பாடிதே³ஸனீய

3. ததியபாடிதே³ஸனீ ஸிக்கா²புச்சா²

புச்சா² – ஸேக்க²ஸம்மதேஸு ஆவுஸோ குலேஸு கா²த³னீயம் வா போ⁴ஜனீயம் வா ஸஹத்தா² படிக்³க³ஹேத்வா பு⁴ஞ்ஜந்தஸ்ஸ பாடிதே³ஸனீயம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ஸம்ப³ஹுலே பி⁴க்கூ² ஆரப்³ப⁴ பஞ்ஞத்தம், ஸம்ப³ஹுலா ப⁴ந்தே பி⁴க்கூ² நமத்தம் ஜானித்வா படிக்³க³ஹேஸும், தஸ்மிம் ப⁴ந்தே வத்து²ஸ்மிம் பஞ்ஞத்தம்.

ஸேகி²யகண்ட³

புச்சா² – அனாத³ரியம் ஆவுஸோ படிச்ச புரதோ வா பச்ச²தோ வா ஓலம்பே³ந்தேன நிவாஸேந்தஸ்ஸச பாருபந்தஸ்ஸச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² புரதோ ச பச்ச²தோ ச ஓலம்ப³ந்தா நிவாஸேஸும்சேவ பாருபிம்ஸுச, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச காயம் விவரித்வா அந்தரக⁴ரே க³ச்ச²ந்தஸ்ஸ ச நிஸீத³ந்தஸ்ஸ ச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கீ³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² காயம் விவரித்வா அந்தரக⁴ரே க³ச்சி²ம்ஸு சேவ நிஸீதி³ம்ஸுச, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச ஹத்த²ம் வா பாத³ம் வா கீளாபேந்தேன அந்தரக⁴ரே க³ச்ச²ந்தஸ்ஸ ச நிஸீத³ந்தஸ்ஸ ச, தஹம் தஹம் ஓலோகேந்தேன அந்தரக⁴ரே க³ச்ச²ந்தஸ்ஸ ச நிஸீத³ந்தஸ்ஸ ச, உக்கி²த்தகாய அந்தரக⁴ரே க³ச்ச²ந்தஸ்ஸ ச நிஸீத³ந்தஸ்ஸ ச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² ஹத்த²ம்பி பாத³ம்பி கீளாபேந்தா தஹம் தஹம்பி ஓலோகேந்தா அந்தரக⁴ரே க³ச்சி²ம்ஸுசேவ நிஸீதி³ம்ஸு ச, தேயேவ ப⁴ந்தே ச²ப்³ப³க்³கி³யா பி⁴க்கூ² உக்கி²த்தகாய அந்தரக⁴ரே க³ச்சி²ம்ஸுசேவ நிஸீதி³ம்ஸுச, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச உஜ்ஜக்³கி⁴காய வா உச்சாஸத்³த³ம் மஹாஸத்³த³ம் கரோந்தேன வா அந்தரக⁴ரே க³ச்ச²ந்தஸ்ஸச நிஸீத³ந்தஸ்ஸச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² மஹாஹஸிதம் ஹஸந்தா ச உச்சாஸத்³த³ம் மஹாஸத்³த³ம் கரோந்தா ச அந்தரக⁴ரே க³ச்சி²ம்ஸுசேவ நிஸீதி³ம்ஸுச, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச காயப்பசாலகம் வா பா³ஹுப்ப சாலகம் வா ஸீஸப்பசாலகம் வா க²ம்ப⁴கதேன வா ஓகு³ண்டி²தேன வா அந்தரக⁴ரே க³ச்ச²ந்தஸ்ஸ ச நிஸீத³ந்தஸ்ஸ ச உக்குடிகாய கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² காயப்பசாலகம் பா³ஹுப்பசாலகம் ஸீஸப்பசாலகம் கரோந்தா