12. உபாதா³பஞ்ஞத்தானுயோகோ³

95. ரூபம் உபாதா³ய புக்³க³லஸ்ஸ பஞ்ஞத்தீதி? ஆமந்தா. ரூபம் அனிச்சம் ஸங்க²தம் படிச்சஸமுப்பன்னம் க²யத⁴ம்மம் வயத⁴ம்மம் விராக³த⁴ம்மம் நிரோத⁴த⁴ம்மம் விபரிணாமத⁴ம்மந்தி? ஆமந்தா? புக்³க³லோபி அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ந ஹேவம் வத்தப்³பே³…பே….

96. வேத³னம் உபாதா³ய… ஸஞ்ஞம் உபாதா³ய… ஸங்கா²ரே உபாதா³ய… விஞ்ஞாணம் உபாதா³ய புக்³க³லஸ்ஸ பஞ்ஞத்தீதி? ஆமந்தா. விஞ்ஞாணம் அனிச்சம் ஸங்க²தம் படிச்சஸமுப்பன்னம் க²யத⁴ம்மம் வயத⁴ம்மம் விராக³த⁴ம்மம் நிரோத⁴த⁴ம்மம் விபரிணாமத⁴ம்மந்தி? ஆமந்தா. புக்³க³லோபி அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ந ஹேவம் வத்தப்³பே³…பே….

97. ரூபம் உபாதா³ய புக்³க³லஸ்ஸ பஞ்ஞத்தீதி? ஆமந்தா. நீலம் ரூபம் உபாதா³ய நீலகஸ்ஸ புக்³க³லஸ்ஸ பஞ்ஞத்தீதி? ந ஹேவம் வத்தப்³பே³…பே… பீதம் ரூபம் உபாதா³ய… லோஹிதம் ரூபம் உபாதா³ய… ஓதா³தம் ரூபம் உபாதா³ய… ஸனித³ஸ்ஸனம் ரூபம் உபாதா³ய… அனித³ஸ்ஸனம் ரூபம் உபாதா³ய… ஸப்படிக⁴ம் ரூபம் உபாதா³ய… அப்படிக⁴ம் ரூபம் உபாதா³ய அப்படிக⁴ஸ்ஸ புக்³க³லஸ்ஸ பஞ்ஞத்தீதி? ந ஹேவம் வத்தப்³பே³…பே….

98. வேத³னம் உபாதா³ய புக்³க³லஸ்ஸ பஞ்ஞத்தீதி? ஆமந்தா. குஸலம் வேத³னம் உபாதா³ய குஸலஸ்ஸ புக்³க³லஸ்ஸ பஞ்ஞத்தீதி? ந ஹேவம் வத்தப்³பே³…பே… குஸலம் வேத³னம் உபாதா³ய குஸலஸ்ஸ புக்³க³லஸ்ஸ பஞ்ஞத்தீதி? ஆமந்தா. குஸலா வேத³னா ஸப²லா ஸவிபாகா இட்ட²ப²லா கந்தப²லா மனுஞ்ஞப²லா அஸேசனகப²லா ஸுகு²த்³ரயா ஸுக²விபாகாதி? ஆமந்தா. குஸலோபி புக்³க³லோ ஸப²லோ ஸவிபாகோ இட்ட²ப²லோ கந்தப²லோ மனுஞ்ஞப²லோ அஸேசனகப²லோ ஸுகு²த்³ரயோ ஸுக²விபாகோதி? ந ஹேவம் வத்தப்³பே³…பே….

