6. புஞ்ஞகிரியவத்து²ஸுத்தம்

36. ‘‘தீணிமானி, பி⁴க்க²வே, புஞ்ஞகிரியவத்தூ²னி. கதமானி தீணி? தா³னமயம் புஞ்ஞகிரியவத்து² [புஞ்ஞகிரியவத்து²ம் (ஸீ. பீ.) ஏவமுபரிபி], ஸீலமயம் புஞ்ஞகிரியவத்து², பா⁴வனாமயம் புஞ்ஞகிரியவத்து². இத⁴, பி⁴க்க²வே, ஏகச்சஸ்ஸ தா³னமயம் புஞ்ஞகிரியவத்து² பரித்தம் கதம் ஹோதி, ஸீலமயம் புஞ்ஞகிரியவத்து² பரித்தம் கதம் ஹோதி, பா⁴வனாமயம் புஞ்ஞகிரியவத்து²ம் [புஞ்ஞகிரியவத்து² (ஸ்யா.)] நாபி⁴ஸம்போ⁴தி. ஸோ காயஸ்ஸ பே⁴தா³ பரம் மரணா மனுஸ்ஸதோ³ப⁴க்³யம் உபபஜ்ஜதி.

‘‘இத⁴ பன, பி⁴க்க²வே, ஏகச்சஸ்ஸ தா³னமயம் புஞ்ஞகிரியவத்து² மத்தஸோ கதம் ஹோதி, ஸீலமயம் புஞ்ஞகிரியவத்து² மத்தஸோ கதம் ஹோதி, பா⁴வனாமயம் புஞ்ஞகிரியவத்து²ம் நாபி⁴ஸம்போ⁴தி. ஸோ காயஸ்ஸ பே⁴தா³ பரம் மரணா மனுஸ்ஸஸோப⁴க்³யம் உபபஜ்ஜதி.

‘‘இத⁴ பன, பி⁴க்க²வே, ஏகச்சஸ்ஸ தா³னமயம் புஞ்ஞகிரியவத்து² அதி⁴மத்தம் கதம் ஹோதி, ஸீலமயம் புஞ்ஞகிரியவத்து² அதி⁴மத்தம் கதம் ஹோதி, பா⁴வனாமயம் புஞ்ஞகிரியவத்து²ம் நாபி⁴ஸம்போ⁴தி. ஸோ காயஸ்ஸ பே⁴தா³ பரம் மரணா சாதுமஹாராஜிகானம் தே³வானம் ஸஹப்³யதம் உபபஜ்ஜதி. தத்ர, பி⁴க்க²வே, சத்தாரோ மஹாராஜானோ தா³னமயம் புஞ்ஞகிரியவத்து²ம் அதிரேகம் கரித்வா, ஸீலமயம் புஞ்ஞகிரியவத்து²ம் அதிரேகம் கரித்வா, சாதுமஹாராஜிகே தே³வே த³ஸஹி டா²னேஹி அதி⁴க³ண்ஹந்தி – தி³ப்³பே³ன ஆயுனா, தி³ப்³பே³ன வண்ணேன, தி³ப்³பே³ன ஸுகே²ன, தி³ப்³பே³ன யஸேன, தி³ப்³பே³ன ஆதி⁴பதேய்யேன, தி³ப்³பே³ஹி ரூபேஹி, தி³ப்³பே³ஹி ஸத்³தே³ஹி, தி³ப்³பே³ஹி க³ந்தே⁴ஹி, தி³ப்³பே³ஹி ரஸேஹி, தி³ப்³பே³ஹி போ²ட்ட²ப்³பே³ஹி.

‘‘இத⁴ பன, பி⁴க்க²வே, ஏகச்சஸ்ஸ தா³னமயம் புஞ்ஞகிரியவத்து² அதி⁴மத்தம் கதம் ஹோதி, ஸீலமயம் புஞ்ஞகிரியவத்து² அதி⁴மத்தம் கதம் ஹோதி, பா⁴வனாமயம் புஞ்ஞகிரியவத்து²ம் நாபி⁴ஸம்போ⁴தி. ஸோ காயஸ்ஸ பே⁴தா³ பரம் மரணா தாவதிம்ஸானம் தே³வானம் ஸஹப்³யதம் உபபஜ்ஜதி. தத்ர, பி⁴க்க²வே, ஸக்கோ தே³வானமிந்தோ³ தா³னமயம் புஞ்ஞகிரியவத்து²ம் அதிரேகம் கரித்வா ஸீலமயம் புஞ்ஞகிரியவத்து²ம் அதிரேகம் கரித்வா தாவதிம்ஸே தே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா…பே… தி³ப்³பே³ஹி போ²ட்ட²ப்³பே³ஹி.

‘‘இத⁴ பன, பி⁴க்க²வே, ஏகச்சஸ்ஸ தா³னமயம் புஞ்ஞகிரியவத்து² அதி⁴மத்தம் கதம் ஹோதி, ஸீலமயம் புஞ்ஞகிரியவத்து² அதி⁴மத்தம் கதம் ஹோதி, பா⁴வனாமயம் புஞ்ஞகிரியவத்து²ம் நாபி⁴ஸம்போ⁴தி. ஸோ காயஸ்ஸ பே⁴தா³ பரம் மரணா யாமானம் தே³வானம் ஸஹப்³யதம் உபபஜ்ஜதி. தத்ர, பி⁴க்க²வே, ஸுயாமோ தே³வபுத்தோ தா³னமயம் புஞ்ஞகிரியவத்து²ம் அதிரேகம் கரித்வா, ஸீலமயம் புஞ்ஞகிரியவத்து²ம் அதிரேகம் கரித்வா, யாமே தே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா…பே… தி³ப்³பே³ஹி போ²ட்ட²ப்³பே³ஹி.

‘‘இத⁴ பன, பி⁴க்க²வே, ஏகச்சஸ்ஸ தா³னமயம் புஞ்ஞகிரியவத்து² அதி⁴மத்தம் கதம் ஹோதி, ஸீலமயம் புஞ்ஞகிரியவத்து² அதி⁴மத்தம் கதம் ஹோதி, பா⁴வனாமயம் புஞ்ஞகிரியவத்து²ம் நாபி⁴ஸம்போ⁴தி. ஸோ காயஸ்ஸ பே⁴தா³ பரம் மரணா துஸிதானம் தே³வானம் ஸஹப்³யதம் உபபஜ்ஜதி. தத்ர, பி⁴க்க²வே, ஸந்துஸிதோ தே³வபுத்தோ தா³னமயம் புஞ்ஞகிரியவத்து²ம் அதிரேகம் கரித்வா, ஸீலமயம் புஞ்ஞகிரியவத்து²ம் அதிரேகம் கரித்வா, துஸிதே தே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா…பே… தி³ப்³பே³ஹி போ²ட்ட²ப்³பே³ஹி.

‘‘இத⁴ பன, பி⁴க்க²வே, ஏகச்சஸ்ஸ தா³னமயம் புஞ்ஞகிரியவத்து² அதி⁴மத்தம் கதம் ஹோதி, ஸீலமயம் புஞ்ஞகிரியவத்து² அதி⁴மத்தம் கதம் ஹோதி, பா⁴வனாமயம் புஞ்ஞகிரியவத்து²ம் நாபி⁴ஸம்போ⁴தி. ஸோ காயஸ்ஸ பே⁴தா³ பரம் மரணா நிம்மானரதீனம் தே³வானம் ஸஹப்³யதம் உபபஜ்ஜதி. தத்ர, பி⁴க்க²வே, ஸுனிம்மிதோ தே³வபுத்தோ தா³னமயம் புஞ்ஞகிரியவத்து²ம் அதிரேகம் கரித்வா, ஸீலமயம் புஞ்ஞகிரியவத்து²ம் அதிரேகம் கரித்வா, நிம்மானரதீதே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா…பே… தி³ப்³பே³ஹி போ²ட்ட²ப்³பே³ஹி.

‘‘இத⁴ பன, பி⁴க்க²வே, ஏகச்சஸ்ஸ தா³னமயம் புஞ்ஞகிரியவத்து² அதி⁴மத்தம் கதம் ஹோதி, ஸீலமயம் புஞ்ஞகிரியவத்து² அதி⁴மத்தம் கதம் ஹோதி, பா⁴வனாமயம் புஞ்ஞகிரியவத்து²ம் நாபி⁴ஸம்போ⁴தி. ஸோ காயஸ்ஸ பே⁴தா³ பரம் மரணா பரனிம்மிதவஸவத்தீனம் தே³வானம் ஸஹப்³யதம் உபபஜ்ஜதி. தத்ர, பி⁴க்க²வே, வஸவத்தீ தே³வபுத்தோ தா³னமயம் புஞ்ஞகிரியவத்து²ம் அதிரேகம் கரித்வா, ஸீலமயம் புஞ்ஞகிரியவத்து²ம் அதிரேகம் கரித்வா, பரனிம்மிதவஸவத்தீதே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா, தி³ப்³பே³ன வண்ணேன, தி³ப்³பே³ன ஸுகே²ன, தி³ப்³பே³ன யஸேன, தி³ப்³பே³ன ஆதி⁴பதேய்யேன, தி³ப்³பே³ஹி ரூபேஹி, தி³ப்³பே³ஹி ஸத்³தே³ஹி, தி³ப்³பே³ஹி க³ந்தே⁴ஹி, தி³ப்³பே³ஹி ரஸேஹி, தி³ப்³பே³ஹி போ²ட்ட²ப்³பே³ஹி. இமானி கோ², பி⁴க்க²வே, தீணி புஞ்ஞகிரியவத்தூ²னீ’’தி. ச²ட்ட²ம்.