11. க³திஅனுயோகோ³

69. புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. ஸோ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ந ஹேவம் வத்தப்³பே³ …பே….

70. புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. அஞ்ஞோ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ந ஹேவம் வத்தப்³பே³…பே….

71. புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. ஸோ ச அஞ்ஞோ ச ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ந ஹேவம் வத்தப்³பே³…பே….

72. புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. நேவ ஸோ ஸந்தா⁴வதி, ந அஞ்ஞோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ந ஹேவம் வத்தப்³பே³…பே….

73. புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. ஸோ புக்³க³லோ ஸந்தா⁴வதி, அஞ்ஞோ புக்³க³லோ ஸந்தா⁴வதி, ஸோ ச அஞ்ஞோ ச ஸந்தா⁴வதி, நேவ ஸோ ஸந்தா⁴வதி ந அஞ்ஞோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ந ஹேவம் வத்தப்³பே³…பே….

74. ந வத்தப்³ப³ம் – ‘‘புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோக’’ந்தி? ஆமந்தா. நனு வுத்தம் ப⁴க³வதா –

‘‘ஸ ஸத்தக்க²த்துபரமம், ஸந்தா⁴வித்வான புக்³க³லோ;

து³க்க²ஸ்ஸந்தகரோ ஹோதி, ஸப்³ப³ஸம்யோஜனக்க²யா’’தி [ஸம். நி. 2.133; இதிவு. 24 இதிவுத்தகேபி].

அத்தே²வ ஸுத்தந்தோதி? ஆமந்தா. தேன ஹி புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி.

75. ந வத்தப்³ப³ம் – ‘‘புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோக’’ந்தி? ஆமந்தா. நனு வுத்தம் ப⁴க³வதா – ‘‘அனமதக்³கோ³யம் [அனமதக்³கா³யம் (க.)], பி⁴க்க²வே, ஸம்ஸாரோ. புப்³ப³கோடி ந பஞ்ஞாயதி, அவிஜ்ஜானீவரணானம் ஸத்தானம் தண்ஹாஸம்யோஜனானம் ஸந்தா⁴வதம் ஸம்ஸரத’’ந்தி [ஸம். நி. 2.124]! அத்தே²வ ஸுத்தந்தோதி? ஆமந்தா. தேன ஹி புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி.

76. புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ந ஹேவம் வத்தப்³பே³…பே….

77. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. அத்தி² கோசி மனுஸ்ஸோ ஹுத்வா தே³வோ ஹோதீதி? ஆமந்தா. ஸ்வேவ மனுஸ்ஸோ ஸோ தே³வோதி? ந ஹேவம் வத்தப்³பே³…பே….

78. ஸ்வேவ மனுஸ்ஸோ ஸோ தே³வோதி? ஆமந்தா. மனுஸ்ஸோ ஹுத்வா தே³வோ ஹோதி, தே³வோ ஹுத்வா மனுஸ்ஸோ ஹோதி, மனுஸ்ஸபூ⁴தோ அஞ்ஞோ, தே³வோ அஞ்ஞோ, மனுஸ்ஸபூ⁴தோ ஸ்வேவாயம் ஸந்தா⁴வதீதி மிச்சா²…பே….

ஸசே ஹி ஸந்தா⁴வதி ஸ்வேவ புக்³க³லோ இதோ சுதோ பரம் லோகம் அனஞ்ஞோ, ஹேவம் மரணம் ந ஹேஹிதி, பாணாதிபாதோபி நுபலப்³ப⁴தி. கம்மம் அத்தி², கம்மவிபாகோ அத்தி², கதானம் கம்மானம் விபாகோ அத்தி², குஸலாகுஸலே விபச்சமானே ஸ்வேவாயம் ஸந்தா⁴வதீதி மிச்சா².

79. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. அத்தி² கோசி மனுஸ்ஸோ ஹுத்வா யக்கோ² ஹோதி, பேதோ ஹோதி, நேரயிகோ ஹோதி, திரச்சா²னக³தோ ஹோதி, ஓட்டோ² ஹோதி, கோ³ணோ ஹோதி, க³த்³ரபோ⁴ ஹோதி, ஸூகரோ ஹோதி, மஹிம்ஸோ [மஹிஸோ (ஸீ. ஸ்யா. கம். பீ.)] ஹோதீதி? ஆமந்தா. ஸ்வேவ மனுஸ்ஸோ ஸோ மஹிம்ஸோதி? ந ஹேவம் வத்தப்³பே³…பே….

80. ஸ்வேவ மனுஸ்ஸோ ஸோ மஹிம்ஸோதி? ஆமந்தா. மனுஸ்ஸோ ஹுத்வா மஹிம்ஸோ ஹோதி, மஹிம்ஸோ ஹுத்வா மனுஸ்ஸோ ஹோதி, மனுஸ்ஸபூ⁴தோ அஞ்ஞோ, மஹிம்ஸோ அஞ்ஞோ, மனுஸ்ஸபூ⁴தோ ஸ்வேவாயம் ஸந்தா⁴வதீதி மிச்சா²…பே….

