3. ஸமவுத்தினித்³தே³ஸ-ததியபரிச்சே²த³

46. த்யா’ சே தனுமஜ்ஜா².

கா³யத்தீ.

47. குமார லலிதா ஜ்ஸ்கா³.

உண்ஹிகா.

48. சித்ரபதா³ யதி³ பா⁴ கா³.

49. மோ மோ கோ³ கோ³ விஜ்ஜும்மாலா.

50. பா⁴ த, ல, கா³ மாணவகம்.

51. க்³லா ஸமானிகா ர,ஜா ச.

52. பமாணிகா ஜ, ரா ல, கா³.

அனுட்டு²பா⁴.

53. ரா ந,ஸா யதி³ ஹலமுகீ².

54. பு⁴ஜக³ ஸுஸு ஸடா நா மோ.

ப்³ரஹதீ.

55. ம்ஸாஜ்கா³ ஸுத்³த⁴விராஜிதம் மதம்.

56. ம்னா யோ கோ³ யதி³ பணவோ க்²யாதோ.

57. ம்பா⁴ ஸ,க³யுத்தா ரும்மவதீ ஸா.

58. ஞேய்யா மத்தா ம, ப⁴, ஸ, க³யுத்தா.

59. சம்பகமாலா சே ப⁴, ம, ஸா கோ³ [இத³ம் நாமந்தரஞாபனத்த²மேவ புன வுத்தம் (டீ.)].

60. ந, ர, ஜ, கே³ஹி ஸா மனோரமா.

61. உப்³பா⁴ஸகம் தம் சே தோ ம, ரா ல்ச.

62. தோ ஜா க³ருனா’ய’முபட்டி²தா.

பந்தி.

63. இந்தா³தி³கா தா வஜிரா ஜ, கா³ கோ³.

64. உபாதி³கா ஸா’வ ஜ,தா ஜ,கா³ கோ³.

65. அனந்தரோ’தீ³ரித லக்க²ணா சே, (உபேந்த³வஜிர)

பாதா³ விமிஸ்ஸா உபஜாதியோ தா; (இந்த³வஜிர)

ஏவம் கில’ஞ்ஞாஸுபி மிஸ்ஸிதாஸு, (இந்த³வஜிர)

வத³ந்தி ஜாதிஸ்வித³’ மேவ நாமம். (உபேந்த³வஜிர)

66. ந, ஜ, ஜ, ல, கா³ க³தி³தா ஸுமுகீ².

67. தோ³த⁴க மிச்ச²தி சே ப⁴,ப⁴,பா⁴ கா³.

68. வேத³,ஸ்ஸேஹி,த்⁴தா த்க³கா³,ஸாலினீ ஸா.

69. வாதோம்மீ ஸா, யதி ஸா ம்பா⁴ த, கா³ கோ³.

70. பா⁴ த, ந, கா³ கோ³’ஸு, ரஸ ஸிரீ ஸா.

71. ரோ ந, ரா இஹ ரதோ²த்³த⁴தா ல, கா³.

72. ஸ்வாக³தே’தி ர, ந, பா⁴ க³ருகா த்³வே.

73. ந,ந,ர,லஹு,க³ரூஹி ப⁴த்³தி³கா.

திட்டு²பா⁴.

74. வத³ந்தி வம்ஸட்ட²மி’த³ம் ஜ, தா ஜ, ரா.

75. ஸா இந்த³வம்ஸா க²லு யத்த² தா ஜ,ரா.

76. இத⁴ தோடக மம்பு³தி⁴,ஸேஹி மிதம்.

77. து³தவிலம்பி³த மாஹ ந, பா⁴ ப⁴,ரா.

78. வஸு யுக³ விரதீ நா,ம்யா’ புடோ’யம்.

79. ந, ய, ஸஹிதா ந்யா’ குஸுமவிசித்தா.

80. பு⁴ஜங்க³’ப்பயாதம் ப⁴வே வேத³, யேஹி.

