ஸோதாபத்திப²லம் விபாகோதி? ந ஹேவம் வத்தப்³பே³…பே… பா⁴வனாப²லம் விபாகோதி? ஆமந்தா. ஸகதா³கா³மிப²லம்…பே… அனாகா³மிப²லம் …பே… அரஹத்தப²லம் விபாகோதி? ந ஹேவம் வத்தப்³பே³…பே….

499. காமாவசரம் குஸலம் ஸவிபாகந்தி? ஆமந்தா. லோகுத்தரம் குஸலம் ஸவிபாகந்தி? ந ஹேவம் வத்தப்³பே³…பே… ரூபாவசரம் குஸலம்…பே… அரூபாவசரம் குஸலம் ஸவிபாகந்தி? ஆமந்தா. லோகுத்தரம் குஸலம் ஸவிபாகந்தி? ந ஹேவம் வத்தப்³பே³…பே….

லோகுத்தரம் குஸலம் அவிபாகந்தி? ஆமந்தா. காமாவசரம் குஸலம் அவிபாகந்தி? ந ஹேவம் வத்தப்³பே³…பே… லோகுத்தரம் குஸலம் அவிபாகந்தி? ஆமந்தா. ரூபாவசரம்…பே… அரூபாவசரம் குஸலம் அவிபாகந்தி? ந ஹேவம் வத்தப்³பே³…பே….

500. காமாவசரம் குஸலம் ஸவிபாகம் ஆசயகா³மீதி? ஆமந்தா. லோகுத்தரம் குஸலம் ஸவிபாகம் ஆசயகா³மீதி? ந ஹேவம் வத்தப்³பே³…பே… ரூபாவசரம்…பே… அரூபாவசரம் குஸலம் ஸவிபாகம் ஆசயகா³மீதி? ஆமந்தா. லோகுத்தரம் குஸலம் ஸவிபாகம் ஆசயகா³மீதி? ந ஹேவம் வத்தப்³பே³…பே….

லோகுத்தரம் குஸலம் ஸவிபாகம் அபசயகா³மீதி? ஆமந்தா. காமாவசரம் குஸலம் ஸவிபாகம் அபசயகா³மீதி? ந ஹேவம் வத்தப்³பே³…பே…. லோகுத்தரம் குஸலம் ஸவிபாகம் அபசயகா³மீதி? ஆமந்தா. ரூபாவசரம்…பே… அரூபாவசரம் குஸலம் ஸவிபாகம் அபசயகா³மீதி? ந ஹேவம் வத்தப்³பே³…பே….

அரியத⁴ம்மவிபாககதா² நிட்டி²தா.

7. ஸத்தமவக்³கோ³

(72) 10. விபாகோ விபாகத⁴ம்மத⁴ம்மோதிகதா²

501. விபாகோ விபாகத⁴ம்மத⁴ம்மோதி? ஆமந்தா. தஸ்ஸ விபாகோ விபாகத⁴ம்மத⁴ம்மோதி? ந ஹேவம் வத்தப்³பே³…பே… தஸ்ஸ விபாகோ விபாகத⁴ம்மத⁴ம்மோதி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸ அந்தகிரியா நத்தி² வட்டுபச்சே²தோ³ நத்தி² அனுபாதா³பரினிப்³பா³னந்தி? ந ஹேவம் வத்தப்³பே³…பே….

விபாகோ விபாகத⁴ம்மத⁴ம்மோதி? ஆமந்தா. விபாகோதி வா விபாகத⁴ம்மத⁴ம்மோதி வா விபாகத⁴ம்மத⁴ம்மோதி வா விபாகோதி வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ந ஹேவம் வத்தப்³பே³…பே….

விபாகோ விபாகத⁴ம்மத⁴ம்மோதி? ஆமந்தா. விபாகோ ச விபாகத⁴ம்மத⁴ம்மோ ச விபாகத⁴ம்மத⁴ம்மோ ச விபாகோ ச ஸஹக³தா ஸஹஜாதா ஸம்ஸட்டா² ஸம்பயுத்தா ஏகுப்பாதா³ ஏகனிரோதா⁴ ஏகவத்து²கா ஏகாரம்மணாதி? ந ஹேவம் வத்தப்³பே³…பே….

விபாகோ விபாகத⁴ம்மத⁴ம்மோதி? ஆமந்தா. தஞ்ஞேவ அகுஸலம் ஸோ அகுஸலஸ்ஸ விபாகோ, தஞ்ஞேவ குஸலம் ஸோ குஸலஸ்ஸ விபாகோதி? ந ஹேவம் வத்தப்³பே³…பே….

விபாகோ விபாகத⁴ம்மத⁴ம்மோதி? ஆமந்தா. யேனேவ சித்தேன பாணம் ஹனதி தேனேவ சித்தேன நிரயே பச்சதி, யேனேவ சித்தேன தா³னம் தே³தி தேனேவ சித்தேன ஸக்³கே³ மோத³தீதி? ந ஹேவம் வத்தப்³பே³…பே….

502. ந வத்தப்³ப³ம் – ‘‘விபாகோ விபாகத⁴ம்மத⁴ம்மோ’’தி? ஆமந்தா. நனு விபாகா சத்தாரோ க²ந்தா⁴ அரூபினோ அஞ்ஞமஞ்ஞபச்சயாதி? ஆமந்தா. ஹஞ்சி விபாகா சத்தாரோ க²ந்தா⁴ அரூபினோ அஞ்ஞமஞ்ஞபச்சயா, தேன வத ரே வத்தப்³பே³ – ‘‘விபாகோ விபாகத⁴ம்மத⁴ம்மோ’’தி.