து³கஅத்து²த்³தா⁴ரோ

ஹேதுகோ³ச்ச²கம்

1441. கதமே த⁴ம்மா ஹேதூ? தயோ குஸலஹேதூ, தயோ அகுஸலஹேதூ, தயோ அப்³யாகதஹேதூ. அலோபோ⁴ குஸலஹேது, அதோ³ஸோ குஸலஹேது, சதூஸு பூ⁴மீஸு குஸலேஸு உப்பஜ்ஜந்தி. அமோஹோ குஸலஹேது, காமாவசரகுஸலதோ சத்தாரோ ஞாணவிப்பயுத்தே சித்துப்பாதே³ ட²பேத்வா, சதூஸு பூ⁴மீஸு குஸலேஸு உப்பஜ்ஜதி.

லோபோ⁴ அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. தோ³ஸோ த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி. மோஹோ ஸப்³பா³குஸலேஸு உப்பஜ்ஜதி.

அலோபோ⁴ விபாகஹேது அதோ³ஸோ விபாகஹேது, காமாவசரஸ்ஸ விபாகதோ அஹேதுகே சித்துப்பாதே³ ட²பேத்வா, சதூஸு பூ⁴மீஸு விபாகேஸு உப்பஜ்ஜந்தி. அமோஹோ விபாகஹேது, காமாவசரஸ்ஸ விபாகதோ அஹேதுகே சித்துப்பாதே³ ட²பேத்வா, சத்தாரோ ஞாணவிப்பயுத்தே சித்துப்பாதே³ ட²பேத்வா, சதூஸு பூ⁴மீஸு விபாகேஸு உப்பஜ்ஜதி.

அலோபோ⁴ கிரியஹேது அதோ³ஸோ கிரியஹேது, காமாவசரகிரியதோ அஹேதுகே சித்துப்பாதே³ ட²பேத்வா, தீஸு பூ⁴மீஸு கிரியேஸு உப்பஜ்ஜந்தி. அமோஹோ கிரியஹேது, காமாவசரகிரியதோ அஹேதுகே சித்துப்பாதே³ ட²பேத்வா, சத்தாரோ ஞாணவிப்பயுத்தே சித்துப்பாதே³ ட²பேத்வா, தீஸு பூ⁴மீஸு கிரியேஸு உப்பஜ்ஜதி – இமே த⁴ம்மா ஹேதூ.

1442. கதமே த⁴ம்மா ந ஹேதூ? ட²பேத்வா ஹேதூ, சதூஸு பூ⁴மீஸு குஸலம், அகுஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா ந ஹேதூ.

1443. கதமே த⁴ம்மா ஸஹேதுகா? விசிகிச்சா²ஸஹக³தம் உத்³த⁴ச்சஸஹக³தம் மோஹம் ட²பேத்வா அவஸேஸம் அகுஸலம், சதூஸு பூ⁴மீஸு குஸலம், காமாவசரஸ்ஸ விபாகதோ அஹேதுகே சித்துப்பாதே³ ட²பேத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பேத்வா தீஸு பூ⁴மீஸு கிரியாப்³யாகதம் – இமே த⁴ம்மா ஸஹேதுகா.

1444. கதமே த⁴ம்மா அஹேதுகா? விசிகிச்சா²ஸஹக³தோ மோஹோ, உத்³த⁴ச்சஸஹக³தோ மோஹோ, த்³வேபஞ்சவிஞ்ஞாணானி, திஸ்ஸோ ச மனோதா⁴துயோ, பஞ்ச ச அஹேதுகமனோவிஞ்ஞாணதா⁴துயோ, ரூபஞ்ச, நிப்³பா³னஞ்ச – இமே த⁴ம்மா அஹேதுகா.

1445. கதமே த⁴ம்மா ஹேதுஸம்பயுத்தா? விசிகிச்சா²ஸஹக³தம் உத்³த⁴ச்சஸஹக³தம் மோஹம் ட²பேத்வா அவஸேஸம் அகுஸலம், சதூஸு பூ⁴மீஸு குஸலம், காமாவசரஸ்ஸ விபாகதோ அஹேதுகே சித்துப்பாதே³ ட²பேத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பேத்வா தீஸு பூ⁴மீஸு கிரியாப்³யாகதம் – இமே த⁴ம்மா ஹேதுஸம்பயுத்தா.

1446. கதமே த⁴ம்மா ஹேதுவிப்பயுத்தா? விசிகிச்சா²ஸஹக³தோ மோஹோ, உத்³த⁴ச்சஸஹக³தோ மோஹோ, த்³வேபஞ்சவிஞ்ஞாணானி திஸ்ஸோ ச மனோதா⁴துயோ பஞ்ச ச அஹேதுகமனோவிஞ்ஞாணதா⁴துயோ, ரூபஞ்ச, நிப்³பா³னஞ்ச – இமே த⁴ம்மா ஹேதுவிப்பயுத்தா.

1447. கதமே த⁴ம்மா ஹேதூ சேவ ஸஹேதுகா ச? யத்த² த்³வே தயோ ஹேதூ ஏகதோ உப்பஜ்ஜந்தி – இமே த⁴ம்மா ஹேதூ சேவ ஸஹேதுகா ச.

1448. கதமே த⁴ம்மா ஸஹேதுகா சேவ ந ச ஹேதூ? சதூஸு பூ⁴மீஸு குஸலம், அகுஸலம், காமாவசரஸ்ஸ விபாகதோ அஹேதுகே சித்துப்பாதே³ ட²பேத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பேத்வா தீஸு பூ⁴மீஸு கிரியாப்³யாகதம், ஏத்து²ப்பன்னே ஹேதூ ட²பேத்வா – இமே த⁴ம்மா ஸஹேதுகா சேவ ந ச ஹேதூ. அஹேதுகா த⁴ம்மா ந வத்தப்³பா³ – ஹேதூ சேவ ஸஹேதுகா சாதிபி, ஸஹேதுகா சேவ ந ச ஹேதூதிபி.