99. வேத³னம் உபாதா³ய புக்³க³லஸ்ஸ பஞ்ஞத்தீதி? ஆமந்தா. அகுஸலம் வேத³னம் உபாதா³ய அகுஸலஸ்ஸ புக்³க³லஸ்ஸ பஞ்ஞத்தீதி? ந ஹேவம் வத்தப்³பே³…பே… அகுஸலம் வேத³னம் உபாதா³ய அகுஸலஸ்ஸ புக்³க³லஸ்ஸ பஞ்ஞத்தீதி? ஆமந்தா. அகுஸலா வேத³னா ஸப²லா ஸவிபாகா அனிட்ட²ப²லா அகந்தப²லா அமனுஞ்ஞப²லா ஸேசனகப²லா து³க்கு²த்³ரயா து³க்க²விபாகாதி? ஆமந்தா. அகுஸலோபி புக்³க³லோ ஸப²லோ ஸவிபாகோ அனிட்ட²ப²லோ அகந்தப²லோ அமனுஞ்ஞப²லோ ஸேசனகப²லோ து³க்கு²த்³ரயோ து³க்க²விபாகோதி? ந ஹேவம் வத்தப்³பே³…பே….

100. வேத³னம் உபாதா³ய புக்³க³லஸ்ஸ பஞ்ஞத்தீதி? ஆமந்தா. அப்³யாகதம் வேத³னம் உபாதா³ய அப்³யாகதஸ்ஸ புக்³க³லஸ்ஸ பஞ்ஞத்தீதி? ந ஹேவம் வத்தப்³பே³…பே… அப்³யாகதம் வேத³னம் உபாதா³ய அப்³யாகதஸ்ஸ புக்³க³லஸ்ஸ பஞ்ஞத்தீதி? ஆமந்தா. அப்³யாகதா வேத³னா அனிச்சா ஸங்க²தா படிச்சஸமுப்பன்னா க²யத⁴ம்மா வயத⁴ம்மா விராக³த⁴ம்மா நிரோத⁴த⁴ம்மா விபரிணாமத⁴ம்மாதி? ஆமந்தா. அப்³யாகதோபி புக்³க³லோ அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ந ஹேவம் வத்தப்³பே³…பே….

101. ஸஞ்ஞம் உபாதா³ய… ஸங்கா²ரே உபாதா³ய… விஞ்ஞாணம் உபாதா³ய புக்³க³லஸ்ஸ பஞ்ஞத்தீதி? ஆமந்தா. குஸலம் விஞ்ஞாணம் உபாதா³ய குஸலஸ்ஸ புக்³க³லஸ்ஸ பஞ்ஞத்தீதி? ந ஹேவம் வத்தப்³பே³…பே… குஸலம் விஞ்ஞாணம் உபாதா³ய குஸலஸ்ஸ புக்³க³லஸ்ஸ பஞ்ஞத்தீதி? ஆமந்தா. குஸலம் விஞ்ஞாணம் ஸப²லம் ஸவிபாகம் இட்ட²ப²லம் கந்தப²லம் மனுஞ்ஞப²லம் அஸேசனகப²லம் ஸுகு²த்³ரயம் ஸுக²விபாகந்தி? ஆமந்தா. குஸலோபி புக்³க³லோ ஸப²லோ ஸவிபாகோ இட்ட²ப²லோ கந்தப²லோ மனுஞ்ஞப²லோ அஸேசனகப²லோ ஸுகு²த்³ரயோ ஸுக²விபாகோதி? ந ஹேவம் வத்தப்³பே³…பே….

102. விஞ்ஞாணம் உபாதா³ய புக்³க³லஸ்ஸ பஞ்ஞத்தீதி? ஆமந்தா. அகுஸலம் விஞ்ஞாணம் உபாதா³ய அகுஸலஸ்ஸ புக்³க³லஸ்ஸ பஞ்ஞத்தீதி? ந ஹேவம் வத்தப்³பே³…பே… அகுஸலம் விஞ்ஞாணம் உபாதா³ய அகுஸலஸ்ஸ புக்³க³லஸ்ஸ பஞ்ஞத்தீதி? ஆமந்தா. அகுஸலம் விஞ்ஞாணம் ஸப²லம் ஸவிபாகம் அனிட்ட²ப²லம் அகந்தப²லம் அமனுஞ்ஞப²லம் ஸேசனகப²லம் து³க்கு²த்³ரயம் து³க்க²விபாகந்தி? ஆமந்தா. அகுஸலோபி புக்³க³லோ ஸப²லோ ஸவிபாகோ அனிட்ட²ப²லோ அகந்தப²லோ அமனுஞ்ஞப²லோ ஸேசனகப²லோ து³க்கு²த்³ரயோ து³க்க²விபாகோதி? ந ஹேவம் வத்தப்³பே³…பே….

