5,19. மஞ்ச ருதா⁴தீ³னம்

ருதா⁴தி³கோ அபரோக்கே²ஸு கத்துவிஹிதமான+ந்த+த்யாதீ³ஸு லோ ஹோதி மஞ்ச+ந்தஸரா பரோ. நிக்³க³ஹீதஸ்ஸ வக்³க³ந்தம், ‘‘லஹுஸ்ஸுபந்தஸ்ஸா’’தி ஸம்யோக³த்தா ந வுத்³தி⁴. ஸோ மக்³க³ம் ருந்த⁴தி, ருந்த⁴ந்தி இச்சாதி³. கம்மே-நிபுப்³போ³ க்யோ த⁴ஸ்ஸ சவக்³க³+புப்³ப³ரூப+ததியக்க²ரஜகாரா, தேன மக்³கோ³ நிருஜ்ஜ²தி இச்சாதி³. இஞாக³மே ருந்தி⁴ஸ்ஸதி, நிருஜ்ஜி²ஸ்ஸதி. அருந்தி⁴, அருந்தி⁴ம்ஸு. நிருஜ்ஜி²த்தோ², நிருஜ்ஜி², நிருஜ்ஜி²ம்ஸு. அருந்தி⁴ஸ்ஸ, அருந்தி⁴ஸ்ஸம்ஸு, நிருஜ்ஜி²ஸ்ஸ, நிருஜ்ஜி²ஸ்ஸம்ஸு. ருந்தே⁴ ருந்தே⁴ய்ய, நிருஜ்ஜே² நிருஜ்ஜே²ய்ய. ருந்த⁴து, ருந்த⁴ந்து. த்வம் ருந்த⁴ ருந்தா⁴ஹி. நிருஜ்ஜ²து, நிருஜ்ஜ²ந்து இச்சாதி³.

சி²த³=த்³வேதா⁴கரணே, சி²ந்த³தி, சி²ந்த³ந்தி. கம்மே-சி²ஜ்ஜதி, சி²ஜ்ஜந்தி. ப⁴விஸ்ஸதிபச்சயே – ‘‘லப⁴ வஸச்சி²தா³’’ தி³னா ச்ச²ஙாதே³ஸே சே²ச்ச²தி சி²ந்தி³ஸ்ஸதி. கம்மே-புப்³ப³ரூபம், சி²ஜ்ஜிஸ்ஸதி, சி²ஜ்ஜிஸ்ஸந்தி. அசி²ந்தி³ சி²ந்தி³, அச்சே²ஜ்ஜி, அச்சே²ஜ்ஜிம்ஸு. அச்சி²ந்தி³ஸ்ஸா அசி²ஜ்ஜிஸ்ஸா. சி²ந்தே³ சி²ந்தே³ய்ய, சி²ஜ்ஜே சி²ஜ்ஜேய்ய, சி²ந்த³து, சி²ந்த³ந்து, சி²ஜ்ஜது, சி²ஜ்ஜந்து இச்சாதி³.

பு⁴ஜ=பாலனஜ்ஜோ²ஹாரேஸு, பு⁴ஞ்ஜதி, பு⁴ஞ்ஜந்தி இச்சாதி³. ப⁴விஸ்ஸதிம்ஹி ‘‘பு⁴ஜ+முச+வச+விஸானம் க்க²ங’’தி தா⁴த்வந்தேன ஸஹ ஸ்ஸஸ்ஸ க்க²ஙாதே³ஸே வுத்³தி⁴, போ⁴க்க²தி, பு⁴ஞ்ஜிஸ்ஸதி, போ⁴க்க²ந்தி, பு⁴ஞ்ஜிஸ்ஸந்தி இச்சாதி³.

முச=மோசனே, முச்சதி, முச்சந்தி இச்சாதி³. கம்மே-முச்சதி, முச்சந்தி இச்சாதி³. (ருதா⁴தி³னயோ).

தி³வ=கீளா விஜிகி³ம்ஸா வோஹார ஜுதி து²தி க³தீஸு,