5,78. சதுத்த²து³தியானம் ததியபட²மா

த்³வித்தே புப்³பே³ஸம் சதுத்த²து³தியானம் ததியபட²மா ஹோந்தி யதா²க்கமம்தி ப³காரே ஸோ ப³பூ⁴வ கிர, தே ப³பு⁴வு கிர. த்வம் ப³பு⁴வே கிர, இஞ தும்ஹே ப³பு⁴வித்த² கிர. அஹம் ப³பு⁴வ கிர, மயம் ப³பு⁴விம்ஹ கிர. ஸோ ப³பு⁴வித்த² கிர, தே ப³பு⁴விரே கிர. த்வம் ப³பு⁴வித்தோ² கிர, தும்ஹே ப³பு⁴விவ்ஹோ கிர. அஹம் ப³பு⁴வி கிர, மயம் ப³பு⁴விம்ஹே கிர. கம்மே-அனுபபு⁴வ கிர இச்சாதி³. பா⁴வேப³பு⁴வ ப³பு⁴வித்த² கிர.

பபச, பபசு. பபசே, இஞாக³மே பபசித்த². அஞ்ஞத்ர ‘‘ஸம்யோகா³தி³லோபோ’’தி லோபோ, பபசித்த². பபச, பபசிம்ஹ. பபசித்த², பபசிரே. பபசித்தோ² பபசிதோ², பபசிவ்ஹோ. பபசி, பபசிம்ஹே. ஏவம் கம்மே.

அஆதி³பச்சயே த்³விபா⁴வே அனாதி³ப்³யஞ்ஜனலோபே புப்³ப³ஸ்ஸ ‘‘கவக்³க³ஹானம் சவக்³க³ஜா’’தி சவக்³க³ஜகாரே ‘‘ப்³யஞ்ஜனே தீ³க⁴ரஸ்ஸா’’தி தீ³கே⁴ ச கதே ஸோ கா³மம் ஜகா³ம கிர, ஜக³மு. ஜக³மே, ஜக³மித்த². ஜக³ம, ஜக³மிம்ஹ. ஜக³மித்த², ஜக³மிரே. ஜக³மித்தோ², ஜக³மிவ்ஹோ. ஜக³மி, ஜக³மிம்ஹே. ஏவம் கம்மே.

மூள்ஹவிக்கி²த்தப்³யாஸத்தசித்தேன அத்தனாபி க்ரியா கதா அபி⁴னிப்³ப³த்திகாலே+நுபலத்³தா⁴ஸமானா ப²லேனா+நுமீயமானா பரோக்கா²வ வத்து²தோ. தேன உத்தமவிஸயேபி பயோக³ஸம்ப⁴வோ. (பரோக்கா²பச்சயனயோ).