5. ததியஸத்தகஸுத்தம்

25. ‘‘ஸத்த வோ, பி⁴க்க²வே, அபரிஹானியே த⁴ம்மே தே³ஸேஸ்ஸாமி. தம் ஸுணாத², ஸாது⁴கம் மனஸி கரோத²…பே… கதமே ச, பி⁴க்க²வே, ஸத்த அபரிஹானியா த⁴ம்மா? யாவகீவஞ்ச, பி⁴க்க²வே, பி⁴க்கூ² ஸத்³தா⁴ ப⁴விஸ்ஸந்தி; வுத்³தி⁴யேவ, பி⁴க்க²வே, பி⁴க்கூ²னம் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² ஹிரிமந்தோ [ஹிரீமா (ஸீ.), ஹிரிமனா (தீ³. நி. 2.138)] ப⁴விஸ்ஸந்தி…பே… ஓத்தப்பினோ [ஓத்தாபீனோ (ஸீ.)] ப⁴விஸ்ஸந்தி… ப³ஹுஸ்ஸுதா ப⁴விஸ்ஸந்தி… ஆரத்³த⁴வீரியா ப⁴விஸ்ஸந்தி… ஸதிமந்தோ ப⁴விஸ்ஸந்தி… பஞ்ஞவந்தோ ப⁴விஸ்ஸந்தி; வுத்³தி⁴யேவ, பி⁴க்க²வே, பி⁴க்கூ²னம் பாடிகங்கா², நோ பரிஹானி. ‘‘யாவகீவஞ்ச, பி⁴க்க²வே, இமே ஸத்த அபரிஹானியா த⁴ம்மா பி⁴க்கூ²ஸு ட²ஸ்ஸந்தி, இமேஸு ச ஸத்தஸு அபரிஹானியேஸு த⁴ம்மேஸு பி⁴க்கூ² ஸந்தி³ஸ்ஸிஸ்ஸந்தி; வுத்³தி⁴யேவ, பி⁴க்க²வே, பி⁴க்கூ²னம் பாடிகங்கா², நோ பரிஹானீ’’தி. பஞ்சமம்.