103. விஞ்ஞாணம் உபாதா³ய புக்³க³லஸ்ஸ பஞ்ஞத்தீதி? ஆமந்தா. அப்³யாகதம் விஞ்ஞாணம் உபாதா³ய அப்³யாகதஸ்ஸ புக்³க³லஸ்ஸ பஞ்ஞத்தீதி? ந ஹேவம் வத்தப்³பே³…பே… அப்³யாகதம் விஞ்ஞாணம் உபாதா³ய அப்³யாகதஸ்ஸ புக்³க³லஸ்ஸ பஞ்ஞத்தீதி? ஆமந்தா. அப்³யாகதம் விஞ்ஞாணம் அனிச்சம் ஸங்க²தம் படிச்சஸமுப்பன்னம் க²யத⁴ம்மம் வயத⁴ம்மம் விராக³த⁴ம்மம் நிரோத⁴த⁴ம்மம் விபரிணாமத⁴ம்மந்தி? ஆமந்தா. அப்³யாகதோபி புக்³க³லோ அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ந ஹேவம் வத்தப்³பே³…பே….

104. சக்கு²ம் உபாதா³ய ‘‘சக்கு²மா புக்³க³லோ’’தி வத்தப்³போ³தி? ஆமந்தா. சக்கு²ம்ஹி நிருத்³தே⁴ ‘‘சக்கு²மா புக்³க³லோ நிருத்³தோ⁴’’தி வத்தப்³போ³தி? ந ஹேவம் வத்தப்³பே³…பே… ஸோதம் உபாதா³ய… கா⁴னம் உபாதா³ய… ஜிவ்ஹம் உபாதா³ய… காயம் உபாதா³ய… மனம் உபாதா³ய ‘‘மனவா புக்³க³லோ’’தி வத்தப்³போ³தி? ஆமந்தா. மனம்ஹி நிருத்³தே⁴ ‘‘மனவா புக்³க³லோ நிருத்³தோ⁴’’தி வத்தப்³போ³தி? ந ஹேவம் வத்தப்³பே³.

105. மிச்சா²தி³ட்டி²ம் உபாதா³ய ‘‘மிச்சா²தி³ட்டி²யோ புக்³க³லோ’’தி வத்தப்³போ³தி? ஆமந்தா. மிச்சா²தி³ட்டி²யா நிருத்³தா⁴ய ‘‘மிச்சா²தி³ட்டி²யோ புக்³க³லோ நிருத்³தோ⁴’’தி வத்தப்³போ³தி? ந ஹேவம் வத்தப்³பே³. மிச்சா²ஸங்கப்பம் உபாதா³ய… மிச்சா²வாசம் உபாதா³ய… மிச்சா²கம்மந்தம் உபாதா³ய… மிச்சா²ஆஜீவம் உபாதா³ய … மிச்சா²வாயாமம் உபாதா³ய… மிச்சா²ஸதிம் உபாதா³ய… மிச்சா²ஸமாதி⁴ம் உபாதா³ய ‘‘மிச்சா²ஸமாதி⁴யோ புக்³க³லோ’’தி வத்தப்³போ³தி? ஆமந்தா. மிச்சா²ஸமாதி⁴ம்ஹி நிருத்³தே⁴ ‘‘மிச்சா²ஸமாதி⁴யோ புக்³க³லோ நிருத்³தோ⁴’’தி வத்தப்³போ³தி? ந ஹேவம் வத்தப்³பே³.