ச க²ம்பீ⁴கதா ச ஓகு³ண்டி²தா ச அந்தரக⁴ரே க³ச்சி²ம்ஸுசேவ நிஸீதி³ம்ஸுச, உக்குடிகாயச அந்தரக⁴ரே க³ச்சி²ம்ஸு, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச பல்லத்தி²காய அந்தரக⁴ரே நிஸின்னஸ்ஸ து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² பல்லத்தி²காய அந்தரக⁴ரே நிஸீதி³ம்ஸு, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச அஸக்கச்சம் பிண்ட³பாதம் படிக்³க³ண்ஹந்தஸ்ஸ ச தஹம் தஹம் ஓலோகேந்தேன பிண்ட³பாதம் படிக்³க³ண்ஹந்தஸ்ஸச ஸூபஞ்ஞேவ ப³ஹும் படிக்³க³ண்ஹந்தஸ்ஸச தூ²பீகதம் பிண்ட³பாதம் படிக்³க³ண்ஹந்தஸ்ஸச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² அஸக்கச்சம் பிண்ட³பாதம் படிக்³க³ஹேஸும், தஹம் தஹம் ஓலோகேந்தா பிண்ட³பாதம் படிக்³க³ஹேஸும், ஸூபஞ்ஞேவ ப³ஹும் படிக்³க³ஹேஸும், தூ²பீகதம் பிண்ட³பாதம் படிக்³க³ஹேஸும், தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச ஆஸக்கச்சம் பிண்ட³பாதம் பு⁴ஞ்ஜந்தஸ்ஸச தஹம் தஹம் ஓலோகேந்தன பிண்ட³பாதம் பு⁴ஞ்ஜந்தஸ்ஸ ச தஹம் தஹம் ஓமஸித்வா பிண்ட³பாதம் பு⁴ஞ்ஜந்தஸ்ஸ ச ஸூபஞ்ஞேவ ப³ஹும் பு⁴ஞ்ஜந்தஸ்ஸ ச தூ²பகதோ ஓமத்³தி³த்வா பிண்ட³பாதம் பு⁴ஞ்ஜந்தஸ்ஸ ச ஸூபம் வா ப்³யஞ்ஜனம் வா ஓத³னேன படிச்சா²தே³ந்தஸ்ஸ ச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² அஸக்கச்சம் பிண்ட³பாதம் பு⁴ஞ்ஜிம்ஸு, தஹம் தஹம் ஓலோகேந்தா பிண்ட³பாதம் பு⁴ஞ்ஜிம்ஸு, தேயேவ ப⁴ந்தே ச²ப்³ப³க்³கி³யா பி⁴க்கூ² தஹம் தஹம் ஓமஸித்வா பிண்ட³பாதம் பு⁴ஞ்ஜிம்ஸு, தேயேவ ப⁴ந்தே ச²ப்³ப³க்³கி³யா பி⁴க்கூ² ப³ஹும் ஸூபம் பு⁴ஞ்ஜிம்ஸு, தேயேவ ப⁴ந்தே ச²ப்³ப³க்³கி³யா பி⁴க்கூ² தூ²பகதோ ஓமத்³தி³த்வா பிண்ட³பாதம் பு⁴ஞ்ஜிம்ஸு, தேயேவ ப⁴ந்தே ச²ப்³ப³க்³கி³யா பி⁴க்கூ² ஸூபம்பி ப்³யஞ்ஜனம்பி ஓத³னேன படிச்சா²தே³ஸும், தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச ஸூபம்வா ஓத³னம்வா அகி³லானேன அத்தனோ அத்தா²ய விஞ்ஞாபேத்வா பு⁴ஞ்ஜந்தஸ்ஸ து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² ஸூபம்பி ஓத³னம்பி அத்தனோ அத்தா²ய விஞ்ஞாபேத்வா பு⁴ஞ்ஜிம்ஸு, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச உஜ்ஜா²னஸஞ்ஞினா பரேஸம் பத்தம் ஓலோகேந்தஸ்ஸ ச அதிமஹந்தம் கப³ளம் கரோந்தஸ்ஸ ச தீ³க⁴ம் ஆலோபம் கரோந்தஸ்ஸ ச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² உஜ்ஜா²னஸஞ்ஞினோ பரேஸம் பத்தம் ஓலோகேஸும், தேயேவ ப⁴ந்தே ச²ப்³ப³க்³கி³யா பி⁴க்கூ² அதிமஹந்தம் கப³ளம் கரிம்ஸு, தேயேவ ப⁴ந்தே ச²ப்³ப³க்³கி³யா பி⁴க்கூ² தீ³க⁴ம் ஆலோபம் கரிம்ஸு, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச அனாஹடே கப³ளே முக²த்³வாரம் விவரந்தஸ்ஸ ச பு⁴ஞ்ஜமானே ஸப்³ப³ம் ஹத்த²ம் முகே² பக்கி²பந்தஸ்ஸ ச ஸகப³ளேன முகே²ன ப்³யாஹரந்தஸ்ஸ ச பிண்டு³க்கே²பகம் பிண்ட³பாதம் பு⁴ஞ்ஜந்தஸ்ஸ ச கப³ளாவச்சே²த³கம் பிண்ட³பாதம் பு⁴ஞ்ஜந்தஸ்ஸ ச அவக³ண்ட³காரகம் பிண்ட³பாதம் பு⁴ஞ்ஜந்தஸ்ஸ ச ஹத்த²னித்³து⁴னகம் ஸித்தா²வகாரகம் ஜிவ்ஹானிச்சா²ரகம் சபுசபுகாரகம் பிண்ட³பாதம் பு⁴ஞ்ஜந்தஸ்ஸ ச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² அனாஹடே கப³ளே முக²த்³வாரம் விவரிம்ஸு, பு⁴ஞ்ஜமானா ஸப்³ப³ம் ஹத்த²ம் முகே² பக்கி²பிம்ஸு, ஸகப³ளேன முகே²ன ப்³யாஹரிம்ஸு, பிண்டு³க்கே²பகம் பு⁴ஞ்ஜிம்ஸு, கப³ளாவச்சே²த³கம் பு⁴ஞ்ஜிம்ஸு, அவக³ண்ட³காரகம் பு⁴ஞ்ஜிம்ஸு, ஹத்த²னித்³து⁴னகம் ஸித்தா²வகாரகம் ஜிவ்ஹானிச்சா²ரகம் சபுசபுகாரகம் பு⁴ஞ்ஜிம்ஸு, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச ஸுருஸுருகாரகம் பு⁴ஞ்ஜந்தஸ்ஸச ஹத்த²னில்லேஹகம்வா பத்தனில்லேஹகம் வா ஓட்ட²னில்லேஹகம் வா பு⁴ஞ்ஜந்தஸ்ஸ ச ஸாமிஸேன ஹத்தே²ன பானீயதா²லகம் படிக்³க³ண்ஹந்தஸ்ஸ ச ஸஸித்த²கம் பத்ததோ⁴வனம் அந்தரக⁴ரே சட்³டே³ந்தஸ்ஸ ச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸுரு ஸுருகாரகம் ப⁴ந்தே பு⁴ஞ்ஜந்தஸ்ஸ து³க்கடம் கோஸம்பி³யம் பஞ்ஞத்தம், ஸம்ப³ஹுலே ப⁴ந்தே பி⁴க்கூ² ஆரப்³ப⁴ பஞ்ஞத்தம், ஸம்ப³ஹுலா ப⁴ந்தே பி⁴க்கூ² ஸுருஸுருகாரகம் கீ²ரம் பிவிம்ஸு, தஸ்மிம் ப⁴ந்தே வத்து²ஸ்மிம் பஞ்ஞத்தம். ஹத்த²னில்லேஹகம் பு⁴ஞ்ஜந்தஸ்ஸ ச பத்தனில்லேஹகம் பு⁴ஞ்ஜந்தஸ்ஸ ச ஓட்ட²னில்லேஹகம் பு⁴ஞ்ஜந்தஸ்ஸ து³க்கடம் ஸாவத்தி²யம் பஞ்ஞத்தம், ச²ப்³ப³க்³கி³யே ப⁴ந்தே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² ஹத்த²னில்லேஹகம் பு⁴ஞ்ஜிம்ஸு, பத்தனில்லேஹகம் பு⁴ஞ்ஜிம்ஸு, ஓட்ட²னில்லேஹகம் பு⁴ஞ்ஜிம்ஸு, தஸ்மிம் ப⁴ந்தே வத்து²ஸ்மிம் பஞ்ஞத்தம்.

