46. இம்ஸ்ஸ ச ஸிஞ

இமிச்சஸ்ஸ ஸிஞ ஹோதி ம்ஹாத்தா²னஞ்ச ப³ஹுலம். ஞாகாரோ ஆக்²யாவயவத்தோ² (உகாரோ) இகாரோ உச்சாரணத்தோ². ‘‘அஈஸ்ஸா’’ தி³னா இஞாக³மே தும்ஹே அஹோஸித்த², அஹோஸி. பரஸ்ஸரலோபே ரஸ்ஸே ச அஹும், அஹோஸிம்ஹ, அஹும்ஹ, ரஸ்ஸோ. பா⁴வே-அப⁴வி, ஆஸ்ஸத்தா²தே³ஸோ, அப⁴வித்த². அனஜ்ஜதனே ஆஊஆதி³பச்சயே கதே ‘‘யுவண்ணான+மிய ஙுவங ஸரே’’தி உவஙாதே³ஸே அஹுவா, அஹுவு, அஹுவோ, அஹுவத்த². அஸ்ஸ அமாதே³ஸே அஹும் அஹுவம், அஹும்ஹ இச்சாதி³. பா⁴வே-தேன அஹுயி அஹுயித்த². அஹவிஸ்ஸா, அஹவிஸ்ஸம்ஸு இச்சாதி³. பா⁴வே-அஹுயிஸ்ஸ, அஹுயிஸ்ஸத². புப்³ப³ஸ்ஸரலோபோ, ஹேய்ய, ஹேய்யும் இச்சாதி³. பா⁴வே-ஹூயேய்ய, ஹூயேத². ஹோது, ஹோந்து இச்சாதி³. பா⁴வே-ஹூயது, ஹூயதம். அனுபுப்³பே³ அனுபோ⁴தி இச்சாதி³ ஸப்³ப³வாரேஸு யோஜேதப்³ப³ம். பா⁴வே ரூபாபா⁴வா. கம்மே-அனுபூ⁴யதி இச்சாதி³ விஸேஸோ.

ஸி=ஸயே, லஸ்ஸ லோபோ வுத்³தி⁴, ஸேதி. அயாதே³ஸே ஸயதி, ஸேந்தி ஸயந்தி இச்சாதி³. கம்மே-அதிபுப்³போ³, க்யே ‘‘தீ³கோ⁴ ஸரஸ்ஸா’’தி இஸ்ஸ தீ³கே⁴ ச கதே தேன அதிஸீயதி, அதிஸீயந்தி இச்சாதி³. பா⁴வே-தேன ஸீயதி, ஸீயதே. ததா² ப⁴விஸ்ஸதிஆதீ³ஸு.

நீ=பாபனே, த்³விகம்மகோ+யம், அஜம் கா³மம் நேதி நயதி, நேந்தி நயந்தி இச்சாதி³. கம்மே-நீயதே கா³மம் அஜோ தே³வத³த்தேன இச்சாதி³. ததா² ஸேஸேஸுபி யோஜேதப்³ப³ம்.

டா²=க³தினிவத்தியம் –