(17) 7. கம்மபத²பேய்யாலம்

164-183. ‘‘தீஹி, பி⁴க்க²வே, த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் நிரயே. கதமேஹி தீஹி? அத்தனா ச பாணாதிபாதீ ஹோதி, பரஞ்ச பாணாதிபாதே ஸமாத³பேதி, பாணாதிபாதே ச ஸமனுஞ்ஞோ ஹோதி. இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் நிரயே.

‘‘தீஹி, பி⁴க்க²வே, த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் ஸக்³கே³. கதமேஹி தீஹி? அத்தனா ச பாணாதிபாதா படிவிரதோ ஹோதி, பரஞ்ச பாணாதிபாதா வேரமணியா ஸமாத³பேதி, பாணாதிபாதா வேரமணியா ச ஸமனுஞ்ஞோ ஹோதி….

‘‘அத்தனா ச அதி³ன்னாதா³யீ ஹோதி, பரஞ்ச அதி³ன்னாதா³னே ஸமாத³பேதி, அதி³ன்னாதா³னே ச ஸமனுஞ்ஞோ ஹோதி….

‘‘அத்தனா ச அதி³ன்னாதா³னா படிவிரதோ ஹோதி, பரஞ்ச அதி³ன்னாதா³னா வேரமணியா ஸமாத³பேதி, அதி³ன்னாதா³னா வேரமணியா ச ஸமனுஞ்ஞோ ஹோதி….

‘‘அத்தனா ச காமேஸுமிச்சா²சாரீ ஹோதி, பரஞ்ச காமேஸுமிச்சா²சாரே ஸமாத³பேதி, காமேஸுமிச்சா²சாரே ச ஸமனுஞ்ஞோ ஹோதி….

‘‘அத்தனா ச காமேஸுமிச்சா²சாரா படிவிரதோ ஹோதி, பரஞ்ச காமேஸுமிச்சா²சாரா வேரமணியா ஸமாத³பேதி, காமேஸுமிச்சா²சாரா வேரமணியா ச ஸமனுஞ்ஞோ ஹோதி….

‘‘அத்தனா ச முஸாவாதீ³ ஹோதி, பரஞ்ச முஸாவாதே³ ஸமாத³பேதி, முஸாவாதே³ ச ஸமனுஞ்ஞோ ஹோதி….

‘‘அத்தனா ச முஸாவாதா³ படிவிரதோ ஹோதி, பரஞ்ச முஸாவாதா³ வேரமணியா ஸமாத³பேதி, முஸாவாதா³ வேரமணியா ச ஸமனுஞ்ஞோ ஹோதி….

‘‘அத்தனா ச பிஸுணவாசோ ஹோதி, பரஞ்ச பிஸுணாய வாசாய ஸமாத³பேதி, பிஸுணாய வாசாய ச ஸமனுஞ்ஞோ ஹோதி….

‘‘அத்தனா ச பிஸுணாய வாசாய படிவிரதோ ஹோதி, பரஞ்ச பிஸுணாய வாசாய வேரமணியா ஸமாத³பேதி, பிஸுணாய வாசாய வேரமணியா ச ஸமனுஞ்ஞோ ஹோதி….

‘‘அத்தனா ச ப²ருஸவாசோ ஹோதி, பரஞ்ச ப²ருஸாய வாசாய ஸமாத³பேதி, ப²ருஸாய வாசாய ச ஸமனுஞ்ஞோ ஹோதி….

‘‘அத்தனா ச ப²ருஸாய வாசாய படிவிரதோ ஹோதி, பரஞ்ச ப²ருஸாய வாசாய வேரமணியா ஸமாத³பேதி, ப²ருஸாய வாசாய வேரமணியா ச ஸமனுஞ்ஞோ ஹோதி….

‘‘அத்தனா ச ஸம்ப²ப்பலாபீ ஹோதி, பரஞ்ச ஸம்ப²ப்பலாபே ஸமாத³பேதி, ஸம்ப²ப்பலாபே ச ஸமனுஞ்ஞோ ஹோதி….

‘‘அத்தனா ச ஸம்ப²ப்பலாபா படிவிரதோ ஹோதி, பரஞ்ச ஸம்ப²ப்பலாபா வேரமணியா ஸமாத³பேதி, ஸம்ப²ப்பலாபா வேரமணியா ச ஸமனுஞ்ஞோ ஹோதி….

‘‘அத்தனா ச அபி⁴ஜ்ஜா²லு ஹோதி, பரஞ்ச அபி⁴ஜ்ஜா²ய ஸமாத³பேதி, அபி⁴ஜ்ஜா²ய ச ஸமனுஞ்ஞோ ஹோதி….

‘‘அத்தனா ச அனபி⁴ஜ்ஜா²லு ஹோதி, பரஞ்ச அனபி⁴ஜ்ஜா²ய ஸமாத³பேதி, அனபி⁴ஜ்ஜா²ய ச ஸமனுஞ்ஞோ ஹோதி….

‘‘அத்தனா ச ப்³யாபன்னசித்தோ ஹோதி, பரஞ்ச ப்³யாபாதே³ ஸமாத³பேதி, ப்³யாபாதே³ ச ஸமனுஞ்ஞோ ஹோதி….

‘‘அத்தனா ச அப்³யாபன்னசித்தோ ஹோதி, பரஞ்ச அப்³யாபாதே³ ஸமாத³பேதி, அப்³யாபாதே³ ச ஸமனுஞ்ஞோ ஹோதி….

‘‘அத்தனா ச மிச்சா²தி³ட்டி²கோ ஹோதி, பரஞ்ச மிச்சா²தி³ட்டி²யா ஸமாத³பேதி, மிச்சா²தி³ட்டி²யா ச ஸமனுஞ்ஞோ ஹோதி ….

‘‘அத்தனா ச ஸம்மாதி³ட்டி²கோ ஹோதி, பரஞ்ச ஸம்மாதி³ட்டி²யா ஸமாத³பேதி, ஸம்மாதி³ட்டி²யா ச ஸமனுஞ்ஞோ ஹோதி. இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் ஸக்³கே³’’தி.

கம்மபத²பேய்யாலம் நிட்டி²தம்.