7. ஸமாதி⁴ஸுத்தம்

27. ‘‘ஸமாதி⁴ம், பி⁴க்க²வே, பா⁴வேத² அப்பமாணம் நிபகா பதிஸ்ஸதா. ஸமாதி⁴ம், பி⁴க்க²வே, பா⁴வயதம் அப்பமாணம் நிபகானம் பதிஸ்ஸதானம் பஞ்ச ஞாணானி பச்சத்தஞ்ஞேவ உப்பஜ்ஜந்தி. கதமானி பஞ்ச? ‘அயம் ஸமாதி⁴ பச்சுப்பன்னஸுகோ² சேவ ஆயதிஞ்ச ஸுக²விபாகோ’தி பச்சத்தஞ்ஞேவ ஞாணம் உப்பஜ்ஜதி, ‘அயம் ஸமாதி⁴ அரியோ நிராமிஸோ’தி பச்சத்தஞ்ஞேவ ஞாணம் உப்பஜ்ஜதி, ‘அயம் ஸமாதி⁴ அகாபுரிஸஸேவிதோ’தி [மஹாபுரிஸஸேவிதோதி (க.)] பச்சத்தஞ்ஞேவ ஞாணம் உப்பஜ்ஜதி, ‘அயம் ஸமாதி⁴ ஸந்தோ பணீதோ படிப்பஸ்ஸத்³த⁴லத்³தோ⁴ ஏகோதி³பா⁴வாதி⁴க³தோ, ந ஸங்கா²ரனிக்³க³ய்ஹவாரிதக³தோ’தி [ந ச ஸஸங்கா²ரனிக்³க³ய்ஹவாரிதப்பதிதோதி (ஸீ.), ந ச ஸஸங்கா²ரனிக்³க³ய்ஹவாரிதபத்தோதி (ஸ்யா.), ந ச ஸஸங்கா²ரனிக்³க³ய்ஹவாரிவாவடோதி (க.), ந ஸஸங்கா²ரனிக்³க³ய்ஹவாரியாதி⁴க³தோதி (?) தீ³. நி. 3.355; அ. நி. 3.102; 9.27] பச்சத்தஞ்ஞேவ ஞாணம் உப்பஜ்ஜதி, ‘ஸதோ கோ² பனாஹம் இமம் ஸமாபஜ்ஜாமி ஸதோ வுட்ட²ஹாமீ’தி [ஸோ கோ² பனாஹம் இமம் ஸமாதி⁴ம் ஸதோவ ஸமாபஜ்ஜாமி, ஸதோ உட்ட²ஹாமீதி (ஸீ. ஸ்யா. கம்.)] பச்சத்தஞ்ஞேவ ஞாணம் உப்பஜ்ஜதி.

‘‘ஸமாதி⁴ம், பி⁴க்க²வே, பா⁴வேத² அப்பமாணம் நிபகா பதிஸ்ஸதா. ஸமாதி⁴ம், பி⁴க்க²வே, பா⁴வயதம் அப்பமாணம் நிபகானம் பதிஸ்ஸதானம் இமானி பஞ்ச ஞாணானி பச்சத்தஞ்ஞேவ உப்பஜ்ஜந்தீ’’தி. ஸத்தமம்.