2. து³தியஅகா³ரவஸுத்தம்

22. ‘‘ஸோ வத, பி⁴க்க²வே, பி⁴க்கு² அகா³ரவோ அப்பதிஸ்ஸோ அஸபா⁴க³வுத்திகோ ‘ஸப்³ரஹ்மசாரீஸு ஆபி⁴ஸமாசாரிகம் த⁴ம்மம் பரிபூரேஸ்ஸதீ’தி நேதம் டா²னம் விஜ்ஜதி. ‘ஆபி⁴ஸமாசாரிகம் த⁴ம்மம் அபரிபூரேத்வா ஸேக²ம் த⁴ம்மம் பரிபூரேஸ்ஸதீ’தி நேதம் டா²னம் விஜ்ஜதி. ‘ஸேக²ம் த⁴ம்மம் அபரிபூரேத்வா ஸீலக்க²ந்த⁴ம் பரிபூரேஸ்ஸதீ’தி நேதம் டா²னம் விஜ்ஜதி. ‘ஸீலக்க²ந்த⁴ம் அபரிபூரேத்வா ஸமாதி⁴க்க²ந்த⁴ம் பரிபூரேஸ்ஸதீ’தி நேதம் டா²னம் விஜ்ஜதி. ‘ஸமாதி⁴க்க²ந்த⁴ம் அபரிபூரேத்வா பஞ்ஞாக்க²ந்த⁴ம் பரிபூரேஸ்ஸதீ’தி நேதம் டா²னம் விஜ்ஜதி.

‘‘ஸோ வத, பி⁴க்க²வே, பி⁴க்கு² ஸகா³ரவோ ஸப்பதிஸ்ஸோ ஸபா⁴க³வுத்திகோ ‘ஸப்³ரஹ்மசாரீஸு ஆபி⁴ஸமாசாரிகம் த⁴ம்மம் பரிபூரேஸ்ஸதீ’தி டா²னமேதம் விஜ்ஜதி. ‘ஆபி⁴ஸமாசாரிகம் த⁴ம்மம் பரிபூரேத்வா ஸேக²ம் த⁴ம்மம் பரிபூரேஸ்ஸதீ’தி டா²னமேதம் விஜ்ஜதி. ஸேக²ம் த⁴ம்மம் பரிபூரேத்வா ஸீலக்க²ந்த⁴ம் பரிபூரேஸ்ஸதீ’தி டா²னமேதம் விஜ்ஜதி. ‘ஸீலக்க²ந்த⁴ம் பரிபூரேத்வா ஸமாதி⁴க்க²ந்த⁴ம் பரிபூரேஸ்ஸதீ’தி டா²னமேதம் விஜ்ஜதி. ‘ஸமாதி⁴க்க²ந்த⁴ம் பரிபூரேத்வா பஞ்ஞாக்க²ந்த⁴ம் பரிபூரேஸ்ஸதீ’தி டா²னமேதம் விஜ்ஜதீ’’தி. து³தியம்.