3. அகம்மனியவக்³கோ³

21. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அபா⁴விதம் அகம்மனியம் ஹோதி யத²யித³ம், பி⁴க்க²வே, சித்தம் [யத²யித³ம் சித்தம் (ஸீ. பீ.) ஏவமுபரிபி]. சித்தம், பி⁴க்க²வே, அபா⁴விதம் அகம்மனியம் ஹோதீ’’தி. பட²மம்.

22. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் பா⁴விதம் கம்மனியம் ஹோதி யத²யித³ம், பி⁴க்க²வே, சித்தம். சித்தம், பி⁴க்க²வே, பா⁴விதம் கம்மனியம் ஹோதீ’’தி. து³தியம்.

23. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அபா⁴விதம் மஹதோ அனத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, அபா⁴விதம் மஹதோ அனத்தா²ய ஸம்வத்ததீ’’தி. ததியம்.

24. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் பா⁴விதம் மஹதோ அத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, பா⁴விதம் மஹதோ அத்தா²ய ஸம்வத்ததீ’’தி. சதுத்த²ம்.

25. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அபா⁴விதம் அபாதுபூ⁴தம் மஹதோ அனத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, அபா⁴விதம் அபாதுபூ⁴தம் மஹதோ அனத்தா²ய ஸம்வத்ததீ’’தி. பஞ்சமம்.

26. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் பா⁴விதம் பாதுபூ⁴தம் மஹதோ அத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, பா⁴விதம் பாதுபூ⁴தம் மஹதோ அத்தா²ய ஸம்வத்ததீ’’தி. ச²ட்ட²ம்.

27. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அபா⁴விதம் அப³ஹுலீகதம் மஹதோ அனத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, அபா⁴விதம் அப³ஹுலீகதம் மஹதோ அனத்தா²ய ஸம்வத்ததீ’’தி. ஸத்தமம்.

28. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் பா⁴விதம் ப³ஹுலீகதம் மஹதோ அத்தா²ய ஸம்வத்ததி யத²யித³ம், பி⁴க்க²வே, சித்தம். சித்தம், பி⁴க்க²வே, பா⁴விதம் ப³ஹுலீகதம் மஹதோ அத்தா²ய ஸம்வத்ததீ’’தி. அட்ட²மம்.

29. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் அபா⁴விதம் அப³ஹுலீகதம் து³க்கா²தி⁴வஹம் ஹோதி யத²யித³ம், பி⁴க்க²வே, சித்தம். சித்தம், பி⁴க்க²வே, அபா⁴விதம் அப³ஹுலீகதம் து³க்கா²தி⁴வஹம் ஹோதீ’’தி. நவமம்.

30. ‘‘நாஹம், பி⁴க்க²வே, அஞ்ஞம் ஏகத⁴ம்மம்பி ஸமனுபஸ்ஸாமி யம் ஏவம் பா⁴விதம் ப³ஹுலீகதம் ஸுகா²தி⁴வஹம் ஹோதி யத²யித³ம், பி⁴க்க²வே, சித்தம். சித்தம், பி⁴க்க²வே, பா⁴விதம் ப³ஹுலீகதம் ஸுகா²தி⁴வஹம் ஹோதீ’’தி. த³ஸமம்.

அகம்மனியவக்³கோ³ ததியோ.