5. அனஜ்ஜதனே ஆ ஊஓ த்த² அ ம்ஹா த்த² த்து²ம் ஸே வ்ஹம் இம் ம்ஹஸே

அவிஜ்ஜமானஜ்ஜதனே பூ⁴தத்தே² வத்தமானதோ க்ரியத்தா² ஆஆத³யோ ஹோந்தி வா. ‘‘ஏய்யாதா²’’தி³னா த்தே² ‘‘ஆ ஈ ஊ ம்ஹா’’ இச்சாதி³னா ரஸ்ஸே ச ஸோ அப⁴வத்த² ப⁴வத்த² அப⁴வ ப⁴வ அப⁴வா ப⁴வா, தே அப⁴வு ப⁴வு அப⁴வூ ப⁴வூ. ஓ, ‘‘ஓஸ்ஸா’’திஆதி³னா அஆத³யோ, அப⁴வ ப⁴வ அப⁴வி ப⁴வி அப⁴வத்த² ப⁴வத்த² அப⁴வத்தோ² ப⁴வத்தோ², ஸிஆதே³ஸே அப⁴வஸி ப⁴வஸி அப⁴வோ ப⁴வோ. தும்ஹே அப⁴வத்த² ப⁴வத்த². அஹம் அப⁴வம் ப⁴வம் அப⁴வ ப⁴வ, மயம் அப⁴வம்ஹ ப⁴வம்ஹ அப⁴வம்ஹா ப⁴வம்ஹா. ஸோ அப⁴வத்த² ப⁴வத்த². தே அப⁴வத்து²ம் ப⁴வத்து²ம். த்வம் அப⁴வஸே ப⁴வஸே. தும்ஹே அப⁴வவ்ஹம் ப⁴வவ்ஹம். ‘‘இஸ்ஸ ச ஸிஞ’’தி ஸிம், அஹம் அப⁴வஸிம் ப⁴வஸிம் அப⁴விம் ப⁴விம். மயம் அப⁴வம்ஹஸே ப⁴வம்ஹஸே. கம்மே-த்தே² ஸுக²ம் தயா அனுபூ⁴யித்த², இஞாக³மாபா⁴வே அனுபூ⁴யத்த² இச்சாதி³. பா⁴வே-அபூ⁴யத்த² பூ⁴யத்த² இச்சாதி³.

ஸோ ஓத³னம் அபசத்த² பசத்த² இச்சாதி³ கத்துஸமம். கம்மே-அபசீயத்த² பசீயத்த² அபச்சத்த² பச்சத்த² அபசீய பசீய அபசீயா பசீயா அபச்ச பச்ச அபச்சா பச்சா. அபசீயு பசீயு அபசீயூ பசீயூ அபச்சு பச்சு அபச்சூ பச்சூ இச்சாதி³. ‘‘மாயோகே³ ஈ+ஆஆதீ³’’தி மாயோகே³பி ஆஆத³யோ, மா ப⁴வம் அபச்சத்த² இச்சாதி³.

ததா² அக³ச்ச²த்த² க³ச்ச²த்த² இச்சாதி³ புரிமஸமம். ததா² அக³மத்த² க³மத்த² இச்சாதி³பி அக⁴ம்மத்த² க⁴ம்மத்த² இச்சாதி³பி. (அனஜ்ஜதனபச்சயனயோ).