1449. கதமே த⁴ம்மா ஹேதூ சேவ ஹேதுஸம்பயுத்தா ச? யத்த² த்³வே தயோ ஹேதூ ஏகதோ உப்பஜ்ஜந்தி – இமே த⁴ம்மா ஹேதூ சேவ ஹேதுஸம்பயுத்தா ச.

1450. கதமே த⁴ம்மா ஹேதுஸம்பயுத்தா சேவ ந ச ஹேதூ? சதூஸு பூ⁴மீஸு குஸலம், அகுஸலம், காமாவசரஸ்ஸ விபாகதோ அஹேதுகே சித்துப்பாதே³ ட²பேத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பேத்வா தீஸு பூ⁴மீஸு கிரியாப்³யாகதம், ஏத்து²ப்பன்னே ஹேதூ ட²பேத்வா – இமே த⁴ம்மா ஹேதுஸம்பயுத்தா சேவ ந ச ஹேதூ. ஹேதுவிப்பயுத்தா த⁴ம்மா ந வத்தப்³பா³ – ஹேதூ சேவ ஹேதுஸம்பயுத்தா சாதிபி, ஹேதுஸம்பயுத்தா சேவ ந ச ஹேதூதிபி.

1451. கதமே த⁴ம்மா ந ஹேதூ ஸஹேதுகா? சதூஸு பூ⁴மீஸு குஸலம், அகுஸலம், காமாவசரஸ்ஸ விபாகதோ அஹேதுகே சித்துப்பாதே³ ட²பேத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பேத்வா தீஸு பூ⁴மீஸு கிரியாப்³யாகதம், ஏத்து²ப்பன்னே ஹேதூ ட²பேத்வா – இமே த⁴ம்மா ந ஹேதூ ஸஹேதுகா.

1452. கதமே த⁴ம்மா ந ஹேதூ அஹேதுகா? த்³வேபஞ்சவிஞ்ஞாணானி, திஸ்ஸோ ச மனோதா⁴துயோ, பஞ்ச ச அஹேதுகமனோவிஞ்ஞாணதா⁴துயோ, ரூபஞ்ச, நிப்³பா³னஞ்ச – இமே த⁴ம்மா ந ஹேதூ அஹேதுகா. ஹேதூ த⁴ம்மா ந வத்தப்³பா³ – ந ஹேதூ ஸஹேதுகாதிபி, ந ஹேதூ அஹேதுகாதிபி.

சூளந்தரது³கம்

1453. கதமே த⁴ம்மா ஸப்பச்சயா? சதூஸு பூ⁴மீஸு குஸலம், அகுஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா ஸப்பச்சயா.

1454. கதமே த⁴ம்மா அப்பச்சயா? நிப்³பா³னம் – இமே த⁴ம்மா அப்பச்சயா.

1455. கதமே த⁴ம்மா ஸங்க²தா? சதூஸு பூ⁴மீஸு குஸலம், அகுஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா ஸங்க²தா.

1456. கதமே த⁴ம்மா அஸங்க²தா? நிப்³பா³னம் – இமே த⁴ம்மா அஸங்க²தா.

1457. கதமே த⁴ம்மா ஸனித³ஸ்ஸனா? ரூபாயதனம் – இமே த⁴ம்மா ஸனித³ஸ்ஸனா.

1458. கதமே த⁴ம்மா அனித³ஸ்ஸனா? சக்கா²யதனம் …பே… போ²ட்ட²ப்³பா³யதனம், சதூஸு பூ⁴மீஸு குஸலம், அகுஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், யஞ்ச ரூபம் அனித³ஸ்ஸனம் அப்படிக⁴ம் த⁴ம்மாயதனபரியாபன்னம், நிப்³பா³னஞ்ச – இமே த⁴ம்மா அனித³ஸ்ஸனா.

1459. கதமே த⁴ம்மா ஸப்படிகா⁴? சக்கா²யதனம்…பே… போ²ட்ட²ப்³பா³யதனம் – இமே த⁴ம்மா ஸப்படிகா⁴.

1460. கதமே த⁴ம்மா அப்படிகா⁴? சதூஸு பூ⁴மீஸு குஸலம், அகுஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், யஞ்ச ரூபம் அனித³ஸ்ஸனம் அப்படிக⁴ம் த⁴ம்மாயதனபரியாபன்னம், நிப்³பா³னஞ்ச – இமே த⁴ம்மா அப்படிகா⁴.

1461. கதமே த⁴ம்மா ரூபினோ? சத்தாரோ ச மஹாபூ⁴தா, சதுன்னஞ்ச மஹாபூ⁴தானம் உபாதா³ய ரூபம் – இமே த⁴ம்மா ரூபினோ.

1462. கதமே த⁴ம்மா அரூபினோ? சதூஸு பூ⁴மீஸு குஸலம், அகுஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், நிப்³பா³னஞ்ச – இமே த⁴ம்மா அரூபினோ.

1463. கதமே த⁴ம்மா லோகியா? தீஸு பூ⁴மீஸு குஸலம், அகுஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா லோகியா.

1464. கதமே த⁴ம்மா லோகுத்தரா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா லோகுத்தரா. ஸப்³பே³ [ஸப்³பே³வ (ஸ்யா.)] த⁴ம்மா கேனசி விஞ்ஞேய்யா, கேனசி ந விஞ்ஞேய்யா.

ஆஸவகோ³ச்ச²கம்

1465. கதமே த⁴ம்மா ஆஸவா? சத்தாரோ ஆஸவா – காமாஸவோ, ப⁴வாஸவோ, தி³ட்டா²ஸவோ, அவிஜ்ஜாஸவோ. காமாஸவோ அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி ப⁴வாஸவோ சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பஜ்ஜதி தி³ட்டா²ஸவோ சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி. அவிஜ்ஜாஸவோ ஸப்³பா³குஸலேஸு உப்பஜ்ஜதி – இமே த⁴ம்மா ஆஸவா.

1466. கதமே த⁴ம்மா நோ ஆஸவா? ட²பேத்வா ஆஸவே அவஸேஸம் அகுஸலம், சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா நோ ஆஸவா.

