2. பூ⁴கண்ட³

180. வக்³கா³ பூ⁴மி, புரீ, மச்ச, சதுப்³ப³ண்ண, வனாதி³ஹி;

பாதாலேன ச வுச்சந்தே, ஸங்கோ³’பங்கே³ஹி’த⁴’க்கமா.

181. வஸுந்த⁴ரா ச²மா பூ⁴மி, பத²வீ மேத³னீ மஹீ;

உப்³பீ³ வஸுமதீ கோ³ கு, வஸுதா⁴ த⁴ரணீ த⁴ரா;

புத²வீ ஜக³தீ பூ⁴ரீ, பூ⁴ ச பூ⁴தத⁴ரா’ வனீ.

182. கா²ரா து மத்திகா ஊஸோ, ஊஸவா தூஸரோ திஸு;

த²லம் த²லீத்தீ² பூ⁴பா⁴கே³, த²த்³த⁴லூக²ம்ஹி ஜங்க³லோ.

183. புப்³ப³விதே³ஹோ சாபர, கோ³யானம் ஜம்பு³தீ³போ ச;

உத்தரகுரு சேதி ஸியும், சத்தாரோமே மஹாதீ³பா.

184. பும்ப³ஹுத்தே குரூ ஸக்கா, கோஸலா மக³தா⁴ ஸிவீ;

கலிங்கா³’வந்தி பஞ்சாலா, வஜ்ஜீ க³ந்தா⁴ர சேதயோ.

185. வங்கா³ விதே³ஹா கம்போ³ஜா, மத்³தா³ ப⁴க்³க³’ங்க³ ஸீஹளா;

கஸ்மீரா காஸி பண்ட³வாதீ³, ஸியும் ஜனபத³ந்தரா.

186. லோகோ ச பு⁴வனம் வுத்தம், தே³ஸோ து விஸயோ ப்யத²;

மிலக்க²தே³ஸோ பச்சந்தோ, மஜ்ஜ²தே³ஸோ து மஜ்ஜி²மோ.

187. அனூபோ ஸலிலப்பாயோ, கச்ச²ம் பும நபும்ஸகே;

ஸத்³த³லோ ஹரிதே தே³ஸே, திணேனா, பி⁴னவேன ஹி.

188. நத்³யம்பு³ஜீவனோ தே³ஸோ, வுட்டி²னிப்பஜ்ஜஸஸ்ஸகோ;

யோ நதீ³மாதிகோ தே³வ,

மாதிகோ ச கமேன ஸோ.

189. தீஸ்வனூபாத்³யதோ² சந்த³, ஸூராதோ³ ஸஸ்ஸதீரிதோ;

ரட்ட²ம் து விஜிதஞ்சாத², புரிஸே ஸேது ஆலியம்.

190. உபாந்தபூ⁴ பரிஸரோ, கோ³ட்ட²ம் து கோ³குலம் வஜோ;

மக்³கோ³ பந்தோ² பதோ² அத்³தா⁴, அஞ்ஜஸம் வடுமம் ததா².

191. பஜ்ஜோ [பஜ்ஜா…. (க.)], யனஞ்ச பத³வீ, வத்தனீ பத்³த⁴தித்தி²யம்;

தப்³பே⁴தா³ ஜங்க⁴, ஸகட, மக்³கா³ தே ச மஹத்³த⁴னி.

192. ஏகபத்³யேகபதி³கே, கந்தாரோ து ச து³க்³க³மே;

193. படிமக்³கோ³ படிபதோ², அத்³தா⁴னம் தீ³க⁴ மஞ்ஜஸம்;

ஸுப்பதோ² து ஸுபந்தோ² ச, உப்பத²ம் த்வபத²ம் ப⁴வே.

194. ச²த்திம்ஸபரமாணூன, மேகோ ணு ச ச²த்திம்ஸ தே;

தஜ்ஜாரீ தாபி ச²த்திம்ஸ, ரத²ரேணு ச²த்திம்ஸ தே.

195. லிக்கா²தா ஸத்த ஊகா தா, த⁴ஞ்ஞமாஸோதி ஸத்த தே;

ஸத்த ங்கு³ல’ மமு த்³விச்ச², வித³த்தி² தா து³வே ஸியும்.

196. ரதனம் தானி ஸத்தேவ, யட்டி² தா வீஸதூ ஸப⁴ம்;

கா³வுத முஸபா⁴ஸீதி, யோஜனம் சதுகா³வுதம்.

197. த⁴னுபஞ்சஸதம் கோஸோ, கரீஸம் சதுரம்ப³ணம்;

அப்³ப⁴ந்தரம் து ஹத்தா²ன, மட்ட²வீஸ பமாணதோ.

பூ⁴மிவக்³கோ³ நிட்டி²தோ.