106. ஸம்மாதி³ட்டி²ம் உபாதா³ய ‘‘ஸம்மாதி³ட்டி²யோ புக்³க³லோ’’தி வத்தப்³போ³தி? ஆமந்தா. ஸம்மாதி³ட்டி²யா நிருத்³தா⁴ய ‘‘ஸம்மாதி³ட்டி²யோ புக்³க³லோ நிருத்³தோ⁴’’தி வத்தப்³போ³தி? ந ஹேவம் வத்தப்³பே³…பே… ஸம்மாஸங்கப்பம் உபாதா³ய… ஸம்மாவாசம் உபாதா³ய… ஸம்மாகம்மந்தம் உபாதா³ய… ஸம்மாஆஜீவம் உபாதா³ய… ஸம்மாவாயாமம் உபாதா³ய… ஸம்மாஸதிம் உபாதா³ய… ஸம்மாஸமாதி⁴ம் உபாதா³ய ‘‘ஸம்மாஸமாதி⁴யோ புக்³க³லோ’’தி வத்தப்³போ³தி? ஆமந்தா. ஸம்மாஸமாதி⁴ம்ஹி நிருத்³தே⁴ ‘‘ஸம்மாஸமாதி⁴யோ புக்³க³லோ நிருத்³தோ⁴’’தி வத்தப்³போ³தி? ந ஹேவம் வத்தப்³பே³…பே….

107. ரூபம் உபாதா³ய, வேத³னம் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வின்னம் க²ந்தா⁴னம் உபாதா³ய த்³வின்னம் புக்³க³லானம் பஞ்ஞத்தீதி? ந ஹேவம் வத்தப்³பே³…பே… ரூபம் உபாதா³ய, வேத³னம் உபாதா³ய, ஸஞ்ஞம் உபாதா³ய, ஸங்கா²ரே உபாதா³ய, விஞ்ஞாணம் உபாதா³ய புக்³க³லஸ்ஸ பஞ்ஞத்தீதி? ஆமந்தா. பஞ்சன்னம் க²ந்தா⁴னம் உபாதா³ய பஞ்சன்னம் புக்³க³லானம் பஞ்ஞத்தீதி? ந ஹேவம் வத்தப்³பே³…பே….

108. சக்கா²யதனம் உபாதா³ய, ஸோதாயதனம் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வின்னம் ஆயதனானம் உபாதா³ய த்³வின்னம் புக்³க³லானம் பஞ்ஞத்தீதி? ந ஹேவம் வத்தப்³பே³…பே… சக்கா²யதனம் உபாதா³ய, ஸோதாயதனம் உபாதா³ய…பே… த⁴ம்மாயதனம் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வாத³ஸன்னம் ஆயதனானம் உபாதா³ய த்³வாத³ஸன்னம் புக்³க³லானம் பஞ்ஞத்தீதி? ந ஹேவம் வத்தப்³பே³…பே….

109. சக்கு²தா⁴தும் உபாதா³ய, ஸோததா⁴தும் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வின்னம் தா⁴தூனம் உபாதா³ய த்³வின்னம் புக்³க³லானம் பஞ்ஞத்தீதி? ந ஹேவம் வத்தப்³பே³…பே… சக்கு²தா⁴தும் உபாதா³ய, ஸோததா⁴தும் உபாதா³ய…பே… த⁴ம்மதா⁴தும் உபாதா³ய புக்³க³லஸ்ஸ பஞ்ஞத்தீதி? ஆமந்தா. அட்டா²ரஸன்னம் தா⁴தூனம் உபாதா³ய அட்டா²ரஸன்னம் புக்³க³லானம் பஞ்ஞத்தீதி? ந ஹேவம் வத்தப்³பே³…பே….