1467. கதமே த⁴ம்மா ஸாஸவா? தீஸு பூ⁴மீஸு குஸலம், அகுஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா ஸாஸவா.

1468. கதமே த⁴ம்மா அனாஸவா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அனாஸவா.

1469. கதமே த⁴ம்மா ஆஸவஸம்பயுத்தா? த்³வே தோ³மனஸ்ஸஸஹக³தசித்துப்பாதா³ ஏத்து²ப்பன்னம் மோஹம் ட²பேத்வா, விசிகிச்சா²ஸஹக³தம் உத்³த⁴ச்சஸஹக³தம் மோஹம் ட²பேத்வா, அவஸேஸம் அகுஸலம் – இமே த⁴ம்மா ஆஸவஸம்பயுத்தா.

1470. கதமே த⁴ம்மா ஆஸவவிப்பயுத்தா? த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பன்னோ மோஹோ, விசிகிச்சா²ஸஹக³தோ மோஹோ, உத்³த⁴ச்சஸஹக³தோ மோஹோ, சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா ஆஸவவிப்பயுத்தா.

1471. கதமே த⁴ம்மா ஆஸவா சேவ ஸாஸவா ச? தேவ ஆஸவா ஆஸவா சேவ ஸாஸவா ச.

1472. கதமே த⁴ம்மா ஸாஸவா சேவ நோ ச ஆஸவா? ட²பேத்வா ஆஸவே, அவஸேஸம் அகுஸலம், தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா ஸாஸவா சேவ நோ ச ஆஸவா. அனாஸவா த⁴ம்மா ந வத்தப்³பா³ – ஆஸவா சேவ ஸாஸவா சாதிபி, ஸாஸவா சேவ நோ ச ஆஸவாதிபி.

1473. கதமே த⁴ம்மா ஆஸவா சேவ ஆஸவஸம்பயுத்தா ச? யத்த² த்³வே தயோ ஆஸவா ஏகதோ உப்பஜ்ஜந்தி – இமே த⁴ம்மா ஆஸவா சேவ ஆஸவஸம்பயுத்தா ச.

1474. கதமே த⁴ம்மா ஆஸவஸம்பயுத்தா சேவ நோ ச ஆஸவா? ட²பேத்வா ஆஸவே, அவஸேஸம் அகுஸலம் – இமே த⁴ம்மா ஆஸவஸம்பயுத்தா சேவ நோ ச ஆஸவா. ஆஸவவிப்பயுத்தா த⁴ம்மா ந வத்தப்³பா³ – ஆஸவா சேவ ஆஸவஸம்பயுத்தா சாதிபி, ஆஸவஸம்பயுத்தா சேவ நோ ச ஆஸவாதிபி.

1475. கதமே த⁴ம்மா ஆஸவவிப்பயுத்தா ஸாஸவா? த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பன்னோ மோஹோ, விசிகிச்சா²ஸஹக³தோ மோஹோ, உத்³த⁴ச்சஸஹக³தோ மோஹோ, தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா ஆஸவவிப்பயுத்தா ஸாஸவா.

1476. கதமே த⁴ம்மா ஆஸவவிப்பயுத்தா அனாஸவா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா ஆஸவவிப்பயுத்தா அனாஸவா. ஆஸவஸம்பயுத்தா த⁴ம்மா ந வத்தப்³பா³ – ஆஸவவிப்பயுத்தா ஸாஸவாதிபி, ஆஸவவிப்பயுத்தா அனாஸவாதிபி.

ஸம்யோஜனகோ³ச்ச²கம்

1477. கதமே த⁴ம்மா ஸம்யோஜனா? த³ஸ ஸம்யோஜனானி – காமராக³ஸம்யோஜனம், படிக⁴ஸம்யோஜனம், மானஸம்யோஜனம், தி³ட்டி²ஸம்யோஜனம், விசிகிச்சா²ஸம்யோஜனம், ஸீலப்³ப³தபராமாஸஸம்யோஜனம், ப⁴வராக³ஸம்யோஜனம், இஸ்ஸாஸம்யோஜனம், மச்ச²ரியஸம்யோஜனம், அவிஜ்ஜாஸம்யோஜனம். காமராக³ஸம்யோஜனம் அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. படிக⁴ஸம்யோஜனம் த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி. மானஸம்யோஜனம் சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பஜ்ஜதி. தி³ட்டி²ஸம்யோஜனம் சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி. விசிகிச்சா²ஸம்யோஜனம் விசிகிச்சா²ஸஹக³தேஸு சித்துப்பாதே³ஸு உப்பஜ்ஜதி. ஸீலப்³ப³தபராமாஸஸம்யோஜனம் சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி. ப⁴வராக³ஸம்யோஜனம் சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பஜ்ஜதி. இஸ்ஸாஸம்யோஜனஞ்ச மச்ச²ரியஸம்யோஜனஞ்ச த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜந்தி. அவிஜ்ஜாஸம்யோஜனம் ஸப்³பா³குஸலேஸு உப்பஜ்ஜதி – இமே த⁴ம்மா ஸம்யோஜனா.

1478. கதமே த⁴ம்மா நோ ஸம்யோஜனா. ட²பேத்வா ஸம்யோஜனே அவஸேஸம் அகுஸலம், சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா நோ ஸம்யோஜனா.

1479. கதமே த⁴ம்மா ஸம்யோஜனியா? தீஸு பூ⁴மீஸு குஸலம், அகுஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா ஸம்யோஜனியா.

1480. கதமே த⁴ம்மா அஸம்யோஜனியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அஸம்யோஜனியா.

1481. கதமே த⁴ம்மா ஸம்யோஜனஸம்பயுத்தா? உத்³த⁴ச்சஸஹக³தம் மோஹம் ட²பேத்வா அவஸேஸம் அகுஸலம் – இமே த⁴ம்மா ஸம்யோஜனஸம்பயுத்தா.

1482. கதமே த⁴ம்மா ஸம்யோஜனவிப்பயுத்தா? உத்³த⁴ச்சஸஹக³தோ மோஹோ, சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா ஸம்யோஜனவிப்பயுத்தா.

