பி⁴க்கு²னீவிப⁴ங்க³

5. பஞ்சம பாராஜிக ஸிக்கா²புச்சா²

புச்சா² – பி⁴க்கு²னீனம் ஆவுஸோ பஞ்சம பாராஜிகம் கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – ஸாவத்தி²யம் ப⁴ந்தே ஸுந்த³ரீனந்த³ம் பி⁴க்கு²னிம் ஆரப்³ப⁴ பஞ்ஞத்தம், ஸுந்த³ரீனந்தா³ ப⁴ந்தே பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ காயஸம்ஸக்³க³ம் ஸாதி³யி, தஸ்மிம் ப⁴ந்தே வத்து²ஸ்மிம் பஞ்ஞத்தம்.

பி⁴க்கு²னீவிப⁴ங்க³, ஸங்கா⁴தி³ஸேஸ ஸிக்கா²புச்சா²

புச்சா² – உஸ்ஸயவாதி³காய ஆவுஸோ பி⁴க்கு²னியா அட்³ட³ம் கரோந்தியா ஸங்கா⁴தி³ஸேஸோ கத்த² பஞ்ஞத்தோ, கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தோ.

விஸ்ஸஜ்ஜனா – ஸாவத்தி²யம் ப⁴ந்தே துல்லனந்த³ம் பி⁴க்கு²னிம் ஆரப்³ப⁴ பஞ்ஞத்தோ, து²ல்லனந்தா³ ப⁴ந்தே பி⁴க்கு²னீ உஸ்ஸயவாதி³கா விஹரி, தஸ்மிம் ப⁴ந்தே வத்து²ஸ்மிம் பஞ்ஞத்தோ.

புச்சா² – சோரிம் ஆவுஸோ வுட்டா²பேந்தியா ஸங்கா⁴தி³ஸேஸோ கத்த² பஞ்ஞத்தோ, கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தோ.

விஸ்ஸஜ்ஜனா – ஸாவத்தி²யம் ப⁴ந்தே து²ல்லனந்த³ம் பி⁴க்கு²னிம் ஆரப்³ப⁴ பஞ்ஞத்தோ, து²ல்லனந்தா³ ப⁴ந்தே பி⁴க்கு²னீ சோரிம் வுட்டா²பேஸி, தஸ்மிம் ப⁴ந்தே வத்து²ஸ்மிம் பஞ்ஞத்தோ.

புச்சா² – ஏகாய ஆவுஸோ கா³மந்தரம் க³ச்ச²ந்தியா ஸங்கா⁴தி³ஸேஸோ கத்த² பஞ்ஞத்தோ, கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தோ.

விஸ்ஸஜ்ஜனா – ஸாவத்தி²யம் ப⁴ந்தே அஞ்ஞதரம் பி⁴க்கு²னிம் ஆரப்³ப⁴ பஞ்ஞத்தோ, அஞ்ஞதரா ப⁴ந்தே பி⁴க்கு²னீ ஏகா கா³மந்தரம் க³ச்சி², தஸ்மிம் ப⁴ந்தே வத்து²ஸ்மிம் பஞ்ஞத்தோ.

புச்சா² – அவஸ்ஸுதாய ஆவுஸோ பி⁴க்கு²னியா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ கா²த³னீயம்வா போ⁴ஜனீயம்வா ஸஹத்தா² படிக்³க³ஹேத்வா பு⁴ஞ்ஜந்தஸ்ஸ ஸங்கா⁴தி³ஸேஸோ கத்த² பஞ்ஞத்தோ, கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தோ.

விஸ்ஸஜ்ஜனா – ஸாவத்தி²யம் ப⁴ந்தே ஸுந்த³ரீனந்த³ம் பி⁴க்கு²னிம் ஆரப்³ப⁴ பஞ்ஞத்தோ, ஸுந்த³ரீனந்தா³ ப⁴ந்தே பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ ஆமிஸம் படிக்³க³ஹேஸி தஸ்மிம் ப⁴ந்தே வத்து²ஸ்மிம் பஞ்ஞத்தோ.

புச்சா² – குபிதாய ஆவுஸோ அனத்தமனாய பி⁴க்கு²னியா யாவததியம் ஸமனுபா⁴ஸந்தியா ந படினிஸஜ்ஜந்தியா ஸங்கா⁴தி³ஸேஸோ கத்த² பஞ்ஞத்தோ, கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தோ.

விஸ்ஸஜ்ஜனா – ஸாவத்தி²யம் ப⁴ந்தே சண்ட³காளிம் பி⁴க்கு²னிம் ஆரப்³ப⁴ பஞ்ஞத்தோ, சண்ட³காளீ ப⁴ந்தே பி⁴க்கு²னீ குபிதா அனத்தமனா ஏவம் அப⁴ணி, பு³த்³த⁴ம் பச்சாசிக்கா²மி, த⁴ம்மம் பச்சாசிக்கா²மி, ஸங்க⁴ம் பச்சாசிக்கா²மி, ஸிக்க²ம் பச்சாசிக்கா²மி, கின்னுமாவ ஸமணியோ யா ஸமணியோ ஸக்யதீ⁴தரோ, ஸந்தஞ்ஞாபி ஸமணியோ லஜ்ஜினியோ குக்குச்சிகா ஸிக்கா²காமா, தாஸாஹம் ஸந்திகே ப்³ரஹ்மசரியம் சரிஸ்ஸாமீதி, தஸ்மிம் ப⁴ந்தே வத்து²ஸ்மிம் பஞ்ஞத்தோ.

புச்சா² – கஸ்ஸ ஆவுஸோ வசனம்.

விஸ்ஸஜ்ஜனா – ப⁴க³வதோ ப⁴ந்தே வசனம் அரஹதோ ஸம்மாஸம்பு³த்³த⁴ஸ்ஸ.

புச்சா² – கேனாவுஸோ ஆப⁴தம்.

விஸ்ஸஜ்ஜனா – பரம்பராய ப⁴ந்தே ஆப⁴தம்.

புச்சா² – அத்தி² நுகோ² ஆவுஸோ ஏத்த² கோசிபி விரத்³த⁴தோ³ஸோ.

விஸ்ஸஜ்ஜனா – நத்தி² ப⁴ந்தே.