110. சக்கு²ந்த்³ரியம் உபாதா³ய, ஸோதிந்த்³ரியம் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வின்னம் இந்த்³ரியானம் உபாதா³ய த்³வின்னம் புக்³க³லானம் பஞ்ஞத்தீதி? ந ஹேவம் வத்தப்³பே³…பே… சக்கு²ந்த்³ரியம் உபாதா³ய, ஸோதிந்த்³ரியம் உபாதா³ய…பே… அஞ்ஞாதாவிந்த்³ரியம் உபாதா³ய புக்³க³லஸ்ஸ பஞ்ஞத்தீதி? ஆமந்தா. பா³வீஸதீனம் [பா³வீஸதியா (?)] இந்த்³ரியானம் உபாதா³ய பா³வீஸதீனம் புக்³க³லானம் பஞ்ஞத்தீதி? ந ஹேவம் வத்தப்³பே³…பே….

111. ஏகவோகாரப⁴வம் உபாதா³ய ஏகஸ்ஸ புக்³க³லஸ்ஸ பஞ்ஞத்தீதி? ஆமந்தா. சதுவோகாரப⁴வம் உபாதா³ய சதுன்னம் புக்³க³லானம் பஞ்ஞத்தீதி? ந ஹேவம் வத்தப்³பே³…பே… ஏகவோகாரப⁴வம் உபாதா³ய ஏகஸ்ஸ புக்³க³லஸ்ஸ பஞ்ஞத்தீதி? ஆமந்தா. பஞ்சவோகாரப⁴வம் உபாதா³ய பஞ்சன்னம் புக்³க³லானம் பஞ்ஞத்தீதி? ந ஹேவம் வத்தப்³பே³…பே… ஏகவோகாரப⁴வே ஏகோவ புக்³க³லோதி? ஆமந்தா. சதுவோகாரப⁴வே சத்தாரோவ [சத்தாரோ (?)] புக்³க³லாதி? ந ஹேவம் வத்தப்³பே³…பே… ஏகவோகாரப⁴வே ஏகோவ புக்³க³லோதி? ஆமந்தா. பஞ்சவோகாரப⁴வே பஞ்சேவ புக்³க³லாதி? ந ஹேவம் வத்தப்³பே³…பே….

112. யதா² ருக்க²ம் உபாதா³ய சா²யாய பஞ்ஞத்தி, ஏவமேவம் ரூபம் உபாதா³ய புக்³க³லஸ்ஸ பஞ்ஞத்தீதி? ( ) [(ஆமந்தா) (?) ஏவம் அனந்தரவாரத்தயேபி] யதா² ருக்க²ம் உபாதா³ய சா²யாய பஞ்ஞத்தி, ருக்கோ²பி அனிச்சோ சா²யாபி அனிச்சா, ஏவமேவம் ரூபம் உபாதா³ய புக்³க³லஸ்ஸ பஞ்ஞத்தி, ரூபம்பி அனிச்சம் புக்³க³லோபி அனிச்சோதி? ந ஹேவம் வத்தப்³பே³…பே… யதா² ருக்க²ம் உபாதா³ய சா²யாய பஞ்ஞத்தி, அஞ்ஞோ ருக்கோ² அஞ்ஞா சா²யா, ஏவமேவம் ரூபம் உபாதா³ய புக்³க³லஸ்ஸ பஞ்ஞத்தி, அஞ்ஞம் ரூபம் அஞ்ஞோ புக்³க³லோதி? ந ஹேவம் வத்தப்³பே³…பே….

113. யதா² கா³மம் உபாதா³ய கா³மிகஸ்ஸ பஞ்ஞத்தி, ஏவமேவம் ரூபம் உபாதா³ய புக்³க³லஸ்ஸ பஞ்ஞத்தீதி? யதா² கா³மம் உபாதா³ய கா³மிகஸ்ஸ பஞ்ஞத்தி, அஞ்ஞோ கா³மோ அஞ்ஞோ கா³மிகோ, ஏவமேவம் ரூபம் உபாதா³ய புக்³க³லஸ்ஸ பஞ்ஞத்தி, அஞ்ஞம் ரூபம் அஞ்ஞோ புக்³க³லோதி? ந ஹேவம் வத்தப்³பே³…பே….