1483. கதமே த⁴ம்மா ஸம்யோஜனா சேவ ஸம்யோஜனியா ச? தானேவ ஸம்யோஜனானி ஸம்யோஜனா சேவ ஸம்யோஜனியா ச.

1484. கதமே த⁴ம்மா ஸம்யோஜனியா சேவ நோ ச ஸம்யோஜனா? ட²பேத்வா ஸம்யோஜனே அவஸேஸம் அகுஸலம், தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா ஸம்யோஜனியா சேவ நோ ச ஸம்யோஜனா. அஸம்யோஜனியா த⁴ம்மா ந வத்தப்³பா³ – ஸம்யோஜனா சேவ ஸம்யோஜனியா சாதிபி, ஸம்யோஜனியா சேவ நோ ச ஸம்யோஜனாதிபி.

1485. கதமே த⁴ம்மா ஸம்யோஜனா சேவ ஸம்யோஜனஸம்பயுத்தா ச? யத்த² த்³வே தீணி ஸம்யோஜனானி ஏகதோ உப்பஜ்ஜந்தி – இமே த⁴ம்மா ஸம்யோஜனா சேவ ஸம்யோஜனஸம்பயுத்தா ச.

1486. கதமே த⁴ம்மா ஸம்யோஜனஸம்பயுத்தா சேவ நோ ச ஸம்யோஜனா? ட²பேத்வா ஸம்யோஜனே, அவஸேஸம் அகுஸலம் – இமே த⁴ம்மா ஸம்யோஜனஸம்பயுத்தா சேவ நோ ச ஸம்யோஜனா. ஸம்யோஜனவிப்பயுத்தா த⁴ம்மா ந வத்தப்³பா³ – ஸம்யோஜனா சேவ ஸம்யோஜனஸம்பயுத்தா சாதிபி, ஸம்யோஜனஸம்பயுத்தா சேவ நோ ச ஸம்யோஜனாதிபி.

1487. கதமே த⁴ம்மா ஸம்யோஜனவிப்பயுத்தா ஸம்யோஜனியா? உத்³த⁴ச்சஸஹக³தோ மோஹோ, தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா ஸம்யோஜனவிப்பயுத்தா ஸம்யோஜனியா.

1488. கதமே த⁴ம்மா ஸம்யோஜனவிப்பயுத்தா அஸம்யோஜனியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா ஸம்யோஜனவிப்பயுத்தா அஸம்யோஜனியா. ஸம்யோஜனஸம்பயுத்தா த⁴ம்மா ந வத்தப்³பா³ – ஸம்யோஜனவிப்பயுத்தா ஸம்யோஜனியாதிபி, ஸம்யோஜனவிப்பயுத்தா அஸம்யோஜனியாதிபி.

க³ந்த²கோ³ச்ச²கம்

1489. கதமே த⁴ம்மா க³ந்தா²? சத்தாரோ க³ந்தா² – அபி⁴ஜ்ஜா²காயக³ந்தோ², ப்³யாபாதோ³ காயக³ந்தோ², ஸீலப்³ப³தபராமாஸோ காயக³ந்தோ², இத³ம்ஸச்சாபி⁴னிவேஸோ காயக³ந்தோ². அபி⁴ஜ்ஜா²காயக³ந்தோ² அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. ப்³யாபாதோ³ காயக³ந்தோ² த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி. ஸீலப்³ப³தபராமாஸோ காயக³ந்தோ² ச இத³ம்ஸச்சாபி⁴னிவேஸோ காயக³ந்தோ² ச சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜந்தி – இமே த⁴ம்மா க³ந்தா².

1490. கதமே த⁴ம்மா நோ க³ந்தா²? ட²பேத்வா க³ந்தே², அவஸேஸம் அகுஸலம், சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா நோ க³ந்தா².

1491. கதமே த⁴ம்மா க³ந்த²னியா? தீஸு பூ⁴மீஸு குஸலம், அகுஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா க³ந்த²னியா.

1492. கதமே த⁴ம்மா அக³ந்த²னியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அக³ந்த²னியா.

1493. கதமே த⁴ம்மா க³ந்த²ஸம்பயுத்தா? சத்தாரோ தி³ட்டி²க³தஸம்பயுத்தசித்துப்பாதா³, சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, ஏத்து²ப்பன்னம் லோப⁴ம் ட²பேத்வா, த்³வே தோ³மனஸ்ஸஸஹக³தசித்துப்பாதா³, ஏத்து²ப்பன்னம் படிக⁴ம் ட²பேத்வா – இமே த⁴ம்மா க³ந்த²ஸம்பயுத்தா.

1494. கதமே த⁴ம்மா க³ந்த²விப்பயுத்தா? சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பன்னோ லோபோ⁴, த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பன்னம் படிக⁴ம், விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா க³ந்த²விப்பயுத்தா.

1495. கதமே த⁴ம்மா க³ந்தா² சேவ க³ந்த²னியா ச? தேவ க³ந்தா² க³ந்தா² சேவ க³ந்த²னியா ச.

1496. கதமே த⁴ம்மா க³ந்த²னியா சேவ நோ ச க³ந்தா²? ட²பேத்வா க³ந்தே² அவஸேஸம் அகுஸலம், தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா க³ந்த²னியா சேவ நோ ச க³ந்தா². அக³ந்த²னியா த⁴ம்மா ந வத்தப்³பா³ – க³ந்தா² சேவ க³ந்த²னியா சாதிபி, க³ந்த²னியா சேவ நோ ச க³ந்தா²திபி.

1497. கதமே த⁴ம்மா க³ந்தா² சேவ க³ந்த²ஸம்பயுத்தா ச? யத்த² தி³ட்டி² ச லோபோ⁴ ச ஏகதோ உப்பஜ்ஜந்தி – இமே த⁴ம்மா க³ந்தா² சேவ க³ந்த²ஸம்பயுத்தா ச.

