9. විකප්පනසික්ඛාපදවණ්ණනා

374. නවමෙ අපච්චුද්ධාරණන්ති ‘‘මය්හං සන්තකං පරිභුඤ්ජ වා විස්සජ්ජෙහි වා’’තිආදිනා අකතපච්චුද්ධාරං. යෙන විනයකම්මං කතන්ති යෙන සද්ධිං විනයකම්මං කතං. තිංසකවණ්ණනායන්ති නිස්සග්ගියවණ්ණනායං. පරිභොගෙන කායකම්මං, අපච්චුද්ධාරාපනෙන වචීකම්මං. සෙසමෙත්ථ උත්තානමෙව. සාමං විකප්පිතස්ස අපච්චුද්ධාරො, විකප්පනුපගචීවරතා, පරිභොගොති ඉමානි පනෙත්ථ තීණි අඞ්ගානි.

විකප්පනසික්ඛාපදවණ්ණනා නිට්ඨිතා.