5. அஹிதுண்டி³கஸ்ஸ வத்து²ம்ஹி அயமானுபுப்³பீ³கதா²

இமஸ்மிம் கிர ப⁴த்³த³கப்பம்ஹி அம்ஹாகம் கிர ப⁴க³வதோ புப்³பே³ கஸ்ஸபோனாம ஸத்தா² லோகே உப்பஜ்ஜித்வா ஸதே³வகம் லோகம் ஸம்ஸாரஸாக³ரா தாரேத்வா ஸப்³ப³பு³த்³த⁴கிச்சானி நிட்ட²பேத்வா அத்த²ம் க³தோ தி³வஸகரோவிய ஸேதப்³யம்ஹி அனுபாதி³ஸேஸாய நிப்³பா³ணதா⁴துயா பரினிப்³பா³யி, ததா³ ஸகலஜம்பு³தீ³பவாஸினோ மனுஸ்ஸா ஸன்னிபதித்வா ஏகேகம் ஸுவண்ணிட்ட²கம் கோடிஅக்³க⁴னகம் ரதனவிசித்தம் ப³ஹிசினனத்தா²ய ஏகேகம் அட்³ட⁴கோடிஅக்³க⁴னகம் அப்³ப⁴ந்தரூபபூரணத்த²ம் மனோஸிலாய மத்திகாகிச்சம் கரோந்தா யோஜனப்³பே³த⁴ம் தூ²பம் கத்வா மஹந்தம் ஸக்காரம் கரோந்தி. ததா³ ஏகோ அஹிதுண்டி³கோ கா³மனிக³மராஜதா⁴னீஸு ஸப்பே கீளாபேத்வா ஜீவிகம் கப்பேந்தோ ஏகம் கா³மகம் பத்வா தத்த² ஸப்பே கீளாபேத்வா ஸந்துட்டே²ஹி கா³மவாஸீஹி தி³ன்னவிவிதோ⁴பாயனோ கா²த³னீயபோ⁴ஜனீயம் கா² தி³ த்வா பு⁴ஞ்ஜித்வா தத்தே²வ நிவாஸம் க³ஹேத்வா நிஸீதி³. தஸ்மிம் கிர கா³மகே மனுஸ்ஸா யேபு⁴ய்யேன ரதனத்தயமாமகா. தஸ்மா தே ரத்திபா⁴கே³ ஸயந்தா ‘‘நமோ பு³த்³தா⁴யாதி’’ ஏவமாதி³ம் வத³ந்தி. ஸோ பன அஹிதுண்டி³கோ மிச்சா²தி³ட்டி²கோ திண்ணம் ரதனானம் கு³ணம் ந ஜானாதி. தஸ்மா தேஸம் தம் வசனம் ஸுத்வா ஸயம்பி கே ளிம் குருமானோ பரிஹாஸவஸேன ‘‘நமோ பு³த்³தா⁴யாதி’’ வத³தி, அதே²கதி³வஸம் ஸோ அத்தனோ கீளாபனஸமத்த²ம் ஏகம் ஸப்பம் ப⁴த்த² தத்த² பரியேஸமானோ ஆஹிண்ட³தி. ததா³ ஏகோ நாக³ராஜா கஸ்ஸபத³ஸப³லஸ்ஸ தூ² பம் க³ ந்த்வா வந்தி³த்வா ஏகம் வம்மிகம் பவிஸதி. தம் தி³ ஸ்வா அஹிதுண்டி³கோ வேகே³னா க³ந்த்வா நாக³ராஜம் க³ண்ஹிதும் மந்தம் பரிஜபி, ஸோ மந்தம் ஸுத்வா குஜ்ஜி²த்வா தம் மாரேதுகாமோ அனுப³ந்தி⁴, தம் தி³ ஸ்வா அஹிதுண்டி³கோ வே கே³ ந பலாயந்தோ ஏகஸ்மிம் பாஸாணே பக்க²லித்வா பதமானோ புப்³பே³வுத்தபரிஹாஸ வசனபரிசயேன ‘‘நமோ பு³த்³தா⁴யாதி’’ வத³ந்தோ பதி. தஸ்ஸ தம் வசனம் அனுப³ந்த⁴ந்தஸ்ஸ நாக³ரஞ்ஞோ ஸோதபதே² அமதம்விய பதி. அத² ஸோ ரதனத்தயகா³ரவேன தஸ்மிம் கோத⁴ம் நிப்³பா³பேத்வா ஸம்ம மா பா⁴யி. அஹம் ரதனத்தயமந்தானுபா⁴வபாஸேன ப³த்³தோ⁴. தஸ்மா து வம் ட³ஸிதும் மய்ஹம் அனனுரூபம். அஜ்ஜ த யி பஸன்னோம்ஹி, பண்ணாகாரம் தேத³ம்மி, க³ண்ஹாதி தீணி ஸுவண்ணபுப்பா²னி அதா³ஸி. ஏவம் ரதனத்தயம் நாம கோ⁴ராஸிவிஸானம்பி ஸப்பானம் மனம் பீணேதி. ஹோந்தி சேத்த².

