2. பூ⁴கண்ட³

2. புரவக்³க³

198. புரம் நக³ர மித்தீ² வா, டா²னீயம் புடபே⁴த³னம்;

தி²யம் து ராஜதா⁴னீ [ராஜடா²னீ (டீ.)] ச, க²ந்தா⁴வாரோ ப⁴வே த² ச.

199. ஸாகா²னக³ர மஞ்ஞத்ர, யம் தம் மூலபுரா புரம்;

பா³ராணஸீ ச ஸாவத்தி², வேஸாலீ மிதி²லா, ளவீ.

200. கோஸம்பு³, ஜ்ஜேனியோ தக்க, ஸிலா சம்பா ச ஸாக³லம்;

ஸுஸுமாரகி³ரம் [ஸம்ஸுமார (டீகா)] ராஜ, க³ஹம் கபிலவத்து² ச.

201. ஸாகேத, மிந்த³பத்த²ஞ்சோ, க்கட்டா² பாடலிபுத்தகம்;

ஜேதுத்தரஞ்ச ஸங்கஸ்ஸம், குஸினாராத³யோ புரீ.

202. ரச்சா² ச விஸிகா² வுத்தா, ரதி²கா வீதி² சாப்யத²;

ப்³யூஹோ ரச்சா² அனிப்³பி³த்³தா⁴, நிப்³பி³த்³தா⁴ து பத²த்³தி⁴ ச.

203. சதுக்கம் சச்சரே மக்³க³, ஸந்தி⁴ ஸிங்கா⁴டகம் ப⁴வே;

பாகாரோ வரணோ சாத², உதா³போ [உத்³தா³ப, உத்³தா³ப] உபகாரிகா.

204. குட்டம் து பி⁴த்தி நாரீ த², கோ³புரம் த்³வாரகோட்ட²கோ;

ஏஸிகா இந்த³கீ²லோ ச, அட்டோ த்வட்டாலகோ ப⁴வே.

205. தோரணம் து ப³ஹித்³வாரம், பரிகா²து ச தீ³கி⁴கா;

மந்தி³ரம் ஸத³னா, கா³ரம், நிகாயோ நிலயா, லயோ.

206. ஆவாஸோ ப⁴வனம் வேஸ்மம், நிகேதனம் நிவேஸனம்;

க⁴ரம் க³ஹஞ்சா, வஸதோ², ஸரணஞ்ச பதிஸ்ஸயோ.

207. ஓகம் ஸாலா க²யோ வாஸோ, தி²யம் குடி வஸத்ய’பி;

கே³ஹஞ்சா, நித்தி² ஸது³மம், சேதியா, யதனானி து.

208. பாஸாதோ³ சேவ யூபோ த², முண்ட³ச்ச²தோ³ ச ஹம்மியம்;

யூபோது க³ஜகும்ப⁴ம்ஹி, ஹத்தி²னகோ² பதிட்டி²தோ.

209. ஸுபண்ணவங்கச்ச²த³ன, மட்³ட⁴யோகோ³ ஸியா த² ச;

ஏககூடயுதோ மாளோ,

பாஸாதோ³ சதுரஸ்ஸகோ.

210. ஸபா⁴யஞ்ச ஸபா⁴ சாத², மண்ட³பம் வா ஜனாலயோ;

அதோ² ஆஸனஸாலாயம், படிக்கமன மீரிதம்.

211. ஜினஸ்ஸ வாஸப⁴வன, மித்தீ² க³ந்த⁴குடி ப்யத²;

தி²யம் ரஸவதீ பாக, ட்டா²னஞ்சேவ மஹானஸம்.

212. ஆவேஸனம் ஸிப்பஸாலா, ஸோண்டா³ து பானமந்தி³ரம்;

வச்சட்டா²னம் வச்சகுடி, முனீனம் டா²ன மஸ்ஸமோ.

213. பண்யவிக்கயஸாலா கு, ஆபணோ பண்யவீதி²கா;

உதோ³ஸிதோ ப⁴ண்ட³ஸாலா, சங்கமனம் து சங்கமோ.

214. ஜந்தாக⁴ரம் த்வக்³கி³ஸாலா, பபா பானீயஸாலிகா;

க³ப்³போ⁴ ஓவரகோ வாஸா, கா³ரம் து ஸயனிக்³க³ஹம்.

