24. வண்ணபரேன ஸவண்ணோபி

வண்ணஸத்³தோ³ பரோ யஸ்மா, தேன ஸவண்ணோபி க³ய்ஹதி ஸயஞ்ச ரூபம்தி ஈஊனம்பி ஏ+ஓ. ஸப்³ப³த்த² ரஸ்ஸஸ்ஸ ஜாதினித்³தே³ஸே தீ³க⁴ஸ்ஸாபி க³ஹணத்த²ம் இத³+மாரத்³த⁴ம். தஸ்ஸேத³ம், வாதேரிதம், நோபேதி, வாமோரு, அதேவஞ்ஞேஹி, வோத³கம். இத³ஞ்ச பச்சி²மோதா³ஹரணத்³வயம் ‘‘அவண்ணே லுத்தே ஏவ ஏ+ஓ ஹோந்தீ’’தி கா³ஹஸ்ஸ நிஸேத⁴னத்த²ம். வாத்வேவ, தஸ்ஸித³ம். கத²ம் ‘‘பச்சோரஸ்மி’’ந்தி, யோக³விபா⁴கா³. பதி உரஸ்மிந்தி விப⁴ஜ்ஜ ‘‘யவா ஸரே’’தி யகாரே ‘‘தவக்³க³வரணா’’தி³னா சோ, ‘‘வக்³க³லஸேஹி தே’’தி புப்³ப³ரூபஞ்ச, ‘‘யுவண்ணான+மேஓ’’தி (யோக³விபா⁴கா³) உஸ்ஸ ஓ ச. லுத்தாதி கிம், த³ஸ இமே த⁴ம்மா, யதா² இத³ம், குஸலஸ்ஸ உபஸம்பதா³. அதிப்பஸங்க³பா³த⁴கஸ்ஸ க்வசிஸத்³த³ஸ்ஸானுவத்தனதோ ந விகப்பவிதி⁴ நியதா, தேன உபேதோ, அவேச்சாதி ஏவமாதீ³ஸு விகப்போ. தாரகிதா, யஸ்ஸிந்த்³ரியானி, மஹித்³தி⁴கோ, ஸப்³பீ³தியோ, தேனுபஸங்கமி, லோகுத்தரோதிஆதீ³ஸு விதி⁴ ச ந ஹோதி.

படிஸந்தா²ரவுத்தி அஸ்ஸ, ஸப்³ப³வித்தி அனுபூ⁴யதே, வி அஞ்ஜனம், வி ஆகதோ, தா³ஸீ அஹம், அஹுவா புரே, அனு அத்³த⁴மாஸம், அனு ஏதி, ஸு ஆக³தம், ஸு ஆகாரோ, து³ ஆகாரோ, சக்கு² ஆபாத²ம், ப³ஹு ஆபா³தோ⁴, பாது அகாஸி, ந து ஏவ, பூ⁴ ஆபனலானிலம் இதீ+த⁴ ‘‘யுவண்ணானம்’’ ‘‘வே’’தி ச வத்ததே,