6. சம்பேய்யக்க²ந்த⁴க

புச்சா² – ஸுத்³த⁴ம் ஆவுஸோ பி⁴க்கு²ம் அனாபத்திகம் அவத்து²ஸ்மிம் அகாரணே உக்கி²பந்தஸ்ஸ து³க்கடம் ப⁴க³வதா கத்த² பஞ்ஞத்தம், கம் ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.

விஸ்ஸஜ்ஜனா – சம்பாயம் ப⁴ந்தே ஸம்ப³ஹுலே பி⁴க்கூ² ஆரப்³ப⁴ பஞ்ஞத்தம், ப⁴க³வதி ப⁴ந்தே சம்பாயம் விஹரதி ஸம்ப³ஹுலா பி⁴க்கூ² காஸீஸு வாஸப⁴கா³மே ஸுத்³த⁴ம் கஸ்ஸபகோ³த்தம் பி⁴க்கு²ம் அனாபத்திகம் அவத்து²ஸ்மிம் அகாரணே உக்கி²பிம்ஸு, தஸ்மிம் ப⁴ந்தே வத்து²ஸ்மிம் பஞ்ஞத்தம்.

புச்சா² – சம்பேய்யகம் புச்சி²ஸ்ஸம், ஸனிதா³னம் ஸனித்³தே³ஸம். ஸமுக்கட்ட²பதா³னம் ஆவுஸோ கதி ஆபத்தியோ.

விஸ்ஸஜ்ஜனா – சம்பேய்யகம் விஸ்ஸஜ்ஜிஸ்ஸம், ஸனிதா³னம் ஸனித்³தே³ஸம். ஸமுக்கட்ட²பதா³னம் ப⁴ந்தே ஏகா ஆபத்தி.