5,173. க³ம யமி+ஸா+ஸ தி³ஸானம் வா ச்ச²ங

ஏதேஸம் வா ச்ச²ங ஹோதிந்த+மான+த்யாதீ³ஸு. ஸோ ஸக்³க³ம் க³ச்ச²தி க³மேதி, க³ச்ச²ந்தி இச்சாதி³. கம்மே-க³ச்சீ²யதி க³மீயதி இச்சாதி³. யம=உபரமே, பரோக்கா²அனஜ்ஜதனரூபானி ஸப்³ப³த்த² பயோக³+மனுக³ம்ம யோஜேதப்³பா³னி. நிபுப்³போ³, நியச்ச²தி நியமதி, நியச்ச²ந்தி நியமந்தி. ஸம்புப்³போ³, ‘‘யே ஸம்ஸ்ஸா’’தி ஞ்ஞத்தம், ஸஞ்ஞமதி, ஸஞ்ஞமந்தி. கம்மே-நியச்சீ²யதி நியமீயதி நியம்மதி, ஸஞ்ஞமீயதி வா. ததா² நியச்சி²ஸ்ஸதி, ஸஞ்ஞமிஸ்ஸதி. நியச்சி², ஸம்யமி. நியச்சி²ஸ்ஸ, ஸம்யமிஸ்ஸ. நியச்சே²ய்ய, ஸம்யமேய்ய. நியச்ச²து, ஸஞ்ஞமது. இஸ+ஸிம்ஸ=இச்சா²யம், ஸோ ஸக்³க³ம் இச்ச²தி, இச்ச²ந்தி இச்சாதி³. ‘‘லஹுஸ்ஸுபந்தஸ்ஸா’’தி வுத்³தி⁴ம்ஹி ஏஸதி, ஏஸந்தி இச்சாதி³. கம்மே-இச்சீ²யதி, ‘‘வா க்வசீ’’தி வுத்³தி⁴ம்ஹி ஏஸீயதி. புப்³ப³ரூபே இஸ்ஸதி இஸ்ஸதே இச்சாதி³. இச்சி²ஸ்ஸதி ஏஸிஸ்ஸதி இச்சாதி³. இச்சி² ஏஸி. இச்சி²ஸ்ஸ ஏஸிஸ்ஸ. இச்சே²ய்ய ஏஸேய்ய. இச்ச²து ஏஸது இச்சாதி³. ஆஸ=உபவேஸனே, ஸோ ஆஸனே அச்ச²தி இச்சாதி³. ‘‘ப்³யஞ்ஜனே தீ³க⁴ரஸ்ஸா’’தி ரஸ்ஸோ, உபபுப்³போ³, ததா² உபாஸதி. அச்சி²ஸ்ஸதி உபாஸிஸ்ஸதி. அச்சி² உபாஸி. அச்சி²ஸ்ஸ உபாஸிஸ்ஸ. அச்சே²ய்ய உபாஸேய்ய. அச்ச²து உபாஸது இச்சாதி³. தி³ஸ=பேக்க²னே, தி³ச்ச²தி தி³ச்ச²ந்தி இச்சாதி³ ஸப்³ப³ம் புரிமஸமம். லப⁴=லாபே⁴, இதோ பரம் விஸேஸட்டா²னமேவவக்கா²ம, ஸப்³ப³வாரோ வுத்தானுஸாரேன க³ஹேதப்³போ³. லப⁴தி, லப⁴ந்தி இச்சாதி³. கம்மே-க்யஸ்ஸ புப்³ப³ரூபாதி³ம்ஹி கதே லப்³ப⁴தி இச்சாதி³.