215. இத்தா²கா³ரம் து ஓரோதோ⁴, ஸுத்³த⁴ந்தோ’ ந்தேபுரம்பி ச;

அஸப்³ப³விஸயட்டா²னம், ரஞ்ஞம் கச்ச²ந்தரம் மதம்.

216. ஸோபானோ வா’ரோஹணஞ்ச,

நிஸ்ஸேணீ ஸா, தி⁴ரோஹிணீ;

வாதபானம் க³வக்கோ² ச, ஜாலஞ்ச ஸீஹபஞ்ஜரம்.

217. ஆலோகஸந்தி⁴ வுத்தோ த², லங்கீ³’த்தீ² பலிகோ⁴ ப⁴வே;

கபிஸீஸோ, க்³க³லத்த²ம்போ⁴, நிப்³ப³ம் து ச²த்³த³கோடியம்.

218. ச²த³னம் படலம் ச²த்³த³, மஜிரம் சச்சரோ, ங்க³ணம்;

பகா⁴னோ பக⁴னா, லிந்தோ³, பமுக²ம் த்³வாரப³ந்த⁴னம்.

219. பிட்ட²ஸங்கா⁴டகம் த்³வார, பா³ஹா கூடம் து கண்ணிகா;

த்³வாரஞ்ச படிஹாரோ த², உம்மாரோ தே³ஹனீ, த்தி²யம்.

220. ஏளகோ இந்த³கீ²லோ த², த²ம்போ⁴ தூ²ணோ புமித்தி²யம்;

பாடிகா, ட்³டே⁴ந்து³பாஸாணே, கி³ஞ்ஜகா து ச இட்ட²கா.

221. வலபி⁴ச்சா²தி³தா³ரும்ஹி, வங்கே கோ³பானஸீ, த்தி²யம்;

கபோதபாலிகாயம் து, விடங்கோ நித்தி²யம் ப⁴வே.

222. குஞ்சிகாவிவரம் தாள, ச்சி²க்³க³லோ ப்யத² குஞ்சிகா;

தாளோ’வாபுரணம் சாத², வேதி³கா வேதி³ கத்²யதே.

223. ஸங்கா⁴தோ பக்க²பாஸோ ச, மந்தி³ரங்கா³ துலா அபி;

தி²யம் ஸம்முஜ்ஜனீ சேவ, ஸம்மஜ்ஜனீ ச ஸோத⁴னீ.

224. ஸங்கடீரம் து ஸங்கார, ட்டா²னம் ஸங்காரகூடகம்;

அதோ² கசவரோ, க்லாபோ, ஸங்காரோ ச கஸம்பு³பி.

225. க⁴ராதி³பூ⁴மி தம் வத்து², கா³மோ ஸம்வஸதோ² த² ஸோ;

பாகடோ நிக³மோ போ⁴க³, மச்சாதி³ப்⁴யோ தி⁴ தூதி³தோ [‘அதி⁴பூ⁴’தி ஈரிதோ கதி²தோ (டீ.)].

226. ஸீமா ச மரியாதா³ த²,

கோ⁴ஸோ கோ³பாலகா³மகோதி.

புரவக்³கோ³ நிட்டி²தோ.

3. நரவக்³க³

227. மனுஸ்ஸோ மானுஸோ மச்சோ, மானவோ மனுஜோ நரோ;

போஸோ புமா ச புரிஸோ,

போரிஸோ ப்யத² பண்டி³தோ.

228. பு³தோ⁴ வித்³வா விபா⁴வீ ச, ஸந்தோ ஸப்பஞ்ஞ கோவிதா³;

தீ⁴மா ஸுதீ⁴ கவி ப்³யத்தோ, விசக்க²ணோ விஸாரதோ³.

229. மேதா⁴வீ மதிமா பஞ்ஞோ, விஞ்ஞூ ச விதூ³ரோ விதூ³;

தீ⁴ரோ விபஸ்ஸீ தோ³ஸஞ்ஞூ, பு³த்³தோ⁴ ச த³ப்³ப³ வித்³த³ஸு.

230. இத்தீ² ஸீமந்தினீ நாரீ, தீ² வதூ⁴ வனிதா, ங்க³னா;

பமதா³ ஸுந்த³ரீ கந்தா, ரமணீ த³யிதா, ப³லா.