114. யதா² ரட்ட²ம் உபாதா³ய ரஞ்ஞோ பஞ்ஞத்தி, ஏவமேவம் ரூபம் உபாதா³ய புக்³க³லஸ்ஸ பஞ்ஞத்தீதி? யதா² ரட்ட²ம் உபாதா³ய ரஞ்ஞோ பஞ்ஞத்தி, அஞ்ஞம் ரட்ட²ம் அஞ்ஞோ ராஜா, ஏவமேவம் ரூபம் உபாதா³ய புக்³க³லஸ்ஸ பஞ்ஞத்தி, அஞ்ஞம் ரூபம் அஞ்ஞோ புக்³க³லோதி? ந ஹேவம் வத்தப்³பே³…பே….

115. யதா² ந நிக³ளோ நேக³ளிகோ, யஸ்ஸ நிக³ளோ ஸோ நேக³ளிகோ, ஏவமேவம் ந ரூபம் ரூபவா, யஸ்ஸ ரூபம் ஸோ ரூபவாதி? யதா² ந நிக³ளோ நேக³ளிகோ, யஸ்ஸ நிக³ளோ ஸோ நேக³ளிகோ, அஞ்ஞோ நிக³ளோ அஞ்ஞோ நேக³ளிகோ, ஏவமேவம் ந ரூபம் ரூபவா, யஸ்ஸ ரூபம் ஸோ ரூபவா, அஞ்ஞம் ரூபம் அஞ்ஞோ ரூபவாதி? ந ஹேவம் வத்தப்³பே³…பே….

116. சித்தே சித்தே புக்³க³லஸ்ஸ பஞ்ஞத்தீதி? ஆமந்தா. சித்தே சித்தே புக்³க³லோ ஜாயதி ஜீயதி மீயதி சவதி உபபஜ்ஜதீதி? ந ஹேவம் வத்தப்³பே³…பே… து³தியே சித்தே உப்பன்னே ந வத்தப்³ப³ம் ஸோதி வா அஞ்ஞோதி வாதி? ஆமந்தா. து³தியே சித்தே உப்பன்னே ந வத்தப்³ப³ம் குமாரகோதி வா குமாரிகாதி வாதி? வத்தப்³ப³ம்.

ஆஜானாஹி நிக்³க³ஹம். ஹஞ்சி து³தியே சித்தே உப்பன்னே ந வத்தப்³ப³ம் – ‘‘ஸோதி வா அஞ்ஞோதி வா,’’ தேன வத ரே வத்தப்³பே³ – ‘‘து³தியே சித்தே உப்பன்னே ந வத்தப்³ப³ம் – ‘குமாரகோதி வா குமாரிகாதி வா’’’தி. யம் தத்த² வதே³ஸி – ‘‘வத்தப்³பே³ கோ² – ‘து³தியே சித்தே உப்பன்னே ந வத்தப்³ப³ம் – ஸோதி வா அஞ்ஞோதி வா, து³தியே சித்தே உப்பன்னே வத்தப்³ப³ம் – குமாரகோதி வா குமாரிகாதி வா’’’தி மிச்சா².

ஹஞ்சி வா பன து³தியே சித்தே உப்பன்னே வத்தப்³ப³ம் – ‘‘குமாரகோதி வா குமாரிகா’’தி வா, தேன வத ரே வத்தப்³பே³ – ‘‘து³தியே சித்தே உப்பன்னே வத்தப்³ப³ம் – ‘ஸோதி வா அஞ்ஞோதி வா’’’தி. யம் தத்த² வதே³ஸி – ‘‘வத்தப்³பே³ கோ² – ‘து³தியே சித்தே உப்பன்னே ந வத்தப்³ப³ம் – ஸோதி வா அஞ்ஞோதி வா, து³தியே சித்தே உப்பன்னே வத்தப்³ப³ம் – குமாரகோதி வா குமாரிகாதி வா’’’தி மிச்சா².

