7. பாதாலவக்³க³

649. அதோ⁴பு⁴வனம் பாதாலம், நாக³லோகோ ரஸாதலம்;

ரந்த⁴ம் து விவரம் சி²த்³த³ம், குஹரம் ஸுஸிரம் பி³லம்.

650. ஸுஸி’த்தீ² சி²க்³க³லம் ஸோப்³ப⁴ம், ஸச்சி²த்³தே³ ஸுஸிரம் திஸு;

தி²யம் து காஸு ஆவாடோ, ஸப்பராஜா து வாஸுகீ.

651. அனந்தோ நாக³ராஜா த², வாஹஸோ’ஜக³ரோ ப⁴வே;

கோ³னஸோ து திலிச்சோ² த²,

தே³ட்³டு³போ⁴ ராஜுலோ ப⁴வே.

652. கம்ப³லோ’ஸ்ஸதரோ மேரு, பாதே³ நாகா³த² த⁴ம்மனீ;

ஸிலுத்தோ க⁴ரஸப்போ த², நீலஸப்போ ஸிலாபு⁴ ச.

653. ஆஸிவிஸோ பு⁴ஜங்கோ³’ஹி, பு⁴ஜகோ³ ச பு⁴ஜங்க³மோ;

ஸரீஸபோ ப²ணீ ஸப்பா, லக³த்³தா³ போ⁴கி³ பன்னகா³.

654. த்³விஜிவ்ஹோ உரகோ³ வாளோ, தீ³கோ⁴ ச தீ³க⁴பிட்டி²கோ;

பாதூ³த³ரோ விஸத⁴ரோ, போ⁴கோ³ து ப²ணினோ தனு.

655. ஆஸீ’த்தீ² ஸப்பதா³டா² த², நிம்மோகோ கஞ்சுகோ ஸமா;

விஸம் த்வ’நித்தீ² க³ரளம், தப்³பே⁴தா³ வா ஹலாஹலோ.

656. காளகூடாத³யோ சாத², வாளக்³கா³த்ய’ஹிதுண்டி³கோ;

657. நிரயோ து³க்³க³தி’த்தீ² ச, நரகோ, ஸோ மஹா’ட்ட²தா⁴;

ஸஞ்ஜீவோ காளஸுத்தோ ச, மஹாரோருவ ரோருவா;

பதாபனோ அவீசி’த்தீ², ஸங்கா⁴தோ தாபனோ இதி.

658. தி²யம் வேதரணீ லோஹ, கும்பீ⁴ தத்த² ஜலாஸயா;

காரணிகோ நிரயபோ,

நேரயிகோ து நாரகோ.

659. அண்ணவோ ஸாக³ரோ ஸிந்து⁴, ஸமுத்³தோ³ ரதனாகரோ;

ஜலனிஜு²’ த³தி⁴, தஸ்ஸ, பே⁴தா³ கீ²ரண்ணவாத³யோ.

660. வேலா’ஸ்ஸ கூலதே³ஸோ த²,

ஆவட்டோ ஸலிலப்³ப⁴மோ;

தே²வோ து பி³ந்து³ பு²ஸிதம், ப⁴மோ து ஜலனிக்³க³மோ.

661. ஆபோ பயோ ஜலம் வாரி, பானீயம் ஸலிலம் த³கம்;

அண்ணோ நீரம் வனம் வாலம், தோயம் அம்பு³’த³கஞ்ச கம்.

662. தரங்கோ³ ச ததா² ப⁴ங்கோ³, ஊமி வீசி புமித்தி²யம்;

உல்லோலோ து ச கல்லோலோ, மஹாவீசீஸு கத்²யதே.

663. ஜம்பா³லோ கலலம் பங்கோ, சிக்க²ல்லம் கத்³த³மோ ப்யத²;

புலினம் வாலுகா வண்ணு, மரூ’ரு ஸிகதா ப⁴வே.

664. அந்தரீபஞ்ச தீ³போ வா, ஜலமஜ்ஜ²க³தம் த²லம்;

தீரம் து கூலம் ரோத⁴ஞ்ச, பதீரஞ்ச தடம் திஸு.

665. பாரம் பரம்ஹி தீரம்ஹி, ஓரம் த்வ’பார முச்சதே;

உளும்போ [உளுபோ (க.)] து ப்லவோ குல்லோ, தரோ ச பச்சரீ’த்தி²யம்.

666. தரணீ தரி நாவா ச, கூபகோ து ச கும்ப⁴கம்;

பச்சா²ப³ந்தோ⁴ கோ³டவிஸோ, கண்ணதா⁴ரோ து நாவிகோ.

667. அரித்தம் கேனிபாதோ த²,

போதவாஹோ நியாமகோ;

ஸம்யத்திகா து நாவாய, வாணிஜ்ஜமாசரந்தி யே.

668. நாவாய’ங்கா³’ லங்காரோ ச, வடாகாரோ பி²யாத³யோ;

போதோ பவஹனம் வுத்தம், தோ³ணி த்வி’த்தீ² ததா²’ம்ப³ணம் [அம்மணம் (ஸீ.)].

669. க³பீ⁴ர நின்ன க³ம்பீ⁴ரா, தோ² த்தானம் தப்³பி³பக்க²கே;

அகா³த⁴ம் த்வ’தலம்ப²ஸ்ஸம், அனச்சோ² கலுஸா’விலா.