231. மாதுகா³மோ ச மஹிலா, லலனா பீ⁴ரு காமினீ;

குமாரிகா து கஞ்ஞா த², யுவதீ தருணீ ப⁴வே.

232. மஹேஸீ ஸாபி⁴ஸேகாஞ்ஞா,

போ⁴கி³னீ ராஜனாரியோ;

த⁴வத்தி²னீ து ஸங்கேதம், யாதி யா ஸா, பி⁴ஸாரிகா.

233. க³ணிகா வேஸியா வண்ண, தா³ஸீ நக³ரஸோபி⁴னீ;

ரூபூபஜீவினீ வேஸீ, குலடா து ச ப³ந்த⁴கீ.

234. வராரோஹோ, த்தமா மத்த, காஸினீ வரவண்ணினீ;

பதிப்³ப³தா த்வபி ஸதீ, குலித்தீ² குலபாலிகா.

235. வித⁴வா பதிஸுஞ்ஞா த², பதிம்ப³ரா ஸயம்ப³ரா;

விஜாதா து பஸூதா ச, ஜாதாபச்சா பஸூதிகா.

236. தூ³தீ ஸஞ்சாரிகா தா³ஸீ, து சேடீ குடதா⁴ரிகா;

வாருணீ, க்க²ணிகா துல்யா, க²த்தியானீ து க²த்தியா.

237. தா³ரோ ஜாயா கலத்தஞ்ச, க⁴ரணீ ப⁴ரியா பியா,

பஜாபதீ ச து³தியா, ஸா பாத³பரிசாரிகா.

238. ஸகீ² த்வா’லீ வயஸ்ஸா த², ஜாரீ சேவா’திசாரினீ;

புமே தூ’து ரஜோ புப்ப²ம், உதுனீ து ரஜஸ்ஸலா.

239. புப்ப²வதீ க³ருக³ப்³பா⁴, பன்னஸத்தா ச க³ப்³பி⁴னீ;

க³ப்³பா⁴ஸயோ ஜலாபு³பி, கலலம் புன்னபும்ஸகே.

240. த⁴வோது ஸாமிகோ ப⁴த்தா, கந்தோ பதி வரோ பியோ;

அதோ² பபதி ஜாரோ தா²,

பச்சம் புத்தோ’த்ரஜோ ஸுதோ.

241. தனுஜோ தனயோ ஸூனு, புத்தாதீ³ தீ⁴தரி’த்தி²யம்;

நாரியம் து³ஹிதா தீ⁴தா,

ஸஜாதோ த்வோ’ரஸோ ஸுதோ.

242. ஜாயாபதீ ஜனிபதீ, ஜயம்பதீ து த³ம்பதீ [த³ம்பதீதி பத³ம் புல்லிங்க³ ப³ஹுவசனந்தம் இகாரந்தம், துத³ம்பதி (டீ.)];

அத² வஸ்ஸவரோ வுத்தோ, பண்ட³கோ ச நபும்ஸகம்.

243. ப³ந்த⁴வோ ப³ந்து⁴ ஸஜனோ, ஸகோ³த்தோ ஞாதி ஞாதகோ;

ஸாலோஹிதோ ஸபிண்டோ³ ச,

தாதோ து ஜனகோ பிதா.

244. அம்ம, ம்பா³ ஜனனீ மாதா, ஜனேத்தி ஜனிகா ப⁴வே;

உபமாதா து தா⁴தி’த்தீ²,

ஸாலோ ஜாயாய பா⁴திகோ.

245. நனந்தா³ ஸாமிப⁴கி³னீ, மாதாமஹீ து அய்யிகா;

மாதுலோ மாதுபா⁴தா,ஸ்ஸ, மாதுலானீ பஜாபதி.

246. ஜாயாபதீனம் ஜனனீ, ஸஸ்ஸு வுத்தாத² தப்பிதா;

ஸஸுரோ பா⁴கி³னேய்யோது, புத்தோ ப⁴கி³னியா ப⁴வே.

247. நத்தா வுத்தோ பபுத்தோ த², ஸாமிபா⁴தா து தே³வரோ;

தீ⁴துபதி து ஜாமாதா,

அய்யகோ து பிதாமஹோ.