81. ந, ப⁴, ஜ, ரேஹி ப⁴வதி’ப்பியம்வதா³.

82. வுத்தா ஸுதீ⁴ஹி லலிதா த, பா⁴ ஜ, ரா.

83. பமிதக்க²ரா ஸ, ஜ, ஸ,ஸேஹு’தி³தா.

84. ந,ந,ப⁴,ர,ஸஹிதா’பி⁴ஹிது’ஜ்ஜலா.

85. பஞ்ச’ஸ்ஸ’ச்சி²ன்னா, வேஸ்ஸதே³வீ ம,மா யா.

86. ப⁴வதி ஹி தாமரஸம் ந, ஜ, ஜா யோ.

87. ‘கமலா’தி ஞேய்யா ஸ,ய,ஸேஹி யோ சே.

ஜக³தீ.

88. ம்னா ஜ்ரா கோ³, தித³ஸயதி’ப்பஹஸ்ஸிணீ ஸா.

89. சது,க்³க³ஹே,ஹி’ஹ ருசிரா, ஜ,பா⁴ ஸ்ஜ,கா³.

அதிஜக³தீ.

90. ந,ந,ர,ஸ,லஹு,கா³,ஸரேஹி’பராஜிதா.

91. ந,ந,ப⁴,ந,ல,கி³’தி,ப்பஹரணகலிகா.

92. வுத்தா வஸந்ததிலகா த,ப⁴,ஜா ஜ,கா³ கோ³.

ஸக்கரீ.

93. த்³விஹத ஹய லஹு ர’த² கி³’தி ஸஸிகலா.

94. வஸு,ஹய,யதி ரி’ஹ,மணிகு³ணனிகரோ.

95. ந,ந,ம,ய,ய,யுதா’யம்,மாலினீ போ⁴கி³’ஸீஹி.

96. ப⁴வதி ந,ஜா,ப⁴,ஜா ரஸஹிதா பப⁴த்³த³கம்.

அதிஸக்கரீ.

97. ந,ஜ,ப⁴,ஜ,ரா ஸதா³ ப⁴வதி வாணினீ க³, யுத்தா.

அட்டி².

98. ய, மா நோ ஸோ ப⁴ல்கா³, ரஸ, ஹரவிராமா ஸிக²ரணீ.

99. ரஸ, யுகி³, ஸிதோ, நோ ஸோ ம்ரா ஸ்லா, க்³ய’தா³ ஹரிணீ ததா³.

100. மந்த³க்கந்தா, ம,ப⁴,ந,த,த,கா³, கோ³ யுகு³,த்வ,ஸ்ஸகேஹி.

அச்சட்டி².

101. மோ தோ நோ யோ யா, குஸுமிதலதா, வேல்லிதா’ க்கு²,த்வி,ஸீஹி.

து⁴தி.

102. ரஸு,த்வ,ஸ்ஸேஹி ய்மா, ந,ஸ,ர,ர,க³ரூ, மேக⁴விப்பு²ஜ்ஜிதா ஸா.

103. அக்கஸ்ஸேஹி யதி ம்ஸ,ஜாஸ,த,த,கா³, ஸத்³தூ³லவிக்கீளிதம்.

அதிது⁴தி.

104. வுத்த மீதி³ஸம் து நாமதோ ர,ஜா ர,ஜா ர,ஜா க³ரூ,லஹூ ச.

கதி.

105. ம்ரா ப்⁴னா யோ யோ’த்ர யேன,த்தி,முனி, யதியுதா, ஸந்த⁴ரா கித்திதா’யம்.

பகதி.

106. ஓ ந,ர,நா ர,நா ச த² க³ரூ த³ஸ,க்க,விரமஞ்ஹி ப⁴த்³த³க’மித³ம்.

ஆகதி.

இதி வுத்தோத³யே ச²ந்த³ஸி ஸமவுத்தினித்³தே³ஸோ நாம

ததியோ பரிச்சே²தோ³.