670. அச்சோ² பஸன்னோ விமலோ, க³பீ⁴ரப்பபு⁴தீ திஸு;

தீ⁴வரோ மச்சி²கோ மச்ச², ப³ந்த⁴ கேவட்ட ஜாலிகா.

671. மச்சோ² மீனோ ஜலசரோ, புது²லோமோ’ம்பு³ஜோ ஜ²ஸோ;

ரோஹிதோ மக்³கு³ரோ ஸிங்கீ³, ப³லஜோ முஞ்ஜ பாவுஸா.

672. ஸத்தவங்கோ ஸவங்கோ ச, நளமீனோ ச க³ண்ட³கோ;

ஸுஸுகா ஸப²ரீ மச்ச², ப்பபே⁴தா³ மகராத³யோ.

673. மஹாமச்சா² திமி திமி, ங்க³லோ திமிரபிங்க³லோ;

ஆனந்தோ³ திமினந்தோ³ ச, அஜ்ஜா²ரோஹோ மஹாதிமி.

674. பாஸாணமச்சோ² பாடீ²னோ, வங்கோ து ப³ளிஸோ ப⁴வே;

ஸுஸுமாரோ [ஸம்ஸுமாரோ (டீ.), ஸும்ஸுமாரோ (ஸீ.)] து கும்பீ⁴லோ,

நக்கோ கும்மோ து கச்ச²போ.

675. கக்கடகோ குளீரோ ச, ஜலூகா து ச ரத்தபா;

மண்டூ³கோ த³த்³து³ரோ பே⁴கோ;

க³ண்டு³ப்பாதோ³ மஹீலதா.

676. அத² ஸிப்பீ ச ஸுத்தி’த்தீ², ஸங்கே² து கம்பு³’நித்தி²யம்;

கு²த்³த³ஸங்க்²யே ஸங்க²னகோ², ஜலஸுத்தி ச ஸம்பு³கோ.

677. ஜலாஸயோ ஜலாதா⁴ரோ, க³ம்பீ⁴ரோ ரஹதோ³ த² ச;

உத³பானோ பானகூபோ, கா²தம் போக்க²ரணீ’த்தி²யம்.

678. தளாகோ ச ஸரோ’நித்தீ², வாபீ ச ஸரஸீ’த்தி²யம்;

த³ஹோ’ம்பு³ஜாகரோ சாத², பல்லலம் கு²த்³த³கோ ஸரோ.

679. அனோதத்தோ ததா² கண்ண, முண்டோ³ ச ரத²காரகோ;

ச²த்³த³ந்தோ ச குணாலோ ச, வுத்தா மந்தா³கினீ’த்தி²யம்.

680. ததா² ஸீஹப்பபாதோதி, ஏதே ஸத்த மஹாஸரா;

ஆஹாவோ து நிபானஞ்சா, கா²தம் து தே³வகா²தகம்.

681. ஸவந்தீ நின்னகா³ ஸிந்து⁴, ஸரிதா ஆபகா³ நதீ³;

பா⁴கீ³ரதீ² து க³ங்கா³ த², ஸம்பே⁴தோ³ ஸிந்து⁴ஸங்க³மோ.

682. க³ங்கா³’சிரவதீ சேவ, யமுனா ஸரபூ⁴ (ஸரபூ³ [ஸரயூ (க.)] ) மஹீ;

இமா மஹானதீ³ பஞ்ச, சந்த³பா⁴கா³ ஸரஸ்ஸதீ [ஸரஸ்வதீ (ஸீ. டீ.)].

683. நேரஞ்ஜரா ச காவேரீ, நம்மதா³தீ³ ச நின்னகா³;

வாரிமக்³கோ³ பணாலீ’த்தீ² [பனாளீ (டீ.)], புமே சந்த³னிகா து ச.

684. ஜம்பா³லீ ஓலிக³ல்லோ ச, கா³மத்³வாரம்ஹி காஸுயம்;

ஸரோருஹம் ஸதபத்தம், அரவிந்த³ஞ்ச வாரிஜம்.

685. அனித்தீ² பது³மம் பங்கே, ருஹம் நலின போக்க²ரம்;

முளாலபுப்ப²ம் கமலம், பி⁴ஸபுப்ப²ம் குஸேஸயம்.

686. புண்ட³ரீகம் ஸிதம், ரத்தம், கோகனத³ம் கோகாஸகோ;

கிஞ்ஜக்கோ² கேஸரோ நித்தீ², த³ண்டோ³ து நால முச்சதே.

687. பி⁴ஸம் முளாலோ நித்தீ² ச, பீ³ஜகோஸோ து கண்ணிகா;

பது³மாதி³ஸமூஹே து, ப⁴வே ஸண்ட³மனித்தி²யம்.

688. உப்பலம் குவலயஞ்ச, நீலம் த்வி’ந்தீ³வரம் ஸியா;

ஸேதேது குமுத³ஞ்சஸ்ஸ, கந்தோ³ ஸாலூக முச்சதே.

689. ஸோக³ந்தி⁴கம் கல்லஹாரம், த³கஸீதலிகம் ப்யத²;

ஸேவாலோ நீலிகா சாத², பி⁴ஸின்ய’ம்பு³ஜினீ ப⁴வே.

690. ஸேவாலா திலபீ³ஜஞ்ச, ஸங்கே² ச பணகாத³யோதி.

இதி பாதாலவக்³கோ³.

பூ⁴கண்டோ³ து³தியோ.