1. අචෙලකසික්ඛාපදවණ්ණනා

273. අචෙලකවග්ගස්ස පඨමසික්ඛාපදෙ තෙසන්ති තිත්ථියානං. තත්ථාති භාජනෙ. ඉතොති පත්තතො. සචෙ තිත්ථියො වදතීති ‘‘පඨමමෙව මං සන්ධාය අභිහරිත්වා ඨපිතං මය්හං සන්තකං හොති, ඉමස්මිං භාජනෙ ආකිරථා’’ති වදති, වට්ටති. සෙසමෙත්ථ උත්තානමෙව. අඤ්ඤතිත්ථියතා, අජ්ඣොහරණීයතා, අජ්ඣොහරණත්ථාය සහත්ථා අනික්ඛිත්තභාජනෙ දානන්ති ඉමානි පනෙත්ථ තීණි අඞ්ගානි.

අචෙලකසික්ඛාපදවණ්ණනා නිට්ඨිතා.