4. அத³ந்தவக்³கோ³

31. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அத³ந்தம் மஹதோ அனத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, அத³ந்தம் மஹதோ அனத்தா²ய ஸம்வத்ததீ’’தி. பட²மம்.

32. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் த³ந்தம் மஹதோ அத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, த³ந்தம் மஹதோ அத்தா²ய ஸம்வத்ததீ’’தி. து³தியம்.

33. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அகு³த்தம் மஹதோ அனத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, அகு³த்தம் மஹதோ அனத்தா²ய ஸம்வத்ததீ’’தி. ததியம்.

34. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் கு³த்தம் மஹதோ அத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, கு³த்தம் மஹதோ அத்தா²ய ஸம்வத்ததீ’’தி. சதுத்த²ம்.

35. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அரக்கி²தம் மஹதோ அனத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, அரக்கி²தம் மஹதோ அனத்தா²ய ஸம்வத்ததீ’’தி. பஞ்சமம்.

36. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் ரக்கி²தம் மஹதோ அத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, ரக்கி²தம் மஹதோ அத்தா²ய ஸம்வத்ததீ’’தி. ச²ட்ட²ம்.

37. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அஸம்வுதம் மஹதோ அனத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, அஸம்வுதம் மஹதோ அனத்தா²ய ஸம்வத்ததீ’’தி. ஸத்தமம்.

38. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் ஸம்வுதம் மஹதோ அத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, ஸம்வுதம் மஹதோ அத்தா²ய ஸம்வத்ததீ’’தி. அட்ட²மம்.

39. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அத³ந்தம் அகு³த்தம் அரக்கி²தம் அஸம்வுதம் மஹதோ அனத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, அத³ந்தம் அகு³த்தம் அரக்கி²தம் அஸம்வுதம் மஹதோ அனத்தா²ய ஸம்வத்ததீ’’தி. நவமம்.

40. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் த³ந்தம் கு³த்தம் ரக்கி²தம் ஸம்வுதம் மஹதோ அத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, த³ந்தம் கு³த்தம் ரக்கி²தம் ஸம்வுதம் மஹதோ அத்தா²ய ஸம்வத்ததீ’’தி. த³ஸமம்.

அத³ந்தவக்³கோ³ சதுத்தோ².