6. එළකලොමසමුට්ඨානං
263. එළකලොමා ද්වෙ සෙය්‍යා, ආහච්ච පිණ්ඩභොජනං;
ගණවිකාලසන්නිධි, දන්තපොනෙන චෙලකා.
උය්‍යුත්තං සෙනං [උය්‍යුත්තං වසෙ (ස්‍යා.)] උය්‍යොධි, සුරා ඔරෙන න්හායනා;
දුබ්බණ්ණෙ ද්වෙ දෙසනිකා, ලසුණුපතිට්ඨෙ නච්චනා.
න්හානමත්ථරණං සෙය්‍යා, අන්තොරට්ඨෙ තථා බහි;
අන්තොවස්සං චිත්තාගාරං, ආසන්දි සුත්තකන්තනා.
වෙය්‍යාවච්චං සහත්ථා ච, අභික්ඛුකාවාසෙන ච;
ඡත්තං යානඤ්ච සඞ්ඝාණිං, අලඞ්කාරං ගන්ධවාසිතං.
භික්ඛුනී සික්ඛමානා ච, සාමණෙරී ගිහිනියා;
අසංකච්චිකා ආපත්ති, චත්තාරීසා චතුත්තරි.
කායෙන න වාචාචිත්තෙන, කායචිත්තෙන න වාචතො;
ද්විසමුට්ඨානිකා සබ්බෙ, සමා එළකලොමිකාති.
එළකලොමසමුට්ඨානං නිට්ඨිතං.