3,101. ச²ஸ்ஸ ஸோ

ச²ஸ்ஸ ஸோ-இச்ச+ய+மாதே³ஸோ ஹோதி ஸே பரே. ஸோளஸ ஸோரஸ. ஸத்தரஸ ஸத்தத³ஸ. ‘‘ஏகட்டா²ன+மா’’தி ஆ, அட்டா²ரஸ அட்டா²த³ஸ.

ஊனா ச ஸா வீஸதி சாதி ‘‘விஸேஸன+மேகத்தே²னே’’தி விஸேஸனஸமாஸே ‘‘இத்தி²யம் பா⁴ஸிதபுமி+த்தீ² புமே+வேகத்தே²’’தி புமத்தே ச கதே ஏகேன ஊனா வீஸதீதி ததியாஸமாஸே ஏகூனவீஸதி.

வீஸதிஆத³யோ ஆனவுதியா இத்தி²லிங்கே³+கவசனா. போ⁴ ஏகூனவீஸதி. ஏகூனவீஸதிம். ஏகூனவீஸத்யா ஏகூனவீஸதியா. ஏகூனவீஸத்யம் ஏகூனவீஸதியம் ஏகூனவீஸத்யா ஏகூனவீஸதியா. மதிஸமம்.

ஏவம் வீஸதி, ஏகவீஸதி, த்³வாவீஸதி பா³வீஸதி, தேவீஸதி சதுவீஸதிப்பபு⁴தயோ. பண்ணஆதே³ஸே பண்ணவீஸதி பஞ்சவீஸதி. ஏவம் ச²ப்³பீ³ஸதி, ஸத்தவீஸதி, அட்ட²வீஸதி.

ஏகேன ஊனா திம்ஸதி திம்ஸா வாதி ஏகூனதிம்ஸதி ஏகூனதிம்ஸா வா. கரணே ஏகூனதிம்ஸாய. ஏகூனதிம்ஸாய, ஏகூனதிம்ஸாய, ஏகூனதிம்ஸாய, ஏகூனதிம்ஸாயம். ஏவம் திம்ஸதிணிம்ஸாவபு⁴தயோ. திம்ஸாஸத்³த³ஸ்ஸ பன ஸிலோபே ‘‘தீ³க⁴ஸ்ஸோ’’தி யோக³விபா⁴கா³ ரஸ்ஸோ, திம்ஸ. நிக்³க³ஹீதாக³மோ, திம்ஸம். போ⁴திம்ஸே+ச்சாதி³ புமேவ.

சத்தாலீஸாதீ³ஸுபி யதா²ஸம்ப⁴வம் ஏவமேவ. த்³வித்தே ஏகத்திம்ஸதி ஏகத்திம்ஸா. ரஸ்ஸத்³வித்தே த்³வத்திம்ஸதி த்³வத்திம்ஸ. ஏவம் தேத்திம்ஸதி தேத்திம்ஸாத³யோ யாவ ஏகூனசத்தாலீஸதி ஏகூனசத்தாலீஸா. சத்தாலீஸாய ஸிம்ஹி சத்தாரீஸா சத்தாலீஸா சத்தாலீஸம், போ⁴ சத்தாலீஸே+ச்சாதி³ ஹோதி. ஏவம் ஏகசத்தாரீஸா.