1498. கதமே த⁴ம்மா க³ந்த²ஸம்பயுத்தா சேவ நோ ச க³ந்தா²? அட்ட² லோப⁴ஸஹக³தசித்துப்பாதா³ த்³வே தோ³மனஸ்ஸஸஹக³தசித்துப்பாதா³, ஏத்து²ப்பன்னே க³ந்தே² ட²பேத்வா – இமே த⁴ம்மா க³ந்த²ஸம்பயுத்தா சேவ நோ ச க³ந்தா². க³ந்த²விப்பயுத்தா த⁴ம்மா ந வத்தப்³பா³ – க³ந்தா² சேவ க³ந்த²ஸம்பயுத்தா சாதிபி, க³ந்த²ஸம்பயுத்தா சேவ நோ ச க³ந்தா²திபி.

1499. கதமே த⁴ம்மா க³ந்த²விப்பயுத்தா க³ந்த²னியா? சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பன்னோ லோபோ⁴, த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பன்னம் படிக⁴ம், விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா க³ந்த²விப்பயுத்தா க³ந்த²னியா.

1500. கதமே த⁴ம்மா க³ந்த²விப்பயுத்தா அக³ந்த²னியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா க³ந்த²விப்பயுத்தா அக³ந்த²னியா. க³ந்த²ஸம்பயுத்தா த⁴ம்மா ந வத்தப்³பா³ – க³ந்த²விப்பயுத்தா க³ந்த²னியாதிபி, க³ந்த²விப்பயுத்தா அக³ந்த²னியாதிபி.

ஓக⁴கோ³ச்ச²கம்

1501. கதமே த⁴ம்மா ஓகா⁴…பே….

யோக³கோ³ச்ச²கம்

1502. கதமே த⁴ம்மா யோகா³…பே….

நீவரணகோ³ச்ச²கம்

1503. கதமே த⁴ம்மா நீவரணா? ச² நீவரணா – காமச்ச²ந்த³னீவரணம், ப்³யாபாத³னீவரணம், தி²னமித்³த⁴னீவரணம், உத்³த⁴ச்சகுக்குச்சனீவரணம், விசிகிச்சா²னீவரணம், அவிஜ்ஜானீவரணம். காமச்ச²ந்த³னீவரணம் அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி, ப்³யாபாத³னீவரணம் த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி, தி²னமித்³த⁴னீவரணம் ஸஸங்கா²ரிகேஸு அகுஸலேஸு உப்பஜ்ஜதி, உத்³த⁴ச்சனீவரணம் உத்³த⁴ச்சஸஹக³தேஸு சித்துப்பாதே³ஸு உப்பஜ்ஜதி, குக்குச்சனீவரணம் த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி, விசிகிச்சா²னீவரணம் விசிகிச்சா²ஸஹக³தேஸு சித்துப்பாதே³ஸு உப்பஜ்ஜதி, அவிஜ்ஜானீவரணம் ஸப்³பா³குஸலேஸு உப்பஜ்ஜதி – இமே த⁴ம்மா நீவரணா.

1504. கதமே த⁴ம்மா நோ நீவரணா? ட²பேத்வா நீவரணே அவஸேஸம் அகுஸலம், சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா நோ நீவரணா.

1505. கதமே த⁴ம்மா நீவரணியா? தீஸு பூ⁴மீஸு குஸலம், அகுஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா நீவரணியா.

1506. கதமே த⁴ம்மா அனீவரணியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அனீவரணியா.

1507. கதமே த⁴ம்மா நீவரணஸம்பயுத்தா? த்³வாத³ஸ அகுஸலசித்துப்பாதா³ – இமே த⁴ம்மா நீவரணஸம்பயுத்தா.

1508. கதமே த⁴ம்மா நீவரணவிப்பயுத்தா? சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா நீவரணவிப்பயுத்தா.

1509. கதமே த⁴ம்மா நீவரணா சேவ நீவரணியா ச? தானேவ நீவரணானி நீவரணா சேவ நீவரணியா ச.

1510. கதமே த⁴ம்மா நீவரணியா சேவ நோ ச நீவரணா? ட²பேத்வா நீவரணே, அவஸேஸம் அகுஸலம், தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா நீவரணியா சேவ நோ ச நீவரணா. அனீவரணியா த⁴ம்மா ந வத்தப்³பா³ – நீவரணா சேவ நீவரணியா சாதிபி, நீவரணியா சேவ நோ ச நீவரணாதிபி.

1511. கதமே த⁴ம்மா நீவரணா சேவ நீவரணஸம்பயுத்தா ச? யத்த² த்³வே தீணி நீவரணானி ஏகதோ உப்பஜ்ஜந்தி – இமே த⁴ம்மா நீவரணா சேவ நீவரணஸம்பயுத்தா ச.

1512. கதமே த⁴ம்மா நீவரணஸம்பயுத்தா சேவ நோ ச நீவரணா? ட²பேத்வா நீவரணே, அவஸேஸம் அகுஸலம் – இமே த⁴ம்மா நீவரணஸம்பயுத்தா சேவ நோ ச நீவரணா. நீவரணவிப்பயுத்தா த⁴ம்மா ந வத்தப்³பா³ – நீவரணா சேவ நீவரணஸம்பயுத்தா சாதிபி, நீவரணஸம்பயுத்தா சேவ நோ ச நீவரணாதிபி.

1513. கதமே த⁴ம்மா நீவரணவிப்பயுத்தா நீவரணியா? தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா நீவரணவிப்பயுத்தா நீவரணியா.

1514. கதமே த⁴ம்மா நீவரணவிப்பயுத்தா அனீவரணியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா நீவரணவிப்பயுத்தா அனீவரணியா. நீவரணஸம்பயுத்தா த⁴ம்மா ந வத்தப்³பா³ – நீவரணவிப்பயுத்தா நீவரணியாதிபி, நீவரணவிப்பயுத்தா அனீவரணியாதிபி.

பராமாஸகோ³ச்ச²கம்

1515. கதமே த⁴ம்மா பராமாஸா? தி³ட்டி²பராமாஸோ சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி – இமே த⁴ம்மா பராமாஸா.