1. பு³த்³தோ⁴தி வசனம் ஸேட்ட²ம், பு³த்³தோ⁴தி பத³ முத்தமம்;

நத்தி² தேன ஸமம் லோகே, அஞ்ஞம் ஸோதரஸாயனம்.

2. த⁴ம்மோதிவசனம் ஸேட்ட²ம், த⁴ம்மோதி பத³முத்தமம்;

நத்தி² தேன ஸமம் லோகே, அஞ்ஞம் ஸோதரஸாயனம்.

3. ஸங்கோ⁴தி வசனம் ஸேட்ட²ம், ஸங்கோ⁴தி பத³முத்தமம்;

நத்தி² தேன ஸமம் லோகே, அஞ்ஞம் ஸோதரஸாயனம்.

4. தஸ்ஸ முக²ம் முக²ம் நாம, யம் வத்ததி முகே² ஸதா³;

து³ல்லப⁴ம் பு³த்³த⁴வசனம், ஸப்³ப³ஸம்பத்திதா³யகம்.

5. தஸ்ஸ மனோ மனோ நாம, யம் சே மனஸி வத்ததி;

து³ல்லப⁴ம் பு³த்³த⁴வசனம், ஸப்³ப³ஸம்பத்திதா³யகம்.

6. தமேவ கவசம் தே³ஹே, தமேவ மணி காமதோ³;

தமேவ ஸுரபீ⁴ தே⁴னு, தமேவ ஸுரபாத³போ.

7. தஸ்ஸேவ ஸோதம் ஸோதம்வ, யம் ஸுணாதி ஜனோ அயம்

து³ல்லப⁴ம் பு³த்³த⁴வசனம், ஸப்³ப³ஸம்பத்திதா³யகம்.

8. ஏவம் விதோ⁴ ரகோ³ கோ⁴ரோ, ஹளாஹளவிஸோ ஸதா³;

பு³த்³தோ⁴தி வசனம் ஸுத்வா, ஸந்துட்டோ² தா³ஸி ஜீவிதம்.

9. ஸோண்ணபுப்ப²த்தயம்சாபி, மஹக்³க⁴ம் ப³ஹலம் அதா³;

பஸ்ஸ பு³த்³தோ⁴தி வாசாய, ஆனுபா⁴வமஹந்ததந்தி.

அத² நாக³ராஜா தஸ்ஸ தானி ஸுவண்ணபுப்பா²னி த³த்வா ஏவமாஹ. ஸம்ம ஏதேஸு ஏகம் தவ புஞ்ஞத்தாய ஏகம் மம புஞ்ஞத்தா²ய பூஜேஹி. இதரேன யாவஜீவம் ஸுகே²ன ஜீவந்தோ புத்ததா³ரே போஸேந்தோ தா³னாதீ³ஸு அப்பமஜ்ஜந்தோ ஜீவிகம் கப்பேஹி. மா ஹீனகம்மே ப்³யவடோ ஹோஹி, மிச்சா²தி³ட்டி²ஞ்ச பஜஹாதி ஓவதி³த்வா பக்காமி. அஹிதுண்டி³கோபி ஸோமனஸ்ஸப்பத்தோ தேன வுத்தனயேனேவ த்³விஹி புப்பே²ஹி சேதியம் பூஜேத்வா ஏகேன ஸ ஹ ஸ்ஸம் லபி⁴த்வா தே ந புத்ததா³ரே போஸேந்தோ கபணத்³தி⁴கவணிப்³ப³காதீ³னம் தா³னம் தே³ந்தோ அஹிதுண்டி³ககம்மம் பஹாஹ குஸலமேவ உபசினந்தோ ஆயுபரியோஸானே ஸக்³க³பராயனோ அஹோஸி.

10. இதி அவிதி³தஸத்தோ கிஞ்சி பு³த்³தா⁴னுபா⁴வம்,

லப⁴தி த⁴னவிஸேஸம் யஸ்ஸ நாமப்பகாஸா;

விதி³தஜனனிகாயோ கின்னு தஸ்ஸானுபா⁴வம்,

ந லபதி ஜினனாமம் கிச்ச மஞ்ஞப்பஹாயாதி.

அஹிதுண்டி³கஸ்ஸ வத்து²ம் பஞ்சமம்.