ஸசே ஹி ஸந்தா⁴வதி ஸ்வேவ புக்³க³லோ இதோ சுதோ பரம் லோகம் அனஞ்ஞோ, ஹேவம் மரணம் ந ஹேஹிதி, பாணாதிபாதோபி நுபலப்³ப⁴தி. கம்மம் அத்தி², கம்மவிபாகோ அத்தி², கதானம் கம்மானம் விபாகோ அத்தி², குஸலாகுஸலே விபச்சமானே ஸ்வேவாயம் ஸந்தா⁴வதீதி மிச்சா².

81. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. அத்தி² கோசி க²த்தியோ ஹுத்வா ப்³ராஹ்மணோ ஹோதீதி? ஆமந்தா. ஸ்வேவ க²த்தியோ ஸோ ப்³ராஹ்மணோதி? ந ஹேவம் வத்தப்³பே³…பே….

82. அத்தி² கோசி க²த்தியோ ஹுத்வா வேஸ்ஸோ ஹோதி, ஸுத்³தோ³ ஹோதீதி? ஆமந்தா. ஸ்வேவ க²த்தியோ ஸோ ஸுத்³தோ³தி? ந ஹேவம் வத்தப்³பே³…பே….

83. அத்தி² கோசி ப்³ராஹ்மணோ ஹுத்வா வேஸ்ஸோ ஹோதி, ஸுத்³தோ³ ஹோதி, க²த்தியோ ஹோதீதி? ஆமந்தா. ஸ்வேவ ப்³ராஹ்மணோ ஸோ க²த்தியோதி? ந ஹேவம் வத்தப்³பே³…பே….

84. அத்தி² கோசி வேஸ்ஸோ ஹுத்வா ஸுத்³தோ³ ஹோதி, க²த்தியோ ஹோதி, ப்³ராஹ்மணோ ஹோதீதி? ஆமந்தா. ஸ்வேவ வேஸ்ஸோ ஸோ ப்³ராஹ்மணோதி? ந ஹேவம் வத்தப்³பே³…பே….

85. அத்தி² கோசி ஸுத்³தோ³ ஹுத்வா க²த்தியோ ஹோதி, ப்³ராஹ்மணோ ஹோதி, வேஸ்ஸோ ஹோதீதி? ஆமந்தா. ஸ்வேவ ஸுத்³தோ³ ஸோ வேஸ்ஸோதி? ந ஹேவம் வத்தப்³பே³…பே….

86. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. ஹத்த²ச்சி²ன்னோ ஹத்த²ச்சி²ன்னோவ ஹோதி, பாத³ச்சி²ன்னோ பாத³ச்சி²ன்னோவ ஹோதி, ஹத்த²பாத³ச்சி²ன்னோ ஹத்த²பாத³ச்சி²ன்னோவ ஹோதி, கண்ணச்சி²ன்னோ… நாஸச்சி²ன்னோ… கண்ணனாஸச்சி²ன்னோ… அங்கு³லிச்சி²ன்னோ… அளச்சி²ன்னோ… கண்ட³ரச்சி²ன்னோ… குணிஹத்த²கோ… ப²ணஹத்த²கோ… குட்டி²யோ… க³ண்டி³யோ… கிலாஸியோ… ஸோஸியோ… அபமாரியோ… ஓட்டோ²… கோ³ணோ… க³த்³ரபோ⁴… ஸூகரோ… மஹிம்ஸோ மஹிம்ஸோவ ஹோதீதி? ந ஹேவம் வத்தப்³பே³…பே….

87. ந வத்தப்³ப³ம் – ‘‘ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோக’’ந்தி? ஆமந்தா. நனு ஸோதாபன்னோ புக்³க³லோ மனுஸ்ஸலோகா சுதோ தே³வலோகம் உபபன்னோ தத்த²பி ஸோதாபன்னோவ ஹோதீதி? ஆமந்தா.

ஹஞ்சி ஸோதாபன்னோ புக்³க³லோ மனுஸ்ஸலோகா சுதோ தே³வலோகம் உபபன்னோ தத்த²பி ஸோதாபன்னோவ ஹோதி, தேன வத ரே வத்தப்³பே³ – ‘‘ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோக’’ந்தி.

88. ஸோதாபன்னோ புக்³க³லோ மனுஸ்ஸலோகா சுதோ தே³வலோகம் உபபன்னோ தத்த²பி ஸோதாபன்னோவ ஹோதீதி கத்வா தேன ச காரணேன ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. ஸோதாபன்னோ புக்³க³லோ மனுஸ்ஸலோகா சுதோ தே³வலோகம் உபபன்னோ தத்த²பி மனுஸ்ஸோ ஹோதீதி கத்வா? ந ஹேவம் வத்தப்³பே³…பே….

89. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. அனஞ்ஞோ அவிக³தோ ஸந்தா⁴வதீதி? ந ஹேவம் வத்தப்³பே³…பே….

