1. அனுலோமபச்சனீகம்

1. [இமினா லக்க²ணேன ஸகவாதீ³புச்சா² த³ஸ்ஸிதா] புக்³க³லோ உபலப்³ப⁴தி ஸச்சிகட்ட²பரமத்தே²னாதி [ஸச்சிகட்ட²பரமட்டே²னாதி (ஸ்யா. பீ. க. ஸீ.)]? ஆமந்தா. யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னாதி? ந ஹேவம் வத்தப்³பே³.

ஆஜானாஹி நிக்³க³ஹம். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே [நோ வத ரே (ஸ்யா. பீ.)] வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

அனுலோமபஞ்சகம்.

2. [இமினா லக்க²ணேன பரவாதீ³புச்சா² த³ஸ்ஸிதா] புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ந ஹேவம் வத்தப்³பே³.

ஆஜானாஹி படிகம்மம். ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

படிகம்மசதுக்கம்.

3. த்வம் சே பன மஞ்ஞஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’தி, தேன தவ [த்வம் (ஸ்யா.) டீகா ஓலோகேதப்³பா³] தத்த² ஹேதாய படிஞ்ஞாய ஹேவம் படிஜானந்தம் [டீகா ஓலோகேதப்³பா³] ஹேவம் நிக்³க³ஹேதப்³பே³. அத² தம் நிக்³க³ண்ஹாம. ஸுனிக்³க³ஹிதோ ச [ஸுனிக்³க³ஹிதோவ (ஸ்யா.)] ஹோஸி.

ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி இத³ம் தே மிச்சா².

நிக்³க³ஹசதுக்கம்.

4. ஏஸே சே து³ன்னிக்³க³ஹிதே ஹேவமேவம் [ஹேவமேவ (ஸ்யா.)] தத்த² த³க்க². வத்தப்³பே³ கோ² – ‘‘புக்³க³லோ உபலப்³ப⁴தி ஸச்சிகட்ட²பரமத்தே²ன,’’ நோ ச வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. நோ ச மயம் தயா தத்த² ஹேதாய படிஞ்ஞாய ஹேவம் படிஜானந்தா ஹேவம் நிக்³க³ஹேதப்³பா³. அத² மம் நிக்³க³ண்ஹாஸி. து³ன்னிக்³க³ஹிதா ச [து³ன்னிக்³க³ஹிதாவ (ஸ்யா.)] ஹோம.

ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி இத³ம் தே மிச்சா².

உபனயனசதுக்கம்.

5. ந ஹேவம் நிக்³க³ஹேதப்³பே³. தேன ஹி யம் நிக்³க³ண்ஹாஸி – ‘‘ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன, நோ ச வத்தப்³பே³ – யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி இத³ம் தே மிச்சா². தேன ஹி யே கதே நிக்³க³ஹே ஸே நிக்³க³ஹே து³க்கடே. ஸுகதே படிகம்மே. ஸுகதா படிபாத³னாதி.

நிக்³க³மனசதுக்கம்.

பட²மோ நிக்³க³ஹோ.