ஸாமிஸேன ஹத்தே²ன பானீயதா²லகம் படிக்³க³ண்ஹந்தஸ்ஸ ச ஸஸித்த²கம் பத்ததோ⁴வனம் அந்தரக⁴ரே ச²ட்³டே³ந்தஸ்ஸ ச து³க்கடம் ப⁴க்³கே³ஸு பஞ்ஞத்தம், ஸம்ப³ஹுலே பி⁴க்கூ² ஆரப்³ப⁴ பஞ்ஞத்தம், ஸம்ப³ஹுலா பி⁴க்கூ² ஸாமிஸேன ஹத்தே²ன பானீயதா²லகம் படிக்³க³ஹேஸும், தேயேவ ப⁴ந்தே ஸம்ப³ஹுலா பி⁴க்கூ² ஸஸித்த²கம் பத்ததோ⁴வனம் அந்தரக⁴ரே ச²ட்³டே³ஸும், தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச ச²த்தபாணிஸ்ஸ த⁴ம்மம் தே³ஸேந்தஸ்ஸ ச த³ண்ட³பாணிஸ்ஸ வா ஸத்த²பாணிஸ்ஸ வா ஆவுத⁴பாணிஸ்ஸ வா த⁴ம்மம் தே³ஸேந்தஸ்ஸ ச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² ச²த்தபாணிஸ்ஸ த³ண்ட³பாணிஸ்ஸ ஸத்த²பாணிஸ்ஸ ஆவுத⁴பாணிஸ்ஸ த⁴ம்மம் தே³ஸேஸும், தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச பாது³காருள்ஹஸ்ஸ ச உபஹனாருள்ஹஸ்ஸ ச யானக³தஸ்ஸ ச ஸயனக³தஸ்ஸ ச த⁴ம்மம் தே³ஸேந்தஸ்ஸ து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² பாது³காருள்ஹஸ்ஸ உபஹனாருள்ஹஸ்ஸ யானக³தஸ்ஸ ஸயனக³தஸ்ஸ த⁴ம்மம் தே³ஸேஸும், தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச பல்லத்தி²காய நிஸின்னஸ்ஸ ச வேடி²தஸீஸஸ்ஸ ச ஓகு³ண்டி²தஸீஸஸ்ஸ ச ச²மாயம் நிஸீதி³த்வா ஆஸனே நிஸின்னஸ்ஸ ச நீசே ஆஸனே நிஸீதி³த்வா உச்சே ஆஸனே நிஸின்னஸ்ஸ ச டி²தேன நிஸின்னஸ்ஸ ச பச்ச²தோ க³ச்ச²ந்தேன புரதோ க³ச்ச²ந்தஸ்ஸ ச உப்பதே²ன க³ச்ச²ந்தேன பதே²ன க³ச்ச²ந்தஸ்ஸ ச த⁴ம்மம் தே³ஸேந்தஸ்ஸ து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யேவ பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² பல்லத்தி²காய நிஸின்னஸ்ஸ ச வேடி²தஸீஸஸ்ஸ ச ஓகு³ண்டி²தஸீஸஸ்ஸ ச ச²மாயம் நிஸீதி³த்வா ஆஸனே நிஸின்னஸ்ஸ ச நீசே ஆஸனே நிஸீதி³த்வா உச்சே ஆஸனே நிஸின்னஸ்ஸ ச டி²தானிஸின்னஸ்ஸ ச பச்ச²தோ க³ச்ச²ந்தா புரதோ க³ச்ச²ந்தஸ்ஸ ச உப்பதே²ன க³ச்ச²ந்தா பதே²ன க³ச்ச²ந்தஸ்ஸ ச த⁴ம்மம் தே³ஸேஸும், தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – அனாத³ரியம் ஆவுஸோ படிச்ச டி²தேன உச்சாரம் வா பஸ்ஸாவம் வா கரோந்தஸ்ஸ ச ஹரிதே வா உத³கே வா உச்சாரம் வா பஸ்ஸாவம் வா கே²ளம் வா கரோந்தஸ்ஸ ச து³க்கடம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ச²ப்³ப³க்³கி³யேவ பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² டி²தா உச்சாரம்பி பஸ்ஸாவம்பி அகம்ஸு, தேயேவ ப⁴ந்தே ச²ப்³ப³க்³கி³யா பி⁴க்கூ² ஹரிதேபி உத³கேபி உச்சாரம்பி பஸ்ஸாவம்பி கே²ளம்பி அகம்ஸு, தஸ்மிம் ப⁴ந்தே வத்து²ஸ்மிம் பஞ்ஞத்தம்.