1516. கதமே த⁴ம்மா நோ பராமாஸா? ட²பேத்வா பராமாஸம் அவஸேஸம் அகுஸலம், சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா நோ பராமாஸா.

1517. கதமே த⁴ம்மா பராமட்டா²? தீஸு பூ⁴மீஸு குஸலம், அகுஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா பராமட்டா².

1518. கதமே த⁴ம்மா அபராமட்டா²? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி நிப்³பா³னஞ்ச – இமே த⁴ம்மா அபராமட்டா².

1519. கதமே த⁴ம்மா பராமாஸஸம்பயுத்தா? சத்தாரோ தி³ட்டி²க³தஸம்பயுத்தசித்துப்பாதா³, ஏத்து²ப்பன்னம் பராமாஸம் ட²பேத்வா – இமே த⁴ம்மா பராமாஸஸம்பயுத்தா.

1520. கதமே த⁴ம்மா பராமாஸவிப்பயுத்தா? சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, த்³வே தோ³மனஸ்ஸஸஹக³தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா பராமாஸவிப்பயுத்தா. பராமாஸோ ந வத்தப்³போ³ – பராமாஸஸம்பயுத்தோதிபி, பராமாஸவிப்பயுத்தோதிபி.

1521. கதமே த⁴ம்மா பராமாஸா சேவ பராமட்டா² ச? ஸோ ஏவ பராமாஸோ பராமாஸோ சேவ பராமட்டோ² ச.

1522. கதமே த⁴ம்மா பராமட்டா² சேவ நோ ச பராமாஸா? ட²பேத்வா பராமாஸம் அவஸேஸம் அகுஸலம், தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா பராமட்டா² சேவ நோ ச பராமாஸா. அபராமட்டா² த⁴ம்மா ந வத்தப்³பா³ – பராமாஸா சேவ பராமட்டா² சாதிபி, பராமட்டா² சேவ நோ ச பராமாஸாதிபி.

1523. கதமே த⁴ம்மா பராமாஸவிப்பயுத்தா பராமட்டா²? சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, த்³வே தோ³மனஸ்ஸஸஹக³தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா பராமாஸவிப்பயுத்தா பராமட்டா².

1524. கதமே த⁴ம்மா பராமாஸவிப்பயுத்தா அபராமட்டா²? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா பராமாஸவிப்பயுத்தா அபராமட்டா². பராமாஸா ச பராமாஸஸம்பயுத்தா ச த⁴ம்மா ந வத்தப்³பா³ – பராமாஸவிப்பயுத்தா பராமட்டா²திபி, பராமாஸவிப்பயுத்தா அபராமட்டா²திபி.

மஹந்தரது³கம்

1525. கதமே த⁴ம்மா ஸாரம்மணா? சதூஸு பூ⁴மீஸு குஸலம், அகுஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம் – இமே த⁴ம்மா ஸாரம்மணா.

1526. கதமே த⁴ம்மா அனாரம்மணா? ரூபஞ்ச, நிப்³பா³னஞ்ச – இமே த⁴ம்மா அனாரம்மணா.

1527. கதமே த⁴ம்மா சித்தா? சக்கு²விஞ்ஞாணம், ஸோதவிஞ்ஞாணம், கா⁴னவிஞ்ஞாணம், ஜிவ்ஹாவிஞ்ஞாணம், காயவிஞ்ஞாணம், மனோதா⁴து, மனோவிஞ்ஞாணதா⁴து – இமே த⁴ம்மா சித்தா.

1528. கதமே த⁴ம்மா நோ சித்தா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, ரூபஞ்ச, நிப்³பா³னஞ்ச – இமே த⁴ம்மா நோ சித்தா.

1529. கதமே த⁴ம்மா சேதஸிகா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சேதஸிகா.

1530. கதமே த⁴ம்மா அசேதஸிகா? சித்தஞ்ச, ரூபஞ்ச, நிப்³பா³னஞ்ச – இமே த⁴ம்மா அசேதஸிகா.

1531. கதமே த⁴ம்மா சித்தஸம்பயுத்தா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸம்பயுத்தா.

1532. கதமே த⁴ம்மா சித்தவிப்பயுத்தா? ரூபஞ்ச, நிப்³பா³னஞ்ச – இமே த⁴ம்மா சித்தவிப்பயுத்தா. சித்தம் ந வத்தப்³ப³ம் – சித்தேன ஸம்பயுத்தந்திபி, சித்தேன விப்பயுத்தந்திபி.

1533. கதமே த⁴ம்மா சித்தஸம்ஸட்டா²? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸம்ஸட்டா².

1534. கதமே த⁴ம்மா சித்தவிஸம்ஸட்டா²? ரூபஞ்ச, நிப்³பா³னஞ்ச – இமே த⁴ம்மா சித்தவிஸம்ஸட்டா². சித்தம் ந வத்தப்³ப³ம் – சித்தேன ஸம்ஸட்ட²ந்திபி, சித்தேன விஸம்ஸட்ட²ந்திபி.

1535. கதமே த⁴ம்மா சித்தஸமுட்டா²னா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, காயவிஞ்ஞத்தி, வசீவிஞ்ஞத்தி, யம் வா பனஞ்ஞம்பி அத்தி² ரூபம் சித்தஜம் சித்தஹேதுகம் சித்தஸமுட்டா²னம் – ரூபாயதனம் ஸத்³தா³யதனம் க³ந்தா⁴யதனம் ரஸாயதனம் போ²ட்ட²ப்³பா³யதனம் ஆகாஸதா⁴து ஆபோதா⁴து ரூபஸ்ஸ லஹுதா ரூபஸ்ஸ முது³தா ரூபஸ்ஸ கம்மஞ்ஞதா ரூபஸ்ஸ உபசயோ ரூபஸ்ஸ ஸந்ததி கப³ளீகாரோ ஆஹாரோ – இமே த⁴ம்மா சித்தஸமுட்டா²னா.

1536. கதமே த⁴ம்மா நோ சித்தஸமுட்டா²னா? சித்தஞ்ச, அவஸேஸஞ்ச ரூபம், நிப்³பா³னஞ்ச – இமே த⁴ம்மா நோ சித்தஸமுட்டா²னா.

