49. க்யஸ்ஸ ஸ்ஸே

க்யஸ்ஸ வா லோபோ ஹோதி ஸ்ஸே. ஸுக²ம் தயா அனுப⁴விஸ்ஸதி, அனுப⁴விஸ்ஸந்தி. அனுப⁴விஸ்ஸஸி, அனுப⁴விஸ்ஸத². அனுப⁴விஸ்ஸாமி, அனுப⁴விஸ்ஸாம. அஞ்ஞத்ர அனுபூ⁴யிஸ்ஸதி, அனுபூ⁴யிஸ்ஸந்தி இச்சாதி³. ஏவம் பரச்ச²க்கே. பா⁴வே-பூ⁴யிஸ்ஸதி பூ⁴யிஸ்ஸதே.

கத்தரி-பசிஸ்ஸதி, பசிஸ்ஸந்தி இச்சாதி³. கம்மே-பசிஸ்ஸதி ஓத³னோ தே³வத³த்தேன, பசீயிஸ்ஸதி, பச்சிஸ்ஸதி. பச்சிஸ்ஸந்தி ஓத³னா பசீயிஸ்ஸந்தி, பசீயிஸ்ஸரே, பச்சிஸ்ஸரே, பச்சிஸ்ஸந்தி.

க³மிதோ கத்தரி-ஸோ க³ச்சி²ஸ்ஸதி, தே க³ச்சி²ஸ்ஸந்தி. த்வம் க³ச்சி²ஸ்ஸஸி, தும்ஹே க³ச்சி²ஸ்ஸத². அஹம் க³ச்சி²ஸ்ஸாமி, மயம் க³ச்சி²ஸ்ஸாம. க³ச்சி²ஸ்ஸதே, க³ச்சி²ஸ்ஸந்தே. க³ச்சி²ஸ்ஸஸே, க³ச்சி²ஸ்ஸவ்ஹே. க³ச்சி²ஸ்ஸம், க³ச்சி²ஸ்ஸாம்ஹே. ஸக்³க³ம் க³மிஸ்ஸதி, க³மிஸ்ஸந்தி. க³மிஸ்ஸஸி, க³மிஸ்ஸத². க³மிஸ்ஸாமி, க³மிஸ்ஸாம இச்சாதி³. கம்மே-க³ச்சி²யிஸ்ஸதி, க³ச்சி²யிஸ்ஸந்தி இச்சாதி³. க்யலோபே க³மிஸ்ஸதி, க³மிஸ்ஸந்தி இச்சாதி³. ததா² க⁴ம்மிஸ்ஸதி க⁴ம்மீயிஸ்ஸதி, க⁴ம்மிஸ்ஸந்தி, க⁴ம்மீயிஸ்ஸந்தி இச்சாதி³.