1. ஸுத்³த⁴ஸச்சிகட்டோ²

2. பச்சனீகானுலோமம்

6. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ந ஹேவம் வத்தப்³பே³.

ஆஜானாஹி நிக்³க³ஹம். ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

பச்சனீகபஞ்சகம்.

7. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னாதி? ந ஹேவம் வத்தப்³பே³.

ஆஜானாஹி படிகம்மம். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

படிகம்மசதுக்கம்.

8. த்வம் சே பன மஞ்ஞஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன’, நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி, தேன தவ தத்த² ஹேதாய படிஞ்ஞாய ஹேவம் படிஜானந்தம் ஹேவம் நிக்³க³ஹேதப்³பே³. அத² தம் நிக்³க³ண்ஹாம. ஸுனிக்³க³ஹிதோ ச ஹோஸி.

ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி இத³ம் தே மிச்சா².

9. ஏஸே சே து³ன்னிக்³க³ஹிதே ஹேவமேவம் தத்த² த³க்க². வத்தப்³பே³ கோ² – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’’ நோ ச வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. நோ ச மயம் தயா தத்த² ஹேதாய படிஞ்ஞாய ஹேவம் படிஜானந்தா ஹேவம் நிக்³க³ஹேதப்³பா³. அத² மம் நிக்³க³ண்ஹாஸி. து³ன்னிக்³க³ஹிதா ச ஹோம.

ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி இத³ம் தே மிச்சா².

உபனயனசதுக்கம்.

10. ந ஹேவம் நிக்³க³ஹேதப்³பே³. தேன ஹி யம் நிக்³க³ண்ஹாஸி – ‘‘ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’தி. யம் தத்த² வதே³ஸி – ‘வத்தப்³பே³ கோ² – புக்³க³லோ நுபலப்³ப⁴தி ஸச்சிகட்ட²பரமத்தே²ன, நோ ச வத்தப்³பே³ – யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யம் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி இத³ம் தே மிச்சா². தேன ஹி யே கதே நிக்³க³ஹே ஸே நிக்³க³ஹே து³க்கடே. ஸுகதே படிகம்மே. ஸுகதா படிபாத³னாதி.

நிக்³க³மனசதுக்கம்.

து³தியோ நிக்³க³ஹோ.