248. மாதுச்சா² மாதுப⁴கி³னீ, பிதுச்சா² ப⁴கி³னீ பிது;

பபிதாமஹோ பய்யகோ,

ஸுண்ஹா து ஸுணிஸா ஹுஸா.

249. ஸோத³ரியோ ஸக³ப்³போ⁴ ச, ஸோத³ரோ ஸஹஜோ ப்யத²;

மாதாபிதூ தே பிதரோ, புத்தா து புத்ததீ⁴தரோ.

250. ஸஸுரா ஸஸ்ஸுஸஸுரா, பா⁴துப⁴கி³னீ பா⁴தரோ;

பா³லத்தம் பா³லதா பா³ல்யம், யோப்³ப³ஞ்ஞம்து ச யோப்³ப³னம்.

251. ஸுக்கா து பலிதம் கேஸா, த³யோ த² ஜரதா ஜரா;

புது²கோ பில்லகோ சா²போ, குமாரோ பா³ல போதகா.

252. அது²’ த்தானஸயு’த்தான, ஸேய்யகா த²னபோபி ச;

253. தருணோ ச வயட்டோ² ச, த³ஹரோ ச யுவா ஸுஸு;

மாணவோதா³ரகோசாத², ஸுகுமாரோ ஸுகே²தி⁴தோ.

254. மஹல்லகோ ச வுத்³தோ⁴ ச, தே²ரோ ஜிண்ணோ ச ஜிண்ணகோ;

அக்³க³ஜோ புப்³ப³ஜோ ஜேட்டோ², கனியோ கனிட்டோ² நுஜோ.

255. வலித்தசோ து வலினோ; தீஸு’த்தானஸயாத³யோ;

256. ஸீஸோ’த்தமங்கா³னி ஸிரோ, முத்³தா⁴ ச மத்த²கோ ப⁴வே;

கேஸோ து குந்தலோ வாலோ, த்தமங்க³ருஹ முத்³த⁴ஜா.

257. த⁴ம்மில்லோ ஸம்யதா கேஸா,

காகபக்கோ² ஸிக²ண்ட³கோ;

பாஸோ ஹத்தோ² கேஸசயே;

தாபஸானம் தஹிம் ஜடா.

258. தி²யம் வேணீ பவேணீ ச;

அதோ² சூளா ஸிகா² ஸியா;

ஸீமந்தோ து மதோ நாரி, கேஸமஜ்ஜ²ம்ஹி பத்³த⁴தி.

259. லோமம் தனுருஹம் ரோமம், பம்ஹம் பகு²ம மக்கி²க³ம்;

மஸ்ஸு வுத்தம் புமமுகே², பூ⁴ த்வித்தீ² ப⁴முகோ ப⁴மு.

260. ப³ப்போ [க²ப்போ (டீ.)] நேத்தஜல’ஸ்ஸூனி, நேத்ததாரா கனீனிகா;

வத³னம் து முக²ம் துண்ட³ம், வத்தம் லபன மானனம்.

261. த்³விஜோ லபனஜோ த³ந்தோ, த³ஸனோ ரத³னோ ரதோ³;

தா³டா² துத³ந்தபே⁴த³ஸ்மிம், அபாங்கோ³ த்வக்கி²கோடிஸு.

262. த³ந்தாவரண மோட்டோ² சா, ப்ய’த⁴ரோ த³ஸனச்ச²தோ³;

க³ண்டோ³ கபோலோ ஹன்வித்தீ² [க³ண்ட³த்தீ² (டீ.) ஹன்வத்தீ²=ஹனு+இத்தீ²; ஹன+உ (ண்வாதி³)],

சுபு³கம் த்வ’ த⁴ரா அதோ⁴.

263. க³லோ ச கண்டோ² கீ³வா ச, கந்த⁴ரா ச ஸிரோத⁴ரா;

கம்பு³கீ³வா து யா கீ³வா, ஸுவண்ணாலிங்க³ஸன்னிபா⁴;

அங்கிதா தீஹி லேகா²ஹி, கம்பு³கீ³வா த²வா மதா.

264. அம்ஸோ நித்தீ² பு⁴ஜஸிரோ, க²ந்தோ⁴ தஸ்ஸந்தி⁴ ஜத்து தம்;