2. அரியபச்சோரோஹணீஸுத்தம்

168. ‘‘அரியம் வோ, பி⁴க்க²வே, பச்சோரோஹணிம் தே³ஸேஸ்ஸாமி. தம் ஸுணாத², ஸாது⁴கம் மனஸி கரோத²; பா⁴ஸிஸ்ஸாமீ’’தி. ‘‘ஏவம், ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸும். ப⁴க³வா ஏதத³வோச –

‘‘கதமா ச, பி⁴க்க²வே, அரியா பச்சோரோஹணீ? இத⁴, பி⁴க்க²வே, அரியஸாவகோ இதி படிஸஞ்சிக்க²தி – ‘பாணாதிபாதஸ்ஸ கோ² பாபகோ விபாகோ – தி³ட்டே² சேவ த⁴ம்மே அபி⁴ஸம்பராயஞ்சா’தி. ஸோ இதி படிஸங்கா²ய பாணாதிபாதம் பஜஹதி; பாணாதிபாதா பச்சோரோஹதி.

… ‘அதி³ன்னாதா³னஸ்ஸ கோ² பாபகோ விபாகோ – தி³ட்டே² சேவ த⁴ம்மே அபி⁴ஸம்பராயஞ்சா’தி. ஸோ இதி படிஸங்கா²ய அதி³ன்னாதா³னம் பஜஹதி; அதி³ன்னாதா³னா பச்சோரோஹதி.

… ‘காமேஸுமிச்சா²சாரஸ்ஸ கோ² பாபகோ விபாகோ…பே… காமேஸுமிச்சா²சாரா பச்சோரோஹதி.

… ‘முஸாவாத³ஸ்ஸ கோ² பாபகோ விபாகோ…பே… முஸாவாதா³ பச்சோரோஹதி.

… ‘பிஸுணாய வாசாய கோ² பாபகோ விபாகோ…பே… பிஸுணாய வாசாய பச்சோரோஹதி.

… ‘ப²ருஸாய வாசாய கோ² பாபகோ விபாகோ…பே… ப²ருஸாய வாசாய பச்சோரோஹதி.

… ‘ஸம்ப²ப்பலாபஸ்ஸ கோ² பாபகோ விபாகோ…பே… ஸம்ப²ப்பலாபா பச்சோரோஹதி.

… ‘அபி⁴ஜ்ஜா²ய கோ² பாபகோ விபாகோ…பே… அபி⁴ஜ்ஜா²ய பச்சோரோஹதி.

… ‘ப்³யாபாத³ஸ்ஸ கோ² பாபகோ விபாகோ…பே… ப்³யாபாதா³ பச்சோரோஹதி.

‘‘கதமா ச, பி⁴க்க²வே, அரியா பச்சோரோஹணீ? இத⁴, பி⁴க்க²வே, அரியஸாவகோ இதி படிஸஞ்சிக்க²தி – ‘மிச்சா²தி³ட்டி²யா கோ² பாபகோ விபாகோ தி³ட்டே² சேவ த⁴ம்மே அபி⁴ஸம்பராயஞ்சா’தி. ஸோ இதி படிஸங்கா²ய மிச்சா²தி³ட்டி²ம் பஜஹதி; மிச்சா²தி³ட்டி²யா பச்சோரோஹதி. அயம் வுச்சதி, பி⁴க்க²வே, அரியா பச்சோரோஹணீ’’தி. து³தியம்.