1537. கதமே த⁴ம்மா சித்தஸஹபு⁴னோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, காயவிஞ்ஞத்தி, வசீவிஞ்ஞத்தி – இமே த⁴ம்மா சித்தஸஹபு⁴னோ.

1538. கதமே த⁴ம்மா நோ சித்தஸஹபு⁴னோ? சித்தஞ்ச, அவஸேஸஞ்ச ரூபம், நிப்³பா³னஞ்ச – இமே த⁴ம்மா நோ சித்தஸஹபு⁴னோ.

1539. கதமே த⁴ம்மா சித்தானுபரிவத்தினோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, காயவிஞ்ஞத்தி, வசீவிஞ்ஞத்தி – இமே த⁴ம்மா சித்தானுபரிவத்தினோ.

1540. கதமே த⁴ம்மா நோ சித்தானுபரிவத்தினோ? சித்தஞ்ச, அவஸேஸஞ்ச ரூபம், நிப்³பா³னஞ்ச – இமே த⁴ம்மா நோ சித்தானுபரிவத்தினோ.

1541. கதமே த⁴ம்மா சித்தஸம்ஸட்ட²ஸமுட்டா²னா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸம்ஸட்ட²ஸமுட்டா²னா.

1542. கதமே த⁴ம்மா நோ சித்தஸம்ஸட்ட²ஸமுட்டா²னா? சித்தஞ்ச, ரூபஞ்ச, நிப்³பா³னஞ்ச – இமே த⁴ம்மா நோ சித்தஸம்ஸட்ட²ஸமுட்டா²னா.

1543. கதமே த⁴ம்மா சித்தஸம்ஸட்ட²ஸமுட்டா²னஸஹபு⁴னோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸம்ஸட்ட²ஸமுட்டா²னஸஹபு⁴னோ.

1544. கதமே த⁴ம்மா நோ சித்தஸம்ஸட்ட²ஸமுட்டா²னஸஹபு⁴னோ? சித்தஞ்ச, ரூபஞ்ச, நிப்³பா³னஞ்ச – இமே த⁴ம்மா நோ சித்தஸம்ஸட்ட²ஸமுட்டா²னஸஹபு⁴னோ.

1545. கதமே த⁴ம்மா சித்தஸம்ஸட்ட²ஸமுட்டா²னானுபரிவத்தினோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸம்ஸட்ட²ஸமுட்டா²னானுபரிவத்தினோ.

1546. கதமே த⁴ம்மா நோ சித்தஸம்ஸட்ட²ஸமுட்டா²னானுபரிவத்தினோ? சித்தஞ்ச, ரூபஞ்ச, நிப்³பா³னஞ்ச – இமே த⁴ம்மா நோ சித்தஸம்ஸட்ட²ஸமுட்டா²னானுபரிவத்தினோ.

1547. கதமே த⁴ம்மா அஜ்ஜ²த்திகா? சக்கா²யதனம்…பே… மனாயதனம் – இமே த⁴ம்மா அஜ்ஜ²த்திகா.

1548. கதமே த⁴ம்மா பா³ஹிரா? ரூபாயதனம்…பே… த⁴ம்மாயதனம் – இமே த⁴ம்மா பா³ஹிரா.

1549. கதமே த⁴ம்மா உபாதா³? சக்கா²யதனம்…பே… கப³ளீகாரோ ஆஹாரோ – இமே த⁴ம்மா உபாதா³.

1550. கதமே த⁴ம்மா நோ உபாதா³? சதூஸு பூ⁴மீஸு குஸலம், அகுஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், சத்தாரோ ச மஹாபூ⁴தா, நிப்³பா³னஞ்ச – இமே த⁴ம்மா நோ உபாதா³.

1551. கதமே த⁴ம்மா உபாதி³ண்ணா? தீஸு பூ⁴மீஸு விபாகோ, யஞ்ச ரூபம் கம்மஸ்ஸ கதத்தா – இமே த⁴ம்மா உபாதி³ண்ணா.

1552. கதமே த⁴ம்மா அனுபாதி³ண்ணா? தீஸு பூ⁴மீஸு குஸலம், அகுஸலம், தீஸு பூ⁴மீஸு கிரியாப்³யாகதம், யஞ்ச ரூபம் ந கம்மஸ்ஸ கதத்தா, சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அனுபாதி³ண்ணா.

உபாதா³னகோ³ச்ச²கம்

1553. கதமே த⁴ம்மா உபாதா³னா? சத்தாரி உபாதா³னானி – காமுபாதா³னம், தி³ட்டு²பாதா³னம், ஸீலப்³ப³துபாதா³னம், அத்தவாது³பாதா³னம். காமுபாதா³னம் அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. தி³ட்டு²பாதா³னஞ்ச ஸீலப்³ப³துபாதா³னஞ்ச அத்தவாது³பாதா³னஞ்ச சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜந்தி – இமே த⁴ம்மா உபாதா³னா.

1554. கதமே த⁴ம்மா நோ உபாதா³னா? ட²பேத்வா உபாதா³னே அவஸேஸம் அகுஸலம், சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா நோ உபாதா³னா.

1555. கதமே த⁴ம்மா உபாதா³னியா? தீஸு பூ⁴மீஸு குஸலம், அகுஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா உபாதா³னியா.

1556. கதமே த⁴ம்மா அனுபாதா³னியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அனுபாதா³னியா.

1557. கதமே த⁴ம்மா உபாதா³னஸம்பயுத்தா? சத்தாரோ தி³ட்டி²க³தஸம்பயுத்தலோப⁴ஸஹக³தசித்துப்பாதா³, சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, ஏத்து²ப்பன்னம் லோப⁴ம் ட²பேத்வா – இமே த⁴ம்மா உபாதா³னஸம்பயுத்தா.

1558. கதமே த⁴ம்மா உபாதா³னவிப்பயுத்தா? சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பன்னோ லோபோ⁴, த்³வே தோ³மனஸ்ஸஸஹக³தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா உபாதா³னவிப்பயுத்தா.

