45. வனதரகா³ சா+க³மா

ஏதே மயதா³ ச ஆக³மா ஹோந்தி வா ஸரே க்வசி. ஆக³மினோ அனியமேபி –

ஸரோயேவா+க³மி ஹோதி, வனாதி³னந்து ஞாபகா;

அஞ்ஞதா² ஹி பதா³தீ³னம், யுகவிதா⁴ன+மனத்த²கம்.

ஏத்தா²+க³மா அனியதாக³மீனமேவ ப⁴வந்தி சே, யகாராக³மேனேவ ‘‘நிபஜ்ஜ’’ந்தி ஸித்³தே⁴ ‘‘பதா³தீ³னம் க்வசீ’’தி ப்³யஞ்ஜனஸ்ஸ யுகா+க³மோ நிரத்த²கோதி அதி⁴ப்பாயோ. திவங்கு³லம், திவங்கி³கம், பூ⁴வாத³யோ, மிகீ³ ப⁴ந்தா வுதி³க்க²தி, பவுச்சதி, பாகு³ஞ்ஞவுஜுதா. இதோ நாயதி, சினித்வா. யஸ்மாதிஹ, தஸ்மாதிஹ, அஜ்ஜதக்³கே³. நிரந்தரம், நிராலயோ, நிரிந்த⁴னோ, நிரீஹகம், நிருத்தரோ, நிரோஜம், து³ரதிக்கமோ, து³ராக³தம், து³ருத்தரம், பாதுரஹோஸி, புனராக³ச்சே²ய்ய, புனருத்தம், புனரேவ, புனரேதி, தீ⁴ரத்து², பாதராஸோ, சதுரங்கி³கம், சதுராரக்க²ம், சதுரித்³தி⁴பாத³படிலாபோ⁴, சதுரோக⁴னித்த²ரணத்த²ம், ப⁴த்துரத்தே², வுத்திரேஸா, பத²வீதா⁴துரேவேஸா, நக்க²த்தராஜாரிவ தாரகானம், விஜ்ஜுரிவப்³ப⁴குடே, ஆரக்³கே³ரிவ ஸாஸபோ, உஸபோ⁴ரிவ, ஸப்³பி⁴ரேவ ஸமாஸேத². புத²கே³வ, ரஸ்ஸே பகே³வ. லஹுமேஸ்ஸதி, கு³ருமேஸ்ஸதி, இத⁴மாஹு, கேன தே இத⁴ மிஜ்ஜ²தி, ப⁴த்³ரோ கஸாமிவ, ஆகாஸே மபி⁴பூஜயே, ஏகமேகஸ்ஸ, யேன மிதே⁴கச்சே. பா⁴தியேவ, ஹோதியேவ, யதா²யித³ம், யதா²யேவ, மாயித³ம், நயித³ம், நயித⁴, ச²யிமானி, நவயிமே த⁴ம்மா, போ³தி⁴யாயேவ, பத²வீயேவ தா⁴து, தேஸுயேவ, தேயேவ, ஸோயேவ, பாடியேக்கம், வியஞ்ஜனம், வியாகாஸி, பரியந்தம், பரியாதா³னம், பரியுட்டா²னம், பரியேஸதி, பரியோஸானம், நியாயோகோ³. உத³க்³கோ³, உத³யோ, உதா³ஹடம், உதி³தோ, உதீ³ரிதம், உதே³தி, ஸகிதே³வ, கிஞ்சிதே³வ, கேனசிதே³வ, கிஸ்மிஞ்சிதே³வ, கோசிதே³வ, ஸம்மத³த்தோ, ஸம்மத³ஞ்ஞா விமுத்தானம், ஸம்மதே³வ, யாவத³த்த²ம், யாவதி³ச்ச²கம், யாவதே³வ, தாவதே³வ, புனதே³வ, யத³த்த²ம், யத³ந்தரம், தத³ந்தரம், தத³ங்க³விமுத்தி, ஏதத³த்த²ம், அத்தத³த்த²ம், தத³த்த²ம், ஸத³த்த²பஸுதோ ஸியா, அஞ்ஞத³த்து², மனஸாத³ஞ்ஞா விமுத்தானம், ப³ஹுதே³வ ரத்தி. வாத்வேவ, அத்தஅத்த²ம், த்³வாதி⁴ட்டி²தம், பாதுஅஹோஸி. வவத்தி²தவிபா⁴ஸத்தா வாதி⁴காரஸ்ஸ ப்³யஞ்ஜனதோபி, பி⁴க்கு²னீனம் வுட்டா²பேய்ய, சிரம் நாயதி, தம்யேவ.

ச² அபி⁴ஞ்ஞா, ச² அங்க³ம், ச² அஸீதி, ச² அம்ஸா, ச² ஆயதனம் இதீ+த⁴ ‘‘வா ஸரே’’ ‘‘ஆக³மோ’’தி ச வத்ததே.