90. அனஞ்ஞோ அவிக³தோ ஸந்தா⁴வதீதி? ஆமந்தா. ஹத்த²ச்சி²ன்னோ ஹத்த²ச்சி²ன்னோவ ஹோதி, பாத³ச்சி²ன்னோ பாத³ச்சி²ன்னோவ ஹோதி, ஹத்த²பாத³ச்சி²ன்னோ ஹத்த²பாத³ச்சி²ன்னோவ ஹோதி, கண்ணச்சி²ன்னோ… நாஸச்சி²ன்னோ… கண்ணனாஸச்சி²ன்னோ… அங்கு³லிச்சி²ன்னோ… அளச்சி²ன்னோ… கண்ட³ரச்சி²ன்னோ… குணிஹத்த²கோ… ப²ணஹத்த²கோ… குட்டி²யோ… க³ண்டி³யோ… கிலாஸியோ… ஸோஸியோ… அபமாரியோ… ஓட்டோ²… கோ³ணோ… க³த்³ரபோ⁴… ஸூகரோ… மஹிம்ஸோ மஹிம்ஸோவ ஹோதீதி? ந ஹேவம் வத்தப்³பே³…பே….

91. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. ஸரூபோ ஸந்தா⁴வதீதி? ந ஹேவம் வத்தப்³பே³…பே… ஸரூபோ ஸந்தா⁴வதீதி? ஆமந்தா. தம் ஜீவம் தம் ஸரீரந்தி? ந ஹேவம் வத்தப்³பே³…பே….

ஸவேத³னோ…பே… ஸஸஞ்ஞோ…பே… ஸஸங்கா²ரோ…பே… ஸவிஞ்ஞாணோ ஸந்தா⁴வதீதி? ந ஹேவம் வத்தப்³பே³…பே… ஸவிஞ்ஞாணோ ஸந்தா⁴வதீதி? ஆமந்தா. தம் ஜீவம் தம் ஸரீரந்தி? ந ஹேவம் வத்தப்³பே³…பே….

92. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. அரூபோ ஸந்தா⁴வதீதி? ந ஹேவம் வத்தப்³பே³…பே… அரூபோ ஸந்தா⁴வதீதி? ஆமந்தா. அஞ்ஞம் ஜீவம் அஞ்ஞம் ஸரீரந்தி? ந ஹேவம் வத்தப்³பே³…பே….

அவேத³னோ…பே… அஸஞ்ஞோ…பே… அஸங்கா²ரோ…பே… அவிஞ்ஞாணோ ஸந்தா⁴வதீதி? ந ஹேவம் வத்தப்³பே³…பே… அவிஞ்ஞாணோ ஸந்தா⁴வதீதி? ஆமந்தா. அஞ்ஞம் ஜீவம் அஞ்ஞம் ஸரீரந்தி? ந ஹேவம் வத்தப்³பே³…பே….

93. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. ரூபம் ஸந்தா⁴வதீதி? ந ஹேவம் வத்தப்³பே³…பே… ரூபம் ஸந்தா⁴வதீதி? ஆமந்தா. தம் ஜீவம் தம் ஸரீரந்தி? ந ஹேவம் வத்தப்³பே³…பே….

வேத³னா …பே… ஸஞ்ஞா…பே… ஸங்கா²ரா…பே… விஞ்ஞாணம் ஸந்தா⁴வதீதி? ந ஹேவம் வத்தப்³பே³…பே… விஞ்ஞாணம் ஸந்தா⁴வதீதி? ஆமந்தா. தம் ஜீவம் தம் ஸரீரந்தி? ந ஹேவம் வத்தப்³பே³…பே….

94. ஸ்வேவ புக்³க³லோ ஸந்தா⁴வதி அஸ்மா லோகா பரம் லோகம், பரஸ்மா லோகா இமம் லோகந்தி? ஆமந்தா. ரூபம் ந ஸந்தா⁴வதீதி? ந ஹேவம் வத்தப்³பே³…பே… ரூபம் ந ஸந்தா⁴வதீதி? ஆமந்தா. அஞ்ஞம் ஜீவம் அஞ்ஞம் ஸரீரந்தி? ந ஹேவம் வத்தப்³பே³…பே….

வேத³னா …பே… ஸஞ்ஞா…பே… ஸங்கா²ரா…பே… விஞ்ஞாணம் ந ஸந்தா⁴வதீதி? ந ஹேவம் வத்தப்³பே³…பே… விஞ்ஞாணம் ந ஸந்தா⁴வதீதி? ஆமந்தா. அஞ்ஞம் ஜீவம் அஞ்ஞம் ஸரீரந்தி? ந ஹேவம் வத்தப்³பே³. (ஸம்கி²த்தம்).

க²ந்தே⁴ஸு பி⁴ஜ்ஜமானேஸு, ஸோ சே பி⁴ஜ்ஜதி புக்³க³லோ;

உச்சே²தா³ ப⁴வதி தி³ட்டி², யா பு³த்³தே⁴ன விவஜ்ஜிதா.

க²ந்தே⁴ஸு பி⁴ஜ்ஜமானேஸு, நோ சே பி⁴ஜ்ஜதி புக்³க³லோ;

புக்³க³லோ ஸஸ்ஸதோ ஹோதி, நிப்³பா³னேன ஸமஸமோதி.

க³திஅனுயோகோ³.