117. து³தியே சித்தே உப்பன்னே ந வத்தப்³ப³ம் – ‘‘ஸோதி வா அஞ்ஞோதி வா’’தி? ஆமந்தா. து³தியே சித்தே உப்பன்னே ந வத்தப்³ப³ம் – ‘‘இத்தீ²தி வா புரிஸோதி வா க³ஹட்டோ²தி வா பப்³ப³ஜிதோதி வா தே³வோதி வா மனுஸ்ஸோதி வா’’தி? வத்தப்³ப³ம்.

ஆஜானாஹி நிக்³க³ஹம். ஹஞ்சி து³தியே சித்தே உப்பன்னே ந வத்தப்³ப³ம் – ‘‘ஸோதி வா அஞ்ஞோதி வா,’’ தேன வத ரே வத்தப்³பே³ – ‘‘து³தியே சித்தே உப்பன்னே ந வத்தப்³ப³ம் – ‘தே³வோதி வா மனுஸ்ஸோதி வா’’’தி. யம் தத்த² வதே³ஸி – ‘‘வத்தப்³பே³ கோ² – ‘து³தியே சித்தே உப்பன்னே ந வத்தப்³ப³ம் – ஸோதி வா அஞ்ஞோதி வா, து³தியே சித்தே உப்பன்னே வத்தப்³ப³ம் – தே³வோதி வா மனுஸ்ஸோதி வா’’’தி மிச்சா².

ஹஞ்சி வா பன து³தியே சித்தே உப்பன்னே வத்தப்³ப³ம் – ‘‘தே³வோதி வா மனுஸ்ஸோதி வா,’’ தேன வத ரே வத்தப்³பே³ – ‘‘து³தியே சித்தே உப்பன்னே வத்தப்³ப³ம் – ‘ஸோதி வா அஞ்ஞோதி வா’’’தி. யம் தத்த² வதே³ஸி – ‘‘வத்தப்³பே³ கோ² – ‘து³தியே சித்தே உப்பன்னே ந வத்தப்³ப³ம் – ஸோதி வா அஞ்ஞோதி வா, து³தியே சித்தே உப்பன்னே வத்தப்³ப³ம் – தே³வோதி வா மனுஸ்ஸோதி வா’’’தி மிச்சா²…பே….

118. ந வத்தப்³ப³ம் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு யோ பஸ்ஸதி யம் பஸ்ஸதி யேன பஸ்ஸதி, ஸோ பஸ்ஸதி தம் பஸ்ஸதி தேன பஸ்ஸதீதி? ஆமந்தா. ஹஞ்சி யோ பஸ்ஸதி யம் பஸ்ஸதி யேன பஸ்ஸதி, ஸோ பஸ்ஸதி தம் பஸ்ஸதி தேன பஸ்ஸதி; தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

119. ந வத்தப்³ப³ம் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு யோ ஸுணாதி…பே… யோ கா⁴யதி… யோ ஸாயதி… யோ பு²ஸதி… யோ விஜானாதி யம் விஜானாதி யேன விஜானாதி, ஸோ விஜானாதி தம் விஜானாதி தேன விஜானாதீதி? ஆமந்தா. ஹஞ்சி யோ விஜானாதி யம் விஜானாதி யேன விஜானாதி, ஸோ விஜானாதி தம் விஜானாதி தேன விஜானாதி; தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

120. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு யோ ந பஸ்ஸதி யம் ந பஸ்ஸதி யேன ந பஸ்ஸதி, ஸோ ந பஸ்ஸதி தம் ந பஸ்ஸதி தேன ந பஸ்ஸதீதி? ஆமந்தா. ஹஞ்சி யோ ந பஸ்ஸதி யம் ந பஸ்ஸதி யேன ந பஸ்ஸதி, ஸோ ந பஸ்ஸதி தம் ந பஸ்ஸதி தேன ந பஸ்ஸதி; நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு யோ ந ஸுணாதி…பே… யோ ந கா⁴யதி… யோ ந ஸாயதி… யோ ந பு²ஸதி… யோ ந விஜானாதி யம் ந விஜானாதி யேன ந விஜானாதி, ஸோ ந விஜானாதி தம் ந விஜானாதி தேன ந விஜானாதீதி? ஆமந்தா. ஹஞ்சி யோ ந விஜானாதி யம் ந விஜானாதி யேன ந விஜானாதி, ஸோ ந விஜானாதி தம் ந விஜானாதி தேன ந விஜானாதி; நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

121. ந வத்தப்³ப³ம் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு வுத்தம் ப⁴க³வதா – ‘‘பஸ்ஸாமஹம், பி⁴க்க²வே, தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே து³க்³க³தே யதா²கம்மூபகே³ ஸத்தே பஜானாமீ’’தி [ம. நி. 1.213 தோ²கம் விஸதி³ஸம்]! அத்தே²வ ஸுத்தந்தோதி? ஆமந்தா. தேன ஹி புக்³க³லோ உபலப்³ப⁴தி ஸச்சிகட்ட²பரமத்தே²னாதி.

122. வுத்தம் ப⁴க³வதா – ‘‘பஸ்ஸாமஹம், பி⁴க்க²வே, தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே து³க்³க³தே யதா²கம்மூபகே³ ஸத்தே பஜானாமீ’’தி கத்வா தேனேவ காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. ப⁴க³வா தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ரூபம் பஸ்ஸதி புக்³க³லம் பஸ்ஸதீதி? ரூபம் பஸ்ஸதி. ரூபம் புக்³க³லோ, ரூபம் சவதி, ரூபம் உபபஜ்ஜதி, ரூபம் யதா²கம்மூபக³ந்தி? ந ஹேவம் வத்தப்³பே³.

ப⁴க³வா தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ரூபம் பஸ்ஸதி புக்³க³லம் பஸ்ஸதீதி? புக்³க³லம் பஸ்ஸதி. புக்³க³லோ ரூபம் ரூபாயதனம் ரூபதா⁴து நீலம் பீதகம் லோஹிதகம் ஓதா³தம் சக்கு²விஞ்ஞேய்யம் சக்கு²ஸ்மிம் படிஹஞ்ஞதி, சக்கு²ஸ்ஸ ஆபாத²ம் ஆக³ச்ச²தீதி? ந ஹேவம் வத்தப்³பே³.

ப⁴க³வா தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ரூபம் பஸ்ஸதி புக்³க³லம் பஸ்ஸதீதி? உபோ⁴ பஸ்ஸதி. உபோ⁴ ரூபம் ரூபாயதனம் ரூபதா⁴து, உபோ⁴ நீலா, உபோ⁴ பீதகா, உபோ⁴ லோஹிதகா, உபோ⁴ ஓதா³தா, உபோ⁴ சக்கு²விஞ்ஞேய்யா, உபோ⁴ சக்கு²ஸ்மிம் படிஹஞ்ஞந்தி, உபோ⁴ சக்கு²ஸ்ஸ ஆபாத²ம் ஆக³ச்ச²ந்தி, உபோ⁴ சவந்தி, உபோ⁴ உபபஜ்ஜந்தி, உபோ⁴ யதா²கம்மூபகா³தி? ந ஹேவம் வத்தப்³பே³.

உபாதா³பஞ்ஞத்தானுயோகோ³.