1. அஆத³யோ திதாலீஸ வண்ணா

அகாராத³யோ நிக்³க³ஹீதந்தா தேசத்தாலீஸக்க²ரா வண்ணா நாம ஹோந்தி. தம் யதா² அ, ஆ, இ, ஈ, உ, ஊ, ஏ, ऐ, ஓ, औ, க க² க³ க⁴ ங, ச ச² ஜ ஜ² ஞ, ட ட² ட³ ட⁴ ண, த த² த³ த⁴ ந, ப ப² ப³ ப⁴ ம, ய ர லவ ஸ ஹ ள அம். தேன க்வத்தோ² ‘‘ஏ ஓன+ம வண்ணே’’தி. திதாலீஸாதி வசனம் கத்த²சி வண்ணலோபம் ஞாபேதி, தேன ‘‘படிஸங்கா² யோனிஸோ’’திஆதி³ ஸித்³த⁴ம்.

அகாரோ ஆதி³ மரியாத³பூ⁴தோ யேஸம் தே அஆத³யோ. தயோ ச சத்தாலீஸ சேதி திதாலீஸ, இமினா நிபாதனேன வா சதபா⁴க³லோபோ. வண்ணீயதி அத்தோ² ஏதேஹீதி வண்ணா.

ஏத்தா²+ஹ – ‘‘கஸ்மா ஆசரியகச்சாயனாதீ³ஹி விய ஏகசத்தாலீஸக்க²ரான+மக்க²ரஸஞ்ஞ+மகத்வா திதாலீஸக்க²ரானம் வண்ணஸஞ்ஞா கதா’’தி. வுச்சதே –

ஸா மாக³தீ⁴ மூலபா⁴ஸா, நரா யாயா+தி³கப்பிகா;

ப்³ரஹ்மானோ சா-ஸுதாலாபா, ஸம்பு³த்³தா⁴ சாபி பா⁴ஸரேதி –

வசனதோ மாக³தி⁴கானம் ஏத்த², ஸேய்யோ, ஓட்டோ², ஸோத்தி²-த்யாதீ³ஸுபி அஸேஸப்³யாபிகானம் திதாலீஸக்க²ரானம்வ உஜுகான்வத்த²ப்பக்க²ரகு³ணிகா, நேவ பன ‘ருக்கா² வனம்’த்யாதோ³ விய அவயவே ஸமுதா³யவோஹாரோ, ‘ஸமுத்³தோ³ மயா தி³ட்டோ²’த்யாதோ³ விய ச ஸமுதா³யே அவயவவோஹாரோதி த³ஸ்ஸேதும் பச்சேகம் வண்ணஸஞ்ஞா கதாதி.

‘‘ஸக்கச்சஸவனம் பு³த்³த⁴ஸாஸனஸம்பத்தீ’’தி ‘‘ஸிதி²லத⁴னிதாதி³ அக்க²ரவிபத்தியஞ்ஹி அத்த²ஸ்ஸ து³ன்னயதா ஹோதீ’’தி ச யஸ்மா வுத்தம்.

தஸ்மா அக்க²ரகோஸல்லம், ஸம்பாதே³ய்ய விசக்க²ணோ;

உபட்ட²ஹம் க³ரும் ஸம்மா, உட்டா²னாதீ³ஹி பஞ்சஹி.

தத்த² அகாராதீ³ன+மனுக்கமோ பனே+ஸ டா²னாதி³க்கமஸன்னிஸ்ஸிதோ. ததா² ஹி டா²ன+கரண+பயதனேஹி வண்ணா ஜாயந்தி. தத்த² ச² டா²னானி கண்ட²+தாலு+முத்³த⁴+த³ந்த+ஓட்ட²+நாஸிகாவஸேன.

தத்த² அவண்ண+கவக்³க³+ஹானம் கண்டோ² டா²னம், இவண்ண+சவக்³க³+யானம் தாலு, டவக்³க³+ர+ளானம் முத்³தா⁴, தவக்³க³+ல+ஸானம் த³ந்தா, உவண்ண+பவக்³கா³னம் ஓட்டோ², ஏ வண்ணஸ்ஸ கண்ட²தாலூ, ஓ வண்ணஸ்ஸ கண்டோ²+ட்டா², வகாரஸ்ஸ த³ந்தோ+ட்டா², நிக்³க³ஹீதஸ்ஸ நாஸிகா, ங, ஞ்ஞ, ண, ந, மானம் ஸகடா²னம் நாஸிகா ச. ஏத்த² ச –

ஹகாரோ பஞ்சமேஹேவ, அந்தட்டா²ஹி ச ஸம்யுதோ;

ஓரஸோ இதி விஞ்ஞேய்யோ, கண்ட²ஜோ தத³ஸம்யுதோ.

யதா² அவங்ஹோதி (அவங ஹோதி., தஞ்ஹி, தண்ஹா, புப்³ப³ன்ஹோ, அம்ஹே, கு³ய்ஹம், கா³ரய்ஹா, ஆருல்ஹோ, ப³ஹ்வக்க²ரந்தி.

கரணம் –

ஜிவ்ஹாமஜ்ஜ²ம் தாலுஜானம்,

ஜிவ்ஹோபக்³க³ம் முத்³த⁴ஜானம்,

ஜிவ்ஹக்³க³ம் த³ந்தஜானம் ஸே-

ஸா ஸகடா²னகரணா.

வண்ணானம் உச்சாரணுஸ்ஸாஹோ பயதனம், தம் கிம் – ஸம்வுதாதி³கரணவிஸேஸோ, ஸம்வுதத்த+மகாரஸ்ஸ, விவடத்தம் ஸேஸஸரானம் ஸகார+ஹகாரானஞ்ச, பு²ட்ட²த்தம் வக்³கா³னம், ஈஸம்பு²ட்ட²த்தம் ய+ர+ல+வானம்.

ஏவம் டா²ன+கரண+பயதன+ஸுதி காலபி⁴ன்னேஸு அக்க²ரேஸு ஸரா நிஸ்ஸயா, இதரே நிஸ்ஸிதா. தத்த² –

நிஸ்ஸயா+தோ³ ஸரா வுத்தா, நிஸ்ஸிதா ப்³யஞ்ஜனா ததோ;

வக்³கே³+கஜா ப³ஹுத்தா+தோ³, ததோ டா²ன+லஹுக்கமா.

‘‘அஆத³யோ’’தி வத்ததே யாவ ‘‘பி³ந்து³ நிக்³க³ஹீத’’ந்தி. தஞ்ச கோ² ‘‘அத்த²வஸா விப⁴த்திவிபரிணாமோ’’தி ஸத்தம்யந்த+மபி⁴ஸம்ப³ந்தீ⁴யதே, ‘‘வண்ணா’’தி வத்ததே –