1559. கதமே த⁴ம்மா உபாதா³னா சேவ உபாதா³னியா ச? தானேவ உபாதா³னானி உபாதா³னா சேவ உபாதா³னியா ச.

1560. கதமே த⁴ம்மா உபாதா³னியா சேவ நோ ச உபாதா³னா? ட²பேத்வா உபாதா³னே அவஸேஸம் அகுஸலம், தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா உபாதா³னியா சேவ நோ ச உபாதா³னா. அனுபாதா³னியா த⁴ம்மா ந வத்தப்³பா³ – உபாதா³னா சேவ உபாதா³னியா சாதிபி, உபாதா³னியா சேவ நோ ச உபாதா³னாதிபி.

1561. கதமே த⁴ம்மா உபாதா³னா சேவ உபாதா³னஸம்பயுத்தா ச? யத்த² தி³ட்டி² ச லோபோ⁴ ச ஏகதோ உப்பஜ்ஜந்தி – இமே த⁴ம்மா உபாதா³னா சேவ உபாதா³னஸம்பயுத்தா ச.

1562. கதமே த⁴ம்மா உபாதா³னஸம்பயுத்தா சேவ நோ ச உபாதா³னா? அட்ட² லோப⁴ஸஹக³தசித்துப்பாதா³, ஏத்து²ப்பன்னே உபாதா³னே ட²பேத்வா – இமே த⁴ம்மா உபாதா³னஸம்பயுத்தா சேவ நோ ச உபாதா³னா. உபாதா³னவிப்பயுத்தா த⁴ம்மா ந வத்தப்³பா³ – உபாதா³னா சேவ உபாதா³னஸம்பயுத்தா சாதிபி, உபாதா³னஸம்பயுத்தா சேவ நோ ச உபாதா³னாதிபி.

1563. கதமே த⁴ம்மா உபாதா³னவிப்பயுத்தா உபாதா³னியா? சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பன்னோ லோபோ⁴, த்³வே தோ³மனஸ்ஸஸஹக³தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா உபாதா³னவிப்பயுத்தா உபாதா³னியா.

1564. கதமே த⁴ம்மா உபாதா³னவிப்பயுத்தா அனுபாதா³னியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா உபாதா³னவிப்பயுத்தா அனுபாதா³னியா. உபாதா³னஸம்பயுத்தா த⁴ம்மா ந வத்தப்³பா³ – உபாதா³னவிப்பயுத்தா உபாதா³னியாதிபி, உபாதா³னவிப்பயுத்தா அனுபாதா³னியாதிபி.

கிலேஸகோ³ச்ச²கம்

1565. கதமே த⁴ம்மா கிலேஸா? த³ஸ கிலேஸவத்தூ²னி – லோபோ⁴, தோ³ஸோ, மோஹோ, மானோ, தி³ட்டி², விசிகிச்சா², தி²னம், உத்³த⁴ச்சம், அஹிரிகம், அனோத்தப்பம். லோபோ⁴ அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. தோ³ஸோ த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி. மோஹோ ஸப்³பா³குஸலேஸு உப்பஜ்ஜதி. மானோ சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பஜ்ஜதி. தி³ட்டி² சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி. விசிகிச்சா² விசிகிச்சா²ஸஹக³தேஸு சித்துப்பாதே³ஸு உப்பஜ்ஜதி. தி²னம் ஸஸங்கா²ரிகேஸு அகுஸலேஸு உப்பஜ்ஜதி. உத்³த⁴ச்சஞ்ச அஹிரிகஞ்ச அனோத்தப்பஞ்ச ஸப்³பா³குஸலேஸு உப்பஜ்ஜந்தி – இமே த⁴ம்மா கிலேஸா.

1566. கதமே த⁴ம்மா நோ கிலேஸா? ட²பேத்வா கிலேஸே அவஸேஸம் அகுஸலம், சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா நோ கிலேஸா.

1567. கதமே த⁴ம்மா ஸம்கிலேஸிகா? தீஸு பூ⁴மீஸு குஸலம், அகுஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம் ஸப்³ப³ஞ்ச ரூபம் – இமே த⁴ம்மா ஸம்கிலேஸிகா.

1568. கதமே த⁴ம்மா அஸம்கிலேஸிகா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அஸம்கிலேஸிகா.

1569. கதமே த⁴ம்மா ஸம்கிலிட்டா²? த்³வாத³ஸ அகுஸலசித்துப்பாதா³ – இமே த⁴ம்மா ஸம்கிலிட்டா².

1570. கதமே த⁴ம்மா அஸம்கிலிட்டா²? சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா அஸம்கிலிட்டா².

1571. கதமே த⁴ம்மா கிலேஸஸம்பயுத்தா? த்³வாத³ஸ அகுஸலசித்துப்பாதா³ – இமே த⁴ம்மா கிலேஸஸம்பயுத்தா.

1572. கதமே த⁴ம்மா கிலேஸவிப்பயுத்தா? சதூஸு பூ⁴மீஸு குஸலம், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ரூபஞ்ச, நிப்³பா³னஞ்ச – இமே த⁴ம்மா கிலேஸவிப்பயுத்தா.

1573. கதமே த⁴ம்மா கிலேஸா சேவ ஸம்கிலேஸிகா ச? தேவ கிலேஸா கிலேஸா சேவ ஸம்கிலேஸிகா ச.

1574. கதமே த⁴ம்மா ஸம்கிலேஸிகா சேவ நோ ச கிலேஸா? ட²பேத்வா கிலேஸே அவஸேஸம் அகுஸலம், தீஸு பூ⁴மீஸு குஸலம், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதம், ஸப்³ப³ஞ்ச ரூபம் – இமே த⁴ம்மா ஸம்கிலேஸிகா சேவ நோ ச கிலேஸா. அஸம்கிலேஸிகா த⁴ம்மா ந வத்தப்³பா³ – கிலேஸா சேவ ஸம்கிலேஸிகா சாதிபி, ஸம்கிலேஸிகா சேவ நோ ச கிலேஸாதிபி.